Koronavirus Info | Uyda Qoling!


Channel's geo and language: Uzbekistan, Uzbek


Ушбу канал Ўзбекистон Республикаси Соғлиқни сақлаш вазирлиги, АОКА, Ўзбекистон Ёшлар иттифоқи ҳамда Миллий масс-медиани қўллаб-қувватлаш ва ривожлантириш жамоат фонди
ҳамкорлигида ташкил қилинди.
Алоқа учун: @bot_askcoronauz & 71 276-49-66, 1003

Связанные каналы

Channel's geo and language
Uzbekistan, Uzbek
Statistics
Posts filter


Фавқулодда вазиятлар вазирлиги: Ўзбекистон ҳудудида ҳеч қандай кўнгилсиз ҳодисалар кузатилмади. Бино ва иншоотларга зарар етмаган.

Эслатиб ўтамиз, бугун 21:47 да Афғонистон ҳудудида содир бўлган зилзила (6,6 балл) Ўзбекистонда ҳам сезилган эди (4-6 балл)
.


❗️Мутахассис: COVID-19 нинг оғир асорати коксартроз касаллиги кескин кўпайиши билан намоён бўлмоқда

Коронавирус инфекцияси ўпка тўқималарининг зарарланиши билан кечган бўлса-да, унинг асоратлари бутун организмга ўз таъсирини кўрсатаётгани сир эмас.

COVID-19 дан даволанган беморларда аввалига таъм, ҳид билиш сезгиларини йўқолган бўлса, эндиликда уларнинг кўпчилиги коксартроз (сон суяги бошчаси емирилиши) касаллигидан азият чекмоқда...

Хўш, бунинг сабаби нима?

👉 Батафсил

Соғлиқни сақлаш вазирлиги
Матбуот хизмати.


Video is unavailable for watching
Show in Telegram
Замонавий тиббиёт CОVID-19 билан касалланганлар қон томирларида тромб ҳосил бўлиш хавфи юқори эканлигини тасдиқлади. Бу — коронавируснинг энг жиддий асоратларидан бири.

Тадқиқотчилар фикрича, мазкур ҳолат вирусга қарши вакциналарнинг нечоғли аҳамиятли эканлигини яна бир бор исботлайди. Чунки эмланишдан сўнг одамларда қон қуюқлашиши ва томирларда тромб ҳосил бўлиш хавфи кескин камаяди.

❗️Юқоридаги видеолавҳада шифокор ва беморларнинг бу борадаги фикр-мулоҳазалари билан танишишингиз мумкин.

Соғлиқни сақлаш вазирлиги
Матбуот хизмати.


❗️ЖССТ: CОVID-19 га қарши вакциналар инфаркт ва инсульт хавфини кескин камайтиради

🌎 Жаҳон соғлиқни сақлаш ташкилоти раҳбари Тедрос Гебрейесус Женевада бўлиб ўтган брифингда CОVID-19 га қарши вакциналар ва уларнинг бустер дозалари самарадорлигига доир тадқиқот натижалари ҳақида маълум қилди.

💉 Қайд этилишича, изланишлар давомида эмлаш воситалари касалликнинг оғир ўтиши ва ўлим хавфини кескин камайтириши яна бир бор ўз тасдиғини топди. Шу билан бирга, вакциналар вирусни юқтирган беморларда инфаркт ва инсульт юзага келишининг олдини олади.

📊 Қолаверса, ЖССТнинг вакциналар бўйича техник маслаҳат гуруҳи ҳукумлатларга эпидемиологик вазиятни доимий мониторинг қилиб бориш юзасидан тавсияларини берди.

🔬 Бу коронавирусга қарши дори воситаларининг самарадорлигини баҳолаш ва уларни янада такомиллаштириш учун зарурлиги қайд этилди.

🦠 Т. Гебрейесуснинг таъкидлашича, бугун Ер юзидаги эпидемиологик ҳолат уч йил аввалгига нисбатан яхшироқ. Бироқ CОVID-19 га бепарво бўлиш ярамайди. Шу боис ташкилот раҳбари ўтган жума куни дунё ҳозирча янги пандемияга тайёр эмас, деб баёнот берди.

