Kaleidoscope uz

Bugun Equinox avtomobili haqida gaplashamiz..

🌙☀️ 23-sentabr - Kuzgi tengkunlik ya'ni Equinox kuni hisoblanadi.

Kun va tun davomiyligi teng bo'ladigan kun! Quyosh tenglashishi bu quyosh yer ekvatorini kesib o'tadigan vaqt lahzasi, ya'ni ekvatorning shimolida yoki janubida emas, balki to'g'ridan-to'g'ri ekvator ustida paydo bo'ladi!

Butun yerlarda, qutblardan tashqari kun va tunning davomiyligi 12 soatga yetadi. Va bu kunda men tug'ilganman)

🫥Kaleidoscope uz

🫥Kaleidoscope uz

#мария_тальони

Mariya Taloni - XIX asrning eng mashhur balerinasi bo'lib, 1804-1884-yillarda yashab faoliyat olib borgan.

Mariyaga otasi Filippo Taglione tomonidan saboq berilgan. Oʻz debyut chiqishini 1822-yil Venada qilgan. 1884-yil 22-aprelda 80 yillik yubileyidan bir kun oldin kambagʻallikda vafot etgan.
Keyin esa Talonini tanasi Parijga olib kelinadi va Montmartre qabristoniga dafn etiladi.

U tufayli oq balet ko'ylagi va puant tuflilari urfga kirgan. Monmartrdagi qabriga puant tuflilarini qoldirib ketish odatga tusiga kirgan.

Mariyaning qabrtoshiga quyidagi yozuv bitilgan edi:
"Ô terre ne pèse pas trop sur elle, elle a si peu pesé sur toi" - ya'ni "Ey Yer, uni qattiq bosma, chunki u sening ustingda juda yengil yurdi".

🫥Kaleidoscope uz

#frank_lentini

Franchesko Lentini — 1889-yilda Italiyada ortiqcha ya'ni uchta oyoq bilan tug'ilgan erkak. Tasodifni qarangki, Lentini rasmiy geraldik ramzi triskelion bo'lgan Sitsiliyada dunyoga kelgan.

Aslida u egizak bo'lib tug'ilishi kerak edi, ammo uning egizaki to'liq shakllanmagan va umurtqa pogʻonasi bilan birlashib ketgan. Natijada Lentini turli uzunlikdagi 3 ta to'liq oyog'i, uchinchi oyog'ining tizzasidan cho'zilgan bitta ko'rinmas oyog'i, 16 ta barmog'i va yana qandaydir ortiqcha a'zosi bor edi. Shunday bo'lishiga qaramasdan, Lentini yugurish, arqonda sakrash, konkida uchish, velosipedda yurishni va hatto futbol o'ynashni uddalardi.

8 yoshlarida Qo'shma Shtatlarga yo'l olgan Lentini, shu yerda ulg'ayib, sirk artisti bo'lishga qaror qiladi va tez orada mashhur bo'ladi. Ayniqsa, uchinchi oyog'i bilan to'pni tepishi unga mashhurlik olib keladi.

Lentini Tereza Myurreyga uylanadi va ular 4 ta sog'lom farzand tarbiyalashadi.

P.s: Hattoki Lentini ham uylangan)

🫥Kaleidoscope uz

#thanos_snap_effect

Sizga bu ishni bajarishingiz uchun 6 ta cheksizlik toshi kerak bo'lmaydi!)

2018-yilda premyera qilingan "Qasoskorlar 3. Cheksizlik jangi" filmining so'nggi epizodlarida filmning asosiy antagonisti bo'lgan Tanos barcha cheksizlik toshlarini qo'lga kiritgach barmog'ini chertishi orqali dunyo aholisining teng yarmini yo'q qilib yuboradi. Bu hodisa "Tanos Snap effekti" deb yuritiladi.

Telegram messenjeriga yaqinda qo'shilgan funksiyaga ko'ra, siz jo'natilgan smsni o'chirsangiz, xuddi o'sha filmda odamlar yo'q bo'lib ketganlaridek, o'sha xabar millionlab piksellargacha parchalanib yo'qolib ketishini guvohi bo'lasiz. Bu effekt ham rasman telegram tomonidan "Tanos Snap effekti" deb ta'kidlandi.

P.s: Yuqorida joylagan postimizni mazkur effektni jonli guvohi bo'lishingiz uchun joyladik va o'chirdik.

