“Ma'rifat” gazetasi | Rasmiy kanal

Bu yil nominatsiyalar bo‘yicha 1500 dan ortiq tadqiqotchi-olimlar, 200 dan ziyod tashkilotlardan arizalar kelib tushgan. San’at saroyida tashkil etilgan bayram ko‘rgazmalari stolidan innovatsion ishlanmalar, xususan, robot, qo‘l mehnati mahsulotlari, diplom, statuyetkalar, brend mahsulotlar, tarqatma materiallar o‘rin oldi.

“Yilning eng yaxshi nodavlat oliy ta’lim muassasasi” “EMU UNIVERSITETI”, “Yilning eng yaxshi ilmiy-tadqiqot instituti” O‘zbekiston Fanlar akademiyasi huzuridagi V. I. Romanovskiy nomidagi Matematika instituti, “Toshkent irrigatsiya va qishloq xo‘jaligini mexanizatsiyalash muhandislari instituti”, Milliy tadqiqot universiteti “Yilning eng yaxshi oliy ta’lim muassasasi” nominatsiyasi g‘olibi deb topildi. Gʻoliblarga statuyetka, diplom va pul mukofotlari topshirildi.

— Men bugungi bayram arafasida taqdirlanganimdan, “Xalq ta’limi a’lochisi” koʻkrak nishonini shaxsan vazirimiz Hilola Umarova qoʻlidan olganimdan juda xursand boʻldim, — deydi Shayxontohur tumanidagi 20-maktab direktori Shahnoza Qosimova. — Soʻnggi yillarda ta’limda olib borilayotgan islohotlarga hissa qoʻshib kepayotganimdan mamnunman. Bu yoʻlda hali yana koʻp rejalarni muvaffaqiyatli amalga oshirishda maktabimiz jamoasi bilan kamarbastamiz.