‼️ Эслатиб ўтамиз, ЖССТ хулосасига кўра, касалликка қарши максимал самарадорликка эришиш учун одамлар тўлиқ босқичда ва бустер дозада эмланишлари зарур. Бунга, биринчи навбатда, хавф гуруҳига мансуб аҳоли қатлами, яъни:

👨🏻 60 ёшдан ошганлар;
🩺 сурункали касалликларга чалинганлар;
😮‍💨 иммунитети заиф кишилар;
🤰🏻 ҳомиладор аёллар;
👩🏻‍⚕️ тиббиёт ходимлари амал қилишлари керак.

Соғлиқни сақлаш вазирлиги
Матбуот хизмати.


❗️Мутахассис: Коронавирус асоратлари баъзи беморларда суяк ва бўғимлар емирилишига сабаб бўлмоқда

Мурод Ирисметов,
Республика ихтисослаштирилган травматология ва ортопедия илмий-амалий тиббиёт маркази директори:

🦠
— Коронавирус пандемиясининг дастлабки йили бутун инсоният учун оғир синов бўлди. Ўшанда энг асосий эътибор, аввало, беморлар ҳаётини сақлаб қолиш ва касаллик кенг тарқалишининг олдини олишга қаратилди.

🩺 Вақт ўтиши билан тиббиётда бу хавфли инфекция билан курашишнинг самарали йўллари топилди. Даволаш стандартлари такомиллаштирилди. Энг муҳими, COVID-19га қарши вакциналар яратилди.

🧑🏻‍🦼Аммо кўп ўтмай, коронавируснинг яна бир хавфли жиҳати маъмум бўлди. Яъни унинг оғир асоратлари! Ушбу ҳолат СOVID-19ни бошдан кечирган баъзи беморларда сон суяги, елка, тизза бўғимларининг емирилиши билан кечаётгани сир эмас. Бу — дунё олимларининг илмий хулосаси.

📊 Агар статистик таҳлилларга мурожаат қилсак, пандемиягача бўлган даврдан то ҳозирги кунгача мазкур хасталикка чалинган беморлар сони 3-4 баробар ортганини кўрамиз.

Оқибатда ушбу касалликнинг оғир босқичларида юқори технологик операция ҳисобланадиган эндопротезлаш амалиётига муҳтож беморлар сони кўпайиб бормоқда.

🧑🏻‍🦽Тўғри, коронавирус пандемияси бошланмасидан аввал ҳам аваскуляр некроздан азият чекувчи юртдошларимиздан мурожаатлар бўларди. Аммо уларнинг сони ҳозирги пайтдаги сингари кўп эмасди.

💉 Бугунга келиб тиббиёт марказимизда шундай дардга чалинган мингдан ортиқ беморларнинг реестрини шакллантирганмиз. Таҳлиллар асносида кўряпмизки, уларнинг аксарияти коронавирусга қарши эмланмагани оқибатида касалликни оғир ўтказган.

💊 Устига-устак, шифокор тавсиясисиз, уй шароитида турли антибиотик, гормон препаратларини палапартиш қўллаган. Оқибатда вақт ўтиши билан суякларда емирилиш ҳолатлари юзага келмоқда.

❗️Шундай экан, дори воситаларидан ўзбошимчалик билан фойдаланиш турли оғир асоратларни келтириб чиқаришини унутмайлик.

‼️Қолаверса, юртдошларимизга COVID-19га қарши тўлиқ босқичда ва бустер дозада, албатта, эмаланишлари зарурлигини эслатиб ўтаман.

Соғлиқни сақлаш вазирлиги
Матбуот хизмати.


Док-1 Макс сиропи ўрганиш натижалари: Жиноят аломатлари мавжуд, барча масъуллар ишдан олинди, материаллар ҳуқуқни муҳофаза қилиш органларига юборилди

Самарқанд шаҳрида Док-1 Макс дори воситасини қабул қилиш натижасида болаларда турли ножўя таъсирлар кузатилгани ҳақида хабар берган эдик.

Ҳолат юзасидан Соғлиқни сақлаш вазирлигининг тегишли буйруғига асосан махсус ишчи гуруҳ аъзолари томонидан жойига чиққан ҳолда хизмат текшируви ўтказилди.

