Kitob nuri

#Farzand_tarbiyasi

Farzand tarbiyasida 700 saboq: Ona suti

Qizimni tug‘ilganidan boshlab to sutdan ajraguncha har emizganimda “Bismillah” deb Allohni zikr qilishga odatlangandim. “Bismillah”ni aytganimdan so‘ng “Allohumma baarik lanaa fiyhi va zidnaa minhu” ya’ni “Allohim, bizlarga bu (sut)ni barakali qilgin va uni bizga ziyoda qilgin” deb duo qilardim.
Rasululloh sollallohu alayhi vasallam shunday marhamat qilganlar: “Kimni Alloh subhanahu va taolo bir taom bilan taomlantirsa, “Allohim, bu taomni biz uchun barakali qilgin va undan yaxshirog‘i bilan bizni rizqlantirgin” deb duo qilsin va kimni Alloh subhanahu va taolo sut bilan chanqog‘ini qondirsa, “Allohim, bizlarga uni barakali qil va undan bizga ziyoda qilib ber” desin. Zero, men ham taom va ham ichimlikning o‘rnini bosadigan sutdan boshqa narsani bilmayman”.

Shu hadisga muvofiq men har safar bolamga ko‘krak tutsam, “Bismillahni” aytishni kanda qilmasdim va albatta ushbu duoni aytardim. Bu amalni kichik sanamasdan, sustkashlik qilmasdan bardavom qilib bordim. Natijani qarangki, Allohning fazli ila farzandim har taom yeganda yoki suv ichganda birov o‘rgatmasa-da “Bismillah” deydigan bo‘ldi. Subhanalloh, qarang, bolam xali ikki yoshga to‘lmasdan turib, har taom yeganda yoki ichimlik ichganda Allohning ismini zikr qiladigan va bu ishni go‘yo refleks kabi doim takrorlaydigan bo‘ldi.
Bu fikrimni eshitgach, ko‘plab onalar taajjublanishdi. Keyin ular ham ushbu amalni o‘z hayotlariga tatbiq qilib, so‘zimning to‘g‘riligiga o‘z hayotiy tajribalarida amin bo‘lishdi.

(Tarix va tazkira kitoblaridan avvalgi o‘tgan ulamolar, ulug‘ zotlarning bolalik davrlarini mutolaa qilar ekansiz, ularning onalari bolalarini betahorat emizmaganlarini, bebismilloh ko‘krak tutmaganlarini, ba’zilari hatto bolalarini “Yosin” va boshqa suralarni tilovat qilgan holda emizganlarini va shu orqali farzandlariga sut bilan birga ilohiy nurning ham kirishiga sababchi bo‘lganlarini ko‘rishingiz mumkin. Bugungi kundagi yosh onalarimizning mana shu narsaga ahamiyatli bo‘lishlari, erinmasliklari, bardavom bo‘lishlari kelajakda farzandlarining buyuk insonlar bo‘lib yetishishlariga asosiy sabablardan bo‘lsa ajab emas. Tarjimondan).

©️ Doktor Abdulloh Muhammad Abdulmu’tining
“Farzand tarbiyasida 700 ta saboq” kitobidan

📚 @kitob_nuri

#Oila

Xotinning eng yaxshisi

– Ustoz, qanday ayolga uylanishni tavsiya qilasiz?..

– Taqvosi kuchli bo‘lgani uchun nomahram erkaklar bilan o‘rtoqlashmaydigan va xarakteri og‘ir bo‘lgani uchun ayol zoti bilan do‘stlashmaydigan ayolga uylangin.

– Bu tavsiyangizning hikmati ne?..

– Odamzod, tabiatan, do‘st-o‘rtoqsiz yasholmaydi. Men tavsiya qilgan ayollar toifasi noilojlikdan o‘z erlariga ixtiyoriy-majburiy ravishda do‘st bo‘lishadi. Xullas, xotinning eng yaxshisi – eriga do‘st bo‘ladiganidir.

📚 @kitob_nuri

#Kitobdan

Vo Umaro!!!