🫥Kaleidoscope uz

Reytingdagi o'rnimiz hayratlanarli ekan🔥

P.s: Qatordan qolmaylik dedim :)

🫥 Kaleidoscope uz

#чушпан

O'tgan asrning 80-90-yillarida Qozon to'dalar bilan gavjum edi. Tatariston poytaxtining har bir ko'chasi turli guruhlar tomonidan bo'lib olingan. Tadqiqotlarga ko'ra, rossiyaliklarning 67 foizi serialdan oldin Chushpan so'zini eshitmagan. Bu ajablanarli emas, chunki uning qo'llanilishi Qozon va uning atrofida bo'lgan va odamlar uchun ham cheklangan, to'dalar orasida ishlatilgan.

Chushpan so'zi 2023-yilda premyera qilingan "Yigit so'zi" (Слова пацана) serialidan keyin juda ommalashdi. 2014-yilgi zamonaviy so'zlar lug'atida chushpan modaga amal qilmaydigan shaxs sifatida ta'riflangan. Chushpanni tarbiya yoki boshqa sabablarga ko'ra jinoiy guruhlarga qo'shilmagan oddiy o'smir deyish mumkin. Qattiqqo'l oila, o'qishga havas, ko'cha muhitida do'stlar yo'qligi va hokazo. Qisqasi, maktabda yaxshi o'qiydigan va qanday urishishni bilmaydigan uy bolasi.

"Yigit so'zi" asari muallifi bo'lgan qozonlik Robert Garayevning so'zlariga ko'ra: "Chushpanlar guruhda qatnashmaydiganlardir. Bu juda kamsituvchi so'z. Odatda bu pul yoki narsalari olib qo'yilganlarga berilgan nom edi. Ularning huquqlari yo'q edi. To'dalar dunyosida ular umuman fuqaro hisoblanmagan."

Garayev ham to'da a'zosi bo'lgan. 1989-yilda 14 yoshli Robertga guruh a'zosi bo'lgan boshqa maktab o'quvchisi kelib: "Ertaga 3 rubl olib kelasan, aks holda seni kaltaklayman", deb pul talab qiladi. Garayevning bunday puli yo'q edi va politsiyaga borish odat tusiga kirmagan, ammo parallel sinfdan ikki tengdoshi Garayevni guruhga qo'shishni taklif qilishgan. Ko'cha qonuniga ko'ra, agar Robertdan yana pul talab qila boshlasalar, uning yangi guruhi uni yonini oladi.

Serialda ham orqasida guruhi bo'lmagan chushpanlarga nisbatan munosabat juda hurmatsiz bo'lgan. Qahramonlar buzilmas qasam sifatida qabul qiladigan o'sha "yigit so'zi" (agar siz uni buzsangiz, guruhdan chiqarib yuborilasiz) chushpanlarga taalluqli bo'lmagan. Chushpanlarni aldash mumkin bo'lgan.

P.s: "Чушпан — это не пацан" :)

🫥Kaleidoscope uz

#шкала_Апгара

Apgar shkalasi

Bu shoshilinch tibbiy yordamga ehtiyojni aniqlash uchun yangi tug'ilgan chaqaloqning holatini tezkor baholash tizimidir. O'lchovni 1952-yilda amerikalik anesteziolog Virjiniya Apgar taklif qilgan.


Ko'rsatkichlarni qulayroq yodlash uchun Virjiniya Apgar APGAR familiyasining har bir harfini aniqlaydigan tizimni ishlab chiqdi:

A (appearance) - tashqi ko'rinish- terining rangi;
P (pulse) - puls;
G (grimace) - jilmayish;
A (activity) - harakat faolligi, mushak tonusi;
R (respiration) - nafas olish harakatlari, refleks qo'zg'aluvchanligi.

Beshta xususiyatning har biriga 0, 1 yoki 2 qiymati beriladi. Keyin beshta qiymat birlashtiriladi va natijada Apgar balli olinadi. Apgar skorlari tug'ilgandan keyin 1 va 5 daqiqada aniqlanishi kerak. Agar 5-daqiqada yig'indisi 7 dan kam bo'lsa, keyingi 20 daqiqada har 5 daqiqada qo'shimcha o'lchovlarni olish kerak.

