Каракалпак 24

❗️️Шоманайда 190 хожалықта газ өшти

Шоманай районындағы орта басымлы газ қубырына автомобиль келип урылыўы нәтийжесинде газ шығыў жағдайы бақланды.

Нәтийжеде «Қарабайлы» МПЖдағы 190 шаңарақта газ тәмийнаты ўақытша тоқтатылды.

Ҳәзирги ўақытта район газ тәмийнаты бөлиминиң авария бригадасы тәрепинен оңлаў жумыслары алып барылмақта.

👉 @Karakalpak24

🌸 Алтыннан ардақлы, гәўҳардай қымбатлы ҳаял-қызлар!

Бүгинги 8-март – Халық аралық ҳаял-қызлар байрамы менен ҳәммеңизди шын кеўилден қутлықлаймыз! Ҳәмме ўақыт бәҳәр гүллериндей ашылып, шадлы дәўран сүрип жүребергейсиз!

Бәҳәрги кейпият жүзлериңизди ҳеш ўақытта тәрк етпесин!

Ҳүрмет пенен «Karakalpak24» каналы жәмәәти.

👉 @Karakalpak24

Өзбекстан Республикасы Президенти Шавкат Мирзиёевтиң Халықаралық ҳаял-қызлар күнине бағышланған салтанатлы мәресимдеги шығып сөйлеген сөзи

Ассалаўма әлейкум, қәдирли апа-қарындаслар, дилбар қызларым!

Бәринен бурын, сиз, әзизлерди, көп миллетли пүткил елимиздиң ҳаял-қызларын 8-март – Халықаралық ҳаял-қызлар байрамы менен шын кеўлимнен қызғын қутлықлайман.

Ойшыл бабамыз Әлийшер Наўайы уллы ана тулғасы, уллы ҳаялды улығлап, олардың бахыт-ығбалы жолында бәршемизди пидакәр болыўға шақырғаны әлбетте, бийкарға емес.

Ҳақыйқатында да, мийрим-шәпәәт, уллылық, муҳаббат ҳәм садықлық сыяқлы жоқары адамгершиликли қәдириятларды камал таптырыўда, шаңарақ қорғанын беккемлеўде сизлердиң хызметиңизди ҳеш нәрсе менен теңлестирип болмайды.

Бүгинги қутлы байрамның қутлы Рамазан айында болып өтип атырғаны оның көтериңки руўхы ҳәм мазмунын және де арттырмақта.

Муқаддес динимиз де ҳүрметли аналарымыз, дилбар апа-қарындасларымыз, нәзик қызларымызға ҳәмийше жақсылық ислеўге, олардың иззет-ҳүрметин орнына қойыўға шақырады.

Мине, усындай қуўанышлы әййямлар бәршеңизге мүбәрек болсын!

Ҳүрметли әнжуман қатнасыўшылары!

Соңғы жыллары ҳаял-қызлардың ҳуқықлары менен мәплерин толық тәмийинлеў, олардың қәдирин улығлаў Жаңа Өзбекстанның мәмлекетлик сиясатында жетекши орынға қойылмақта.

Бүгинги күнде ҳүрметли ҳаял-қызларымыз  ҳәр қыйлы тараў ҳәм тармақларда Ўатанымыздың жедел раўажланыўы ушын мүнәсип үлес қосып атырғанын миннетдаршылық пенен атап өтемиз.

Мәселен, 2017-жылы басқарыў тараўында хызметкерлердиң 20 процентин ҳаял-қызлар қураған болса, ҳәзирги ўақытта бул сан 35 процентке жетти. Олий Мажлис Нызамшылық палатасы депутатларының 38 процентин, Сенат ағзаларының 27 процентин ҳаял-қызлар қурамақта.

Ҳаял-қызлардың мәмлекетлик басқарыў ҳәм парламент жумысындағы қатнасының күшейгени жәмийетимиздиң раўажланыўына да унамлы тәсир етип атырғанын турмыстың өзи көрсетпекте.

Ең әҳмийетлиси, ақыл-парасатлы, билимли ҳәм қәбилетли ҳаял-қызларымыз мәмлекет ҳәм жәмийеттиң барлық тараўларында үлги болмақта.

Өткен жылы Олимпиада ҳәм Паралимпиада ойынларында мәмлекетимиз делегациясы қурамындағы ҳаял-қыз спортшылардан 3 еўи алтын, 8и гүмис, 3 еўи бронза медалын қолға киргизгени тарийхымызда бурын болмаған нәтийже болып есапланады.

