Kosonsoy.uz | rasmiy kanal

🔰 Инсон ҳаётига юқори хавф солувчи омиллар рўйхати тузилади

▫️Ҳукумат қарори билан “Инсон ҳаёти ва соғлигига юқори хавф солувчи омиллар реестрини шакллантириш ва юритиш тартиби тўғрисида”ги низом тасдиқланди.

Мазкур реестр Адлия вазирлиги томонидан юритилиб, инсон ҳаёти ва соғлигига юқори хавф солувчи омиллар рўйхати тузиб борилади ва доимий қайта кўриб чиқиб, янгилаб борилади.

Инсон ҳаёти ва соғлигига юқори хавф солувчи омиллар такрорланса ва долзарблигини йўқотса реестрдан бекор қилинади.

Реестр юритишнинг мақсади – назорат органлари фаолиятининг қонунийлиги ва ошкоралигини таъминлаш, тадбиркорларнинг ҳуқуқларини ҳимоя қилиш ҳамда давлат назорат тизимини шаффоф ва ҳисобдор қилишдан иборат.

🔰 "Ботаника боғлари" ҳудудини ўзлаштириш тақиқланди

▫️"Ботаника боғлари" ерларини бегоналаштириш, ҳудудида бино-иншоотлар қуриш ёки қурилиш ости майдонларини кенгайтириш таъқиқланди. Бу ҳақда "Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида"ги қонунида эълон қилинди.

Қонунда асосан ер участкаларидан фойдаланиш тартибини янада такомиллаштириш, маданий ҳордиқ масканлари ҳудудларини сақлаб қолиш учун мустаҳкам ҳуқуқий асос яратиш кўзда тутилган.

Шунингдек, сайилгоҳ, хиёбон, боғлар ҳудуди, уларда экилган дарахтлар муҳофазасини кучайтириш, бино ва иншоотлар қурилишининг олдини олиш мақсад қилинган.

Сенаторлар мажлисида, ушбу қонун сенаторлар томонидан маъқулланди.

👉 Telegram | Facebook  | Instagram | Youtube

🔰 35-сонли ДМТТда ӯқув-семинари ӯтказилди

▫️Косонсой туманидаги Мактабгача 35-сонли ДМТТда тизимда фаолият олиб бораётган тарбиячилар учун Элементар математика бўйича "Болаларда шартли ўлчов ёрдамида турли ўлчамларни ўлчаш ҳақидаги тассавурларни шакллантириш" мавзусида ӯқув-семинари ӯтказилди.

▫️Семинар куни доирасида бўлиб ўтган учрашувда Косонсой туманидаги барча Мактабгача таълим ташкилоти тарбиячилари иштирок этдилар.

▫️Очиқ мулоқот шаклида ўтказилган семинарда инновацион лойиҳалар ҳамда ёшлар билан индивидуал ишлашнинг долзарб вазифалари тўғрисида машғулот олиб борилди.

Учрашув сўнггида тарбиячилар мавзу бўйича ўзларини қизиқтирган саволларига жавоб олишди.

👉 Telegram | Facebook  | Instagram | Youtube

❗️Президент қарорига кўра:

▫️Маҳаллаларнинг ихтисослашуви ва драйвер йўналишларидан келиб чиқиб, ўз тажрибасини 10 тагача камбағал оилаларга ўргатган ва уларга доимий даромад манбаига эга бўлишига кўмаклашган тадбиркорларга ҳар бир камбағал оила учун БҲМнинг 3 баравари, бироқ БҲМнинг 30 бараваригача миқдордаги грантлар ажратилади.

🔰 Мактабгача таълим ташкилотлари психологлари иштирокида семинар-тренинг ташкил этилди

▫️Мактабгача таълим ташкилоти тарбияланувчиларини ижтимоий ҳаётга тайёрлаш, уларда ўз ўрнини топишга бўлган дастлабки кўникмаларни шакллантириш, ижтимоийлаштириш муҳим аҳамиятга эга.

