𝐌𝐀𝐇𝐀𝐋𝐋𝐀

#СЎРАГАН_ЭДИНГИЗ

Қарғиш тегадими?

– Одамлар орасида “қарғиш теккан” деган гаплар юради. Динимизда бу ҳақда маълумотлар берилганми? Яъни бир одам бошқа кишини қарғаса, қарғиши тегадими?

– Қарғиш дегани, бу — бир инсон бошқа инсон хаққига ёмон дуо қилиш деганидир. Агар бирор киши мазлум ҳолатда ёмон дуо қилса, дуоси ижобат бўлади.

Расулуллоҳ соллаллоҳу алайҳи васаллам Муоз розияллоҳу анҳуни Яманга юбора туриб шундай деганлар: “Мазлумнинг дуосидан эҳтиёт бўл. Зеро унинг дуоси билан Аллоҳ таолонинг ўртасида парда-тўсиқ йўқдир” (Муттафақун алайҳ).

Сабабсиз ноҳақ қилинган қарғиш эгасининг ўзига қайтиб тегади.

Ўзбекистон мусулмонлари идораси
Фатво маркази

#МЕНДА_САВОЛ_БОР

Ишсизлик нафақаси қанча миқдорда тўланади?

— “Маҳалла еттилиги” тавсияси билан туман бандлик бўлимида ишсиз, сифатида рўйхтага олиндим. Менга қанча миқдорда ишсизлик нафақаси тўланади? Шу вақт давомида қандай имтиёзга эга бўламан?

— Ишдан ва иш ҳақидан (меҳнат даромадидан) сўнгги 12 ойлик давр ичида маҳрум бўлган шахсларга — аввалги иш жойидаги ўртача ойлик иш ҳақининг 50 фоизи миқдорида, лекин меҳнатга ҳақ тўлашнинг энг кам миқдоридан оз бўлмаган ва нафақани ҳисоблаш пайтида Ўзбекистон Республикасида таркиб топган ўртача иш ҳақидан ортиқ бўлмаган суммада нафақа тўланади.

Бундан ташқари, 1 йилдан ортиқ танаффусдан кейин меҳнат фаолиятини қайта бошлашга ҳаракат қилаётган шахсларга — меҳнатга ҳақ тўлаш энг кам миқдорининг 1 баравари миқдорида, илгари ишламаган ва биринчи марта иш қидираётган шахсларга — меҳнатга ҳақ тўлаш энг кам миқдорининг камида 75 фоизида нафақа тайинланади. Шунингдек, ҳарбий хизматдан, ички ишлар органларидан, Ўзбекистон Республикаси Давлат хавфсизлик хизмати, Миллий гвардияси органларидан ва бошқа ҳарбий хизмат назарда тутилган идоралардан бўшатилиши муносабати билан иш ҳақидан маҳрум бўлган шахслар ишсизлик нафақаси олиш ҳуқуқига эга.

🏡 Имтиёзли ипотека кредити берувчи банклар

Маҳалла еттилиги томонидан уй-жой шароитини яхшилаш учун имтиёзли ипотека кредитига тавсиянома бериш жараёни бошланди. Тижорат банклари вакилларининг маълумотларига кўра, ҳозирда бу кредитни Микрокредитбанк, Агробанк ва Халқ банки расман ажрата бошлади. Кредит шартлари:

🏦 МКБанк
◦ Фоизи - 17,5%
◦ Муддати - 20 йилгача
◦  Бошланғич тўлов - 15%
◦ Миқдори - 120 млн сўмгача
Батафсил
☎️1285

🏦 Агробанк
◦ Фоизи - 17,5%
◦ Муддати - 20 йилгача
◦  Бошланғич тўлов - 15%
◦ Миқдори - 120 млн сўмгача
Батафсил
☎️1216

🏦 Халқ банки
◦ Фоизи - 17,5%
◦ Муддати - 20 йилгача
◦  Бошланғич тўлов - 15%
◦ Миқдори - 120 млн сўмгача
Батафсил
☎️1106

#ибрат

Дадамнинг кўнгиллари ҳар не истаса, муҳайё қилдим, не тусаса, топиб келдим. Бундан доим кафтларини дуога очиб "Аллоҳу Акбар" деб қўярдилар. Волидам "Ўғлингизни тузукроқ дуо қилиб қўйсангиз, яхши бўларди, ахир, сизнинг кўнглингизни топиш, дуоингизни олиш учун қўлидан келгани қадар ҳаракатни қилмадими!?" дердилар. Дадам эса бунга жавобан "Аллоҳу Акбардан ҳам яхшироқ дуо борми? Каломнинг буюги шу эмасми!?" деб қўярдилар.

Шу зайл бир неча йиллар давом этди. Бир кун атрофда йўқ бир нарсани истаб қолдилар. Мен қийинчиликлар билан топиб келдим. Шунда қўлларини дуога очдилар-да, "Эй Бор Худо-ё! Сен гувоҳ бўл, мен фарзандимдан розиман, Сен ҳам рози бўл..." деб узундан-узоқ дуо қилдилар. Мен кўзларимда ёш билан "Омийн, Омийн" деб турдим...

Ўша кундан ишларим мисли кўрилмаган даражада ўзгариб кетди, мен бундай ҳолатни аввал кўрмагандим. Дадамнинг илтижолари Ҳаққа етганди...

Ва энди, эй Қадрдоним, суҳбатдошим, мен шундан билдимки, дуонинг ижобати отанинг ризосида эди!
Уларнинг хизматини қилинг, онангизни розилигини олинг, қўлларин ўпинг, ҳар турли дуогўйларни топарсиз, аммо, бундай қўллар ўринбосарларин учратмассиз!

