Mebelium

2024-yilda O‘zbekistonda 926 422 nafar chaqaloq dunyoga keldi

O'g'il bolalar: 479 552 nafar
Qiz bolalar: 446 870 nafar

Mamlakatimiz demografik jihatdan o‘sib bormoqda. Farzandlarimizning sog‘lom va aqlli bo‘lib ulg‘ayishi uchun ularga mos mebel tanlash juda muhim.

Bolalar uchun to‘g‘ri mebel tanlashda quyidagi maslahatlarga amal qiling:

1️⃣ Materiallar xavfsiz bo‘lsin. Bolalar mebeli ekologik toza materiallardan (tabiiy yog'och, fanera va E0 sertifikatli MDF) yasalgan bo'lishi kerak. Formaldegid va boshqa zararli moddalar miqdorini tekshiring.

Lak va bo'yoqlar suv asosli bo'lishi talab qilinadi. Sababi ular bolalar tishlaganida ham zararsizdir.

2️⃣ Ergonomika — sog‘lom o‘sish garovi. Bolalar yoshiga mos stul va stol bo‘lishi kerak. Masalan, 6-8 yoshdagi bola uchun stul balandligi 30-35 sm bo‘lsa, yaxshi natija beradi. O'suvchi stullar (растущий стул) samarali hisoblanadi.

3️⃣ Burchaklar yumaloq bo‘lsin. Xavfsizlik nuqtai nazaridan burchaklari yumaloq, o'tkir qirralari yo'q bo'lgan mebellar bolalar uchun afzal. Bu jarohatlarning oldini oladi.

4️⃣ Oson tozalanadigan va chidamli bo‘lsin. Matolari chang tutmaydigan, tozalash oson bo‘lgan mebel uzoq vaqt xizmat qiladi va gigiyenik jihatdan qulay.

5️⃣ Ko‘p funksiyali mebel. Masalan, yotoq va kitob javoni birlashtirilgan mebel kichik xonalarda joyni tejaydi.

6️⃣ Mebel bolangizni uyg'otsin. Shunday mebellar borki u bolangizning ham aqliy, ham jismoniy jihatdan yaxshi rivojlanishiga sabab bo'ladi. Masalan, yog'ochli mozaikalar, o'zi yig'ib oladigan stol-stullar va hokazo.

7️⃣ Bolangiz bilan birga tanlang. Bu uning o‘ziga ishonchini oshiradi va o'z mebelidan sevib foydalanadi.

Farzandlarimiz salohiyatli bo'lib ulg'ayishi uchun ularning salomatligi haqida jiddiy o'ylashimiz zarur.

👉 @mebelium_uz

Toshkentdagi mashhur mebel furnitura do'konlari

• Mobaks – multibrend mebel furnitura mahsulotlari. Tallsen brendi rasmiy dileri

• Mebax – Turkiya, Xitoy va boshqa davlat furnituralari. Mebel uchun kerakli boshqa homashyolar. GTV bredni dileri.

• Clop Market – transformer mexanizmlar topish mumkin bo'lgan joy.

• Higold (Muller) – Premium sifatdagi Xitoy furnitura va mexanizmlari. Noyob mexanizmlarni topish mumkin bo'lgan do'kon.

• Infinity by Eman – Premium sifatdagi Yevropa mexanizm va furnituralari. Hettich, Salice va boshqa brendlar rasmiy dileri.

• KIS – Yevropa brendlari va Blum brendi dileri.

• TheMob – Grass brendi rasmiy dileri.

• Alkan Group – Mebel furnitura va mexanizmlar.

• MESAN – Turkiya furnitura, mexanizm va qotiruvchi (крепеж) mahsulotlari.

Boshqa o'zingiz bilgan va boshqa mebelchilarga foydali bo'ladigan brendlarni yozib qoldiring!

👉🏻 @mebelium_uz

2024-yili 689 mlrd do'llarlik mebel sotilgan

Mebelning dunyo bo'yicha yillik sotuvi 689 mlrd dollar bo'lgani xabarini o'qib qoldim.

Bozorning eng katta qismini Amerika tashkil qiladi.

Eng katta o'yinchilar, Ashley home, IKEA, Herman Muller, Steel Case...

Xitoy bu savdoning 35-40% ni tashkil qilayotgan ekan (norasmiy xabar, ammo haqiqatga yaqin).

Bu ma'lumotlarni bekorga keltirmayapman.

Shu Xitoy O'zbekistonda ham katta fabrikalar ochish taraddudida turibti.

Bizning tizimlashmagan, "soqqani bos" qoidasi bo'yicha ishlayotgan ishlab chiqarish fabrikalarimizni yanchib tashash ehtimoli juda katta.

