Kopirayter bitiklari

@matn_ustasi

Channel's geo and language: Uzbekistan, Russian

Category: Marketing, PR, advertising

✍️Professional kopirayter bo'lish haqida blog
Muallif: 605 Kopirayteri — Sherzod Temirov [MBA]
Aloqa: @sher_temirov

Related channels | Similar channels

Channel's geo and language

Uzbekistan, Russian

Kopirayter bitiklari

25 Nov, 17:00

Sahna ortida nima gap?👀

Odatda biror agentlik ishi "tandirdan uzilganda" tayyor ishni ko'rasiz-da: "Zo'r chiqibdi!", yoki "Yemapti!", deb qo'yasiz. Lekin uning ortida turgan katta mehnatni bilmaysiz.

Xuddi shunday "Onasini emsin!" LED ekranlarda to'satdan paydo bo'lib qolganini, duv-duv gap bo'lib ketib, internetni portlatganini ko'rdingiz-u, lekin uning ortidagi mehnat, dovyuraklik va stressdan xabaringiz yo'q.

Cubic podcast'ning navbatdagi sonida rahbarimiz, kreativ direktorimiz Otabek aka va strategimiz Sevara opa aynan ana shu sahna ortidagi jonkuyarliklar haqida gapirib berishibdi.

Bundan tashqari o'zbekcha kreativ haqida ham qiziq va foydali gurung bo'pti.

O'zim ichkarida bo'lsam ham podkastni to'liq ko'rdim* (ishdan haydalishdan yoki oyligim tushmay qolishidan qo'rqib emas, rostdan qiziq suhbat bo'lgani uchun))) va ko'p insaytlar oldim.

Kechqurun YouTube’da nima ko‘rsam ekan deb turgan bo‘lsangiz, shu podkastni tavsiya qilaman.

"Qanday qilib yaxshi o'zbekcha kreativlar qilsa bo'ladi?" — degan savol sizni qiynab yurgan bo'lsa, shu yerda javob topasiz in shaa Alloh.

Sizga yoqimli tomosha!

*faqat 2x tezlikda ko'rdim — oyligimni pasaytirishmasa bo'ldi🤫

@matn_ustasi

Onasini Emsin Reklamasi Internetni Portlatdi! | Cubic Podcast 4-mavsum 3-son

Cubic podkast 4-mavsumning 3-son mehmoni 605 Marketing Agentligi strategiya bo'yicha direktori Sevara Asomova bo'ldilar. Podkast davomida: milliy marketing, kreativ reklamalar, va xalqaro kompaniyadagi real marketing keyslari haqida suhbat qildik. Suhbat sizga manzur kelgan boʻlsa, doʻstlaringiz...

104 0 0 4

Kopirayter bitiklari

25 Nov, 14:40

Insonning hayoti ikkiga bo'linadi — yozib boshlashidan oldingi va keyingi.

Hayotingizda katta o'zgarishga sabab bo'ladigan ko'nikmalardan biri — bu yozish.

Bu xuddi vaqtingizni kuymaydigan biznesga investitsiya kiritishga o'xshaydi.

Yozing. Ko'p yozing. Natijasi bo'ladi in shaa Alloh — slowly but surely!

137 0 1

Kopirayter bitiklari

25 Nov, 14:21

Forward from: Aziz Rahimov

Yozishga undov

-Meni ishga olmaysizmi?
-Nima yutug’ingiz bor?
-IELTS writingdan 8.0 olganman.
-Ertadan ishga chiqavering.

Bir yil avvalgi suhbat.

Serial ko’rib, podkast eshitib listeningdan baland olish mumkindir.

So’z yodlab, maqola o’qib, readingdan baland olish mumkindir.

Yozmadan baland olish uchun esa jurnalist darajasida yoza olish kerak.

Writingdan 8.0 olish qiyinligini his qilmoqchi bo’lsangiz, o’zbek tilida insho yozishga harakat qilib ko’ring. 40 daqiqa vaqtingiz bor.

Yozma nuqtning zo’rligi faqat yozma nutq zo’rligini ko’rsatmaydi. Yozuvchida fikrlash, sabr, eruditsiya borligini ko’rsatadi.

Yozma ishlarini sun’iy intellektga to’liq yozdirayotganlar zalga chiqib, yukini damkratga ko’tartirayotganlarga o’xshaydi.

