Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

𝐌𝐀𝐇𝐀𝐋𝐋𝐀

@mahalla_raislari
Channel's geo and language: Uzbekistan, Uzbek

📝“Маҳалла” газетасининг расмий канали
📌Маҳалла тизимига оид энг сўнгги янгиликлар бизда!
✅ Турли танловларда иштирок этинг ва совринни қўлга киритинг.
Савол ва мурожаатлар учун: https://t.me/uzmahallabot

Related channels  |  Similar channels
Channel's geo and language
Uzbekistan, Uzbek
Category
News and media
Statistics
Is this your channel? Confirm Канал в реестре блогеров РКН? Confirm Channel history
Posts filter

𝐌𝐀𝐇𝐀𝐋𝐋𝐀

22 Mar, 18:33

Open in Telegram Share Report
Ўшанда ҳали бола эдим.

Онам ишдан ҳориб қайтса-да, ҳар кеч биз учун нон пиширарди. Бир куни вақт алламаҳал бўлган, онаизорим шоша-пиша биз учун кечки овқат тайёрларди.

Бир оздан кейин у отамнинг олдига овқат ва нон қўйди. Менинг икки кўзим нонда эди. Кимдир ноннинг куйганига эътибор берармикан деб кутиб турдим.

Лекин отам нонни индамасдан чайнади ва мендан мактабдаги куним қандай ўтганини сўради. Ўша кун унга қайтарган жавобимни эслай олмасам ҳам, овқатдан кейин волидамнинг отамга нон бир оз ўтиб кетганини минг хижолат билан айтгани кечагидек қулоғим остида.

Отам ўша куни жилмайиб туриб, онамга: “Азизам, куйган нон менга ёқади-ку”, деди. Ухлашдан олдин отамга хайрли тун тилаш учун унинг олдига кирдим ва ундан куйган нонни ростдан ҳам яхши кўриш-кўрмаслигини сўрадим. Отам мени бағрига босиб, қаттиқ қучоқлади.
— Ўғлим, онанг кун бўйи ишлаб, жуда чарчаган. Бир марта куйган нон есам, менга ҳеч нарса бўлмайди. Лекин ёмон сўз онангни ранжитган бўлар эди, — деди.

Биз барчамиз хом сут эмган бандалармиз. Кези келганда муҳим саналарни, зарур нарсаларни, бурчларимизни эсдан чиқариб қўямиз. Шунча йиллар мобайнида ўрганган нарсам шуки, бир-биримизнинг камчиликларимиз билан қабул қилишимиз керак. Чунки ҳаёт афсуслар билан уйғониш учун жуда ҳам қисқалик қилади.

Доктор Абдул Қалам
11.3k 0 115 29
𝐌𝐀𝐇𝐀𝐋𝐋𝐀

22 Mar, 14:26

Open in Telegram Share Report
Forward from: Қаҳрамон Қуронбоев - Kahramon Kuranbaev
BAYRAMINGIZ MUBORAK, AZIZ HAMKASBLAR!

Assalomu alaykum, hurmatli mahalla tizimi xodimlari va faollari! Qadrli yurtdoshlar! Siz hamkasblarimni Mahalla tizimi xodimlari kuni bilan chin qalbimdan tabriklab, barchangizga yuksak hurmatim va samimiy tilaklarimni bildiraman. Azaliy an’analar va zamonaviy qadriyatlarni o‘zida mujassam etgan mahalla tizimining hayotimizdagi o‘rni va ta’siri tobora ortib bormoqda. Ayniqsa, Hurmatli Prezidentimiz ta’kidlaganlaridek, yoshlar tarbiyasi, osoyishtalikni ta’minlash, kambag‘allikni qisqartirish, aholini tadbirkorlikka jalb etish, ijtimoiy himoya va xotin-qizlar faolligini kuchaytirish, ekologiya va obodlik kabi biri-biridan muhim vazifalar “mahalla yettiligi” tizimi orqali samarali yechim topayotgani g‘oyatda quvonarli.

