khaibariy

“G‘azo – falastinliklar yeri va ular G‘azoda qolishlari shart!”

Donald Trampning G‘azo sektorini bosib olish rejasiga dunyo davlatlari reaksiyasi

🇸🇦 Saudiya Arabistoni Tashqi ishlar vazirligi: «Saudiya Arabistoni falastinliklarni o‘z yerlaridan siqib chiqarishga qaratilgan har qanday urinishni rad etadi. Saudiya Arabistoni valiahd shahzodasi Muhammad bin Salmon qirollikning bu boradagi pozitsiyasini hech qanday vaziyatda talqinga o‘rin qoldirmaydigan darajada «aniq va ravshan tarzda» tasdiqladi»

🇩🇪 Germaniya tashqi ishlar vaziri Annalena Bayerbok G‘azo sektori falastinliklarga tegishli ekanligini va ularni ko‘chirib yuborish nomaqbul hamda xalqaro huquqqa zid bo‘lishini taʼkidladi.

🇬🇧 Buyuk Britaniya tashqi ishlar vaziri Devid Lemmi: «Biz doimo ikki davlat tamoyiliga intilish kerakligini qatʼiy aytib kelganmiz. Biz falastinliklarning o‘z vatani - G‘azo va G‘arbiy Sohilda yashab, rivojlanishga qodir bo‘lishlarini ko‘rishimiz lozim.»

🇫🇷 Fransiya Tashqi ishlar vazirligi rasmiy vakili Kristof Lemuan: «Fransiya yana bir bor G‘azodagi falastin aholisining majburiy ko‘chirilishiga qarshi ekanligini bildiradi, chunki bu xalqaro huquqning jiddiy buzilishi hisoblanadi»

🇪🇸 Ispaniya tashqi ishlar vaziri Xose ManuEl Albares: “Men bu masalaga aniqlik kiritmoqchiman: G‘azo - G‘azoda yashovchi falastinliklar yeri va ular G‘azoda qolishlari shart”.

🇪🇬 Misr tashqi ishlar vaziri Badr Abdulatti Falastin bosh vaziri Muhammad Mustafo bilan G‘azoni tiklash loyihalarini falastinliklarni sektordan ko‘chirmasdan ilgari surish muhimligini muhokama qildi.

🇷🇺 Kreml matbuot kotibi Dmitriy Peskov: «Rossiya Yaqin Sharqdagi vaziyatni faqat ikki davlat tamoyili asosida hal etish mumkin, deb hisoblaydi»

🇨🇳 Xitoy TIV: «Xitoy barcha tomonlar o‘t ochishni to‘xtatish va mojarodan keyingi boshqaruvni Falastin masalasini ikki davlat to‘g‘risidagi qaror asosida to‘g‘ri siyosiy yo‘lga qaytarish imkoniyati sifatida qabul qilishiga umid qilmoqda.»

🇹🇷 Turkiya tashqi ishlar vaziri Hoqon Fidan: «AQSH prezidenti Donald Trampning G‘azoni bosib olish rejasi haqidagi fikrlarini qabul qilib bo‘lmaydi. Falastinliklarni chetda qoldiradigan har qanday reja yana-da ko‘proq mojaroga sabab bo‘ladi»

🇵🇸 HAMAS vakili Sami Abu Zuhriy: «G‘azo sektoridagi xalqimiz bu rejalarning amalga oshishiga yo‘l qo‘ymaydi. Xalqimizni o‘z yeridan haydab chiqarish o‘rniga, (Isroil) bosqinchiligiga va xalqimizga qarshi tajovuzga chek qo‘yish lozim»

🇵🇸 Falastin prezidenti Mahmud Abbos falastinliklar o‘z yerlari, huquqlari va muqaddas joylaridan voz kechmasligini, G‘azo sektori G‘arbiy Sohil va Sharqiy Quddus bilan bir qatorda Falastin davlati hududlarining ajralmas qismi ekanligini taʼkidladi.

🇮🇷 Eronning yuqori martabali amaldori: «Eron falastinliklarning har qanday ko‘chirilishiga qarshi va bu haqda turli kanallar orqali xabar bergan», dedi.

Kanalga obuna bo‘ling 👉 https://t.me/+dVpSVD3m5lUyMjVi