Shaxmatda yutish uchun o’z o’rniga kompyuterini o’ynatayotganlarga o’xshaydi.

Yozishdan maqsad matn emas. Ijodiy o’sish. Fikrlarni tartiblash. Ishontirishni o’rganish.

Bular bor bo’lsa, matn o’zi chiqaveradi.

102 0 1

Kopirayter bitiklari

25 Nov, 07:12

Kecha master-klassda qaysi kitobni o'qiylik deb so'ramabsizlar. Meni ham kitob tavsiya qilish yodimdan ko'tarilibdi.

Erkin Vohidovning "So'z latofati" kitobini o'qishni tavsiya qilaman. Aslida bu kitobni nafaqat har bir jurnalist yoki kopirayter, balki har bir o'zbekzabon o'qishi kerak deb hisoblayman.

Erkin Vohidovning o'z so'zlari bilan aytganda:

O'z ona tilini sevmagan, til zamirida yotgan tarixni bilmagan, qiziqmagan odam barkamol sanalmas. U kim, qaysi yurt va qaysi millatga mansub ekanidan, o'z ona tilining boyu kambag'alligi, mayin yo dag'alligidan qat'i nazar. O'z tiling o'z vataningdek aziz, o'z onangdek tabarruk.

"So'z latofati" — jonli til bilan jonli suhbat.

O'qing. O'zbek tilining latofatidan bahramand bo'ling.

P.S. Ushbu kitobni tavsiya qilishgani uchun Saidaziz A'zamov va Mardon Mo'minjon akalarga rahmat! O'qib mazza qilyapman.

@matn_ustasi.

151 0 2

Kopirayter bitiklari

22 Nov, 17:10

Ertaga master-klassga kelyapsizmi?

Shu paytgacha soha bo'yicha o'rgangan bilim va tajribalarimning qaymog'i bilan bo'lishaman — keling, qiziqarli va manfaatli bo'ladi in shaa Alloh

Mening ma'ruza mavzuim — "O'zbekcha kreativ va samarali marketing kommunikatsiyalarining asosi".

Hamkasblarim ham juda qiziqarli va foydali ma’ruzalar bilan chiqishadi.

Keling, kopiraytinglashamiz)

Ro‘yxatdan o‘tib qo'yish esdan chiqmasin

@matn_ustasi

216 0 0 7

Kopirayter bitiklari

22 Nov, 14:38

Qovun tushirish uchun bitta so'zni noo'rin qo'llashning o'zi yetadi.

Kopirayter yoki tarjimon qadriyatlarni bilmagan bo'lishi — bu yaxshi gumonim.

Yomoni — o'sha so'z ataylab qoldirilgan bo'lishi mumkinligi.

Aytayotgani bilan qilayotgani bir-biriga to'g'ri kelmayotgan brend uchun — ikkinchi gumon haqiqatga yaqinroq.

Yanayam bilmadim.

Lekin bir narsa aniq, Jaydari Kopirayter aytganidek,

Bu olam to‘g‘ri kreativ qiladigan, xalqning qadriyatlarini tushunadigan kopirayterlarga muhtoj.

@matn_ustasi

219 0 1 6

Kopirayter bitiklari

21 Nov, 15:52

Marketingdagi va brend qurishdagi xatolar va ularning davosi haqida bir qiziq maqola yo'limdan chiqib qoldi.

Har yili 30 mingdan ortiq yangi iste’mol mahsulotlari ishlab chiqariladi. Ammo ularning 90%idan ko‘prog‘i muvaffaqiyatsizlikka uchraydi va eng qizig'i bu marketing mutaxassislari mijozlarni tushunishga harakat qilib, otni kallasiday pulni sarflashganidan keyin bo‘ladi. Nega?

Bu o'sha maqolaning kirish qismi. Maqolani o'z davrining eng kuchli biznes konsultanti va marketologi Klayton Kristenson yozgan.

Inglizchani tushunsangiz o'qib chiqishni maslahat beraman. Vaqtingiz bo'lsa o'zbekchaga tarjima qilib yuborsangiz ham bo'ladi. Ko'pchilikka manfaatli bo'lardi.

Xullas, old but gold deydiku.

@matn_ustasi

Marketing Malpractice: The Cause and the Cure

Marketing executives focus too much on ever-narrower demographic segments and ever-more-trivial product extensions. They should find out, instead, what jobs consumers need to get done. Those jobs will point the way to purposeful products—and genuine innovation.