Bunday yuksak natija va e’tirofga sazovor bo‘lishda Siz — “mahalla yettiligi” a’zolari — mahalla raisi, hokim yordamchisi, xotin-qizlar faoli, yoshlar yetakchisi, ijtimoiy xodim, soliq hamda profilaktika inspektorlaridan iborat ta’sirchan tuzilmaning alohida hissasi borligini bilamiz va qadrlaymiz.

Qolaversa, muhtaram otaxon va onaxonlarimiz, faol ko‘cha va uy boshliqlari, imom-xatib va otinoyilar, ziyolilar katta fidoyilik bilan mahallalarda axloqiy-tarbiyaviy muhit barqarorligini ta’minlashda beminnat xizmat qilmoqda, ma’naviyatning jonkuyar targ‘ibotchisi bo‘lib, odamlarni ezgu amal va yaxshilik olamiga chorlamoqda.

Darhaqiqat, agar sidqidildan harakat qilsak, mahallaning qurbi yetmaydigan ishning o‘zi qolmadi. Mahallani jamiyatimizning hal qiluvchi bo‘g‘iniga aylantirishdek oliyjanob maqsad yo‘lida bizda kuch va imkoniyatlar ham, salohiyat ham yetarli. Bunda, avvalo, xalqimizga, uning fidoyi, jonkuyar va faol vakillari — Sizlarga ishonamiz va tayanamiz.


Sizlarni yana bir bor Mahalla tizimi xodimlari kuni bilan tabriklayman. Bayramingiz qutlug‘ bo‘lsin!

K.KURANBAYEV, O‘zbekiston mahallalari uyushmasi raisi

💬 @Kuranbayev_K
📹 Instagram.com/Kuranbayev_K
1.2k 0 21 11
𝐌𝐀𝐇𝐀𝐋𝐋𝐀

22 Mar, 07:52

Open in Telegram Share Report
22-mart – Mahalla tizimi xodimlari kuni

22-mart mamlakatimizda “Mahalla tizimi xodimlari kuni” sifatida keng nishonlanadi.

Bu kasb – eng mashaqqatli va shu bilan birga sharafli kasblardan biri hisoblanadi. Chunki bizning mahoratimiz, malakamiz, mas’uliyatimiz insonlarning, oilalarning taqdirida muhim o‘rin egallaydi.

Ulkan vazifalarni sharaf bilan bajarishga kamarbasta bo‘lgan siz azizlarni, o‘z kasbiga fidoyi bo‘lgan  kasb egalarini “Mahalla tizimi xodimlari kuni” bilan chin yurakdan samimiy qutlaymiz va Vatan, oila, xalq xizmati yo‘lidagi samarali ishlaringiz hamisha bardavom bo‘lishini tilaymiz.

Barchangizga sog‘lik-salomatlik, uzoq umr, oilaviy baxt va ulkan marralarni zabt etishingizga tilakdoshmiz!

💐 Kasb bayramingiz muborak bo‘lsin, azizlar!

Bizning sahifalarimiz:
🕊Telegram 📱Instagram 📺YouTube 📱Facebook
12.5k 3 94 7
𝐌𝐀𝐇𝐀𝐋𝐋𝐀

21 Mar, 19:57

Open in Telegram Share Report
"Ташаббусли бюджет"нинг 2025-йилги 1-мавсуми доирасида лойиҳаларга овоз бериш босқичи ўз ниҳоясига етди.

Ғолиб лойиҳалар рўйхати эълон қилинди

"Очиқ бюджет" порталида "Ташаббусли бюджет" жараёнининг 2025-йилги 1-мавсуми ғолиб лойиҳалари эълон қилинди. Жараёнларда мамлакатимиз бўйлаб жами 10 млн 450 мингта овоз берилди.

Овоз бериш жараёни якунларига кўра, 3,2 трлн сўмлик 2 369 та лойиҳа ғолиб деб топилди.
4.3k 0 10 15
𝐌𝐀𝐇𝐀𝐋𝐋𝐀

21 Mar, 10:21

Open in Telegram Share Report
Ташаббусли бюджетнинг дастлабки ғолиблари эълон қилинди

“Очиқ бюджет” порталида “Ташаббусли бюджет” жараёнининг 2025 йилги 1-мавсуми ғолиб лойиҳалари эълон қилинди.

