Ma'rifat manzili

​​ҚУРЪОН ЎҚИШДА АЪУЗУ ВА БАСМАЛАНИ АЙТИШ
#Қуръон

❓1525-CАВОЛ: Қуръон ўқиётганда фарзандлар шовқин қилиб қолса, уларга жим бўлинглар дейилади-да, кейин яна Қуръон тиловатида давом этиб кетилади. Шунда қайта аъузу ёки бисмиллаҳ айтиладими?

💬 ЖАВОБ: Бисмиллаҳир Роҳманир Роҳим. Бу ҳолатда "Аъузу биллаҳи минаш-шайтонир-рожим"ни айтиб тиловатни давом эттириш мустаҳабдир. Чунки Қуръон тиловати асносида қироатга алоқаси бўлмаган гапларни гапирса, қироатни аъузуни айтиб давом эттиради. Агар Қуръон қироатига алоқадор гапларни гапиргандан кейин қироатни давом эттирса, аъузуни айтмасдан давом этаверади. Бу икки ҳолатда ҳам "бисмиллаҳ" айтилмайди. (“Ан-нашр фил қироатил ашр” китоби). Валлоҳу аълам.

Ўзбекистон мусулмонлари идораси
Фатво маркази.

http://t.me/marifat_manzili

#Саҳобалар

Бирор тошнинг тагини кўтарсам, албатта, ё олтин, ё кумуш топардим...

Пайғамбар алайҳиссалом ва асҳобларига Мадинага кўчишга изн берилганида уларнинг энг аввалги сафида Абдураҳмон ибн Авф ҳам бор эди. Мадинага келиб жойлашишганидан сўнг Сарвари олам маккаликлар билан мадиналикларни ака-ука тутинтириб қўйдилар. Абдураҳмон билан Саъд ибн Робиъ ал-Ансорийни тутинган ака-ука, деб эълон қилдилар.
Шунда Саъд янги укасига бундай деди: – Эй ука, мен Мадинадаги энг бой одамман, иккита боғим бор. Бундан ташқари, хотиним ҳам иккита. Боғларимдан хоҳлаганингни танла, қайси бири ёқса сенга берай… Хоҳласанг, хотинларимдан сенга ёққанини талоқ қилай, унга уйлан.
Абдураҳмон унга миннатдорчилик билдириб, «Аллоҳ молинг ва бола-чақангга барака берсин, сен яхшиси менга бозорнинг қаердалигини кўрсатиб қўй», деди. Саъд Абдураҳмонга бозорни кўрсатиб қўйди. Абдураҳмон тижоратини бошлаб юборди. У ҳалол савдо қилар, тушган фойдадан уйланиш учун маҳрга пул ажратар эди. Кўп ўтмай у уйланди ва ҳамма ёққа хушбўй атир ҳидини таратиб, Пайғамбар алайҳиссалом олдиларига келди.
— Нима бўлди, эй Абдураҳмон? – Расули акрам таажжубланиб сўрадилар.
— Уйландим…– деди у ийманибгина.
— Хотинингнинг маҳрига нима бердинг? – сўрадилар Фахри коинот.
— Данакча келадиган олтин.
— У ҳолда бир қўй сўйиб тўй қил, – дедилар у Зот ва ортидан «Аллоҳ молингни баракали этсин», деб дуо қилдилар. Абдураҳмон шундай хотирлайди: «Шу дуодан сўнг мол-дунё ортимдан эргашиб юрадиган бўлди. Ҳатто бирор тошнинг тагини кўтарсам, албатта, ё олтин, ё кумуш топардим».

http://t.me/marifat_manzili

#Ҳадисни қалбга муҳрла!

Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Эр ўз аёлини тўшагига чақирганда у келмаса ва аёл (эри) ундан ғазабланган ҳолда тунаса, фаришталар уни тонг отгунча лаънатлайдилар».
Муттафақун алайҳ.