238 0 1 2

Kopirayter bitiklari

21 Nov, 09:15

Zo'r vizual. Zo'r matn.

Rafael Nadalni nafaqaga kuzatib qo'yish uchun qilingan ish.

Kopirayter zo'r so'z o'yini qilibdi.

Buyuklik. U bor yo'g'i hamma narsangni talab qiladi.

Rostdan. Biror sohada buyuklikka erishish ko'p qurbonliklar talab qiladi.

@matn_ustasi

239 0 0

Kopirayter bitiklari

20 Nov, 16:31

250 0 2

Kopirayter bitiklari

20 Nov, 16:31

Yaxshi reklama — bu san'at.

Ishonmasangiz mana bu xatni o'qib ko'ring.

Reklamada "kreativ revolyutsiya"ni boshlab bergan Bill Bernbax*ning kreativlik o'lishidan qo'rqib, xodimlariga yozgan xati.

Xat ingliz va rus tillarida.

*1950-yillarda Amerikada qilingan o'sha mashhur Volkswagen reklamalari shu insonning ishi

@matn_ustasi

269 0 4 8

Kopirayter bitiklari

18 Nov, 18:13

Forward from: Najot Ta'lim

O'zbekcha kreativ haqida gaplashaylik)

🎯 Marketing olamida mijozlarni jalb qilish, ularda qiziqish uyg'otish va brendga ishonchini oshirishda kopirayting muhim ahamiyatga ega. Qanday qilb, kreativ mantlar yozish orqali yuqoridagi kabi natijalarga erishish mumkin?

Ushbu savolga bu hafta bo'ladigan master-klassda javob yozishingiz mumkin.

Spikerlar:

Said Nazrullayev — Lokals CA senior kopirayteri
Nurbek Yuldoshev — "Payme" kopirayteri
Sherzod Temirov — 605 agency kopirayteri

🗓 23-noyabr, shanba, 14:30
🙋‍♂️ Barcha uchun ochiq
📍 «Najot Ta'lim», Chilonzor filiali
💎 Ishtirok uchun: 4 XP

👉 Master-klassda qatnashish

🔗 «Najot Ta'lim» ilovasi orqali ro'yxatdan o'tish

najottalim.uz | 78-888-9-888

131 0 5

Kopirayter bitiklari

17 Nov, 10:45

Va nihoyat, Hofmann'dan yomon emas banner

Ha, dizaynni ustida ishlash kerak.

Lekin matn yomon emas.

Nega?

1. Qisqa va oddiy.

2. To'g'ridan to'g'ri mahsulotni sotishga urinish emas, odamlarga aslida nima kerakligini tushunish bor.

Odamlarga gaz plitasi yoki mikroto'lqinli pech emas, restorandagiday shirin ovqat kerak.

Levit aytganidek:

Odamlarga chorak inchli drel emas, chorak inchli teshik kerak.

Innan keyinchi?

Umuman olganda, odamlarga teshik emas, biror san'at asarini devorga ilishi kerak.

Innan keyinchi?

Odamlarga devordagi rasm ham emas, uyga kelgan mehmon devordagi rasmni ko'rib lol qolishi kerak.

Rahmatli Xojiboy aka aytganlaridek:

Chuqurroq kavlash kerak!

@matn_ustasi

359 0 1 2

Kopirayter bitiklari

15 Nov, 13:49

— Eng yaxshi mijoz kim?

Eng yaxshi mijoz — mijoz emas, hamkor bo'ladi. Yaxshi mijozning eng asosiy sifati — bu ishonch. U sizga ishonch bildirishi kerak.

— Buyuk agentliklar bormi?

Buyuk agentlik yo’q, buyuk insonlar bor va ular bir joyga to’planib qolishadi. Buyuk agentlik — bu bitta ishni qilishga to’plangan buyuk insonlar kombinatsiyasi. Hamma bitta to’lqinda, qanday ishlash kerakligini biladigan va eng muhimi qanday ishlamaslik kerakligini biladigan insonlar.

— Reklama dunyoni o'zgartirishi mumkinmi?

Balki... millimetrga o’zgartirish mumkindir, bilmadim… Reklama bilan dunyoni o’zgartirish? — Bilmadim… Ishonchim komil emas. Men ishlayotganimda dunyo (dunyoni o’zgartirish) haqida emas, odamlar haqida o’ylayman.