Батафсил 👉 https://yuz.uz/a/oz/120412
3.7k 0 6 6
𝐌𝐀𝐇𝐀𝐋𝐋𝐀

21 Mar, 05:03

Open in Telegram Share Report
Video is unavailable for watching
Show in Telegram
🚩🚩🚩🚩🚩🚩 🚩🚩🚩🚩🚩🚩🚩

Қадимий байрамдир,кўҳна анъана,
Юртимда бошланар тўю-тантана.
Бир-бирин қутлашар дўстлар дўстона,
Наврўз айёмингиз муборак бўлсин!

Она ер тафтидан ғунча гул очар,
Гуллар қўшиқ куйлаб ҳидларин сочар,
Япроқ чапак чалгач,болари қочар,
Наврўз айёмингиз муборак бўлсин!

Баҳорга ўхшаган сулув келинчак,
Дала-қирларингдан терар гул-чечак,
Гўзал тилак айтиб кавлар сумалак,
Наврўз айёмингиз муборак бўлсин!

Зумрад баҳор илиқ нафасин олган,
Гулу-лолаларга поёндоз солган,
Кўнгилни яшнатиб биз билан қолган,
Наврўз айёмингиз муборак бўлсин!

Ассалому алейкум ҳурматли юртдошлар, баҳор айёми бўлмиш Наврўзи олам муборак бўлсин. Барчангизга энг эзгу ниятларни тилаб қоламиз. Соғлик, бахт, омад, яхши кайфият ҳамиша сизга ёр бўлсин. Эл учун, Ватан учун хизмат қилиш йўлида ҳеч ҳам чарчаманг ✨🌷

⚠️Ҳурмат билан "Маҳалла" газетаси жамоаси.

https://t.me/mahalla_raislari
16.6k 0 175 9
𝐌𝐀𝐇𝐀𝐋𝐋𝐀

20 Mar, 15:42

Open in Telegram Share Report
Video is unavailable for watching
Show in Telegram
#hidoyat

«Бугун бир мусулмон бахтсиз ҳодисага учраса ёки бошига бирор мусибат келса, унга ёрдам бериш ўрнига қўл телефонини кўтариб суратга олувчилар кўпайган.

Агар шулар Аллоҳни эслаганида эди, бизларни бундай мусибатдан асрагин деб ёрдам қўлини чўзишган бўлар эди».

©️ Шайх Муҳаммад Содиқ Муҳаммад Юсуф раҳимаҳуллоҳ

💻 Манба
12.5k 1 64 8
𝐌𝐀𝐇𝐀𝐋𝐋𝐀

20 Mar, 10:30

Open in Telegram Share Report
❗️Асосий ставка кўтарилди

Марказий банк асосий ставкани йиллик 0,5 фоиз бандга ошириб, йиллик 14 фоиз даражасида белгилаш тўғрисида қарор қабул қилди.
5.4k 0 9 5
𝐌𝐀𝐇𝐀𝐋𝐋𝐀

20 Mar, 08:41

Open in Telegram Share Report
Video is unavailable for watching
Show in Telegram
❗️Ким рўза тутса кўзи равшан бўлади

Очлик билан даволаш организмга қандай ёрдам берса, кўзга ҳам шундай ёрдам беради:

✔️ катаракта хавфи секинлашади;
✔️ кўздаги босимлар камаяди.
7.6k 1 34 7
𝐌𝐀𝐇𝐀𝐋𝐋𝐀

19 Mar, 12:05

Open in Telegram Share Report
МУЛОҲАЗА
Қариндошлар ўртасида никоҳ: ечим борми?