Қызларымыз мәденият ҳәм көркем өнер тараўында да Өзбекстан байрағын бәлент көтермекте. Өткен жылы мәденият ҳәм көркем өнер тараўындағы абырайлы халықаралық таңлаўларда 25, мәмлекет көлеминдеги таңлаўларда болса 71 қәбилетли қызларымыздың жеңимпаз болғаны да соннан дерек береди.

Мине, усындай ҳаял-қызларымыз қатарының кеңейиўи, қызларымыз дөретиўши әўлад болып көпшиликке танылыўы ушын келешекте оларға қосымша шараятлар жаратып беремиз.

Әлбетте, бундай кең көлемли жумысларымыз халықаралық көлемде ҳақылы түрде тән алынбақта.

Қәдирли ўатанласлар!
Бир ҳақыйқатты ҳәммемиз жақсы түсинип алыўымыз зәрүр. Ҳаял-қызлардың тәшўиш ҳәм машақаты да, мойнындағы жуўапкершилиги де ер адамларға қарағанда әдеўир жоқары.

Үй-руўзыгершилик жумыслары ҳәм перзент тәрбиясынан артып, билим алып атырған, мийнет етип атырған ҳәм исбилерменлик пенен шуғылланып атырған ҳаял-қызлар заманымыздың ҳақыйқый қаҳарманлары, десек, дурыс болады.

Жаңа Өзбекстанда ҳаял-қызлардың аўырын жеңил етиў, олар ушын барлық тараўларда зәрүр шараятларды жаратып бериў бәрқулла мәмлекетлик сиясаттың ең баслы бағдарларынан бири болып қалады.

Соның ушын, жаңаланған Конституциямыздағы социаллық мәмлекет принципине муўапық, социаллық қорғаў тараўындағы жумысларды түп-тийкарынан жаңаша шөлкемлестирмектемиз. Бул бағдарда ҳәр бир мәҳәлледе ҳаял-қызлардың жағдайы үйренилип, социаллық қорғаўға мүтәж ҳәм жәрдемге мүтәж 1 миллион ҳаял-қызларымыз «Ҳаял-қызлар дәптери»не киргизилди.

ТОЛЫҚ ОҚЫЎ

👉 @Karakalpak24

❓5 күн оқыйтуғын студентлер ушын дүйшемби оқыў ма ямаса дем алыс па?

Негизинде Мийнет кодексиниң 208-статьясындағы қағыйдалар студентлерге тийисли емес. Студентлер хызметкер есапланбайды.

Соның ушын студентлер ушын 5 күнлик оқыў ма ямаса 6 күнлик оқыў ма, буның парқы жоқ.

❓ Онда дүйшемби күни студентлер не қылады?

Бул жоқары оқыў орнындағы оқытыўшылардың жумыс тәртибине байланыслы. Егер оқытыўшылар 5 күнлик жумыс ҳәптесинде жумыс ислесе, онда дүйшемби күни олар ушын дем алыс күни болады. Демек, студентлер де оқыўға бармайды.

Егер оқытыўшылар 6 күнлик жумыс ҳәптесинде ислесе, онда дүйшемби күни жумысқа шығады ҳәм өз-өзинен студентлер ушын да оқыўлар болады.

Сол себепли студент дүйшемби күни не ислеўин оқыйтуғын жоқары оқыў орнынан билип ала алады.

👉 @Karakalpak24

Тәбийғый газ ушын жылытыў мәўсиминде белгиленген 500 кубметрлик базалық норма 1-апрельге шекем созылды

1-марттан баслап жылытыў мәўсиминде тәбийғый газ ушын енгизилген 500 куб метрлик базалық норма 100 куб метрге түсирилиўи режелестирилген еди.

Бирақ, март айында ҳаўа температурасының төменлеўи ҳәм айырым күнлери 0°C дәрежеден төмен болыўы итималы себепли, халыққа қолайлық жаратыў мақсетинде базалық норманы 1-апрельге шекем узайтылды.

▪️500 м3 шекем — 650 сўм (1 м3 газ ушын);
▪️501 м3 ден 2500 м3 шекем — 1500 сўм;
▪️2501 м3 днн 5000 м3 шекем — 1950 сўм;
▪️5001 м3 ден 10000 м3 шекем — 2275 сўм;
▪️10001 м3 ҳәм оннан жоқары — 2600 сўм.