Ҳиндистоннинг “Marion Biotech Pvt. Ltd” компаниясига тегишли Док-1 Макс таблетка ва сироп дори воситаcи мамлакатимизда 2012 йилдан рўйхатга олиниб, шу йилдан савдога чиқарилган. Фармацевтика тармоғини ривожлантириш агентлиги берган маълумотга кўра, ҳар бир дори сериялари текширилиб, уларга мувофиқлик сертификати берилган. Юртимизга ушбу препарат “Quramax Medical” МЧЖ томонидан импорт қилинган.

Текширув жараёнида мамлакатимизда ўткир респиратор касалликларга чалинган 21 нафар боланинг 18 нафарида Док-1 Макс сиропини ичиш натижасида ўлим ҳолати аниқланди.

Вафот этган болалар стационар даволанишга келгунига қадар ушбу препаратни уй шароитида бошқа дорилар билан бирга, 2-7 кун давомида, кунига 3-4 маҳал 2,5-5 миллилитргача қабул қилган. Табиийки, бу болага меъёридан анча ортиқ миқдор ҳисобланади.

Барча болаларга препарат шифокорлар рецептисиз берилган. Дори воситаси таркибидаги асосий модда парацетамол бўлгани учун Док-1 Макс сиропи ота-оналар томонидан мустақил ёки дорихона сотувчиларининг тавсияси билан шамоллашга қарши восита сифатида нотўғри қўлланилган.
Бу эса беморларнинг аҳволи янада ёмонлашишига сабаб бўлган.

Ваҳоланки, парацетамол фақат тана ҳарорати 38-38,5 даражадан юқори бўлгандагина кунига 1 ёки 2 марта 1 ёшгача болага 100-125 миллиграмм, 1 ёшдан 3 ёшгача 200 миллиграмм, 3 ёшдан 5 ёшгача болаларга эса 250 миллиграмм дозада берилиши керак. Тана ҳарорати меъёрида бўлганда ушбу дори воситасини истеъмол қилиш қатъиян ман этилади.

Бундан ташқари, олиб борилган дастлабки лаборатор ўрганишлар Док-1 Макс сиропининг ушбу серияси таркибида этиленгликоль мавжудлигини ҳам кўрсатди. Ушбу модда заҳарли бўлиб, тахминан 1-2 мл/кг 95 фоиз концентрланган эритмаси бемор саломатлигида жиддий ўзгаришларни, яъни қусиш, хушдан кетиш, тутқаноқ, юрак-қон томир тизимидаги муаммолар ва ўткир буйрак етишмовчилигини келтириб чиқаради.

Вазирлик ишчи гуруҳи ўрганиш давомида аниқланган барча қонунбузилиш ҳолатлари эътиборга олиниб, хизмат вазифасига лоқайд ва беэътибор муносабатда бўлгани, болалар ўлими таҳлилини ўз вақтида юритмагани ва керакли чораларни кўрмагани учун 7 нафар масъул ходим эгаллаб турган лавозимидан озод этилди ва қатор мутахассисларга интизомий жазо чоралари қўлланилди.

Тўпланган барча ҳужжатлар ҳуқуқни муҳофаза қилиш органларига юборилди.

Айни пайтда Док-1 Макс таблетка ва сироп дори воситалари юртимиздаги барча дорихоналар савдосидан ўрнатилган тартибда қайтариб олинган. Ўрганиш материаллари асосида аниқланган камчиликлар, тиббиёт ходимларининг масъулияти масаласи Соғлиқни сақлаш вазирлигининг алоҳида Ҳайъат йиғилишида кўриб чиқилади.

Шу ўринда вазирлик ота-оналардан фарзандлари саломатлигига бефарқ бўлмасликларини, дорихоналардан фақат шифокор рецепти билангина дори воситаларини харид қилишларини сўраб қолади.

Соғлиқни сақлаш вазирлиги
Матбуот хизмати.


Ўзбекистонда 10 ойда 18 230 нафар эгизак туғилган

🏢 Давлат статистика қўмитаси маълумотларига кўра, 2022 йилнинг январь-ноябрь ойларида республикамизда 18 230 нафар эгизак туғилиш ҳолати қайд этилган.

👧🏻👦🏻 Бу ўтган йилнинг мос даврига нисбатан 1 408 тага кўп.

