O'zbekiston kasaba uyushmalari Federatsiyasining Farg'ona viloyat Kengashi | Rasmiy kanal

38 nafar xotin-qizlar faoli Chimyon qishlog‘ida joylashgan sihatgohga dam olishga yuborildi

Muhtaram Yurtboshimizning 2023-yil 21-dekabrdagi “Oilalarni mustahkamlash va xotin-qizlarning faolligini oshirish bo‘yicha qo‘shimcha chora-tadbirlar to‘g‘risida”gi Qarori bilan tasdiqlangan “Oilalarni mustahkamlash, xotin-qizlarning qonuniy manfaatlarini ro‘yobga chiqarish, ijtimoiy-siyosiy faolligini va bandligini oshirish, tadbirkorlik ko‘nikmalarini shakllantirish hamda teng huquqliligini ta’minlash bo‘yicha “Yo‘l xaritasi”da belgilangan vazifalar ijrosini ta’minlash maqsadida O‘zbekiston kasaba uyushmalari Federatsiyasining Farg‘ona viloyati Kengashi tomonidan tizimli ishlar olib borilmoqda.

Xususan, bugun, 7-fevral kuni Xotin-qizlar muammolarini tizimli ravishda hal etish, ularni ijtimoiy qo‘llab-quvvatlashda hamda “Ayollar daftari”ning 6-bosqichini shakllantirishda faol ishtirok etgan 38 nafar xotin-qizlar faollari Chimyon qishlog‘ida joylashgan sihatgohda dam olishga yuborildi.

O‘zbekiston kasaba uyushmalari Federatsiyasining Farg‘ona viloyati Kengashi raisi Erkinjon Nuraliyev xotin-qizlar faollarini sihatgohga kuzatib qo‘yar ekan, ularning kelgusi ishlariga omad va zafarlar tiladi.

Xotin-qizlar faollari  sihatgohda katta tantana bilan kutib olindi. Endi ular hamkasblari bilan birga, so‘lim go‘shada salomatliklarini tiklaydilar. Buning uchun sihatgohda barcha shart-sharoitlar yaratilgan.

— O‘ylab qarasam, shuncha yil ishlab biror marta sihatgohga dam olishga bormagan ekanman. Mana bugun O‘zbekiston kasaba uyushmalari Federatsiyasining Farg‘ona viloyati Kengashining tashabbusi bilan go‘zal maskanda dam olish imkoniga ega bo‘ldim, — deydi Beshariq tumani “Kulolobod” MFY xotin-qizlar faoli Zamiraxon Hazratqulova. — Bu go‘zal maskanda faqat men emas, balki men  qatori yana 37 nafar viloyatimizning barcha tuman va shaharlaridan kelgan xotin-qizlar faollari, ya’ni hamkasblarim ham shu sihatgohda dam olmoqda. Bu yerga kelganlarning barchasi kasaba uyushmalarining bu xayrli ishidan mamnun. Bu yerdan qaytgach, yangi kuch va g‘ayrat bilan mahallamizdagi ehtiyojmand, ishsiz bo‘lgan xotin-qizlarni bandligini ta’minlash, ularni muammolarini hal qilishga kirishamiz.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt

BESH YILLIK FAOLIYAT SARHISOB QILINDI

Bu yil kasaba uyushmalari hayotida muhim yil bo‘lib tarixga muhrlanajak. Boisi barcha mehnat jamoalarida o‘tkan 5 yil davomida kasaba uyushmasi tomonidan amalga oshirilgan ishlar sarhisob qilinib, kelgusidagi ustuvor vazifalar belgilab olinadi.

Farg‘ona shahridagi 6-umumiy o‘rta ta’lim maktabida boshlang‘ich kasaba uyushma tashkilotining hisobot-saylov yig‘ilishi bo‘lib o‘tdi.

Unda kasaba uyushma qo‘mitasining o‘tkan yillarda ishchi-xodimlarning huquq va manfaatlarini himoya qilish, ularni moddiy va ma’naviy jihatdan qo‘llab-quvvatlash, ishchi-xodimlarni va ularning farzandlarini sog‘lomlashtirish, qo‘yingki, barcha jabhadagi olib borgan ishi sarhisob qilindi.

Jumladan, hisobot davrida 117 nafar xodimlarga 36 mln. 800 ming so‘m miqdorida kasaba uyushmasi hisobidan moddiy yordamlar berilgan, 48 nafar xodimlar kasaba uyushmasi tomonidan imtiyozli ravishda o‘z salomatliklarini tiklashlari uchun sanatoriylarga yuborilgan. Buning uchun 132 mln. 560 ming so‘m sarflangan. Ishchi-xodimlarning 97 nafar farzandlari kasaba uyushmalari tizimidagi yozgi oromgohlarda maroqli dam olishgan.

Bundan tashqari, xodimlar o‘rtasida milliy g‘oya targ‘iboti va ma’naviy-ma’rifiy ishlar samaradorligini oshirish bo‘yicha “Ma’naviyat soatlari”, “Otam, onam va men — sportchilar oilasi”, “Sport – salomatlik garovi”, “Sog‘lom oila” shiorlari ostida sport musobaqalari hamda sportning stol tennisi, voleybol, shaxmat-shashka, badminton va suzish turi bo‘yicha musobaqalar, shuningdek, milliy bayramlar va muhim sanalar munosabati bilan turli tadbirlar belgilangan reja asosida o‘tkazib kelingan.

Hisobot-saylov yig‘ilishida muzokaraga chiqqanlar bu yil kasaba uyushmalarining 120 yilligi keng nishonlanishi munosabati bilan mehnat jamoasida kasaba uyushma qo‘mitasining ishini yanada jonlantirish bo‘yicha bir qator takliflarni ilgari surdilar.

Kasaba uyushma qo‘mitasining o‘tkan yillarda olib borilgan faoliyati qoniqarli deb topilib, kasaba uyushmasi qo‘mitasi raisligiga nomzodlar ko‘rsatildi. Ochiq ovoz berish yo‘li orqali kasaba uyushma qo‘mitasi raisligiga maktab o‘qituvchisi Saidaxon Sharipova saylandi.

Shuningdek, Ta’lim va fan xodimlari kasaba uyushmasi Farg‘ona shahar bo‘linmasi Kengashining konferensiyasiga delegat hamda kasaba uyushma qo‘mitasi a’zolari ham saylandi.

Hisobot saylov yig‘ilishida Ta’lim va fan xodimlari kasaba uyushmasi Farg‘ona shahar bo‘linmasi Kengashi raisi Nozimaxon Mirsalimova ishtirok etdi.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt