Касбим-фахрим

Грузин ўқитувчиси Шалва Александрович Амонашвили бир куни ўқитувчиларга шундай савол берди:

- Тасаввур қилинг, сиз тўртинчи синфда дарс ўтаяпсиз, бир ўқувчи бола дарсга 20 дақиқа кечикиб кириб келди. Сиз нима қилган бўлар эдингиз?

Ўқитувчилар турли хил вариантларни таклиф қила бошладилар:
- Синфдан чиқ;
Менга кундалигингни бер;
Ўз жойингга ўтир;
Дарсдан кейин гаплашамиз...

Лекин Шалва Александрович бу жавоблардан қониқмади ва у:
- Бола кечикса, мен унга чин юракдан:
Ассалому алейкум болам, кир, ўтир, биз сенсиз дарсни бошлай олмаётган эдик, биз сени кутиб ўтирган эдик!-дейман.

Бунинг номини шартсиз меҳр дейилади, уни сохталаштириб бўлмайди. Агар у иккинчи куни ҳам кечикса, мен унга янада катта меҳр билан:
- Салом, азизим, мен сени кутгандим, тез кир, ўтир. Сенсиз дарсни бошлай олмадим.

Биласизми, агар буни уч, тўрт, беш марта такрорласангиз, бола кечикишни тўхтатади. Чунки у фақат меҳрнинг соф таъсирига муносабат билдиради. Агар инсон ўзини қаердадир кутишларини ҳис қилса, у ерга ҳеч кечикмайди. Боланинг психологияси шундайки, у қаерда ўзини беғараз севишларини ҳис қилса, қаерда қадрли шахс сифатида ҳурматга сазовор бўлса, ўша жойга ҳеч қачон кечикмайди.


@kasbim_faxrim1👈

Каналга уланиш👇👇👇👇
https://t.me/joinchat/AAAAAETs8lq92DIW1093YQ

МУҚАДДАС АЁЛ...

Ошиқларинг пойингга гул отиб ҳам бўлди,
Хилватларда лабингдан бол тотиб ҳам бўлди.
Ва бу ҳақда кимларгадир сотиб ҳам бўлди,
Сен барибир муқаддассан,
Муқаддас аёл!

Аввал: “Кел-ей. Қучоғимга тўл, балқ”, дедилар,
Унамадинг, аёл ўзи терс “халқ” дедилар.
Ичолмагач юз ўгириб, шўр, талх дедилар,
Сен барибир муқаддассан,
Муқаддас аёл!

Сен дарёсан, ўпганини қирғоқ яширар,
Жуфтим бўл,- деб чопганини ҳар тоқ яширар,
Жаннатим,- деб қувонмасдан қумлоқ яширар,
Сен барибир муқаддассан,
Муқаддас аёл!

Асли бу бор эрмакларнинг борар ери Сен,
Росту ёлғон эртакларнинг борар ери Сен,
Асов ўтдай эркакларнинг борар ери Сен,
Сен барибир муқаддассан,
Муқаддас аёл!

Чорлашганда сен келсанг, гоҳ бекор келсанг-да,
Маст даврада бир сарин ел, бир тор келсанг-да,
Хор келсанг-да, номардларга гоҳ хор келсанг-да,
Сен барибир муқаддассан,
Муқаддас аёл!

Қимтинасан, астагина кўтарасан бош,
Минг йилликдир кўзингдаги жовдираган ёш,
Гуноҳкорлар мингу битта Сенга тегар тош,
Сен барибир муқаддассан,
Муқаддас аёл!

Ҳарир, хушбўй баданингда тошлар изи бор,
Кўкрагингда эгилган не бошлар изи бор,
Қуёш изи, куйдирган қуёшлар изи бор,
Сен барибир муқаддассан,
Муқаддас аёл!


Ҳалима Ҳудойбердиева
🌼
@kasbim_faxrim1👈

Каналга уланиш👇👇👇👇
https://t.me/joinchat/AAAAAETs8lq92DIW1093YQ