Огоҳ бўлинг! Бу икки кишини йўқотсангиз, қайта бундай мушфиқларни тополмассиз!

Facebook | Instagram | Telegram

Автомобилни маст ҳолда бошқарганлик учун жарима миқдори БҲМнинг 25 бараваридан (9,37 млн сўм) 40 бараварига оширилмоқда (15 млн сўм).

Ҳайдовчи такроран маст ҳолда рулга ўтирса, 3 йилгача ҳайдовчилик ҳуқуқидан маҳрум қилиниши, 2 йилдан 3 йилгача ахлоқ тузатиш ишларига жалб этилиши ёки 2 йилдан 3 йилгача озодликдан маҳрум қилиниши мумкин.

Facebook | Instagram | Telegram

1 февралдан тезюрар поездлар учун чипта нархи ошади

«Ўзбекистон темирйўллари» АЖ 1 февралдан мамлакат ичида тезюрар поездлар учун чипталар нархи оширилганини маълум қилди.

Бунда юқори тезликда ҳаракатланувчи «Афросиёб» электропоездларнинг VIP, бизнес тоифадаги чипта нархлари 25 фоизга, эконом тоифадаги чипта нархлари 20 фоизга ҳамда тезюрар йўловчи поездлар «Шарқ», «Насаф» ва «Ўзбекистон» поездларнинг чипта нархлари 30 фоизга оширилмоқда.

Facebook | Instagram | Telegram

Барака манбаи

“Учта қизим бор, тўртинчи қизим дунёга келганида аёлимни кўргани туғуруқхонага бордим. Қарасам, у жуда маъюс, тинчликми, десам, дадаси яна қиз бўлгани учун хафа бўлсангиз керак-а, деди. Эй, нималар деяпсан, яна ўн марта қиз туғсанг ҳам майли, дедим. Унинг чеҳраси гулдай очилди”.
Бу гапларни менга ўғлимнинг сочини олаётган сартарош йигит айтиб берди. Сартарошхонада биздан бошқа ҳеч ким бўлмагани учун уни тинглашдан бошқа чорам йўқ эди. Қарасам, жуда маънили гапиряпти. Гапи тугаб қолмасин, дея ўғлимнинг сочини шошмай олаверинг, бошини ҳам икки марта ювасиз ҳали дедим.

У қизларининг тарбиясига, таълимига алоҳида эътибор қаратаркан. Қуръонни деярли ёдлаб бўлиш арафасида, яна уларни бир нечта тил, математикани мукаммал ўргатувчи репитеторларга юборишини ҳам айтди.
— Бир куни дастурхон атрофида ўтирганимизда, кенжа қизим, дадажон пулингиз борми, яна қўшимча кўп китоб керак бўляпти дарсларимга деб сўраб қолди, — дейди у. — Қанча кераклигини сўрадим, у айтди. Суммани эшитиб онаси норозилик билдирди. “Дадангни бир ўзи ишласа, қайси биримизга етказсин”, деди. Мен дарҳол аёлимга танбеҳ бердим. Қизим ўн сум сўраса, юз сўм беришим кераклигини, шундай қилсам ишимда баракот бўлишини, шу оддий касб орқасидан шунча енгилликлар келаётгани қизларим шарофатидан” дея тушунтирдим. Ўзи катта қизларим ҳечам пул сўрашмайди, уялишар балким. Шуни билиб, ўзим сумкасига пул солиб қўяман. Кенжа қизим ҳали кичкина бўлганлиги учун пул сўрагандир. Жуда хурсанд бўлдим ундан. Негаки, улар қанча кўп сўраса, Худо менга шунча кўп беради. Ростдан ҳам шундай, ака. Ўзим ҳам ҳайрон қоламан, бунча пул қаердан келяпти деб. Тўғри, уйда мол-қўйларим бор. Аммо ҳунаримнинг орқасидан кўп барака топдим. Кунига 20-30 та одам келади. Баъзан ярим тунгача ишлайман. Ҳеч қачон ҳеч кимга мана бунча берасан демайман, ёш болалардан деярли пул олмайман. Кўчага чиқишдан, ишга кетишдан олдин эса қизларимга қани бир дуо қилинглар, дейман. Улар шундай дуо қиладики, тош ёрилиб кетади. Агар ишонмасангиз, қизларингиздан бир дуо сўраб кўринг...

У гапираверди, мен эшитавердим. Оддийгина бир сартарошнинг бу гапларида заррача мақтов йўқ эди. Асло. Аксинча, ибратдан иборат. Бу сўзларни эшитгач, менинг ўрнимда ҳар қандай одам бўлганда ҳам ўзига ўзи савол берарди:
— Мен-чи, мен қизларимга шундай қарайманми?
— Уларни баракот, жаннат калити, деб биламанми?
— Уларнинг олдида юриш-туришим, гап-сўзларим, кийинишимни назорат қиламанми?
— Бировнинг қизини келин қилиб, уни қулдай хўрлайдиганлар заррача, бир мисқол зулм ҳам жавобсиз қолмаслигини билишармикан?
— Қизу келинлари олдида оғзидан боди кириб шоди чиқадиганлар, шортикда юрадиганлар, сиз ҳам ўзингизча эркаксизда, а?

Шу саволларга муносиб жавобингиз борми?
Бўлмаса, ўзингизни ислоҳ қилинг, бировларга эмас, ўзингизга ақл ўргатинг, кўзгуга қараганда, ўзингизга тик қаролсангиз, жойнамозга ёруғ юз билан борсангиз, яхши одам экансиз...

📚Мақсуд Жонихонов