Lara's Insight

✨ 5-simfoniya tushirilgan sumka (Wildberries'dan 2 ta olgandim, so'raganlarga artikul qoldiraman)
✨ "Tom tog'aning kulbasi"
Garriet Bicher-Stou
✨ Ahmad tea - Earl Grey (black tea)

❗️ Olish shartlari

Bu juda oddiy: "BIZ va BOSHQALAR" degan mavzuda 5-10 ta (kamida) gapdan iborat qisqa matn yozib berasiz.

Mavzuga falsafiy va keng yondashingizni so'rayman, har qanday turdagi tasavvur va kreativliklik qadrlanadi!

So'zga limit qo'ymadim. Gap soni bilan aytsam, osonroq seziladi sizlarga).

📌 Muddat: 9-fevral, soat 21.00 gacha

P. S. Sovg'a berishdan maqsad obunachini ko'paytirish emas. Shunchaki odamlarimdan bittasiga o'zgacha narsamni bermoqchiman.

@larasinsight

"O'tkan kunlar" kelibdi. Juda chiroyli o'ramda ✨Give away'ga qo'ysammikan deb o'ylayapman.
Lekin unga boshqa ideyalarim bor.
Buni esa singlimga beraman.
P. S. "O'tkan kunlar"ni o'qimaganman)

And this is my life lately 🤩

AI driven journalism, ya’ni sun’iy intellektdan foydalangan holda jurnalistik materiallarni tayyorlash, avtomatlashgan yangiliklarni yaratish yoki kontentning personalizatsiyasi -jurnalistika istiqboliga to’siq emas, balki uning yo’nalishini o’zgartirish, yangi qoidalarga moslashishga imkoniyat sifatida qaralishi kerak. AI jurnalistning ishini egallaydimi degan savol sun’iy intellekt tushunchasi shakllanganidan beri aktuallashdi. Va realist nuqtayi nazaridan aytishim mumkinki, ha. Biroq bu kasbning yo’qolishi emas, yangi zamonaviy bo’lgan kasbni yaralishiga ehtiyojdir.

Boshqa tomonlama ham tahlil qilaylik. Linkedin’da bitta postga ko’zim tushgandi. Professional yozilgan cover letter va hujjatlari bilan kelgan nomzod ish beruvchida yaxshi taassurot uyg’ota olmadi. Hatto ish beruvchi bu nomzodning o’z fikrlarini ifoda qilolmasligi (so’z boyligining kamligi) va nuqtdagi ikkilanish holatini ko’rib hayratlanadi. Nomzod ish faoliyatini sun’iy intellekt tool’larisiz tasavvur qila olmasdi. Shubhasiz, SIning imkoniyatlari cheksiz, biroq kreativlik, tanqidiy fikrlash, individuallikni saqlash va analitik ko’nikmalarni rivojlantirish, bu ko’nikmalarni yo’qotmaslik oldidagi eng katta to’siq bu SIdir.

(keyingi postda DeepSeek haqida yozaman)

First rejection in 2025)
Yana boshqalarini ham kutaylikchi
Lekin shunisiga border journalism deb zo'r narsalarni yozib tashlagandim.

My relationship with GPT chat at work 🤩

Har hafta boshi dushanbada hamma narsani qaytadan boshlayman, productive & hardworking bo'laman deya o'zimga so'z beraman. Haftalik va oylik reja-maqsadlarga ko'z yugurtiraman.
3 kun... 3 kun o'zim xohlagandek ishlashim mumkin) ammo payshanbadan yana qotib qolish boshlanadi. Shanba kuni hammasi qo'limga olib boshidan yana boshlayman deganimda yakshanba keladi. Va bu kuni hech bir narsa qilmasdan uyda yotaman, uxlayman, soatlar shorts ko'raman, ovqat buyurtma qilaman, o'zimga qaramayman, kechasi vijdonim qiynalib soat 9 larda tirilib chiqaman... dushanba kelib qolgan bo'ladi.
Laraning hayoti dushanbalardan iborat ✨

OMMAVIY TASAVVUR HAQIDA

Ommaviy tasavvurni uyg'otish yarim hokimiyat demakdir. Hukmdorning qudrati omma ongida afsonalarni yaratishdir; mantiqdan yiroq bo'lsa-da, ularning hissiyotlarini jumbushga keltiradigan har qanday narsa ommaviy tasavvurni shakllantiradi. Tasavvurni mustahkamlar ham hissiy, ham amaliy tarzda kechadi. Hissiyot asosan afsonalar, e'tiqod va mafkuralar orqali mustahkamlanadi. Har qanday siyosiy tizim inson ongiga bemalol din singari ta'sir o'tkazishi mumkin. Demakki, har qanday tuzum yoki g'oya alohida dindir (bu haqida ko'proq yozish kerak). Amaliy nuqtayi nazar bo'yicha esa, ommaga ta'sir o'tkazish mantiqiy fikrlash va tafakkur orqali emas, balki namoyish qilish, ko'rsatib berish yo'li bilan amalga oshiriladi. Tushuncha namoyish qilingandagina amaliy ahamiyatga ega. Buni axborotni vizual qabul qilish qobiliyatining ustunligi va kommunikatsiya vositasi sifatida talqin qilishimiz mumkin.

"Misol uchun, tarixga eng katta ta'sir ko'rsatgan shaxs sifatida hammamiz birdek tan oladigan kishi bormi? Gerkulesmi, Buddami, Iso? Albatta, yakdil xulosa mavjud emas. Umuman olganda, ularning hayoti biz uchun katta ahamiyatga ega bo'lmay qolgan. Ommaviy qahramon sifatida ta'riflangan bunday insonlar aslida qanday bo'lganligi qiziq jarayon. Haqiqiy qahramonlar emas, balki afsonaviy qahramonlar omma ongida kuchli ta'sir qoldirgan" ("Omma psixologiyasi" Gustav Lebon)

Tasavvur g'oya natijasida kelib chiqadi. G'oya xalqning ongsizlik darajasiga kirib borishi va natijada xalq hissiyotlarining bir qismiga aylanishi lozim. Omma bir xil afsona va g'oyalarga ishonganlari tufayli tirik qoladi. Unda doimo ishonishga ehtiyoj bo'ladi, ishonch esa ommaviy hamkorlik instinktini tashkil qiladi. Aslida ishonch va hamkorlik inson ongidagina mavjud, har qanday tushuncha va g'oya abstraktdir. Yohud erkinlik ham odam tasavvurining mahsulidir, ya'ni u odamlarning tasavvuridagina mavjud.

"Tasavvurdagi tartib faqat aholining, xususan, elita va xavfsizlikni o'rnatuvchilarning ko'p qismi unga chin dildan ishonganlaridagina saqlanib qoladi" ("Sapiens" Yuval Noa Harari)

P. S. Pastda ko'rib turganingiz "Bobil minorasi" Piter Bryugel (1563). "Bobil minorasi" ko'pincha insoniyatning cheksiz ambitsiyasi va cheklangan qobiliyatlarining ramzi sifatida talqin qilinadi. Inson tabiati va ommaviy tasavvur kuchining namunasi.

@larasinsight