Ko'pgina yangi tug'ilgan chaqaloqlarda Apgar shkalasi bo'yicha tug'ilgandan 1 minut o'tgach, holat 7-8 ballga baholanadi va 5 daqiqadan so'ng sog'lom bolani baholash 8-10 ballga yetadi. Yangi tug'ilgan chaqaloqlarning faqat 15 foizida hayotning birinchi daqiqasida umumiy holat 10 ballga baholanadi. 7 dan 10 gacha ball olgan bolalar yaxshi yoki a'lo deb hisoblanadi va faqat muntazam parvarish talab etiladi.

🫥Kaleidoscope uz

#геймлих

Suratning o'ng qismida siz Genri Geymlixni ko'rib turibsiz. Genri Geymlix 1920-yil 3-fevralda Uilmingtonda tug'ilgan amerikalik shifokor, ko'krak qafasi jarrohi va jamoat arbobi.

Geymlix begona jismning tomoqqa tushishi natijasida bo'g'ilishdan o'layotgan odamni qutqarish usulini ixtiro qilgan. U birinchi marta 1974-yilda bo'g'ilishdan o'layotgan odamni qutqarish texnikasini tavsiflovchi maqolani nashr etadi va keyingi yili Amerika shoshilinch shifokorlar assotsiatsiyasi tomonidan standart usul sifatida qabul qilinadi.
Usulga ko'ra, yordam ko'rsatuvchi shaxs jabrlanuvchining orqasida turishi kerak, so'ngra bir qo'lini mushtga mahkam bog'lab, o'sha paytda bo'g'ilayotgan odamning oshqozoniga qo'yishi kerak. Boshqa qo'lning kafti mushtning ustiga qo'yiladi, tez yuqoriga surilganda, musht oshqozonga birdan uchdan besh martagacha bosiladi. Buning yordamida odamning nafas olishi tiklanadi. Bu usul odatda Geymlix usuli yoki Geymlix manevri deb yuritiladi.

Genri Geymlix 2016-yil 17-dekabrda miokard infarkti tufayli kelib chiqqan yurak yetishmovchiligidan Sinsinnati kasalxonasida vafot etgan.

🫥Kaleidoscope uz

#zakovatda_hayot :)

Ushbu kanalga shaxsiy fikrlarimni post shaklida joylashga odatlanmaganman. Lekin 2 hafta oldin sodir bo'lgan bir voqea ushbu qisqa metrajli kadrni gavdalantirib berishga undadi.

Zakovatda qaysidir savolni to'liq tushunib turib, faqat so'ralgan familiyani eslay olmaslik juda alam qiladi.
Bitta jamoadoshim doim shunaqa o'tkazib yuborilgan savol haqidagi ma'lumotlarni to'laligicha o'rganib chiqishga odatlangan. Oktabr oyida bo'lib o'tgan Profliga klub o'yinlaridan birida Genri Geymlix haqida savol bo'lgandi. Jamoadoshim esa alamli tarzda o'sha familiyani eslolmasdan ancha siqilgandi. Keyinchalik u Genri Geymlix kim ekanligini va Geymlix manevri haqidagi bor ma'lumotlarni to'liq o'rganib chiqdi. Hattoki Geymlix usuli amalda qanday to'g'ri bajarilishi haqidagi ma'lumotlargacha.
4-noyabr shanba klub o'yini oldidan ovqatlanayotgan bir bilimdon tiqilib qolib, ahvoli sezilarli darajada og'irlashdi. Geymlix usuli haqida to'liq ma'lumotga ega jamoadoshim esa vaziyatni to'g'irlashiga, ya'ni Geymlix usulini amalda sinab, ijobiy natija olishiga hech narsa to'sqinlik qila olmadi..

O'sha kuni jamoadoshim ham, boshqa bilimdonlar ham zakovatni amaldagi foydasiga guvoh bo'lishdi.
Shu jumladan, savol tuzuvchilarga tavsiyam bor. Savol tuzganingizda agar siz ulashgan ma'lumot zakovatdan tashqarida, real hayotda ham insonlarga yordam bera olsa bilingki, bu sizning yutug'ingiz, bu yordamda sizning ham hissangiz katta. Iloji boricha Geymlixga o'shagan savollardan bir ikkita tuzib, turli idealar bilan insonlar esida qoldirishga harakat qiling. Va albatta, meyor bilan. Bu shunchaki tavsiya va kanal egasining shaxsiy fikri! Balki o'sha Uktambek Urintayevning Geymlix haqidagi savoli o'ynalmaganda hozir kimdir shu postni o'qiyolmagan bo'lishi mumkin edi.