Aytishlaricha, Umar ibn Abdulazizning qizchalari bir kun huzurlariga yig‘lab kirdi. O‘sha paytda u yoshgina qizcha bo‘lib, u kun esa hayit kuni edi.
- Sizni nima yig‘latdi, deb amirul-mu’miniyn so‘radilar.

Qizlari: "Hamma bolalar bugun yangi kiyimlar kiyishdi, men amirul-mumininning qizi bo‘la turib, eski kiyimdaman", deya javob qildi.

Umar uning yig‘isidan ta’sirlanib, Baytulmol xazinaboni oldiga bordilar va unga: "Keyingi oy maoshimni menga berib tura olasizmi", dedilar.

Xazinabon: "Nega, yo amiral-mu’miniyn", dedi.
Umar unga bo‘lgan voqeani aytib berdilar.

Shunda xazinabon: Men qarshimasman, lekin bitta shartim bor, dedi.
Umar: U qanday shart ekan, dedilar.

Xazinabon: "Menga keyingi oygacha tirik qolib, oldindan olmoqchi bo‘lgan maoshingizni to‘lab bera olishingizga kafolat bering", dedi.

Umar uni qoldirib, uylariga qaytdilar. Farzandlari: "Otajon, nima bo‘ldi?", deb so‘rashdi.

Umar dedilar: "Yo sabr qilasizlar va hammamiz barobar jannatga kiramiz, yoki sabr qilmaysizlar va otangiz do‘zaxga kiradi". Shunda bolalari: "Sabr qilamiz, otajon", deya javob qilishdi.

Qaniydi bizda ham mana shu uchlik bo‘lganda edi; Umar, xazinachi va Umar bolalari...

©️Mubashshir Ahmad. «Olim, odam va olam» kitobidan

📚 @kitob_nuri

#Oila

YAXSHI JUFT

- Robbini rozi qiladi;
- erini xursand etadi;
- uyidan uzoqlashmaydi;
- besh vaqt namozini tark qilmaydi;
- oila sirlarini saqlaydi;
- ziynatini begonaga ko‘rsatmaydi;
- ovozini ko‘tarmaydi;
- jussani (figurasini) bildirib kiyinmaydi;
- erining oldida aziz;
- nafsining nazdida xor;
- bolasi uchun mehribon ona;
- uyi jannat bog‘chasi;
- agar erida yaxshilik ko‘rsa shukr qiladi;
- yomonlik ko‘rsa sabr etadi;
- agar eri uning oldiga kirsa tabassum bilan kutib olib, hursand bo‘ladi;
- agar eri uydan chiqsa mahzun bo‘lib, shavqati oshadi;
- agar eri unga g‘azab qilsa tashvish chekadi va o‘zini o‘nglaydi;
- agar eriga yuzlansa uni xursand qiladi;
- agar eri yo‘q bo‘lsa uning moli va obro‘sini himoya qiladi;
- agar erining aybini ko‘rsa berkitadi;
- agar undan uzr so‘rasa kechiradi.

©️ Mahbubiy

📚 @kitob_nuri

📣 Arab tilini o‘rganuvchilar uchun maxsus mundarija

😎Videodarslar:
💖 "Boshlang‘ich arab tili" (35 ta dars)
💖 "Boshlang‘ich arab tili darslari" (30 ta dars)
💖 Arab harflarining yozilishi (5 ta dars)
💖 Arab alifbosining harflar talaffuzi (17 ta dars)
💖 Muallimi Soniy (72 ta dars)
💖 Arab tili fonetikasi (10 ta dars)
💖 Arab tili fonetikasi - maxsus darslar (4 ta dars)
💖 Arab tili grammatikasi (0dan boshlab) (11 ta dars)
💖 Alifbo 1: Alifbo kitobi
💖 Alifbo 2: O‘qish kitobi
💖 Alifbo 3: Arab grammatikasida fe'llar

