MATBUOT XIZMATI

E'LON

Hurmatli talabalar-yoshlar diqqatiga!!!

Samarqand viloyati hokimligining 2025-yil 18-fevraldagi 1010/01-25-sonli xatiga muvofiq, sport tadbirlarini ommalashtirish va yoshlarning sog‘lom turmush tarzini qo‘llab-quvvatlash, shuningdek, talaba-yoshlarni bo’sht vaqtini mazmunli o’tkazish maqsadida Samarqand davlat chet tillar instituti akademik litseyida ‘’Direktor kubogi’’ quyidagi sport turlari bo’yicha bo’lib o’tadi:

24-mart kuni — Voleybol musobaqasi qizlar o’rtasida.

25-26-mart kunlari — Futbol musobaqasi o’g’il bolarlar o’rtasida.


Mazkur tadbirlarda barcha talaba-yoshlarni faol ishtirok etishini so‘raymiz! Bu imkoniyat sport bilan shug‘ullanish, jamoaviy ruhni oshirish va sportdagi mahoratingizni namoyish etish uchun ajoyib fursatdir.

Tadbir joyi: Samarqand davlat chet tillari instituti akademik litseyi sport maydoni.

SamDChTI akademik litseyi axborot xizmati:
@matbuot_info ✅
SamDChTI AL yoshlari telegram kanali:
@alyoshlar ✅

Kelmoqda Navroʻz

Dillarni burkatib nafis bir tuygʻu,
Insonlar koʻngliga berib bir urgʻu,
Eritar qalbdagi qalin muzlarni,
Miltillab quyoshdan kelganda yogʻdu.

Daraxtlar uygʻonib kurtak ochganda,
Doshqozonda berilib qaynar sumalak.
Yayraydi bolalar navroʻz kelganda,
Varraklar uchganda porlar kamalak.

Bahor gullaridek yashnab yuraklar,
Navroʻzda ulashing ezgu tilaklar.
Zamonning koʻzidan qochadi uyqu,
Milliylikni asragan anʼanamiz-u.

Koʻngillardan yana ketadi gʻubor.
Goʻzallikdan yana qamashadi koʻz,
Yana yasharamiz, koʻrganda takror,
Oʻsha onlar keladi, kelmoqda Navroʻz.

Samarqand davlat chet tillari instituti akademik litseyi 101-guruh oʻquvchisi Xudoyqulova Madina.

#Direktor_tabrigi
#Bayram_muborak
Aziz yurtdoshlar!
Ona diyorimizga, barchamiz orziqib kutgan, go‘zal va dilbar fasl – Navro‘zi olam kirib kelmoqda.
Ana shu ulug‘ ayyom – sharqona yangi yil bilan, kattayu kichik barcha yurtdoshlarimizni, chin qalbimdan samimiy muborakbod etaman.
Mana shu qutlug‘ kunda siz azizlarga, sihat-salomatlik, baxt va omad, oilalaringizga tinchlik-xotirjamlik, fayzu baraka tilayman.
Muhtaram do‘stlar!
Bu yilgi Navro‘z bayrami, barcha shahar va qishloqlarimizda, umumxalq sayillari tarzida o‘tayotgani, unga o‘zgacha fayz va shukuh bag‘ishlamoqda.
Navro‘zi olam yurtimizga tinchlik-omonlik, baxtu saodat, qut-baraka olib kelsin!
Har bir oila, har bir xonadonda yaxshi kunlar, to‘y-tomoshalar ko‘p bo‘lsin!
Barchamizning ezgu orzu-niyatlarimiz ushalsin!
Osmonimiz musaffo, yurtimiz tinch, xalqimiz omon bo‘lsin!
Navro‘z bayrami, barchamizga muborak bo‘lsin!

Dilshodxon Islomov
SamDCHTI akademik litseyi ijrochi direktori.

"Samarqand davlat chet tillar instituti akademik litseyida 1-kurs qizlari oʻrtasida oʻtkazilgan ‘’Balli qizlar’’ koʻrik-tanlovi nafaqat mahorat, balki goʻzallik, nozik did va epchillikning ham yorqin namunasiga aylandi.

Ushbu tanlovda ishtirokchilar oʻzlarini tanishtirish, bo’yinboq bogʻlash, gul yasash, soch oʻrish va erkin mavzu shartlari boʻyicha bellashib, har bir bosqichda oʻz qobiliyatlarini namoyon etishdi. Hakamlar hayati har bir ishtirokchini diqqat bilan kuzatib, ularning ijodkorligi, chiroyli taqdimoti va mahoratini inobatga olgan holda baholashdi.

Tadbir yakunida faol va iqtidorli qizlar turli nominatsiyalar boʻyicha faxriy yorliqlar bilan taqdirlandi. Ushbu tanlov qizlarning istedodini yuzaga chiqarish, ularni yanada ilhomlantirish va milliy an’analarimizni asrab-avaylash yoʻlida muhim ahamiyat kasb etdi.

SamDChTI akademik litseyi axborot xizmati:
@matbuot_info ✅
SamDChTI AL yoshlari telegram kanali:
@alyoshlar ✅

Oʻzbekiston Respublikasi Mudofaa vazirligining 2023-yil 24-fevraldagi 169-son buyrugʻi bilan 9-may – Xotira va qadrlash kuni arafasida “Ikkinchi jahon urushi xotiralarda” ijodiy ishlar koʻrik-tanlovini tashkil etilmoqda.
Mazkur koʻrik-tanlovda rang tasvir, grafika, haykaltaroshlikka qiziquvchi va iqtidorli talabalarning ishtirok etishi va 2025-yilning 10-aprel sanasiga qadar oʻz ijod namunalarini tashkiliy qoʻmitaga topshirishlari so'raladi.

SamDChTI akademik litseyi axborot xizmati:
@matbuot_info ✅
SamDChTI AL yoshlari telegram kanali:
@alyoshlar ✅