👉 @Karakalpak24

❓Кимлерге 120 млн сумға шекем жеңиллетилген кредит бериледи?

Президенттиң Пәрманына бола, 2024-жыл 1-июннан баслап «Мәкан жетилиги» усынысы тийкарында Кәмбағаллықтан шығарыў бағдарламасына киргизилген ҳәм үй-жай шараятын жақсылаўға мүтәж болған пуқараларға мәмлекет есабынан ипотека кредитлерин ажыратыў жолға қойылады.

❗️Кредит 120 млн сумға шекем, 20 жыллық мүддетке Орайлық банктың тийкарғы ставкасынан 4% жоқары болған ставкада (ҳәзирги күнде 18% болады) жер жай қурыў, реконструкция қылыў ҳәм оңлаў мақсетлери ушын ажыратылады.

💰Мәмлекет тәрепинен кредит алған пуқараға басланғыш төлемин қаплаў ушын алынған кредит муғдарының 15% муғдарында ҳәм процентлериниң бир бөлегин қаплаў ушын кредит мүддетиниң биринши 5 жыллы даўамында 12% тен артық бөлегине субсидия бериледи.

👉 @Karakalpak24

❗️️Тоқаев Алматы аэропортында жынаятшыны қуралсызландырған еркекти "Жасорат" медалы менен сыйлықлады.

👉 @Karakalpak24

Үй бийкеси де ис стажына ийе болыўы мүмкинбе?

Халықты исбилерменлик жумысына және де тартыў ҳәм нызамлы мийнет искерлигин әмелге асырыў мақсетинде бүгинги күнде бәнт болмаған пуқараларға өзин-өзи бәнт еткен ҳалда  социаллық салық төлеў арқалы ис стажына ийе болыў имканияты жаратылған.

Бунда, Өзбекстан Республикасы Президентиниң 2020-жыл  8- июньдағы ПҚ-4742-санлы "Исбилерменлик хызмети ҳәм өзин-өзи бәнт етиўди мәмлекет тәрепинен тәртипке салыўды әпиўайыластырыў ис-илажлары ҳаққында"ғы қарарында өзин-өзи бәнт ететуғын шахслар ушын 103 хызмет түрлеринен бири менен шуғылланып, социаллық салық төлеген ҳалда ис стажына ийе болыўы мүмкин.

️👉 @Karakalpak24

❓Муғаллимлер аттестациядан өте алмаса, қайта тапсыра ала ма?

Өзбекстан Республикасы Министрлер Кабинетиниң 2021-жыл 17-сентябрьдеги 572-санлы қарары менен тастыйықланған Режениң 44-бәнтине муўапық, “Жумыс бериӯши мийнет шәртнамасын бийкар етпеген жағдайда, нәӯбеттеги мәжбүрий аттестациядан өте алмаған қәниге (жоқары мағлыӯматлы оқытыӯшы) лаӯазымындағы педагог кадр нәӯбеттен тыс аттестацияға 3 мәрте тартылады.

Бунда 3 мәртениң хеш биринде нәӯбеттен тыс аттестациядан өте алмаса ямаса себепсиз аттестацияға қатнаспаған педагог кадр менен жумыс бериўши хызметкердиң қәнигелиги жетерли болмағанлығы себепли оның менен дүзилген мийнет шәртнамасын мийнет нызамшылығында белгиленген тәртипте бийкар етиў ҳуқықына ийе”.
 
7-бәнтине муўапық, “Нәўбеттеги мәжбүрий аттестацияға қамтылмайтуғын педагог кадрлар өз қәлеўине көре нәўбеттен тысқары аттестациядан өтиўлери мүмкин.

Нәўбеттеги мәжбүрий аттестацияға қамтылмайтуғын педагог кадрлардың әмелдеги қәнигелик категориялары(лаўазымы)  сақланып қалады ҳәмде оларға билимлендириў мәкемелеринде ислеген дәўиринде усы қәнигелик категориялары( лаўазымы) бойынша ҳақ төленеди.

Өз қәлеўине көре, нәўбеттен тысқары аттестацияда қатнасып, аттестациядан өте алмаған педагог кадрлардың қәнигелик категориялары (лаўазымы) түсирилмейди ҳәмде оларға нәўбеттен тысқары аттестацияда қатнасыўнан алдын әмелде болған қәнигелик категориясы(лаўазымы) бойынша ис ҳақы төленеди”. 