Аёл борки, оналик мақомига эришишни истайди. Фарзандини бағрига босиб, унинг меҳрини ҳис этиш унинг учун энг олий саодат. Лекин тақдирнинг турфа синовлари сабаб тўққиз ой вужудида асраб-авайлаб кўтариб юрган гўдагини қандайдир нуқсон билан дунёга келтиришдан оғир мусибат бўлмаса керак. Йўл қўйилган қандайдир хатолар, қабул қилинган нотўғри қарорлар боис норасидаларнинг турли ирсий касалликлар билан туғилаётгани, афсуски, рад этиб бўлмайдиган ҳақиқат.

Батафсил➡️ https://uzmahalla.uz/2025/03/19/qarindoshlar-nikohining-tibbiy-ijtimoiy-va-iqtisodiy-asoratlari/
Қариндошлар никоҳининг тиббий, ижтимоий ва иқтисодий асоратлари
Аёл борки, оналик мақомига эришишни истайди. Фарзандини бағрига босиб, унинг меҳрини ҳис этиш унинг учун энг олий саодат. Лекин тақдирнинг турфа синовлари сабаб тўққиз ой вужудида асраб-авайлаб кўтариб юрган гўдагини қандайдир нуқсон билан дунёга келтиришдан оғир мусибат бўлмаса керак. Йўл қўйилган ...
10.3k 1 35 5
𝐌𝐀𝐇𝐀𝐋𝐋𝐀

19 Mar, 09:42

Open in Telegram Share Report
Президент Шавкат Мирзиёев:

15 та туман ва шаҳарда барча давлат идоралари туманлар марказидаги битта кўп қаватли бинога кўчирилади. Янги биноларнинг 1-2-қаватлари тадбиркорларга сотилади.

Ушбу туманларда давлат идораларидан бўшайдиган 150 та бино аукционда тадбиркорларга таклиф қилинади.
7k 0 23 16
𝐌𝐀𝐇𝐀𝐋𝐋𝐀

19 Mar, 09:42

Open in Telegram Share Report
❗️Мактабларнинг бўш турган бинолари ижарасидан тушган маблағларнинг 75 фоизи ўша мактаб ривожига сарфланади. Авваллари маблағларнинг 40 фоизигина ўша мактабда қоларди.
7.4k 0 13 2
𝐌𝐀𝐇𝐀𝐋𝐋𝐀

19 Mar, 09:06

Open in Telegram Share Report
МАҲАЛЛАДА НИМА ГАП...
“Қуёшли хонадон”лар кўпайиб боряпти

Жиззах шаҳридаги Ҳамид Олимжон номидаги маҳаллада яшовчи Комил Ҳайдаров ўз эҳтиёжидан келиб чиқиб, яшаш хонадонига 23 киловаттли қуёш панели ўрнатган.
Март ойининг биринчи 10 кунлигида 730 киловаттдан зиёд электр энергияси ишлаб чиқарди.
— Яқингача электр таъминоти учун ойига бир миллион сўм тўлардик, — дейди К.Ҳайдаров. — “Қуёш панели”ни ўрнатгач, ишлаб чиқилган электр энергиянинг 10 фоизини эҳтиёжга ишлатиб, 90 фоизини шаҳар электр тармоқлари корхонасига сотяпмиз. Кўрсаткичлар “Солиқ” мобил иловаси орқали кўриниб турибди. Жами 85 миллион сарфлаган эдик. Насиб этса, 2025 йил якунида харажат тўлиқ қопланади.

Эътиборлиси, “Қуёшли хонадон” дастури доирасида республика ҳудудларида аҳоли хонадонларига ўрнатилган қуёш панелларида (умумий қуввати 50 кВт гача) ишлаб чиқарилган ва ўз истеъмолидан орттириб ягона электр энергетика тизимига узатилган электр энергиясининг ҳар бир киловатт-соатига Давлат бюджетидан 1 000 сўмдан субсидия ажратиляпти. Шу боис аҳоли ўртасида хонадонига қуёш панели ўрнатишга талабгорлар сони ортиб боряпти.
13.6k 1 27 6
𝐌𝐀𝐇𝐀𝐋𝐋𝐀

19 Mar, 08:44

Open in Telegram Share Report
Mahalla(21)+.pdf
6.1Mb
➡️ "Маҳалла" газетасининг 21-сонида:

💫"Қуёшли хонадон"лар сони ортяпти

💫Ҳисоблагич носоз бўлса, алмаштириб бериладими?

