" KATTA QANGLI " Jome' Masjidi

Жаннат ва дўзах

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Аллоҳ жаннат билан дўзахни яратгач, Жаброилни жаннатга юбориб: «Унга ва унинг аҳлига (жаннатга ва жаннатийларга) тайёрлаб қўйган нарсамни кўргин», деди. Жаброил келиб, жаннатни ва жаннатийларга у ерда тайёрлаб қўйилган нарсаларни кўриб, Аллоҳнинг олдига қайтиб келади ва «Азизлигингга қасамки, у ҳақда эшитган ҳамма унга киришга интилади», деди. Шунда Аллоҳ жаннатни қийинчиликлар билан ўраб қўйишни буюради. Кейин «Яна бориб, жаннатда жаннатийларга тайёрлаб қўйган нарсаларимни кўргин», дейди. Жаброил бориб, у ернинг қийинчиликлар билан ўралганини кўриб, «Азизлигингга қасамки, унга ҳеч ким кирмаслиги учун (уни қийинчиликлар билан) ўрабсан», дейди.
Аллоҳ Жаброилга: «Энди дўзахга бориб, унга ва дўзахийларга нима тайёрлаб қўйганимни кўргин», дейди. Жаброил унинг бир-бирига киришиб ётганини кўриб, «Азизлигингга қасамки, у ҳақда эшитган биронта одам унга кирмайди», дейди. Шунда Аллоҳ таоло уни шаҳватлар билан ўраб қўйишга буюриб, «Яна бориб кўргин», дейди. Жаброил бориб, уни кўриб, қайтиб келиб, «Азизлигингга қасамки, ундан ҳеч ким қутулиб қола олмайди, унга ҳамма киради деб қўрқаман» деди.

Ota... | Havola
https://youtube.com/watch?v=vTBrYC_O7tU&si=zqJU-SIJIynuVqCs


КЎРИНГ ВА ИБРАТ ОЛИНГ..!!

Америкада бир аёл баҳайбат питон илонини боқар экан. Илон бир куни шиддатли оза бошлабди ва ҳар куни аёлга келиб, суйкала бошлар экан.

Бундан таажжубланган аёл илонини ветеринарга олиб борибди. Улар аёлдан сўрашибди:
— Уйингизда яна бошқа каттароқ ҳайвон борми?
— Йўқ.
— Илон билан бир хонада ётасизми?
— Ҳа.
— Тушунарли. Қачонки илон катта тезликда озаётган бўлса, у бирорта каттароқ ўлжани ейишни мақсад қилган бўлади. Яъни илон сизни тез кунда емоқчи...

Хулоса шуки, атрофимизда бизга ёқиш учун вазнини озайтириб, меҳрибонлик қилаётганлардан эҳтиёт бўлайлик!

АЙНИҚСА ИНТИРНЕТ ОЛАМИДА НОТАНИШ БЎЛГАНЛАР ВА ҲАР КИМНИ ГАПИГА КИРИБ УЛАРГА ЕМ БЎЛИБ КЕТМАНГ.!!

Бир дайди ит адашиб, кўзгулар хонасига кириб қолди. Бу хонанинг ҳамма жойи кўзгудан иборат эди. Ит хонанинг ўртасига келиб, кўзгуларда ўз аксларини кўриб, ҳайратдан қотиб қолди. Унга ҳамма жойдан бир гала итлар қараб турар эди.

Ит уларга қарата ҳура бошлади, улар ҳам бунга жавоб қайтаришди. У янада баланроқ ҳура бошлади, улар ҳам янада баландроқ ҳура бошлашди....

Эртаси куни тонгда итни жонсиз ҳолатда топишибди. Итнинг арофида ҳам минглаган итнинг жасади ётар эди. Бу итга ҳеч ким зарар етказгани йўқ эди. Ит ўз акси билан бўлган жангда ҳалок бўлганди.

Хулоса шуки, бу дунё ҳам катта бир кўзгу. Атрофимизда содир бўлаётган жараёнлар бизнинг тасаввурларимизнинг айни аксидир. Шундай экан, бу дунёга яхшилик кўзи билан боқайлик!

• Чиройлик бўлишинг учун гўзал бўлишинг шарт эмас.
• Суюкли бўлишинг учун мақтовда бўлишинг зарур эмас.  
• Бахтиёр бўлишинг учун бой бўлишинг керак эмас.  
• Чиройли, суюкли ва бахтиёр бўлишинг учун Роббингни рози қилишинг кифоя.... 