✅ 10 ойда ҳудудлар бўйича туғилган эгизаклар сони:

👫Самарқанд вилояти – 2122 нафар

👫Қашқадарё вилояти – 1888 нафар

👫Фарғона вилояти – 1717 нафар

👫Андижон вилояти – 1676 нафар

👫Наманган вилояти – 1648 нафар

👫Тошкент шаҳри – 1616 нафар

👫Сурхондарё вилояти – 1546 нафар

👫Тошкент вилояти – 1431 нафар

👫Бухоро вилояти – 954 нафар

👫Хоразм вилояти – 899 нафар

👫Қорақалпоғистон Р. – 888 нафар

👫Жиззах вилояти – 777 нафар

👫Навоий вилояти – 579 нафар

👫Сирдарё вилояти – 489 нафар


❗️Коронавирус: Кеча юртимизда кунлик касалланишлар сони яна 100 дан ошди

🔺2022 йил 13 декабрь
ҳолатига кўра, Ўзбекистонда коронавирус инфекцияси қайд этилганлар сони 101 нафарни ташкил этмоқда.

🔴 Янги касалланиш ҳолатларининг:
📌 5 нафари Қорақалпоғистон Республикасида,
📌 4 нафари Бухоро вилоятида,
📌 6 нафари Жиззах вилоятида,
📌 6 нафари Қашқадарё вилоятида,
📌 1 нафари Навоий вилоятида,
📌 2 нафари Наманган вилоятида,
📌 1 нафари Самарқанд вилоятида,
📌 2 нафари Сурхондарё вилоятида,
📌 2 нафари Фарғона вилоятида,
📌 1 нафари Хоразм вилоятида,
📌 14 нафари Тошкент вилоятида,
📌 57 нафари Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Соғлиқни сақлаш вазирлиги
Матбуот хизмати.


❗️Коронавирус бўйича кунлик касалланишлар сони сезиларли даражада пасайди

🔺2022 йил 12 декабрь
ҳолатига кўра, Ўзбекистонда коронавирус инфекцияси қайд этилганлар сони 58 нафарни ташкил этмоқда.

🔴 Янги касалланиш ҳолатларининг:
📌 1 нафари Андижон вилоятида,
📌 2 нафари Қашқадарё вилоятида,
📌 1 нафари Наманган вилоятида,
📌 4 нафари Сурхондарё вилоятида,
📌 4 нафари Фарғона вилоятида,
📌 46 нафари Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Соғлиқни сақлаш вазирлиги
Матбуот хизмати.


❗️ССВ: Кеча коронавирус билан касалланганларнинг 31 нафарини 18 ёшгача бўлган беморлар ташкил этди

🚑 Жорий йил 11 декабрь эрталабки соат 08:00 дан 12 декабрь 08:00 гача Соғлиқни сақлаш вазирлигида ташкил этилган Штабга қуйидаги маълумотлар келиб тушди.

📌 “103” хизмати:

📊 2750 та тиббиёт бригадаси фаолият кўрсатди.
☎️ “Тез ёрдам”га 40 817 та чақириқ келиб тушди.

Энг кўп чақириқлар:

📌 Фарғона вилояти — 4 943 та
📌 Андижон вилояти — 4 833 та
📌 Наманган вилояти — 44 06 та
📌 Тошкент шаҳри — 3 858 та
📌 Тошкент вилояти — 3 262 та

🏥 Юртимиз бўйича «103» хизмати орқали шифохонага ётқизилган беморлар сони:

👱🏻 катталар — 2 358нафар
👫
болалар — 852 нафар

📌 Республика шошилинч тиббий ёрдам илмий маркази:

жами даволанаётганлар — 4 003 та
сутка давомида госпитализация қилинганлар — 765 нафар

📌 Сутка давомида туғуруқлар сони
:

🍼 2 273 нафар чақалоқ дунёга келди
👩‍👦1 163 нафари — ўғил бола
👩‍👧1 110 нафари — қиз бола
👩‍👧‍👧 21 нафар — эгизаклар

Энг кўп туғуруқ қайд этилган ҳудудлар:

📌
Фарғона вилояти — 270 нафар
📌
Қашқадарё вилояти — 248 нафар
📌
Самарқанд вилояти — 222 нафар
📌
Тошкент вилояти — 207 нафар
📌
Сурхондарё вилояти — 205 нафар

📌 Коронавирус аниқланган беморлар:

🦠
18 ёшгача — 31 нафар
🦠 катталар — 91 нафар
🦠 ж
ами — 122 нафар

🏥 Шундан 49 нафари шифохонага ётқизилди.