😎Kitoblar:
💖 Arab tilini o‘rganishga oid elektron kitoblar ro‘yxati

😎So‘zlashgich:
💖 Arabcha so'zlashishdagi mashhur iboralar

😎Maqolalar:
💖 Arab tilini o‘rganayotgan o‘quvchilar uchun foydali maqolalar

😎Multfilmlar:
💖 Arab tilingizni mustahkamlash va rivojlantirish uchun multfilm

😎Test namunalari:
💖 Arab tili: Chet tilini bilish darajasi testi bo‘yicha test namunalari

😎Tavsiya va maslahatlar:
💖 Arab tilini o‘rganishga oid tavsiya va tushuntirishlar

#Kitobdan

OLIMLAR VA AMIRLAR

Rivoyat etilishicha, usmonli xalifa sulton Sulaymonga saroy xizmatchilari To‘pqopi qasri daraxtlarining shoxlarini chumoli bosib ketgani xabarini berishadi.

Mashvarat ahlidan daraxtlar shoxini yog‘lash maslahatini olgach, sulton o‘z odati bo‘yicha oldin rasman Shayxul-islom deb nomlanadigan davlat muftiysi fikrini olmoqchi bo‘ladi. 

Shayx Abu Saud afandidan fatvo olish uchun sulton o‘zi boradi. Joylarida topmagach she’r shaklida quyidagi xatni yozib ketadi: 

Gar chumoli daraxtda o‘rmalar
Uni o‘ldirmoq bo‘lurmi zarar?

Shayx uning maktubini ko‘rgach shunday javob qiladilar: 

Gar adl mezoni qo‘yilsa to‘g‘ri
Chumoli nasibin olur beo‘g‘ri. 

Bu bilan shayx sulton so‘raganidan ham muhimroq vazifadan ogoh etgandilar. 
Sultonning odati doim shunday, ya’ni o‘zi ijro qiladigan har qanday ishga muftiyning yoki davlatdagi ulamolar oliy hay’atining fatvosini olardi.

Sulton Venaga qilgan yurishida Zektor jangida shahid bo‘ladi. Uning jasadini Istambulga keltirishadi.

Dafn asnosida o‘zi bilan qabrga bir sandiqni qo‘yishlarini vasiyat etgani ma’lum bo‘ladi. Uni mol-dunyoga to‘la deb o‘ylashadi va tuproq ostida uvol bo‘lishini o‘ylab sandiqni ochishadi.

Sandiq qiyomatda o‘zini himoya qilish uchun sulton yig‘ib qo‘ygan fatvolarga to‘laligini ko‘rib hayratda qolishadi.

Shunda davlat muftiysi shayx Abu Saud yig‘lagan holda shunday deydilar: "Ey Sulaymon, sen o‘zingni qutqarib olding. Ammo fatvomizda xato qilgan bo‘lsak, bizni qaysi osmon soyalantirib, qaysi yer ko‘tarib turadi??"

Ulamolar shunday bo‘lishgan!!
Hokimlar shunday bo‘lishgan!!

©️ Mubashshir Ahmad. «Olim, odam va olam» kitobidan

📚 @kitob_nuri

📚 Hozirda shu kitoblar ko‘p so‘ralyapti. Shu sababli ularni bitta ro‘yxatga jamladik:

1️⃣. Izlash
2️⃣. Dunyoni anglash kitobi
3️⃣. MEN: Bas qil, ey nafs!
4️⃣. SIR: Oshiqlar o‘lmas
5️⃣. LOL: Har shaharning o‘z egasi bor...
6️⃣. Hech bir uchrashuv tasodif emas
7️⃣. Kaktuslar ham gullaydi
8️⃣. Qalb iffati
9️⃣. Qaytganimda uyda bo‘l
1️⃣0️⃣. Duo taqdirni o‘zgartiradi
▫▫. Bir olima qiz bor edi

#Tafakkur

Ayol latofatini uch narsa yo‘qqa chiqaradi:
- qaysarlik;
- asabiylik;
- baland ovoz.

©️Vilyam Shekspir

📚 @kitob_nuri

#Tafakkur

Axloqni qishloqdan oling! Chunki izdihom ruhiyatni buzadi.

©️Iliyo Abu Moziy

📚 @kitob_nuri

#Tafakkur

Aqli oz odamning hazili ko‘p bo‘ladi.