Икковларидан қилинган бошқа бир ривоятда:
«Агар хотин кечаси эрининг тўшагидан узоқлашиб ётса, фаришталар уни тонг отгунча лаънатлаб чиқишади», дейилган.

http://t.me/marifat_manzili

САФАР ҚИЛИШНИНГ ФОЙДАЛАРИ

Сафарнинг фойдаси кўп. Ҳусайн Воиз Кошифий булардан ўн биттасини келтиради:
✅ Биринчидан, таннинг сиҳатига фойдали, чунки сафарда ҳаво алмашади ва аъзолар чиниқади, зеро, ҳаракат бадан рутубатини кетказади, қон айланишини яхшилайди;

✅ Иккинчидан, улуғ инсонлар, атоқли олимлар, азиз-авлиёларнинг қабрларини зиёрат қилишнинг савоби бор;

✅ Учинчидан, сафар танбаллик, дангасаликни бартараф этади, чунки бир одам бир мақомда истиқомат қилса, сустлик ва касаллик кучаяди, баданнинг озуқалари (модда алмашинуви) ва суви юришмай қолади;

✅ Тўртинчидан, ғам ва маҳзунликни (хафаликни) кетказади, негаки киши қанчалик ғамга ботмасин, сафарга чиқса, кўнгил чигили ёзилади, ташвишларини унутади;

✅ Бешинчидан, сафарда нафс тарбияланади, қийинчилик ва машаққатлар одамни сабрли, чидамли, кенгфеъл бўлишга ўргатади;

✅ Олтинчидан, сафарда умр осойишта ўтади, ҳаёт ва ўлим ҳақидаги фикрлар тиниқлашади;

✅ Еттинчидан, сафарда илм ўрганиш имкониятлари кенгаяди, ўзга юртдаги устозлардан кўп нарса ўрганиш мумкин;

✅ Саккизинчидан, турли тоифа одамлардан турли касб-ҳунарлар ва одоб-ахлоқ ўрганиш йўллари очилади;

✅ Тўққизинчидан, улуғларнинг, аҳли донишнинг суҳбатига эришилади;

✅ Ўнинчидан, ота-она, яқинлар ва дўстлардан ажралиб, улар соғинилади, одамлар қадри, ватан қадри ортади;

✅ Ўн биринчидан, ғариб-мусофирлар қадрига етилади, кўнгилда раҳм-шафқат ортади.

"Сиз қандай яшамоқчисиз?" китобидан.

http://t.me/marifat_manzili

​​ЁШЛИКДА ЕТКАЗИЛГАН ЗАРАРНИ ТЎЛАШ
#ҳалол_ҳаром

❓1522-CАВОЛ: Мен ёшлигимда қўшнимизга катта молиявий зарар етказганман. Шуни тўлаб беришим керакми? Орадан 40 йилдан ортиқ вақт ўтган.

💬 ЖАВОБ: Бисмиллаҳир Роҳманир Роҳим. Бу ҳолатда зиён кўрган киши билан гаплашиб, зарарни қандай қоплашни келишиб олинади.
Шаръий қоидаларга кўра ўзгаларга қасддан етказилган зарарларни қоплаб бериш лозим бўлади. Бола балоғатга етмаган вақтда зарар етказган бўлсада, уни тўлаб бериш шарт бўлади. Ёшлик чоғида тўлашга имкони бўлмаса, имкон бўладиган вақтгача кутиб турилади, лекин унинг ота-онасидан ундирилмайди.
Маълум бир маҳсулотга зарар етказилган бўлса, тўлаш пайтида шу маҳсулотни бериш ёки унинг ўрнига бошқа бирор буюм беришни ўзаро келишиб олиш ҳам мумкин. Агар зарар кўрган киши ҳеч қандай тўловларсиз рози бўлса, бу унинг ихтиёридаги ишдир. Бу билан зарар етказган киши қарздан қутилади. Аммо зарар кўрган кишини зарардан кечишга мажбур қилинмайди (“Раддул муҳтор”, “Мажаллатул аҳкамил адлийя” китоблари). Валлоҳу аълам.