Соғлиқни сақлаш вазирлиги
Матбуот хизмати.


❗️ Кеча дунё бўйича 788 мингга яқин кишида коронавирус инфекцияси аниқланди. Бу 7 декабрь санасига нисбатан қарийб 160 мингта кўп кўрсаткичдир. Энг юқори кунлик ҳолатлар қуйидаги мамлакатларда рўйхатга олинди:

🇺🇸 АҚШ — 149 минг,

🇧🇷 Бразилия — 135 минг,

🇯🇵 Япония — 133 минг,

🇦🇺 Австралия — 82 минг,

🇫🇷 Франция — 71 минг,

🇰🇷 Жанубий Корея — 62 минг,

🇩🇪 Германия — 35 минг,

🇬🇧 Буюк Британия — 28 минг,

🇨🇳 Хитой — 21 минг,

🇹🇼 Тайвань — 15 минг.


❗️ССВ: Тиббиёт муассасалари фаолиятини мувофиқлаштирувчи Штаб ташкил этилди

Юртимизда бу йилги қиш фасли изғиринли кунлар билан бошланди. Ана шундай шароитда мамлакатимиздаги тиббиёт муассасалари фаолиятини мувофиқлаштириш учун Соғлиқни сақлаш вазирлигида узлуксиз иш олиб борадиган Штаб ташкил этилди.

🚑 Жорий йил 5 декабрь эрталабки соат 08:00 дан 6 декабрь 08:00 гача мазкур Штабга юртимиздаги тез тиббий ёрдам хизмати фаолияти бўйича қуйидаги маълумотлар келиб тушди.

“103” хизматида:

📊 2 733 та тиббиёт бригадаси фаолият кўр
сатди.

☎️ “Тез ёрдам”га 37 336 та чақириқ келиб тушди.

Энг кўп чақириқлар:

📌 Андижон вилояти4 491 та
📌 Фарғона вилояти 4 450 та
📌 Наманган вилояти3 821 та
📌 Тошкент шаҳри 3 665 та
📌 Тошкент вилояти3 178 та

🏥 Юртимиз бўйича шифохонага ётқизилган беморлар сони:

👱🏻‍♂️ катталар 2 462 нафар
👫 болалар829 нафар

👩🏻‍🍼 2 568 нафар чақалоқ дунёга келди.

Коронавирус аниқланган беморлар:

18 ёшгача — 31 нафар
катталар — 89 нафар
жами — 120 нафар

🏥 Шундан 79 нафари шифохонага ётқизилди.

‼️ Вазирлик тасарруфидаги барча тиббиёт муассасалари ўз фаолиятини узлуксиз давом эттирмоқда.

Соғлиқни сақлаш вазирлиги
Матбуот хизмати.


❗️Коронавирус: кунлик кўрсаткичлар бироз пасайди, аммо хавотирлар камайгани йўқ

🔺2022 йил 5 декабрь
ҳолатига кўра, Ўзбекистонда коронавирус инфекцияси қайд этилганлар сони 120 нафарни ташкил этмоқда.

🔴 Янги касалланиш ҳолатларининг:
📌 7 нафари Бухоро вилоятида,
📌 5 нафари Жиззах вилоятида,
📌 1 нафари Қашқадарё вилоятида,
📌 2 нафари Навоий вилоятида,
📌 3 нафари Наманган вилоятида,
📌 4 нафари Самарқанд вилоятида,
📌 9 нафари Тошкент вилоятида,
📌 89 нафари Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Соғлиқни сақлаш вазирлиги
Матбуот хизмати.


❗️Коронавирус: Кеча юртимизда яна 150 нафардан зиёд кишида коронавирус аниқланди

🔺2022 йил 4 декабрь
ҳолатига кўра, Ўзбекистонда коронавирус инфекцияси қайд этилганлар сони 153 нафарни ташкил этмоқда.

🔴 Янги касалланиш ҳолатларининг:
📌 2 нафари Қорақалпоғистон Республикасида,
📌 9 нафари Бухоро вилоятида,
📌 4 нафари Жиззах вилоятида,
📌 7 нафари Наманган вилоятида,
📌 6 нафари Самарқанд вилоятида,
📌 5 нафари Фарғона вилоятида,
📌 2 нафари Хоразм вилоятида,
📌 34 нафари Тошкент вилоятида,
📌 84 нафари Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Соғлиқни сақлаш вазирлиги
Матбуот хизмати.