💫"Ёшлар учун минг китоб" лойиҳаси нега керак?

💫40 та маҳаллада қўшалоқ байрам

💫 Нима учун солиқларни ўз вақтида тўлаш керак?

💫 Ечим битта — қариндошлар никоҳи
барҳам топиши керак!

💫Тана таом заҳридан қандай тозаланади?

📝 Ва яна бир қатор мақолалар газетамиз саҳифаларида!
3.5k 0 2
𝐌𝐀𝐇𝐀𝐋𝐋𝐀

19 Mar, 08:17

Open in Telegram Share Report
СОҒЛОМ ОВҚАТЛАНИШ
Организм ўзини токсинлардан қандай тозалайди?

Ҳозирда урф бўлган терминлардан бири “детокс” бўлиб, детоксикация – бу носоғлом турмуш тарзи, нотўғри овқатланиш, атроф-муҳит таъсири ва бошқа омиллар натижасида танамизда тўпланган токсинларни чиқариб ташлаш жараёни. Бу — умумий саломатлигимиз ва ҳолатимиз учун жуда муҳим.

Танамизда жигар, буйраклар, тери ва йўғон ичак каби кўплаб детоксикация органлари мавжуд. Замонавий ҳаётнинг токсик юкини ҳисобга олган ҳолда самарали ишлаши керак бўлган танани табиий тозалашнинг учта босқичи мавжуд.

Биринчи босқич. Детоксикациянинг бу босқичи жигарда содир бўлади. У зарарли ёғда эрийдиган молекулаларни камроқ зарарли бирикмаларга айлантиришга ёрдам беради ва улар танадан осонроқ чиқарилади.

Иккинчи босқич. У ҳам жигарда содир бўлади ва конъюгация жараёнини ўз ичига олади. Яъни моддалар сувда эрувчан ва шунинг учун камроқ зарарли ҳолга келади. Кейинчалик бу моддалар буйраклар ва ичаклар орқали пешоб ва сафро билан чиқарилади.

Учинчи босқич. Бунда токсинлар ёки кераксиз бирикмалар ҳужайрадан детоксикация органлари: ичаклар, буйраклар, ўпкалар ва тери орқали чиқариб ташланади.
6.6k 1 12 6
𝐌𝐀𝐇𝐀𝐋𝐋𝐀

18 Mar, 14:30

Open in Telegram Share Report
#Биласизми

✅ "Аёллар дафтари"га киритилган хотин-қизлар ёки уларнинг вояга етмаган фарзандларига даволаш, дори воситаларини олиб бериш ёки мураккаб жарроҳлик амалиётлари учун маблағ зарур бўлган ҳолатларда, туман (шаҳар) тиббиёт бирлашмаси ва сектор раҳбари хулосалари билан тиббий муолажа харажатлари "Аёллар дафтари" жамғармаси, Оила ва хотин-қизларни қўллаб-қувватлаш давлат мақсадли жамғармаси маблағлари ҳисобидан тўлаб берилади.

📚 Бунда қуйидаги миқдордаги харажатлар "Аёллар дафтари" жамғармаси ҳисобидан тўлаб берилади:

➖дори-дармон олиб бериш учун БҲМнинг 20 бараваригача (7 млн 500 минг);

➖мураккаб жарроҳлик амалиётлари учун БҲМнинг 100 бараваригача (37 млн 500 минг).
12.4k 1 165 12
𝐌𝐀𝐇𝐀𝐋𝐋𝐀

18 Mar, 08:16

Open in Telegram Share Report
❗️Тошкент шаҳрида иситиш мавсуми 18 мартдан якунланади

Белгиланган меъёрларга кўра, иситиш мавсуми ўртача суткалик ҳаво ҳарорати +8°C дан юқори бўлган 5 кунлик давр тугаган куннинг эртасидан бошлаб тугайди.

