Ajoyiib | Blog 🇵🇸

Qiz farzandman. O'qishni bitiriboq turmushga chiqib ketaman. Uyda "uy boquvchisi" bo'lib qolmayman.

Lekin adam qiynalib bo'lsa ham, shu "qachondir uchib ketadigan" qizlariga yiliga $10000 sarflayaptilar. Chet elda o'qolishim uchun.

Bilmadim. O'zimni aybdordek ham his qilyapman. Nimanidir qaytishini kutmasdan sevish, mehr berish - ota-onaga xos.

Yig'lagim kelyapti, yig'lashga vaqt yo'q.

Qizlar zo'rlanyapti desam, bosayotgan reaksiyalaringizni qarang🤦‍♀

Lekin agar xonadoshim aytganichalik koreyalik yosh qizlar shunchalik axmoq bo'lsa, hayronman.

Ta'lim-tarbiyasi o'lib yotgan ekan. Lekin hali xulosa qilishga vaqtli.

Xonadoshim bilan ilk marta bitta mavzuda kelisholmadik.

Xonadoshim Januniy Koreyadagi onlayn harassment/torturing platformalar bo'yicha gap boshladi.

Qisqasi, yigitlar 12-17yoshdagi qizlardan noma'qul rasmlarini jo'natishni so'rashadi. Keyin qo'lida "qo'rqitish uchun narsa" bo'lgani uchun qizlarni onlayn istalgan narsaga majburlashadi.

Va ayni shu platformadan pul topishadi. Minglab dollar. Va bunaqa jinoyatchilarning "ashaddiy"larini davlat umuman topolmayotgankan.

Sababi ular juda anonim. Pullarni ham oddiy tranzaksiyalarda qabul qilishmaskan.

Xonadoshim shular haqida tushuntirayotganda men turib-turib "to'xta, nega o'sha 12 yoshli qizlar o'zining shaxsiy rasmlarini umuman notanish yigitlarga jo'natadi?" deb so'radim.

Xonadoshim esa "ular, axir, bolalar-ku. Hali 18yoshmas. Hali bola, bilmaydi" deb javob berdi. Shu yerda ikkalamizning qarashlarimiz to'qnashdi.

Men yigitlarni ayblamay, qizlarni o'zini himoya qilmaganida ayblaganim uchun xonadoshim shokka tushib qoldi. Xullas, ajoyib-g'aroyib.

Rivojlangan Janubiy Koreya ahvoli. Keyinroq o'qishdan bo'shaganimda shu mavzuda o'zim qidirib o'qib ko'rarman. Hozircha, xonadoshimning chala-pucha gaplaridan miyamda 10ta savol yig'ilib ketdi.

O'zi sentabrda ham xitoylik xonadoshim sharqiy Osiyoda qizlarni zo'rlash borasidagi juda katta skandallar, so'nggi yangiliklar haqida gapirgandi. Miyamda "ehhh, qizlar bekorga asrab-avaylanmaydi-da..." deb qo'ygandim.

Xullas Gonkongga kelganimdan beri uchratgan eng katta ikkita muammoim:

- Bu yerda sovuq emas juda sovuq bor.

Ya'ni 26°C va undan balandida iliq-issiq, Quyosh tagida qizdiradigan haroratni his qilasiz. Lekin daraja 22° va undan quyiga tushishi bilan xuddi harorat 15° va undan quyiga tushib ketgandek his qilasiz.

Bu yerdagi qish quruq, ya'ni qor yog'maydi. Lekin namlik darajasi (va biz tog'da joylashganimiz uchun balki) sabab harorat unchalik past bo'lmasa ham juda pastdek tuyiladi.

Qizig'i, siz sovuqda qalin kiyinib qaltirab yurganingizda yoningizdagi xitoyliklar shortikda yurgan bo'ladi. Yotoqxonalarni xitoyliklarga moslab qurishganmi bilmadim-u, yotoqxonamizda isitish tizimi yo'q.

- Soch to'kilishi kuchlilashishi mumkin.

Bilmadim, suvi g'ayrioddiydekmas. Lekin shaxsan o'zimdagi holat shuki, kelganimdan keyin soch to'kilishi meni chindan havotirga sola boshladi.

Internetdan qidirsam, boshqa davlatdan Gonkongga yashash yo o'qishga keladigan ko'pchilikda kuzatilarkan. Vatanlariga qaytishlari bilan soch to'kilishi to'xtarkan.

Ajoyib, ba'zilarda esa xuddi shuning teskarisi ham kuzatiladi, lekin juda kamchilik. Hind xonadoshim aytishi bo'yicha Saudiyada soch to'kilishi kuchliroq bo'lgankan.