Коронавирусга чалинган беморлар уй шароитида қандай даволанади?

(Давоми)

Мутахассисларимизнинг таъкидлашича, ҳозирги кунда коронавирус ташхиси билан рўйхатга олинаётган беморларда касаллик аввалги штамларга нисбатан бирмунча енгил ўтмоқда.

— Бундай юртдошларимиздан бир қисми уй шароитида даво муолажаларини олишлари мумкин, — дейди Зангиота 1-сон юқумли касалликлар шифохонаси директори Анвар Ҳусанов. — Фақат амбулатор тарзда даволанувчи аҳоли қатлами ҳудудий оилавий поликлиникаларда оилавий шифокор ҳамда ЛОР мутахассис назоратида бўлишлари шарт.

Одатда бундай беморларга қуйидагилар тавсия этилади:

🫖 кўпроқ суюқлик ичиш (суткасига 4-5 литр ҳажмда),

🧫 томоқни тез-тез махсус антисептик воситалар билан чайиш,

💊 вирусга қарши ва антиоксидант дорилар ҳамда Д ва С витаминлари, Цинк препаратларини қабул қилиш,

⛔️ уй шароитида изоляция ва чекловчи тартибга риоя этиш,

😷 тиббий ниқобдан фойдаланиш,

🚫 антибиотик, гормон препаратлари ҳамда томчи дори воситаларидан мақсадсиз фойдаланмаслик талаб этилади.

Касалликдан қандай ҳимоланиш лозим? Бу борада мутахассисларнинг тавсияси қуйидагича:

💉аввало, барча аҳоли қатлами коронавирусга қарши бустер доза билан эмланиши лозим;

🚿 шахсий гигиена қоидаларига қатъий амал қилиш, хусусан, қўлларни яхшилаб ювиш, махсус антисептик воситалардан фойдаланиш, томоқ ва бурунни тез-тез чайиш талаб этилади;

😷 ёпиқ бинолар ва жамоат жойларида тиббий ниқобдан фойдаланиш зарур;

🙅🏻‍♂️ касалликнинг илк аломатлари ёки ЎРВИ белгилари намоён бўлиши билан атрофдагилар билан мулоқотни чеклаш ҳамда ҳудудий оилавий поликлиникаларга мурожаат қилиш керак;

‼️ коронавирус аниқланган ҳолатда уй шароитида турли дори препаратлари (антибиотик, гормон ва томир ичига юбориладиган томчи дорилар)ни мақсадсиз қабул қилмаслик шарт.

Соғлиқни сақлаш вазирлиги
Матбуот хизмати.


❗️Covid-19: Сўнгги суткада юртимизда коронавирусга чалинган беморлар сони 160 нафардан ошди

🔺2022 йил 3 декабрь
ҳолатига кўра, Ўзбекистонда коронавирус инфекцияси қайд этилганлар сони 162 нафарни ташкил этмоқда.

🔴 Янги касалланиш ҳолатларининг:
📌 5 нафари Қорақалпоғистон Республикасида,
📌 1 нафари Андижон вилоятида,
📌 7 нафари Бухоро вилоятида,
📌 4 нафари Жиззах вилоятида,
📌 1 нафари Навоий вилоятида,
📌 10 нафари Наманган вилоятида,
📌 10 нафари Самарқанд вилоятида,
📌 2 нафари Сурхондарё вилоятида,
📌 7 нафари Фарғона вилоятида,
📌 6 нафари Хоразм вилоятида,
📌 20 нафари Тошкент вилоятида,
📌 89 нафари Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Соғлиқни сақлаш вазирлиги
Матбуот хизмати.


❗️Кеча юртимизда коронавирусга чалинган беморлар сони яна 155 нафардан ошди

🔺2022 йил 2 декабрь
ҳолатига кўра, Ўзбекистонда коронавирус инфекцияси қайд этилганлар сони 156 нафарни ташкил этмоқда.