Жорий йилнинг 20 февраль куни Косонсой туманидаги 39-сонли давлат мактабгача таълим ташкилотида «Мактабгача таълим ташкилотларида тарбияланувчиларнинг барқарор, ижтимоий ва интеллектуал ривожланиши» мавзусида семинар-тренинг ташкил этилди.

Семинарда тумандаги давлат мактабгача таълим ташкилотлари психологлари иштирок этиб, тарбияланувчилар билан ишлаш бўйича янги иннавацион ёндашувлар тўғрисида маълумотларга эга бўлдилар.

Семинар сўнггидада иштирокчилар «Яшил макон» умуммиллий лойиҳаси доирасида таълим муассасаси ҳовлисига манзарали дарахт кўчатлар экдилар.

👉 Telegram | Facebook  | Instagram | Youtube

🔰 Диний соҳадаги давлат сиёсати концепцияси сенат томонидан маъқулланди

▫️Жорий йилнинг 20 феврал куни Сенатнинг тўртинчи ялпи мажлисида "Ўзбекистон Республикасида фуқароларнинг виждон эркинлигини таъминлаш ва диний соҳадаги концепциясини тасдиқлаш тўғрисида"ги қонуни кўриб чиқилиб, бир овоздан маъқулланди.

Концепция виждон эркинлиги ҳуқуқини ва Ўзбекистон Республикаси дунёвий давлат эканлигига оид конституциявий қоидаларни рўёбга чиқариш ҳамда диний соҳадаги давлат сиёсатининг мақсади, вазифалари, принципларини ва устувор йўналишларини белгилайди.

Ҳужжат президент томонидан расман имзолангандан сўнг кучга киради.

🔰 22 февраль куни Наманганда 1 Халқаро Наманган авто фестивали доирасида

▫️Маданият ва концерт дастурлари, кўнгилочар тадбирлар, Ўзбекистоннинг машҳур санъаткорлари, жумладан Отабек Муҳаммадзоҳид!

Бундай катта шоуни ўтказиб юборманг! Сиз учун эсда қоларли онлар кафолатланган!

📍"Афсоналар водийси" боғидаги шаршара олдида.
⏰️ Бошланиш вақти 17:00 да

Кириш мутлақо БЕПУЛ!

🔰 Ишлатилмаётган банк карталари ёпилиши керак – Марказий банк

▫️Фуқаролар ишлатилмаётган банк карталарини ёпиши керак. Бу ҳақда Марказий банк хабар қилди.

Марказий банк кўрсатмасига биноан тижорат банклари фуқароларга уларнинг номига расмийлаштирилган банк карталари ҳақида СМС-хабар юбормоқда. Ахборот хавфсизлиги ва киберхавфсизлик талабларига кўра, ушбу хабарларда карталар рақамининг бир қисми яширилган ҳолда кўрсатилган, дейилади хабарда.

Шунингдек, фуқароларга СМС-хабарларда қайд этилган банк карталари уларнинг номига расмийлаштирилганлиги билан боғлиқ бирор тушунмовчилик келиб чиққанда, хизмат кўрсатувчи тижорат банкига мурожаат қилиб, ҳолатга аниқлик киритишлари тавсия этилган.

Эслатиб ўтамиз, жорий йилнинг 7 январь куни Марказий банк бир мижозга бериладиган банк карталари сонини битта банкда 5 тагача, жами эса 20 тагача қилиб чеклаб, бир йил давомида картадан фойдаланилмаса, банклар уларни блоклашини маълум қилган эди.

🎤 Kosonsoyda “Marhabo, talantlar” ko‘rik-tanlovi! 🎶

📢 E’tibor bering, ijodkorlar!

Namangan viloyatida o‘tkazilayotgan “Marhabo, talantlar” ko‘rik-tanlovining Kosonsoy tuman bosqichi uchun ishtirokchilar qabul qilinmoqda!

