Agarda siz kuchli dunyoqarashga yoki psixologik jarayonlarni anglashga qodir bo'lmasangiz, yuristing yolg'on to'la gaplariga aldanaverasiz. Bu sohada non topish oson emas, oson bo'ldimi demak siz to'g'ri yo'lda emassiz. Agarda yuristlar xalq bo'lganida ishonchim komilki o'zini yuristman degan har bir inson biz eng yolg'onchi (yolg'onni ko'p ishlatuvchi) xalqmiz degan bo'lar edi. Sababi esa yuristlikda faqatgina nazariya emas, balki so'zga ustalik, so'z o'yinida yengilmaslik o'rgatiladi.

Yuristlik shunday kasb, advokatni yaxshi ko'rasiz, chunki u sizni yoki boshqalarni himoya qiladi. Ammo u bu ishini yuqori mahorat bilan amalga oshirishi uchun hayotingizda bo'lmagan yolg'onlarni ishlatib sizni sud qarori, hukmi (jazosi)dan qutqarib qolishga urinadi.

Prokurorlik martabasi ulug' kasb, ammo mehnati, kunlik ish soatlari, yuklamalari bilan siz bu kasbni mardikorlikdan ham qiyinligiga amin bo'lasiz. Dunyoda turli insonlar bo'lgani kabi prokurorlarning ham orasida yolg'on ishlatuvchilar bo'ladi va albatta ular kimlarnidir o'z yolg'onlari bilan qiyinchilik girdobiga tashlaydi.

Sud yagona odil sudlov makoni bo'lishi mumkin, ammo sudya odil sudlov personaji sifatida gavdalanavermaydi. Qaysi sudya adolat bilan ish ko'rsa, qaysidir sudya albatta qonun bilan ish ko'radi.