MANIFEST

Пўлат Бобожонов Ўзбекистон Республикаси президентининг кадрлар сиёсати масалалари бўйича маслаҳатчиси ўринбосари лавозимига тайинланди.

@manifestcanal

Вазирлар Маҳкамасининг қарори (130-сон, 28.02.2025 й.) билан Ҳукуматининг айрим қарорларига ўзгартириш ва қўшимчалар киритилди.

⚡️Қарорга кўра, 2025 йил 1 сентябргача:

1️⃣ Навбатдаги мажбурий аттестацияга жалб этилмаган, шунингдек, аттестациядан ўтганлик муддати тугаган ва амалдаги малака тоифаси сақланиб қолган қуйидаги педагоглар мажбурий аттестацияга жалб этилмайди ҳамда уларга амалдаги малака тоифаси (лавозими) бўйича ҳақ тўланади:

▪️олий малака тоифасига (бош ўқитувчи лавозимига) эга бўлганидан сўнг ушбу тоифани (лавозимни) 15 йил давомида сақлаб келган ва узлуксиз иш стажига эга бўлган;
▪️педагогик фаолият бўйича 25 йил ва ундан кўп иш стажига эга бўлган;
▪️ёшга доир пенсияга чиқиши учун 5 йилдан кўп бўлмаган вақт қолган;
▪️педагогик фаолият билан шуғулланаётган пенсия ёшига тўлган педагоглар;

2️⃣ Қуйидаги талаблардан бирига жавоб берадиган педагогларга тўғридан-тўғри малака тоифаси (лавозими) берилади:

▪️педагогик фаолият бўйича 25 йил ва ундан кўп иш стажига эга бўлган педагогларга – уларнинг амалдаги малака тоифаси (лавозими);
▪️ёшга доир пенсияга чиқиши учун 5 йилдан кўп бўлмаган вақт қолган педагогларга – уларнинг амалдаги малака тоифаси (лавозими);
▪️олий малака тоифасига (бош ўқитувчи лавозимига) эга бўлганидан сўнг ушбу тоифани (лавозимни) 15 йил давомида сақлаб келган ва узлуксиз иш стажига эга бўлган педагогларга – олий малака тоифаси (бош ўқитувчи лавозими).

✅ Шунингдек, қуйидагилар назарда тутилмоқда:

таълим ташкилотларида фаолият юритаётган мусиқа маданияти ва жисмоний тарбия фани педагоглари, пенсия ёшидаги педагоглар ҳамда олий маълумотга эга бўлмаган педагогларни аттестациядан ўтказиш;
Мактабгача ва мактаб таълими вазирлиги тизимида фаолият юритаётган малакали педагог кадрлар ва илғор ходимларни рағбатлантириш;
Мактабгача ва мактаб таълими вазири жамғармаси фаолиятини такомиллаштириш.

@manifestcanal

⚡️ СУБСИДИЯГА АРИЗА БЕРИШ БОШЛАНДИ!

Бугун, 3 мартдан бошлаб Ўзбекистонда ипотека кредитлари бўйича субсидиялар учун ариза қабул қилиш бошланди.

🕒 Аризаларни соат 9:00 дан бошлаб юбориш мумкин.

📝 Ариза топшириш учун:
- Давлат хизматлари марказларига бевосита бориш ёки
- "my.gov.uz" орқали мустақил равишда ариза топшириш.

Субсидия ажратишда ижтимоий мезонлар:
- Қорақалпоғистон ва вилоятларда: Ойлик маош 3 118 500 сўмдан 8 085 000 сўмгача — 10 балл;
- Тошкент шаҳрида: Ойлик маош 3 118 500 сўмдан 9 240 000 сўмгача — 10 балл.

Ижтимоий мезонлар:
- 30 ёшгача бўлган ёшлар — 5 балл;
- Оғир ижтимоий аҳволга тушиб қолган аёллар — 5 балл;
- Меҳнат мигрантлари — 10 балл.

Субсидия миқдори:
- Янги уйлар учун ипотека кредитига субсидия 30 млн сўмгача.
- Қорақалпоғистон ва вилоятларда 330 млн сўм, Тошкент шаҳрида 420 млн сўмгача.

💡 Субсидия бериш рад этилиши мумкин бўлган ҳолатлар:
- Маълумотлар ижтимоий мезонларга мос келмаса;
- Маълумотлар нотўғри ёки сохта бўлса;
- Аввал имтиёзли ипотека кредитларидан фойдаланганлар.

Ариза бериш учун my.gov.uz порталига киринг ва “Ипотека кредитига Давлат субсидиясини олишга ариза бериш” хизмати орқали дарҳол ариза топширинг!

@manifestcanal

Жамики сир-асрор айнан шу ҳозирги кунда жам бўлган. Айни дамдаги аҳволингни яхшиладингми, демак, эртангни ҳам ўнглай оласан.

©️Пауло Коэлонинг “Алкимёгар” романидан.

@manifestcanal

Шошилинч хабар: Сенатор Адам Шифф Дональд Трампнинг Украина президенти Владимир Зеленский билан Овал офисида бўлиб ўтган "шармандали" учрашуви юзасидан қаттиқ муносабат билдирди ва бу ҳолатни "юракни эзувчи" деб атади. У Конгресс бу ҳолатга чора кўриши кераклигини таъкидлади.

“Мен ҳозиргина самолётдан тушдим ва, албатта, Овал офисида бўлиб ўтган воқеалар ҳақидаги барча хабарларни ўқидим,” – деди Шифф. “Мен умримда бундан ортиқ шармандали манзарани тасаввур қила олмайман.”