▪️Tanlov yo‘nalishlari:

1. Eng yaxshi maqom ijrochisi
2. Eng yaxshi milliy estrada ijrochisi
3. Eng yaxshi folklor guruhi
4. Eng yaxshi askiyachilar guruhi
5. Eng yaxshi milliy raqslar ijrochisi
6. Eng mohir soz ijrochisi
7. Eng yaxshi so‘z ustasi

📝 Ishtirok etish istagida bo‘lganlar Tuman Madaniyat bo’limiga murojaat qilishlari mumkin
📞 +998913425657

⏳ Arizalar Shanba, 22-fevralgacha qabul qilinadi;

San’atga oshufta bo‘lgan barchani ushbu nufuzli tanlovda ishtirok etishga chorlaymiz! ✨

🔰 Камбағалликни қисқартириш ва бандлик вазирлигига қўшимча вазифалар юклатилди

▫️Камбағалликни қисқартириш ва бандлик вазирлигига деҳқон хўжаликлари ва аҳоли томорқаларини ривожлантириш билан боғлиқ қўшимча вазифа ва функциялар юкланди. Бу ҳақда президент фармонида эълон қилинди.

Фармонга кўра, Ўзбекистон фермер, деҳқон хўжаликлари ва томорқа ер эгалари кенгаши Ўзбекистон фермерлари кенгаши этиб қайта номланди.

Шунингдек, қарорда туман ва маҳаллаларнинг ихтисослашув бўйича имкониятларидан келиб чиқиб, томорқаларда юқори даромадли маҳсулотлар етиштиришни яшил ва инновацион ёндашувлар асосида ташкил этиш ҳамда аҳолини юқори даромадли меҳнат билан бандлигини таъминлаш орқали камбағалликдан чиқариш кўзда тутилган.

Жумладан, аҳоли ер майдонларида етиштирилаётган қишлоқ хўжалиги маҳсулотлари ҳисобини юритиш ҳамда "online mahalla" платформасида аниқ ва батафсил маълумотлар базасини шакллантириш мақсад қилинган.

🌟 Yulduz bilan sayohat – Afsonalar vodiysida unutilmas kecha! 🌟

🎤 San’at va mo‘jizalar bir joyda! 27-fevral kuni soat 18:00 da Afsonalar vodiysi tematik parkida betakror konsertga taklif qilamiz!

💫 Maxsus mehmon – Botir Qodirov! 💫

🎶 Sevimli qo‘shiqlar, jonli ijro va yorqin chiqishlar – barchasi siz uchun!

✨ Kirish bepul! ✨

📍 Manzil: Davlatobod tumani, Afsonalar vodiysi

📅 Sana: 27-fevral
⏰ Boshlanish: 18:00
🔥 Bu kecha siz uchun! Keling va zavqlaning! 🔥

#РАСМАН

🔰 Иккинчи жаҳон уруши фахрийлари 10 000 АҚШ доллари миқдоридаги пул мукофоти билан рағбатлантирилади

▫️«Иккинчи жаҳон уруши қатнашчиларини рағбатлантириш тўғрисида»ги Ўзбекистон Республикаси Президентининг фармони қабул қилинди.

Унга кўра, Иккинчи жаҳон урушида қозонилган ғалабанинг 80 йиллиги муносабати билан уруш қатнашчилари ва ногиронларини, уларга тенглаштирилган шахсларни ҳамда, 1941–1945 йиллардаги уруш давридаги меҳнат фронти қатнашчиларини моддий рағбатлантириш мақсадида:

▪️Иккинчи жаҳон уруши қатнашчилари ва ногиронларининг ҳар бирига 10 000  (ўн минг) АҚШ доллари миқдорида;

▪️Иккинчи жаҳон уруши қатнашчиларига тенглаштирилган шахсларнинг ҳар бирига 25 000 000 (йигирма беш миллион) сўм миқдорида;

▪️1941–1945 йиллардаги уруш давридаги меҳнат фронти қатнашчиларининг ҳар бирига 3 000 000 (уч миллион) сўм миқдорида бир марталик пул мукофоти белгиланди.

#МОТИВАЦИЯ

📌 Муваффақиятга эмас, балки у берадиган қийматларга интилинг!

© Aльберт Эйнштейн

👉 Telegram | Facebook  | Instagram | Youtube