Yoki ular uchun ishlaydigan, "tseh"chalarga aylanib qolishimiz mumkin.

Chunki ularning tizimi va katta puli bor (5 mln $ investitsiya qilamiz deb bir tanishim oldiga kelishibti)

Yechim nimada?

Ishlab chiqarish, sotuv va tizimlash bo'yicha ko'p ilmlar olish, ilmlarni bo'lishishimiz lozim.

Biznes bo'yicha maktab va universitetlar qurishimiz lozim.

Xullas ilmdan boshqa yechim ko'rmayapman, balki meni dunyoqarashim juda tordir.

©️ Abdulbosit Vohidov

👉🏻 @mebelium_uz

Chet eldagi ko‘rgazmalardan maksimal foyda olishingiz uchun tavsiyalar

1. Yurtdoshlar bilan yurtda gaplashaverasiz. Boshqa yurt fuqarolari bilan gaplashishga urining. Til bilmasangiz tarjimonlar bor (google, yandex, GPT). Bu fikrlashni o'stiradi.

2. Ko‘rgazmaga yaqin joydan mehmonxona oling. Vaqtingizni tejaydi.

3. O‘zingizga tushuntiring. Qiziqarli va foydali narsalarni ko'rsangiz o'zingizga video shaklda tushintiring. Shaxsiy blogingiz bo'lsa ulashib boring, bu yaxshiroq tushinishingizga yordam beradi.

4. Ko‘rgazma aylanishdan muhim. Agar shahar aylanmoqchi bo'lsangiz, ko'rgazmadan keyingi kunga rejalashtiring.

5. Pover bank esingizdan chiqmasin.

6. Guruh bo'lib yurish, vaqtni yoqotish. Bir-biringizni kutib qolasiz, ko'p joyni aylana olmaysiz.

7. Savollar bering. Savollar yangiliklarni o'rganishni osonlashtiradi. To'g'ri savollar berish 10x osonlashtiradi. To'g'ri savollar berishni Parallel muhitdan o'rganishingiz mumkin.

👉🏻 @abdulbasitvakhidov

Turkiyaning Istanbul shahrida 21-25 yanvar kunlari «IIFF – Istanbul International Furniture Fair» xalqaro mebel ko‘rgazmasi bo'lib o‘tadi.

Biz ham nasib bo‘lsa borayapmiz.

Siz ham imkon topib boring albatta. Foydali bo‘ladi👍🏻

👉🏻 @mebelium_uz

Statistika nima deydi?📊

Mebel sohasiga aloqador rasmiy statistikalarni ko'rib chiqamiz:

- Bugungi kunda 6,300 ga yaqin ro'yhatdan o'tgan korxonalar faoliyat yuritmoqda (ro'yhatdan o'tmay ishlaydiganlar 20,000 ga yaqin🫢)

- 2024-yilda 5 trillion so'mga yaqin mebel mahsulotlari ishlab chiqarilgani aytilmoqda.

- O'tgan yilda eng ko'p mebel ishlab chiqargan viloyat Namangan bo'lib qolmoqda. U 398,5 mlrd so'mlik mebellar ishlab chiqargan.

- Eng kami Qoraqalpog'iston bo'lib u 62,4 mlrd so'mni tashkil qiladi

- Export hajmi tahminan 13 million dollardan oshgan.

P.s: Ma'lumotlar asosan stat.uz sayti va ChatGPTdan olindi. Ularni keltirishda xatolarga yo'l qo'ygan bo'lishim mumkin!
Aniq ma'lumotingiz bo'lsa izohda yozib to'g'irlang!

©️ Abdulbosit Vohidov

👉🏻 @mebelium_uz

Mebelni arzonlashtirishga qadam – Mudo

Mudo — yoqotishlar, chiqindilar, resusrslarni sarflovchi lekin qiymat hosil qilmaydigan narsalardir.

Bu to’g’irlash shart bo’lgan xatolar. Bu hech kimga kerak emas mahsulotlar ishlab chiqarishdir (omborda chang bosib yotadigan tayyor mahsulotlar). Bu shunday harakatlar-ki, ulardan voz kechsa hech narsa o’zgarmaydi. Bu insonlarning va yuklarning bir joydan ikkinchi joyga maqsadsiz harakatlanishidir. Bu muhim jarayonlarning ulardan oldingi bosqichlar bajarilmagani uchun kech qolishidir.

Oxir oqibat, iste’molchining hech qanday talabini qondirmaydigan mahsulot yoki xizmat deganidir.

👉🏻 @mebelium_uz