My library 📚

Ilm sof, birovga g'ashlik tuymagan qalbga yuqadi. Har kimki ilmda oldinlab ketganlarni ko'rsangiz, qanchalar tavozeli, qanchalar sof, qalbi qanchalar yumshoqligini ko'rasiz.

Ilm olishda qiynalyapsizmi? - O'zingizni odamlardan behojat qiling, birov haqida yomon gumon qilmang, muvaffaqiyati sizni tashvishga solmasin, o'zingiz bilan mashg'ul bo'ling.

#kitobdan

O‘n besh yildan beri ta’lim sohasida yurib, shu xulosaga keldimki, aksar bilimgohlar ilm tolibi yoki olimlar emas, diplomlar yetishtirib chiqarar ekan.

Anas Solih

#tarjima

Ovozingizni hirillashi,
Nafasingiz yetmay qolishi,
Tilovatdagi xatolaringiz,
Sekin yodlashingiz,
Oyatlarni ma'nosini sekin anglashingiz,
Bir biriga o'xshash oyatlarni ba'zan farqlolmay qolishingizga qaramay Alloh sizga Qur'on o'qishni nasib qilgani, sizni eshitishini sababini bilasizmi?

Farishtalar ovozingizni eslab qolishlari,
Minglarcha tilovatlar ichidan sizni tilovatingizni farqlab olishlari,
Qiroatingizdagi qalqala, taxfimlarni yaxshi ko'rishlarini sababini bilasizmi?

Oyatlar orasida to'xtab qolishingiz, oyatni bir nafasda o'qish uchun chuqur nafas olishingizni ham mukofotlashini sababini bilasizmi?

Alloh o'zi yoqtirgan amalni sizga ham suyukli qilib qo'yganini sababini bilasizmi?!

Chunki U sizni yaxshi ko'radi! Aynan sizni sizdan kalomini eshitish uchun tanlab oldi!

Do'stim! Bu Qur'on bilan bo'lgan safaringiz nihoyasida Alloh tomonidan sizga toj kiydiriladi! Taslim bo'lmang, bu yo'lni tashlab qo'ymang!

Bilingki, Qur'on bilan davomiylikni mevasi ulug'dir! Uni mahkam tuting! Chunki sizda omon qolish uchun undan boshqasi yo'qdir!

@maktabaat

Kanaldagi iqtibos keltiriladigan va keltirishi rejalashtirilgan kitoblar, jumladan bu kitobni ham bu yerdan topishingiz mumkin)

#tarjima

Bir finjon qahva!

Do'stim keksa bir qarindoshi haqida hikoya qilib aytadi:

U bilan birga uzoq yillar birgalikda yashagan, farzandlar ko'rgan ayoli vafot etibdi. Ayoli vafotidan keyin katta o'g'lining uyida yashabdi. O'g'li va kelini unga yaxshi munosabatda bo'lishar edi.

Kunlarning birida o'g'li ishga otlanib ko'chaga chiqqanda uyd bir narsasini unutgani yodiga tushdi va tezda uyga qaytdi. Zinadan chiqakan, kutilmaganda otasi zinada yig'lab o'tirganini ko'rdi.

Yoshi keksa bir kishini ko'zidan yosh oqishi juda ta'sirli edi! Bolaning qalbi otasiga yumshab ketdi va uni bag'riga bosdi. Joyidan turgazdi, uyga olib kirdi. Oldiga o'tirgach yig'lagani sababini so'radi.

Ota yoshlarini arta turib shunday dedi:
- Onangizni sog'indim..! Bu vaqtda menga qahva tayyorlar edi, men bilan gaplashib o'tirar edi. Endi esa sizlar ishlaringizga etasiz, men uyda yolg'iz qolaman...


Bir finjongina qahva va suhbatni eslab yig'ladi... Endi qanchalab kulgular, baxtiyor kunlar, ularning taftini eslasa qanday holga tusharkin?

Ota-onang, akalaring, ayoling, farzandlaring, atrofingdagi bu odamlar hayotingni "bo'yoqlari"dir!
Tonglaringga nafas, gullaringga ifor qo'shuvchi ularni tabassumlari, baxtiyorliklaridir! Hayoting ular bilan jannat kabidir.
Birlaridan ajrasang o'sha sho'rlik zinaga yig'lagancha soatlab o'tirib qolasan!

@maktabaat

Hozirga qadar ustozlarni kuzatib, gap so'zlari, o'zlarini tutishlari asnosida va o'z sohalaridagi saviyalarini eng quyilaridan eng yuqorilariga qadar kuzatib shaxsiyati yetuk ustozni men ojiz bandaga ko'ringan hislatlari, boshqa ustozlardan farqlari haqida yozmoqchiman.

Avvali hofizi Qur'on bo'ladi, keyin esa:

1. Bir gap aytsa, qisqa va balog'at bilan gapiradi.
2. Eng zo'r talaba bo'lsangiz ham sizni o'ziga "mulk" qilib olmaydi, ya'ni juda yaqin tutib yubormaydi.
3. Har ishida Allohdan qo'rqish va darslarida barokat ko'rasiz.
4. Xato qilsa, o'zi tuzata oladi. Botilni haqligiga fatvo bermaydi.
5. Talaba unga qanchalik suyukli bo'lsa ham, jazo ko'riladigan paytda holis bo'ladi.
6. Vaqtga e'tiborli bo'ladi.
7. Shuhrat, boylik, iltifotlar unga qiziq emas.
8. Ustozdan oldin talabalariga qaraganingizda ilmga himmatingiz oshadigan muhitni hosil qiladi.
9. Qalbi juda yumshoq, ammo juda oqil va uzoqni ko'ra oladi. Qalbining yumshoqligi aqldan ustun kelmaydi.
10. Ma'naviyati yetuk bo'ladi. U bilan o'tgan har bir darsdan ma'naviy foyda ham ololasiz.
11. Talabalarni o'z farzandidek ko'radi, to'g'ri tushunib yo'naltiroladi. Talabadan ayb o'tmasa unga hech qachon bosim qilmaydi.

@maktabaat