👉 @Karakalpak24

Paynet қосымшасы арқалы ҳайдовчилар учун Tulpar Тахi ҳамёнини тўлдирганда 2,2% кешбек ✅

"Төлемлер" / "Транспорт ҳәм такси" / "Такси. Автотранспорт басқарыўшысының аманаты" ямаса "Төлемлер" бөлиминдеги излеў арқалы "Тulpar Тахi"ди таўып алың. Телефон номериңизди киргизиң ҳәм балансыңызды толтырың - сумманың 2,2% и кешбек пенен қайтарылады 💸

Paynet пенен төлемлер әдеўир әпиўайы, ең тийкарғысы арзан 🟢

Paynet қосымшасын жүклеп алың

Реклама

❓Айлық алыў ўақты байрамға туўры келсе, айлық қашан төленеди?

Айлық (мийнет ҳақы) төленетуғын күн дем алыс күнине ямаса исленбейтуғын байрам күнине туўры келип қалғанда мийнет ҳақы оннан алдынғы күнинде төленеди, яғный 1-сентябрьден алдын төлениўи керек.

Айлық алыў ўақты кешиктирилсе кешиктирилген ҳәр бир күн ушын Орайлық банк қайта финанслаў ставкасының 10% муғдарында компенсация төленеди.

Орайлық банк ставкасы 14%, соннан келип шығатуғын болсақ айлыққа салыстырғанда 1,4 %те компенсация берилиўи керек.

👉 @Karakalpak24

8-mart uchun eng yaxshi sovg’a – HUAWEI nova 13 Pro! 🎁✨

Sevimli ayollaringizni HUAWEI nova 13 seriyasi bilan xursand qiling! Ushbu zamonaviy va kuchli smartfon ularning hayotini yanada yorqin va qulay qiladi.

Va eng yoqimli tomoni! 🎧💙
Endi HUAWEI nova 13 seriyasini xarid qilsangiz, HUAWEI FreeBuds SE3 naushniklarini sovg’a sifatida qo’lga kiritasiz! Bu esa siz yoki yaqinlaringiz uchun ajoyib qo’shimcha gadjet bo’ladi.

🌸 Bayramga oz qoldi, yaqinlaringizni quvontirishni hozirdan boshlang!

Bepul yetkazma: texnomart.uz
Telegram: @texnomart
Aloqa uchun: +998 71 209 99 44

Реклама

❗️74 саат сабақ қалдырған студент оқыўдан шетлетиледи

Ҳүкиметтиң 20.06.2017 жыл күнги 393-санлы қарарына тийкар, бир семестр даўамында сабақларды кеширимли себеплерсиз 74 сааттан артық қалдырғанлығы себепли студент студентлер қатарынан шығарылыўы мүмкин.

👉 @Karakalpak24

⚡️Ҳүрметли пуқаралар

Физикалық ҳәм юридикалық шахслардың мүрәжатларын қабыл етиў бойынша Қарақалпақстан Республикасы Министрлер Кеңеси, Нөкис қаласы ҳәм район ҳәкимликлеринде шөлкемлестирилген ИСЕНИМ ТЕЛЕФОН номерлерине мүрәжат етсеңиз болады.

▪️Қарақалпақстан Республикасы
Министрлер Кеңеси (61) 222-26-14
▪️Нөкис қаласы (61) 222-89-77
▪️Шымбай районы (61) 444-21-13
▪️Бозатаў районы (61) 415-37-17
▪️Кегейли районы (61) 412-15-85
▪️Қанлыкөл районы (61) 332-17-00
▪️Хожели районы (61) 554-10-34
▪️Нөкис районы (61) 424-39-82
▪️Беруний районы (61) 524-21-45
▪️Төрткүл районы (61) 532-20-37
▪️Елликқала районы (61) 585-27-11
▪️Әмиўдәрья районы (61) 515-38-01
▪️Тахтакўпир районы (61) 435-23-85
▪️Қараөзек районы (61) 465 55 17
▪️Тақыятас районы (61) 572-23-63
▪️Шоманай районы (61) 346-24-73
▪️Қоңырат районы (61) 312-16-41
▪️Мойнақ районы (61) 322-23-05

❗️Мүрәжатлар ҳәптениң дүйшемби-жүма күнлери аралығында саат 09:00 ден 18:00 аралығында қабыл етиледи

👉 @Karakalpak24