Агар 99 та тўғри иш қилиб бир марта хато қилсанг шу биргина хато билан сени айблаб 99 тадан воз кечадилар. Одамлар мана шундай.  

Агар 99 та хато қилиб бир марта тўғри иш қилсанг Аллоҳ ўша 99 тани кечиб юборади. Мана бу менинг Роббимдир.
  
Ҳолимизга нима бўлганки одамлар ва миш-мишларга ташна бўлиб Аллоҳдан узоқлашамиз?!
  

ҲЕЧ ҚАЧОН НОЛИМАНГ!

Одамлар сизни кучли, ижобий фикрловчи ва энергияга бой шахс деб билишсин.

Доим нолийдиган, ҳар нарсада майдалашиб ёмонлик қидирадиган инсонлар ўзидан бошқаларни нари кетишига сабаб бўлади ва камдан кам ҳолда ютуққа эришадилар.

Психологик нуқтаи назарда ҳамма нарса аввал ўй-ҳаёлда, кейин реал ҳаётда содир бўлади.   Шунинг учун доим ижобий фикрланг.

Руҳан кучли бўлсангиз, йўлингизда учраган ҳеч бир қийинчилик сизни орқага қайтара олмайди. Нима хоҳлашингизни тасаввур қилинг, буни рўёбга ошишига қаттиқ ишонинг, ҳаракатни бошланг ва у албатта амалга ошади.

Ихлоссиз ибодатдан кутилган савоб олинмас

Ибодатда ихлос қилмоқ қабрни нурафшон қилгай. Зеро, Қуръони каримда шундай марҳамат қилинади: "Ҳолбуки, улар фақат ягона Аллоҳга У Зот учун динни холис қилган, тўғри йўлдан оғмаган ҳолларида ибодат қилишга, ҳамда закотни ато этишга буюрилган эдилар". Биз қалбимизда аниқ ишонч, айтган сўзимиз ва қилган амалларимиз орқали Аллоҳдан ўзга ибодатга лойиқ Зот йўқ эканлигига иймон келтирамиз. Аллоҳ инсонни мана шу мақсад билан яратгандир. Ихлос билан қилинган ибодатнинг Аллоҳ таоло олдида қабул бўлишининг учта шарти бор:
1. Аллоҳга иймон келтириб, Уни ибодатда ягона деб билмоқ. Ҳақ таоло айтади: "Албатта, иймон келтирган ва яхши амаллар қилган зотлар учун фирдавс боғлари манзил бўлур". (Қаҳф, 107-оят)
2. Ихлос – ҳеч кимга сўзламай, риёсиз холис Аллоҳ таолога ибодат қилмоқ. Аллоҳ бу борада шундай марҳамат қилади: "Эй Муҳаммад, бас, сиз Аллоҳга У зот учун динингизни холис қилган ҳолда ибодат қилинг". (Зумар,2-оят)
3. Амални ҳазрат Пайғамбаримиз соллаллоҳу алайҳи ва салламга келган буйруқларга мувофиқ ҳолда бажариш. Аллоҳ таоло шундай марҳамат қилади: "Пайғамбар ўзи сизларга келтирган нарсани олинглар, у зот сизларни қайтарган нарсадан қайтинглар". (Ҳашр, 7-оят)

"Обидлар йўли" китобидан.

Маҳсулотнинг нархини харидорга қараб ўзгартириш

❓ Савол: Менинг бир танишим кабоб пишириб сотади ва ҳаммага ҳар хил нархда сотади. Шу иш тўғрими?

📥 Жавоб: Сотувчи ўзининг мулки бўлган маҳсулотни истаганча тасарруф қилади, нарх қўяди, арзон қилади, қиммат қилади. Бир кишига арзонроқ, бошқасига қимматроқ сотишининг шаръий томондан ман қилинган жойи йўқ. Чунки савдонинг тарифида уламоларимиз: “Ўзаро розилик билар молни молга алмаштиришдир”, деганлар (“Мухтасарул виқоя” китоби).

Бу ҳақда Пайғамбаримиз соллаллоҳу алайҳи ва саллам бундай дейдилар: “Албатта, савдо икки томоннинг розилиги биландир” (Имом Ибн Можа ривояти).

Савдода асосий омил сотувчи ва харидорнинг ўзаро розилигидир. Қолаверса, маҳсулотларга нарх белгилашда оммага зарар етмайдиган бўлса, сотувчи ихтиёрли. Унинг ишига бошқалар аралаша олмайди.