Men bu semesterda olgan fanlar:

- Matematika (Calculus and Linear Algebra)
- Biznes kommunikatsiya (English Lang)
- Moliyaviy hisob va hisobot (Financial Accounting)
- Biznes etikasi (Business Ethics and Individual)
- Chizmachilik (Sketching)
- Tasviriy san'at (Exploration of Drawing)

Oxirgisidan boshqa hammasi biznes / ta'lim yo'nalishiga aloqador fanlar.

Va eng qizig'i, oxirgi kursimdagina do'stlar orttirdim. Ajoyib talantli talabalar bilan tanishdim.

Boshqa kurslarimdagi gonkongliklar juda yopiq tabiatli. "Avoid" qilishadimi-ye, yoqtirmayman. Lekin aynan san'atdagilar xushchaqchaq va bag'rikeng.

Bugun juma. Juda muhim bitta yozma ishni topshirishim kerak. Lekin hali umuman tayyormas. Kamiga boshqa ishlar ham ko'p.

Bu safar ham vaqtida zo'r qilib topshirolishim uchun duo qilib qo'yasiz deb umid qildim.

Kechasi bir qizdan iliq anonim xabar kelgankan, bot orqali javob yozolmadim. Shu yerda minnatdorchilik bildirib ketaman :).

Admin akkauntimga bugungi ishlarni tugatib olsam, keyin qarab xabarlarga javob beraman.

Bugungi yozma ishim juda muhim eh. Biznes kommunikatsiya fanimning hayot-mamoti :).

Zichlikni hisobga oling :)

Aqshda halol yo vegeterian restoran soni Buyuk Britaniyanikidan ko'p bo'lishi mumkin, lekin bu hududi bir necha baravar katta bo'lgani uchun.

Lekin ikkalasidan ham hududi bir xil shaharni olib o'sha ikkita shahardagi restoran/mahsulotlar sonini solishtirganda qanaqa bo'lardi?

Hattoki, arab musulmonlar yeydigan hamma narsa ham biz uchun halol emas. Ba'zi talabalar "Arab kursdoshim yegandi, halol ekan demak, qo'shilib yedim", degan holatlarga duch kelishimiz mumkin.

Lekin mazhabimiz farq qilgani uchun, bunday qilish noto'g'ri.

Boshqa mazhablarda bir qancha dengiz jonzotlarini tanavvul qilishga ruxsat etilgan. Lekin xanafiyda (bizning mazhabda) unday emas.

Baliqdan boshqasi ta'qiqlanganini ta'kidlanadi. Lekin ko'rdimki, baliqdan boshqa ba'zi jonzotlar borasida qarama-qarshi fikrlar ham bor. Yaxshisi, ulardan butunlay tiyilgan ma'qul.

✈️Endi chetga o'qishga ketayotganlarga eslatma (aholi asosi musulmon bo'lmasa):

• Halol/harom taom bo'yicha irodani mustahkamlang!

Oddiy non ham, muzqaymoq ham harom bo'lishi mumkin. Universitetda ba'zan tekin sneklar tarqatilishi mumkin. Agar ularning vegeterian yoki halolligi noaniq bo'lsa, o'zingizni tiyganingiz ma'qul.

Harom faqat alkogol va cho'chqa go'shtidan iboratmas. Yeyotgan burgeringiz tovuq go'shtli bo'lsa ham harom bo'lishi mumkin. Tovuq go'shtining o'zining halolligi aniq bo'lsa ham, burgerga qo'shilgan boshqa masalliqlar harom bo'lishi mumkin.

Shu sabab, menyuda "tovuqli bir nima" yoki "mol go'shtili bir nima" ko'rishingiz bilan halol ekan deb qaror chiqarmang! Halol sertifikati bekorga chiqarilmagan. Halol sertifikati bor restoran va oshxonalarda ovqatlaning!

Hech bo'lmaganda vegeterian deb ajratilgan taomlar bor. Odatda menyuda ham "🌱" kabi belgilar bilan ajratib qo'yishadi. Shulardan tanavvul qiling.

Juda-juda e'tiborli bo'lishingiz talab qilinadi. Nonmi u, pechenyemi, farqi yo'q.

Hattoki, O'zbekistonda halol bo'lgan mahsulot u yerda halol bo'lmasligi mumkin. Chunki ishlab chiqaruvchilar O'zbekiston aholisini inobatga olib halol ingredientlardan foydalanishgan bo'lishi, siz borgan davlatda esa unga qaramagan bo'lishlari mumkin.

