#Биласизми
❓Ta’lim-tarbiya jarayoni ishtirokchilarining tashqi ko‘rinishi bo‘yicha qanday talablar belgilangan?
Maktabgacha va maktab ta’limi vazirining 2023 yil 31 avgustdagi “Umumiy o‘rta ta’lim muassasasining takomillashtirilgan namunaviy odob-axloq qoidalarini tasdiqlash to‘g‘risida”gi 282-sonli buyrug‘ida mazkur me’yorlar belgilangan.
✅Unga ko‘ra ta’lim-tarbiya jarayoni ishtirokchilarining tashqi ko‘rinishi bo‘yicha quyidagi talablar belgilanadi:
➡️ tanasining ochiq qismiga tatuirovka tushirilmagan yoki pirsing qilinmagan bo‘lishi, sochi tartibga keltirilgan va yorqin (g‘ayrioddiy) ranglarga bo‘yalmagan bo‘lishi;
➡️ erkaklarning soqoli olingan bo‘lishi;
➡️ ayollar quloq va barmoqlardan tashqari tananing turli qismlariga zirak yoki metall buyumlar taqib yurmasligi;
➡️ o‘z faoliyatida manfaatlar to‘qnashuviga sabab bo‘ladigan holatlarga yo‘l qo‘ymasliklari;
➡️ pedagoglar o‘zining pedagogik va psixologik sohadagi bilim va ko‘nikmalarini doim takomillashtirib borishi, shu bilan birga malakasini hamda professionallik darajasini oshirishga ko‘mak beradigan tadbirlarda muntazam ishtirok etishi;
➡️ pedagoglar huquqiy ong va huquqiy madaniyatni shakllantirishga qaratilgan O‘zbekiston Respublikasi Qonunlari, O‘zbekiston Respublikasi Prezidentining Farmoni va qarorlari, O‘zbekiston Respublikasi Hukumatining qarorlari va boshqa normativ-huquqiy hujjatlari bilan tanishib borishi, ularga og‘ishmasdan amal qilishi, mavjud barcha standartlar, bayonlar, tavsiyalardan xabardor bo‘lishi lozim.
👉
@kattakurgon_tmmtb