Qolgan fikrlar qiziq bo'lsa podkastni ko'ring. Kreativ, reklama va kopirayting haqidagi eng qiziq va foydali podkastlardan biri bo'pti.

Женя Примаченко. W+K Amsterdam. О Любви к себе, ошибках и безумии, которое приводит к великим идеям

У меня в гостях Женя Примаченко — обладатель 20+ каннских львов, автор международных кампаний для Nike, Heineken, Hennessy. Сегодня Женя — креативный директор, в агентстве Weiden+Kennedy Amsterdam. Как выбирать идеи и нанимать талантливых креативщиков? Как вкладывать «себя» в проекты? Каково это – р...

369 0 1 2

Kopirayter bitiklari

1 Nov, 12:46

Har oy turli challenge'lar qilib turishni yaxshi ko'raman. Bu yomon odatlardan qutulishning va yaxshi odatlarni shakllantirishning sinalgan eng samarali usullaridan biri.

Bu oygi challenge'lardan biri — bu "Kunlik yozma tahlil" #challenge'i. Yozish bilan bog'liq bo'lgani uchun bu kanalda ham bo'lishyapman.

Har kuni yozishni odat qilmoqchi bo'lganlar va ongli yashashni xohlaydiganlar uchun yaxshi imkoniyat.

Qo'shiling. Ko'pchilik bilan qiziqroq)

538 0 1 10

Kopirayter bitiklari

1 Nov, 12:46

Forward from: Qaytish

G'arb falsafasining asoschilaridan biri bo'lgan yunon faylasyfi Suqrotning ajoyib bir iqtibosi bor:

"Tahlil qilinmagan hayot yashashga arzimaydi."

Xullas, gapni cho'zib o'tirmayman — "Kunlik yozma tahlil", bu noyabr oyi uchun #challenge

Qoida oddiy: har kuni o'tgan kunni yozma tahlil qilmasdan turib uyquga yotish yo'q.

Savollar:

— Kunim qanday o'tdi?
— Nimalar qildim? To'g'ri qildimmi?
— Nima xato qildim? Xulosa?

Shu.

Jumangiz xayrli o'tsin!

451 0 5

Kopirayter bitiklari

1 Nov, 07:15

Forward from: Kopirayting

Tez kunda…

366 0 1 5

Kopirayter bitiklari

30 Oct, 16:08

Siz kimningdir qahramoniga aylanishingiz mumkin!

Oddiy. E'tiborni tortadigan. Bittada tushunarli. Ta'sirli.

Bu men yaqin orada ko'rgan eng kuchli kreativ bo'lsa kerak. Qoyil!

@matn_ustasi

426 0 1 3

Kopirayter bitiklari

30 Oct, 07:15

Moziyga qaytib ish ko'rish xayrlik, deydilar. Shunga ko'ra mavzuni moziydan, yaqin o'tkan kunlardan, tariximizning eng kir, qora kunlari bo'lgan keyingi "xon zamonlari"dan belgiladim.

— Abdulla Qodiriy (Julqunboy). 1926.

"O'tkan kunlar"ni boshlayapman. Bu ikkinchi bor o'qishim bo'ladi.

Qodiriyning o‘zi ham ta’kidlab o‘tganidek, “Bu romanni bir marta emas, besh marta o‘qish kerak. Shunda siz turmushni, tarixni, siyosatni, odobni va tilni o‘rganasiz”.

341 0 1 18

Kopirayter bitiklari

29 Oct, 09:13

SI(sun'iy intellekt) rivojlanyapti. Robotlar takomillashyapti. Jarayon borgan sari tezlashmoqda.

SI nonimizni yarimta qilishi mumkinmi? — degan savolga javobim oldin keskin "Yo'q!" edi. Fikrim o'zgardi.

Ha, mumkin. Agar biz SI'ni instrument sifatida ishlatishni o'rganmas ekanmiz, u bilan bir xil tempda rivojlanmas ekanmiz, undan ustun tomonlarimizni rivojlantirmas ekanmiz, katta ehtimol bilan unga o'rnimizni bo'shatib beramiz.

Aksincha, SI'ning jilovini olsak, tez moslashsak, kuchli tomonlarimizni yanada kuchaytirsak — bitta nonimiz ikkita boʻlishi ham mumkin.

Sun'iy intellekt yoki SIZ uchun ishlaydi, yoki sizga QARSHI.

Siz hal qilasiz.

@matn_ustasi

380 0 1