🔴 Янги касалланиш ҳолатларининг:
📌 4 нафари Қорақалпоғистон Республикасида,
📌 7 нафари Бухоро вилоятида,
📌 6 нафари Жиззах вилоятида,
📌 3 нафари Қашқадарё вилоятида,
📌 2 нафари Навоий вилоятида,
📌 10 нафари Наманган вилоятида,
📌 14 нафари Самарқанд вилоятида,
📌 4 нафари Сурхондарё вилоятида,
📌 5 нафари Фарғона вилоятида,
📌 4 нафари Хоразм вилоятида,
📌 15 нафари Тошкент вилоятида,
📌 82 нафари Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Соғлиқни сақлаш вазирлиги
Матбуот хизмати.


Коронавирус: Дунёда “омикрон”нинг қайси мутациялари етакчилик қилмоқда?

🦠 Сўнгги ойларда дунёда кузатилаётган коронавирус пандемиясининг янги тўлқини аксарият мамлакатларда касалланишлар сони ўсишига сабаб бўляпти. Мутахассислар буни СOVID-19 жадал суръатларда мутацияга учраётгани билан изоҳламоқда. Оқибатда жаҳон бўйлаб “омикрон”нинг янги версиялари кенг тарқаляпти.

📌
Ҳозиргача мазкур штаммнинг B.1.1.529, BA.1, BA.2, BA.3, BA.4, BA.5 каби қатор субвариантлари маълум. Улар инсон организмининг гуморал иммунитетини четлаб ўтиш хусусиятига эгалиги ҳамда юқумлилик даражаси юқорилиги билан ажралиб туради.

❗️Хусусан, BA.5 варианти шу йилнинг апрелида дастлаб Африка минтақаси, июнь-июль ойларида эса АҚШ ва Европа, кейинроқ Россияда доминантга айланди. Олимлар унинг юқиш даражасини ўта юқори деб ҳисоблайди.

📊 Тўғри, ушбу версия беморларда “дельта” штаммига нисбатан енгил кечмоқда, асоратлари ҳам бирмунча кам. Аммо унинг тарқалиш шиддати баланд ва қамрови кенг.

Айни шу омиллар туфайли Ер юзида эпидемиологик вазият мураккаблигича қолмоқда. Пандемия давридаги касалланишлар сони бўйича қуйидаги давлатлар етакчилик қиляпти.

🇺🇸 АҚШ — 110,6 миллион,
🇮🇳 Ҳиндистон — 44,6 миллион,
🇫🇷 Франция — 37,8 миллион,
🇩🇪 Германия — 36,4 миллион,
🇧🇷 Бразилия — 35,3 миллион,
🇰🇷 Жанубий Корея — 27,1 миллион,
🇯🇵 Япония — 24,7 миллион,
🇮🇹 Италия — 24,7 миллион,
🇬🇧 Буюк Британия — 24,2 миллион,
🇷🇺 Россия — 21,5 миллион.

‼️ Юқорида келтирилган мамлакатларда ҳозирги кунда “омикрон” штаммининг асосан ВА.4 ва ВА.5 субвариантлари доминантлик қилмоқда. Хўш, Ўзбекистонда-чи? Бу борада вазият қандай?

(Давоми бор!)

Соғ
лиқни сақлаш вазирлиги
Матбуот хизмати.


Ўзбекистонда коронавирусга чалиниш яна авж оляпти


❗️Кеча коронавирусга чалинган беморлар юртимизнинг барча ҳудудларида қайд этилди

🔺2022 йил 1 декабрь
ҳолатига кўра, Ўзбекистонда коронавирус инфекцияси қайд этилганлар сони 159 нафарни ташкил этмоқда.

🔴 Янги касалланиш ҳолатларининг:
📌 7 нафари Қорақалпоғистон Республикасида,
📌 1 нафари Андижон вилоятида,
📌 10 нафари Бухоро вилоятида,
📌 12 нафари Жиззах вилоятида,
📌 1 нафари Қашқадарё вилоятида,
📌 1 нафари Навоий вилоятида,
📌 6 нафари Наманган вилоятида,
📌 12 нафари Самарқанд вилоятида,
📌 1 нафари Сирдарё вилоятида,
📌 12 нафари Сурхондарё вилоятида,
📌 3 нафари Фарғона вилоятида,
📌 10 нафари Хоразм вилоятида,
📌 19 нафари Тошкент вилоятида,
📌 64 нафари Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Соғлиқни сақлаш вазирлиги
Матбуот хизмати.

20 last posts shown.

344

subscribers
Channel statistics