Сўнгги ҳафта давомида Тошкентда кундуз кунлари ҳаво ҳарорати +18-19°C ва ундан юқори, кечалари эса +8°C дан пастга тушмаяпти.

Гидрометеорология марказининг прогнозига кўра, яқин 5 кун ичида кундузги ҳаво ҳарорати +20-22°C, кечаси эса +10°Cдан юқори бўлади.


Шунга кўра, пойтахт ҳокимлиги томонидан 2024-2025-йиллардаги иситиш мавсуми расман 18 мартда якунланиши маълум қилинган.
6.7k 0 33 1
𝐌𝐀𝐇𝐀𝐋𝐋𝐀

17 Mar, 18:06

Open in Telegram Share Report
❗️Мактаб ўқувчиларининг баҳорги таътили 21 март кунидан бошланади

Вазирлар Маҳкамасининг 2017 йил 15 мартдаги 140-сонли қарори билан тасдиқланган “Умумий ўрта таълим тўғрисида”ги Низомга кўра, мамлакатимиздаги умумтаълим мактаблари ўқувчилари учун баҳорги таътил 2025 йил 21 март кунидан бошланади ва 27 март куни (7 календар кун)га қадар давом этади.

IV ўқув чорак дарслари 2025 йил 28 март кунидан бошланади.

https://t.me/mahalla_raislari
13.5k 2 98 8
𝐌𝐀𝐇𝐀𝐋𝐋𝐀

17 Mar, 16:07

Open in Telegram Share Report
ҲИДОЯТ ЁҒДУСИ
Закот, фитр ва фидя миқдори қанча?

Ўзбекистон мусулмонлари идораси Фатво маркази милодий 2025 йилги Рамазон ойи учун закот нисоби, фитр садақаси ва фидя миқдорини эълон қилди.

Закот нисоби
Бу йилги Рамазон ойи учун закот нисоби 85 грамм 585 пробали тилланинг қийматидан келиб чиқиб, 61 200 000 (олтмиш бир миллион икки юз минг) сўм деб белгиланди.
Шунга кўра, кимда зарурий эҳтиёжидан ташқари камида 61 200 000 (олтмиш бир миллион икки юз минг) сўм қийматидаги пул маблағи ёки ушбу қийматдаги савдо-тижорат моли бўлса, жами маблағининг қирқдан бири (2,5 фоизи)ни закот ниятида ҳақдорларга беради.

Фитр садақаси миқдори

Фитр садақасининг миқдори қуйидагича белгиланди:
• 2 кг/ буғдой унидан – 10 000 (ўн минг) сўм;
• 4 кг/ арпадан – 16 000 (ўн олти минг) сўм;
• 2 кг/ майиздан – 110 000 (бир юз ўн минг) сўм;
• 4 кг/ хурмодан – 180 000 (бир юз саксон минг) сўм деб белгиланди.
29.8k 2 259 7
𝐌𝐀𝐇𝐀𝐋𝐋𝐀

17 Mar, 14:23

Open in Telegram Share Report
Алимент бўйича ариза берган шахс давлат божи тўламайди!

— Мен собиқ турмуш ўртоғимдан алимент ундириш учун судга ариза бермоқчиман. Бундай мурожаат учун судга қанча давлат божи тўлайман?

— Ўзбекистон Республикасининг “Давлат божи тўғрисида”ги қонунида фуқаролик ишлари бўйича судларда давлат божини тўлашдан озод этиладиган шахслар рўйхати келтирилган. Унга кўра, фуқаролар алимент ундириш тўғрисидаги даъволар юзасидан судларга мурожаат қилганида давлат божидан озод этилиши белгиланган.
Демак, алимент ундириш тўғрисида фуқаролик ишлари бўйича судларга мурожаат қилган шахслар давлат божи тўламайди. Яъни болалар онада бўлса ва она судга алимент учун ариза берса, бож тўлови амалга оширилмайди.

Батафсил "Маҳалла" газетасида!
10.1k 2 47 6
20 last posts shown.