МАКТУБ
Хуршид Даврон матни
Баҳодир Мамажонов ижро этган

Мактуб ёздим қаро тунлар
Кипригингдай узун-узун.
Мактуб ёздим юрагимни
Қилма дея маҳзун-маҳзун…

Алвидомас, Салом ёздим,
Дил ўртаган калом ёздим.
Мужда кутиб сиз томондан
Кеча-кундуз, мудом ёздим.

Булбулларнинг ноласини
Қўшиб ёздим сўзларимга,
Бутун дунё ғамларини
Жо айладим кўзларимга.

Олиб қайтсин дея чиздим
Кабутарнинг қанотини,
Четларига битиб қўйдим
Фузулийнинг баётини.

MАKTUB
Xurshid Davron matni
Bahodir Mamajonov ijro etgan

Maktub yozdim qaro tunlar
Kiprigingday uzun-uzun.
Maktub yozdim yuragimni
Qilma deya mahzun-mahzun…

Bulbullarning nolasini
Qo'shib yozdim so'zlarimga,
Butun dunyo g'amlarini
Jo ayladim ko'zlarimga.

Аlvidomas, Salom yozdim,
Dil oʼrtagan kalom yozdim.
Mujda kutib siz tomondan
Kechakunduz, mudom yozdim.

Olib qaytsin deya chizdim
Kabutarning qanotini,
Chetlariga bitib qoʼydim
Fuzuliyning bayotini.