Ҳар бир нарсанинг одоби бўлганидек, савдода ҳам сотувчи ва олувчига оид одоблар мавжуд. Сотувчи ёлғон гапирмаслиги, хиёнат қилмаслиги, тарозидан урмаслиги ва харидорни ҳурмат қилиши, харидор камбағалроқ бўлса, озроқ нархдан тушиб бериши мақтовга сазовор ишлардандир. Пайғамбаримиз соллаллоҳу алайҳи ва саллам савдода сахий бўлиш ҳақида бундай деганлар: “Албатта, Аллоҳ олди-сотдида қўли очиқ, ҳукм юритишда адолатли бўлганларни яхши кўради” (Имом Термизий ривояти).

“Фатволар тўплами”дан.

📿100 та тасбеҳга 1000 та савоб

Мусъаб ибн Саъд разияллоҳу анҳудан, у киши отасидан бундай ривоят қиладилар: Расулуллоҳ саллаллоҳу алайҳи васалламнинг ҳузурларида эдик. У зот: “Сизлардан бирингиз ҳар куни мингта савобни қўлга кирита олмайдими?” – дедилар. Шунда у зотнинг ҳамсуҳбатларидан бир киши: “Қандай қилиб бирортамиз мингта савобга эга бўлиши мумкин?” – деб сўради. “Юзта тасбеҳ айтади. Шунда унга мингта савоб ёзилади ва ундан мингта хато ўчирилади”, – дедилар. (Имом Табароний ривояти).

Демак, 1 марта “Субҳаналлоҳ” деган бандага 10 та савоб ёзилади ва ундан 10 та гуноҳ ўчирилади. Ваҳоланки, бунга 1 сония вақт кетади холос.

МУҲАББАТ ВА НАФРАТ

Дунёни дўст тутиб суйган киши инсонларнинг унга бўлган адоватли туйғуларидан ҳеч қачон қутулолмайди. Дунё муҳаббатидан кўнгил узган кишининг инсонлар муҳаббатига сазовор бўлиши ҳақида ҳазрат Пайғамбаримиз соллаллоҳу алайҳи ва саллам шундай деган эканлар: “Одамлар қўлидагидан умидингни уз, улар сени севиб қоладилар” (Саҳл ибн Саъддан ривоят қилинган, Байҳақий ривояти).

Киши дунёни қанчалик кўп севса, душмани шунча кўп бўлади. Аллоҳ учун ёмон кўриш деганда бирор кишининг Аллоҳнинг махлуқи сифатидаги ўзини, зотини эмас, балки унинг ножўя, номувофиқ хатти-ҳаракатини ёмон кўриш тушунилади. Чунки инсон Аллоҳнинг мукаррам яратиғи ва ижодидир. Ҳазрат Пайғамбаримиз соллаллоҳу алайҳи ва салламнинг саримсоқ пиёз ҳақида айтган гапларини ўйлаб кўринг: “Саримсоқ асли бир ўсимлик, фақат ҳидигина ёқимсиздир” (Абу Саъд ривоят қилган, Муслим ривояти).
Расулуллоҳ соллаллоҳу алайҳи ва саллам бу ерда унинг ҳидигагина урғу беряптилар, холос. Сизга бир мезон тавсия этаман, унинг ёрдамида одамларга нафратингиз Аллоҳ розилиги учун бўлганми ё ҳавойи нафсингизнинг истагими, аниқлаб оласиз. Яъни, сиз ёмон кўрган кишингизни Қуръон ва Суннат асосида текшириб кўришингиз лозим. Агар унинг фаолияти, амаллари Қуръон ва ҳадисларда мақталган амалларга мувофиқ келса, уни дўст тутишингиз лозим, борди-ю амали қораланган, салбий амаллардан бўлса, у ҳолда уни суймаслигингизга тўғри келади. Токи кимнидир яхши ёки ёмон кўриб қолишингиз ҳавойи нафсингизнинг талаби бўлиб колмасин. Биз "бирор-бир мусулмонни ҳавойи нафсимизнинг эҳтиросларидан келиб чиққан ҳолда ёмон кўрмаймиз" деб аҳд қилганмиз. Гуноҳ ишларни ошкора қилиб юрувчи фосиқ, беҳаёларга келадиган бўлсак, биз уларни Аллоҳ учун ёмон кўришимиз лозим. Бу ёмон гумонга кирмайди.

«Аҳлоқус солиҳийн» китобидан.

Ҳатто, Чингизхон ҳам вайрон қила олмаган Минораи Калон

Афсоналарга кўра 1220 йил мўғул қўшинлари Буxорои шарифга ёпирилиб киради. Ҳукмдорнинг буйруғи билан шаҳарни бир бошдан вайрон эта бошлайдилар. Шу пайтда, Чингизxон Минорани кўздан кечириш мақсадида, унинг энг юксак нуқтасига қараганида, бош кийими учиб кетади ва ерга тушади.