“Мен буюк авлоднинг қилган ишларини, улар курашган қадриятларни, мамлакатимиз нима учун турганини, демократик қадриятларни ҳимоя қилиш учун қилган саъй-ҳаракатларимизни ўйлаб, бугунги ҳолат шундай пасткашлик билан изза қилиниши юрагимни оғритади,” – деб давом этди у.

“Бу мамлакат вужудининг уйғониши учун яна нима керак? Америка энди шу даражага тушиб қолдими?” – деб сўради Шифф.

“Биз энди баъзи раҳбарларни рекетга тортиш билан шуғулланадиган давлатга айландикми? Кремль диктаторига қарши жасорат билан курашган одамлар ҳимояга муҳтож бўлган бир пайтда, биз фақат ўз қудратимизни заифларга таҳдид қилиш учун ишлатамизми?” – деди у.

“Ҳозир биз ҳақиқатан шу ҳолатдамизми? Чунки бугун Овал офисида бўлиб ўтган воқеа айнан шуни кўрсатди,” – деди Шифф. “Боболаримиз ва ота-онамиз қилган машаққатли меҳнат ва қурбонликлар шундай арзимас ва шармандали усулда сотилиши мумкинми?”

“Агар АҚШ президенти ўз иттифоқчилари ва миллий манфаатларини ҳимоя қилмаса, унда Конгресс ўз ишини бажариши шарт,” – деб сўзини якунлади у.

Сенаторнинг бу сўзлари жуда тўғри. Трампнинг бугунги шармандали чиқиши нафақат Америка манфаатлари ва қадриятларига зид бўлди, балки бизнинг буюк тарихий авлодларимизга нисбатан улкан беҳурматлик ҳамдир.

Агар америкаликлар бу ҳайратга солувчи хиёнатга қарши биргаликда овоз кўтармасалар, бу шармандалик доғи ювилмасдан қолади.

Тарих кузатиб турибди ва тарих қаттиқ ҳукм чиқаради.

@manifestcanal

Иш мақсадга тўла эришилгандагина битган ҳисобланади.

©️Пауло Коэлонинг “Алкимёгар” романидан.

@manifestcanal

Ҳурматли дўстлар!
Бугундан ушбу канални тарк этиб, асосий ишимга кўпроқ вақт ажратишга қарор қилдим.
Канални бошқа дўстларимиз юритади. Уларнинг келгусидаги фаолиятида зафарлар тилайман.

Сиз билган Руслан бобо

📢 САЛЛА ДЕСА – КАЛЛАНИ! 📢

❌ Яшнобод ҳокимлиги яна бир фуқаронинг қонуний уйини бузиб ташлади!

🏠 Муаммо нима?
Бир йил олдин ҳокимлик қурилиш бўлими ходимлари бир фуқаронинг уйини “адашиб” бузиб ташлашган. Бош мутахассис хатосини тан олган ва зарар маҳаллий бюджетдан қопланишини айтган.

💰 Аммо 1 йил ўтди – ҳалигача 1 тийин ҳам тўлангани йўқ!

⚖️ Жиноят иши қаерда?
✅ 6 ой олдин бу ҳолат юзасидан жиноят иши қўзғатилган,
✅ Аммо иш ҳаракатсиз ҳолда қолган,
✅ Ҳеч ким жавобгарликка тортилгани йўқ!

🔴 АДОЛАТ ҚАЧОН ҚАРОР ТОПАДИ?!
Фуқароларнинг ҳақ-ҳуқуқи кимни ҳимоясида? Ҳокимликка жазо борми?

@manifestcanal

Кимки ўз йўлидан бораётган экан, у ҳамма нарсани билади ва уддалай олади. Фақат бир нарса орзунинг рўёбга чиқишига монеълик қилади — бу омадсизликдан чўчиш.

©️Пауло Коэлонинг “Алкимёгар” романидан.

@manifestcanal

Алишер Рўзиохуновни хотирларкан, кўпчилик унинг охирги вақтларда журналистикада кўринмай қолгани ҳақида ёзмоқда.

Алишернинг соҳадан кетиши ва яна журналистикага қайтиши кераклиги ҳақида унинг ўзи билан кўп гаплашганмиз. Бу ҳақдаги баҳсларимиз баъзида соатлаб давом этган.

Очиғини айтаман, Алишер соҳадан совуган эди. Аниқроғи, Ўзбекистонда журналистика тушиб қолган вазият унинг ҳафсаласини пир қилиб бўлганди.

“Ошна, бўлди, умид қилманг, етиб келдик. Буёғига фойдаси йўқ. Буёғи танқид қилдингизми, гапингиз тепага ёқмадими, чопилаверасиз. Яна қанча вақт керак шуларни тушунишингизга? Мен, масалан, энди журналистикага қайтмайман. Яхшиси, таълимга ўтаман. 50 та болани ўқитиб, ўқишга киргазсам, шу фойда”, дерди у.

Ҳа, Алишернинг бу фикрларига тескари мен ҳам кўп гап айтганман. Унинг жиғига тегиш учун қўрқоқликда айблаган пайтларим ҳам кўп бўлди. Аммо, ич-ичимдан билардимки, Алишер ҳақ эди. Ҳақлиги-ки, бугун чиндан, қўлимиздан ҳеч иш келмай қолди. Бошқаларни қўя туринг, ҳатто журналист бўлиб, ўзимизни ҳимоя қилолмай қолдик-ку.

Алишер Рўзиохунов қўрқоқ эмасди. У доим жамият, одамлар учун куюниб яшади. Ва шу куюнчаклиги сабаб ҳам журналистика эмас, таълимни танлаган эди.

©️Ilyos Safarov

@manifestcanal