Ўзбекистон мусулмонлари идораси
Фатво маркази.

http://t.me/marifat_manzili

ҚУНУТНИ ЎҚИМАЙ РУКУГА КЕТСА
#намоз

❓1521-CАВОЛ: Витр намозида қунут дуосини ўқимай руку қилса, кейин рукудан қайтиб қунутни ўқиса, рукуни қайта қиладими?

💬 ЖАВОБ: Бисмиллаҳир Роҳманир Роҳим. Фиқҳий қоидаларга кўра намозхон қунут дуосини ўқимасдан рукуга кетса, қайтиб қунут ўқимайди, балки намозини давом эттиради. Намоз охирида саждаи саҳв қилади.
Агар рукудан қайтиб, қунутни ўқиб қўйган бўлса, қайта руку қилмайди, балки тўғри саждага боради. Бу билан намоз бузилмайди. Аввал руку қилгани сабабли уни яна қайта қилмайди. Бу ҳолда ҳам намоз охирида саждаи саҳв қилади (“Ҳошиятут Таҳтовий”, “Раддул муҳтор” китоблари). Валлоҳу аълам.

Ўзбекистон мусулмонлари идораси
Фатво маркази.

http://t.me/marifat_manzili

Оқшомгача яшашимни билмагандим...

Макка кўчаларидаги супалардан бирида ёш йигит билан кекса киши суҳбатлашиб ўтиришибди. Шу пайт ёнларига бир одам келди ва йигитнинг олдига олтин тўла халтача қўйди.
— Биродар, менга пул керак эмас, – деди йигит
— Олавер, хоҳласанг, ўзинг ишлат, хоҳласанг, бирор фақирга бериб юбор.
Йигит ҳақиқатан ҳам эҳтиёжи йўқлигини айтиб, пулларни эгасига қайтарди.
Ўша куни оқшомда йигитга пул беришни истаган киши унинг бошқа бировдан ёрдам сўраётганини кўрди. Ҳайрон бўлиб сўради:
— Тонгда сенга пул беришни истаганимда, керак эмас деб қайтаргандинг. Нега?
— Чунки оқшомгача яшашимни билмаган эдим.

http://t.me/marifat_manzili

ВИТР НАМОЗИДА ҚУНУТ ТАКБИРИНИ ТАРК ҚИЛИШ
#намоз

❓1517-CАВОЛ: Витр намозида 3-ракатда қунутга такбир айтиш ёдимдан кўтарилиб, қунут дуосини ўқиб, шу билан намозни тугаллабман. Шундай ҳолатда намозим тўғри бўлганми?

💬 ЖАВОБ: Бисмиллаҳир Роҳманир Роҳим. Витр намозида қунут дуосини ўқиш намознинг вожиб амалларидан саналади. Дуодан олдинги такбир борасида эса, фиқҳий манбаларимизда турлича маълумотлар келтирилади. Хусусан, “Дуррул мухтор”, “Табйинул ҳақоиқ”, “Жавҳаратун наййира”, “Лубоб”, “Фатовои Оламгирийя” каби китобларда бу такбирнинг вожиб эканлиги келтирилган бўлса, “Ҳошиятут Таҳтовий”, “Раддул муҳтор”, “Фатҳи боби иноя”, “Умдатур риоя” китобларида қунут дуоисидан олдинги такбирнинг вожиб эмаслиги айтилган. Ушбу масалани батафсил ўрганиб чиққан уламолар бу такбир намоздаги бошқа такбирлар сингари суннат эканини айтганлар. Валлоҳу аълам.

Ўзбекистон мусулмонлари идораси
Фатво маркази.

http://t.me/marifat_manzili