Bugun faqat haqiqatni gapiraman💕
Quyida yozadiganlarim bilan kimningdir qalbiga ozor yetkazib qo'yishim mumkin. Buning uchun uzr so'ramayman.
💫
O'qishdan yiqildimDemak, yaxshi tayyorlanmagansan. Instagram titkilab uxlab, Pubg o'ynab uyg'ongansan. Yolchitib o'qiganingda tanlagan 5ta yo'nalishingdan hech bo'lmasa bittasiga kontraktga ilinarding. Omad ham rol o'ynaydi, deb boshimni og'ritma. O'zing тупой bo'lsang, omad yaqiningga yo'lamaydi. Agar o'qishga kirib qolsang bormi, "omadim keldi-da" degan gapni og'zingga olmasdan, "o'zim yaxshi o'qiganman-da” deb ko'krak kerarding. O'qishga kirsang o'zing, o'qishga kirolmasang omadsizlik sabab bo'lyaptimi? Sal reallikka yaqin gapni gapirgin, xo'pmi? Yaxshi o’qimagansan va тупой'san. Tamom!
💫
Yigitim tashlab ketdiBoplabdi-da. Tan olgin, boshidayoq seni tashlab ketishini bilgansan. Endi lattaga o'xshab siqilib, yig'lab o'tiribsanmi? Boshidayoq hamma ogohlantirgandi seni. Taqiqlangan ishni qilib ko'rish inson tabiatiga xos. Yigiti tashlab ketganidan hech kim o'lmagan, hayot tugab qolmaydi. Nari borsa 1yil siqilasan. Keyin o'zingga kelasan. Mendakasini topolmasdan qaytib keladi hali, deysanmi? Kulgimni qistatma. Avval boshdan senga jiddiy munosabatda bo'lmagan. Sengayam, sevginggayam, hozir nimani his qilayotganinggayam tupurgani bor. Sendaka qizlarning ko'pini ko'rgan va bundan keyin ham ko'raveradi. Aqling kirishiga umid qilaman faqat.
💫
Ota-onam chetda o'qitmaydiBu fojiami endi? Unda o'zimizda o'qi. Universitetga uxlash, instagramda jonli efir qilish, 100 xil qiliq qilib selfiga tushish uchun borib kelmasdan, foydali narsalarni o'rganishga vaqtingni sarflasang, 4 yil ichida yaxshigina kadr bo'lib yetishasan. Faqat ingliz tili bilan cheklanib qolmasdan, yangi tillarni o'rganishni boshlasang, o'zingga yaxshi bo'ladi. Balog'atga yetib, o'zingni o'nglab olganingda magistraturani chetda o'qishing mumkin.
💫
Yigitim menga yomon muomalada bo'lyaptiAyb o'zingda, asal qiz. Boshidanoq ko'p janjal qilsa, seni so'ksa, qo'l ko'tarsa "sevgani uchun qizg'onyapti" deb o'zingni ovutib yuravergansan. Endi tahqirlashlari chidab bo'lmas darajaga yetganidan keyin bosh ko'taryapsan. Boshidanoq senga qanday munosabatda bo'lish kerakligini, nimalar senga yoqmasligini aytib, chegaralarni o'rnatib olmagansan. Agar gaping ham ta'sir qilmasdan qo'rsligini davom ettiraversa, tashlab ketmagansan. Insofga kelar, deb chidab yuravergansan. Erkak kishining na boyligi, na mansabi insoniylik doirasidan chiqib ketishiga asos bo'la olmaydi, aslida.
💫
Pulim yo'qXo'sh, nima qilish kerak endi shunga? 18dan oshgansan, haliyam ota-onangga boqimanda bo'lib yashashga yuzing chidaganiga qoyil. Izlagan odam imkon topadi. Part time joblar tiqilib yotibdi. Pol art, yuk tashi, idish-tovoq yuv. Ota-onangning hisobidan yashashga kelganda uyalmaysan-u, peshona tering bilan shunday ishlarni qilib pul topishga uyalasan. Qachon odam bo'lasan o'zi?
💫
Sevgan qizim tashlab ketdiTo'g'ri qilibdi. Senday luzrni boshiga ursinmi? Na bir erishgan muvaffaqiyating, na bir tayinli ishing yo'q. Kinolarda hech narsasi yo'q yigitni sevadi-ku qizlar, deb boshimni og'ritma. Sen kinoda emas, real hayotda yashayapsan. Bu dunyoda hamma bir-biridan manfaatdor. Hozir qora kunlar bo'layotgandir hayotingda. Lekin hech bo'lmaganda hali oldinda seni yaxshi kelajak kutayotganiga qizni xatti-harakatlaring bilan ishontira olganingda hozir yoningda turgan bo'lardi. Demak, muammo ham ishsiz, pulsizligingda, ham qat'iyatli emasligingda. Qiz sendan vaqtida voz kechib to'g'ri ish qilibdi. Xafa bo'lmagin-u, sen bilan bo'lsa kosasi oqarmasdan, ota-onasi baribir boshqa yigitga uzatvorgan bo'lardi.
Baribir bu gaplarni kimdir aytishi kerak edi. Pushti ko'zoynaklaringni yechib, hayotni boricha qabul qil. Yuqorida sanaganlarim juda mayda muammolar. Buyog'iga muammolaring faqat kattalashib, qiyinlashib boraveradi. Hozirgi mayda muammolaringni hal qilishni o'rganmas ekansan, keyinchalik umuman o'zingni o'nglolmay qolasan. Tashvishlaring seni ayab o'tirmaydi. Hayotni boricha qabul qil va dadil bo'l.
Manba