Уни олиш учун ерга эгилганида, шундай фикр келади: “Минора илоҳий экан, таъзим бажо келтирмаганим учун менга ғазаб қилди. Мен ҳеч кимса ва ҳеч нима олдида тиз чўкмаганман, бу иншоот эса ҳаётимдаги илк истисно бўлди”.

Шундан сўнг, Чингизxон бу муқаддас даргоҳни буздирмайди ва миноранинг шарофати билан шаҳарнинг марказий, жанубий ва ғарбий қисмлари омон қолади.

Бухоро шаҳрининг рамзи ҳисобланадиган “Минораи Калон”, 1127-йилда Қораxон ҳукмдори Арслан Xон буйруғи остида, Бақо исмли меъмор томонидан қурилган. Меъморий xусусиятлари жиҳатидан Ўзбекистонга xос бўлган ва баландлиги 48 метрга яқин, 105 поғонали бу минора, 16 ровоқлардан иборат. Ҳар бир ровоқ турли нақш ва шаклларга эга.

«УМРИНГИЗНИ  БОЙ  БЕРМАНГ!»
#Ҳикоят
        Бир муҳтарам зотдан сўрашибди:

        - «Умрни бой бериш нима?»

        - «Умидворликдан мосуво бўлиш» дея жавоб берди у.

        - «Буни тўлиқроқ англатсангиз» сўрашибди, яна.

        - «Инсон зоти борки, умид билан яшайди. Ишлайди, тер тўкади, ҳаракат қилади. Масалан, ота-она келгусида халққа керакли одам бўлсин, деган ниятда ҳали тили чиқмаган гўдак тарбияси билан машғул бўлади. Ёки бўлмаса, эртага зурриётларим ҳосилини кўрсин, деган умидда саксон ёшли бободеҳқон кўчат ўтказди. Ушбуларнинг барчаси, эзгуликдан нишона, келажакка қаттиқ ишончдир. Зотан, ҳар қандай самарали меҳнат замирида буюк умидворликка асосланган ғайрат-шижоат ётади», дея суҳбатга якун ясабди ул зот.
  «Фарзанднома» китобидан.

☝️ДЎСТЛАРИНГИЗГА ҲАМ УЛАШИНГ!!!

ОНА МАКТУБИ


Сут солинган коса онанинг қўлидан тушиб кетиб, синди. Ўғил бор овози билан онасига бақирди ва ғазаб билан хонани тарк этди. Она кичик бир мактуб битди. Ўғил кўчадан қайтганда она одатдагидек курсида ўтирганча ухлар, мактуб эса кўксида турган эди. Ўғил аста мактубни қўлига олиб ўқий бошлади:
«Ўғлим, меҳрибоним, кўзимнинг қувончи! Афсуски, мен қариб қолдим. Қўлларим қалтираб, овқат кийимимга тўкилиб кетяпти. Энди олдингидек тетик, чиройли, хушбўй эмасман. Сендан илтимос, мени маломат қилмагин. Либос ва поябзалимни ўзим кия олмаяпман. Илтимос, менга ёрдамлашгин. Оёқларим ҳам юришга қийналяпти. Таҳорат қилиш учун ҳаммомга бораётганимда, қўлларимдан ушлаб олгин. Сен юришга ҳаракат қилган пайтларингда, йиқилиб кетмаслигинг учун қўлларингдан неча марта ушлаб олганимни бир эсла. Хотирам заифлашиб қолганидан ва секин гапираётганимдан малолланма. Сен билан гаплашганимда мени хурсанд қиладиган биргина нарса сенинг ёнингда эканимдир. Болалигингда кулгуларинг билан мени хурсанд қилардинг. Бугун ҳам табассумингни мендан дариғ тутма. Мен ўлимини кутиб яшаётган қарияман. Сени туққанимда ёнингда эдим. Вафот этар чоғимда сен ҳам ёнимда бўлгин».
Сўзимиз охирида Пайғамбаримиз соллаллоҳу алайҳи васалламдан кимга яхшилик қилиш лозимлиги сўралганда, уч марта «Онангга!» деганларини эслатиб қўймоқчимиз.
Эй Роббим! Оналаримизни Жаннатдан маҳрум қилмагин! Умрларини узун, ризқларини баракали, гуноҳларини мағфират қилгин!

☝️ДЎСТЛАРИНГИЗГА ҲАМ УЛАШИНГ!!!