Masalan, hammamiz bilgan ChocoPie'ning ham hammasi halol emas. Odatda cho'chqa jelatini ishlatiladi, adashmasam. Lekin aynan musulmonlarni o'ylab, mol go'shti jelatini ham ishlatishadi. Ularni qadoq ustida belgilab ketishadi.

@karimova_zi

6-sinfdagi ikki sinfdoshim bilan bo'lgan suhbat negadir hech ham esimdan chiqmaydi.

O'sha yili adashmasam yangi yubka sotib olmagandim. Popkani-ku gapirmasa ham bo'ladi, yillab bir xil tutardim. Popkalarimga mehrim bo'lakcha edi ham, uzoq ishlatish yoqardi.

Va bir sinfdoshim gap orasida "Zilola, haliyam o'tgan yilgi narsalaringni tutib yuribsanmi? Yengi yubka olmadingmi?" degandek bo'lgandi kulimsirab.

Nega bu haqida gapirganini tushunmay biroz dovdirab qolgandim. Keyin boshqa sinfdoshim uning o'ziga gapirib ketgandi:

- Bunaqa gapirma! Uyida qurilish ketvoti, chunsa bo'ladi-ku! Asosiy pul qurilishga ketvotgandir.

Bilmadim. O'shanda bitta hujumga uchrab keyin himoya qilinganim hech ham esimdan chiqmaydi.

Keyinroq... men bir qavatli uyda turishimni bilib ham ustimdan kulgandek bo'lishgandi ehh. Yaxshiyamki Toshkentlik edim deb qo'yaman. Bo'lmasa kun berishmasmidi.

Men tabiatdan rosa tortinchoqman. Yordam so'rashga, odamlarga shaxsan yaqinlashib suhbatni boshlash yo murojaat qilishga qiynalaman.

Va esingizda bo'lsa, bir marta metro vagonida mazam qochib qolgandi. Turib, devorga suyanib ketayotgandim. Kamiga yukim og'ir.

Og'riq shunaqangi kuchayib, o'zimni yo'qotib qo'yib cho'kkalab qolgandim. Kimdir o'rnidan turib yordam berdi deb o'ylaysizmi? Yo'q.

Men ham yordam so'rolmadim, tabiatim sabab.

Vagondan tushib, yiqilay-yiqilay deb ketayotganimdagina metropoliten xodimlari yordamga kelishgandi.

Gonkongda esa biroz yiqilib ketsam ham, biron kim xuddi men o'layotgandek yordamga shoshilsa hayron bo'lib qolaman.

Yo odamlar nimadir deyishi uchun qilamiz, yoki nimadir demasligi uchun.

O'z imkoniyatimiz va xohishlarimizni unutib.

O'zbekistondagi shu narsaga chidolmayman. Jamiyat bosimi juda kuchli. Shu sabab ham yurtimizda yashagim kelmay ketadi.

Davlat, rahbariyat va boshqalardan o'zgarishni kutish kerak emas, o'zimiz - jamiyat o'zgarishi kerak. Baxtlilik darajamizni o'zimiz oshirolamiz.

"Bu ko'ylakni o'tgan to'yda kiygandim, bu safar ham kiysam odamlar gapiradi. Yangisini olishim kerak" deb har to'yga yangi $100+ lik kiyim olinishini ko'rib yuragim ezilib ketadi, rosti.

Eng qizig'i, odamlar chindan ham gapiradi. Bu faqat miyaning ichidagi narsalar emas. Yaltir-yultur emas oddiy ko'ylak kiyib borsa, "vay to'yga kiyib kelgan narsasini qara! To'y bo'lsa bu, azamas",- deb turishadi.

"Hali vaqt keladi, mahallamga zo'r inomarka haydab kelaman. Odamlar hayron bo'lib qoladi," - deb odamlar gapirishi uchun maqsad qilish-chi...

Hattoki, ba'zan metroda mazam bo'lmagan payt joyimda hotirjam o'tirolmayman ham. Turay desam, mazam yo'q. Hotirjam bo'lay desam, tepamda kamida 1ta opoqi yomon qarayotgan bo'ladi.

Bu judayam nosog'lom muhit. Juda yomon bosim.

I have just shown my "Victoria Harbour" drawing to my Indonesian classmate.

He was like:
- Whattt😲. What is that????

Professor:
- Wait, wait! Calm down. Don't get so excited.

Him again:
- Thank you for making feel insecure, Zilola😩! I want ro leave noooow, you know! I don't want to present my final😫!

Professor:
- Oh, you should it now. It's raining outside. Perfect timing😂! You will ask yourself "Who am I? Where am I here?🤣" under the rain.

Him again:
- You know, before I saw Zilola's drawing I was sooo confident on my drawings🥲

P.s. He is presenting now😅. After some more presentations, I might start feeling insecure as well.