©️

📚 @kitob_nuri

#Tafakkur

AJAB
   Imom Buxoriy rohimahullohning "Adabul mufrad" nomli hadis to‘plamida keladi:
   "Qalblar yaqinligidek ajoyib narsa yo‘q!".

Muhabbatda sabab qidirmang. Bu Allohning ishi. Alloh ekkanini bandasi sug‘urib ololmaydi!

   Qancha-qancha biz suyadigan insonlar bor. Ular bilan oramizda bir qancha shaharlar bor. Ammo bu shaharlar va uzoq masofalar bizni ajrata olmaydi.
   Qancha-qancha er-xotinlar bor. Boshlari bir yostiqda, ammo qalblari dunyo va oxirat qadar uzoq.
   Bir begona odam bilan uchrashasiz. Bir-ikki suhbatdan keyin begonaligi qolmaydi. U bilan yaqinlashib ketasiz.
   Ba’zilar bilan esa bir necha yillardan beri birga yurib, birga turasiz. Ammo ular qalbingiz ostonasidan ichkariga kira olishmaydi.

   Ajab! Aql buni sharhlay olmaydi, mantiq esa tushuntira olmaydi!
  Robbimiz Nabiyyimiz sallollohu alayhi va sallamga shunday marhamat qiladi:
   "Agar yer yuzidagi barcha narsani sarf qilganingda ham ularning qalbini ulfat qila olmas eding. Ammo Alloh ularning orasini ulfat qildi!".

© Abdulqodir Polvonov

📚 @kitob_nuri

#Tafakkur

Muhammad ibn Is'hoq aytadi: “Madinada bir guruh insonlar istiqomat qilardilar. Ular nimaning hisobiga yashayotganlarini va ularga kim yegulik yetkazib berayotganini hech kim bilmasdi. Zaynul Obidin ibn Husayn vafot etgach, bu yeguliklar kelmay qoldi. Shunda bilishdi, yeguliklarni u kishi kechasi berib ketar ekan. Zaynul Obidinni dafn etayotganlarida, uning yelkalarida beva va miskinlar uchun yuk tashishdan qolgan izlarni ko‘rishdi”.

📚 @kitob_nuri

#Tafakkur

JALOLIDDIN RUMIY HIKMATLARI⤵️

Qumning bir zarrasiman, ammo bepoyon cho‘lning dardini ortmoqlab yuribman.

Tuproqdan keldik, tuproqqa ketarmiz. Muhimi dunyoda kirlanmaslikdir, ko‘ngilni pok tutmoq, dilga kir yuqtirmaslikdir...

Agar taqdir etsa Alloh - qo‘l ham olib kelar, yel ham olib kelar, sel ham olib kelar. Gar taqdir etmasa Alloh - qo‘l ham olib ketar, yel ham olib ketar, sel ham olib ketar....

Haqqa yetmoq istasang, ko‘ngillarni qozonmoqni maslak aylagin, buning uchun saroylarda marmar bo‘lma, bir tuproq bo‘lginki, bag‘ringda gullar yetishsin...

Unutma! Iymonda ketmoq, jannatga erishmoq uchun bir umr lozim, bularning baridan ayrilmoq, kufrda ketmoq uchun bir lahza kifoya.

Yaxshilik izla, to‘g‘rilik izla, go‘zallik izla, ammo ayb izlama.

Savdosi, sarmoyasi, mol-dunyosi ko‘p odamning imtihoni ham og‘ir bo‘lur.

Ishqi ulkanning imtihoni ham zalvorlidir.

Go‘zalligingga quvonma, uni bir so‘gal buza olar, mol-mulkingga quvonma, uni bir ofat olib ketar. Robbingga quvon, u hammasiga kifoya etar...

Insonlarni kitob kabi anglang. Muqovasiga qarab aldanmang, ichini o‘qib chiqqachgina mohiyatini bilarsiz...

Gilamni kaltak bilan qoqmoq gilamga ozor bermoq uchun emas, gilamni poklamoq uchundir. Alloh senga tashvish berar ekan, seni imtihon qilib tozalar, changu g‘uboringni ketkazar. Qayg‘urma...

Aqlim har kun tovba qilar. Nafsim har kun tovbamni buzar. Ikkisining orasida qolgan bir bechoraman. Yaxshiyamki, Robbim, sening dargohing bor...

Qof tog‘i qadar yuksakja bo‘lsang-da, bir kafanga sig‘ar darajada kichiksan. Unutma, har narsaning hisobi bor, qarzingni uzguning qadar uzilursan...

Gul deganing nima sening? Uch-to‘rt tikon, biroz yaproq,
Nedur sen sevgan bu hayot? Uch-to‘rt nafas, so‘ngra tuproq...

Ichingni tashingdan ham ko‘ra ko‘proq pokla, obod qil, chunki tashingni xalq (maxluq) ko‘radi, ichingga Alloh (xoliq) ko‘radi...

Johil kishi qarab turib gulning go‘zalligini ko‘rmas, tikonlariga tikilur.

Inson bir daryo kabidir, sathi ko‘rinib turadi, tubida ne bo‘ronlar qo‘par, ne po‘rtanalar toshar, so‘zlamas, jimgina oqar va ketar...

Adolat nedur? Gulni sug‘ormoqdir.
Zulm nedur? Tikonlarni sug‘ormoqdir.

Hayot olganing qadar nafasdir, hayot qolganing qadar qafasdir, hayot tolguning qadar havasdir...

Robingga qarab: "Mening buyuk dardim bor" - dema, dardingga qarab:  "Mening buyuk Robbim bor", -  degin...

Gulning go‘zalligi - urug‘ining pokligidan, insonning go‘zalligi qalbining pokligidandir

Ishqni biyron sayrayotgan bulbuldan emas, sassiz-sadosiz jon berayotgan parvonalardan so‘ra

Milliardlab yerga bir-bir alohida yog‘ilayotgan, bir-birini turtmasdan yerga ayro‘ tushayotgan qor uchqunlari oxiri oxirat bo‘lgan dunyo yo‘llarida milliardlab insonlar bir-biriga zarar bermay, xalaqit qilmay yashashlari, harakat qilishlari mumkinligini anglatadi, axir...

Ba’zan mas’umligimizga farishtalar havas qiladi, ba’zan johilligimizdan shayton qocharga joy topolmaydi... Dunyoga kelganimizning asosiy g‘oyasi – Allohni tanimoq, iymon keltirmoqdir.

Hech bir narsa ko‘ringani kabi emasdir, bugun senga hayot bergan suv ertaga seni cho‘ktira oladi ham.

Ovozingni ko‘tarma, so‘zingni yuksaltir - yaproqlarni yomg‘irlar o‘stiradi, gumburlagan momoqaldiroqlar emas.

Odamlar seni o‘z manfaatlari uchun harakat qildirishni istaydi, Alloh esa sen o‘z manfaating uchun harakat qilishingni istaydi.

Tilingni tarbiya qilishdan avval dilingni tarbiya qil. Chunki so‘z tilga dildan chiqib keladi.

Chumolilarning g‘imirlashini biladigan, sasini ham eshitadigan Alloh, qalblarimizning astoydil faryodini eshitmaydimi?! Albatta eshitadi...

📚 @kitob_nuri

#Kitobdan

OVQATLANISH ODOBI.

Bir tabib notanish kishining ovqat ichishini ko‘rib:
– Ovqatdan so‘ng sizning kekiradigan odatingiz bormi? – deb so‘rabdi.
– To‘g‘ri aytasiz, lekin bu odatimni qayerdan bildingiz?
Shunda tabib debdi:
– Siz ovqatni xo‘rrilatib ichar ekansiz, bunaqada ovqat bilan havo ham yutiladi. So‘ng bu havo kekirish orqali chiqib ketadi. Ovqatni sekin og‘izga olish, chaynash va yutish lozim.

©️"Sharq hikoyat va rivoyatlari" kitobidan.

📚 @kitob_nuri