P.s: Voqea ishtirokchilari sir saqlanishini xohladim. Qolganlardan ham shuni iltimos qilaman!

🫥Kaleidoscope uz

#4_всадника_апокалипсиса

Apokalipsisning toʻrt chavandozi - Yuhannoning Vahiy kitobining oltinchi bobidagi qahramonlar.

Chavandozlarning har biri aynan nimani ifodalashi haqida haligacha konsensus yoʻq, lekin ular koʻpincha
vabo (oq otga minish – gʻolib deb ham ataladi),
urush (qizil otga minish – janjal deb ham ataladi),
ochlik (qora otda) va
oʻlim (oqish, rangpar otda).

➡️Apokalipsisning 4 chavandozi haqida ma'lumot

Otliqlar birin-ketin paydo boʻladi, ularning har biri boshqa muhrni - Vahiy kitobidagi yettita muhrning birinchi toʻrttasini ochadi.

🫥Kaleidoscope uz

#бэнкси

Falastin va Isroil mojarolari Benksi talqinida..

"Benksi" 1990-yillardan beri faoliyat yuritib kelayotgan siyosiy faol street-art rassomining taxallusidir. Benksining haqiqiy ismi va kelib chiqishi noma'lum.
Benksi 1974-yilda Angliyaning Bristol shahrida tug'ilgan, asl ismi haqida Robert yoki Robin Benksi, Robin Kanningem kabi tahminlar mavjud. Ammo ular o'z tasdiqini topmagan.

Benksi uzoq vaqtdan beri o'ziga xos standart street-artning sinonimiga aylangan. U butun dunyo bo'ylab sayohat qiladi, filmlar suratga oladi, kitoblar nashr etadi va ko'rgazmalar tashkil qiladi. Uning asarlari dunyoning istalgan nuqtasida paydo bo'lishi mumkin va cheklangan nashrdagi grafikalar yirik auksionlarda sotiladi. Benksining menejeri va butun yordamchilari jamoasi bor. Uning mualliflik huquqlari maxsus yaratilgan agentlik tomonidan himoyalangan. Ko'rinishidan, bu rassom bilan juda ko'p odamlar aloqada, ammo uning shaxsi hali ham noma'lum.

🫥Kaleidoscope uz

#крэй
#легенда

Krey egizaklari Ronald va Rejinald (1933-yil 24-oktabrda Xokstonda tug'ilishgan) 1950-60-yillar oxirida Londonda uyushgan jinoyatchilikning katta qismini nazorat qilgan jinoiy egizaklar edi.
Ronni (Ronald)ga paranoid shaxsiyat buzilishi deya tashxis qo'yilgan.

"Firma" nomi bilan tanilgan to'dalari bilan birgalikda juda ko'plab turli jinoyatlarni sodir etishdi:
talonchilik, qurolli hujumlar va qotilliklar, o't qo'yish, reket kabilar.
Ularning qurbonlari orasida jinoyat boshliqlari Jek Makviti va Jorj Kornel ham bor.

Yozuvchi J.K.Roulingning so'zlariga ko'ra, aka-uka Krey Garri Potter romanlari seriyasining asosiy yovuz qahramoni - lord Voldemortning prototipi bo'lgan.

Ronald 1995-yil 17-martda, Rejinald 2000-yil 1-oktabrda vafot etgan.

Aka-ukalarning vafotidan keyin qamoqxonada chizilgan 8 ta rasm auksionda 12 ming funt sterlingga sotilgan.
Ronnining qamoqxonadan sobiq sevgilisi Monikaga yozgan xatlari 2010-yilda kimoshdi savdosiga qo'yilgan edi.

Jon Pirsonning "Shafqatsizlik san'ati" asari Aka-uka Kreylar haqida hikoya qiladi.
Ular hayotiga asoslangan 2015-yilgi "Afsona" filmida Tom Hardi egizaklarni ikkalasini rolini ham ijro etgan. 1990-yilgi "Aka-uka Kreylar" filmida esa bosh rollarni bir aktyor emas, aka-uka aktyorlar ijro etgan bo'lsada ikki xil Tom Hardiga qaraganda bir-biriga o'xshash obraz ijro etishgan. Bu Hardining aktyorlik mahorati kuchliligidan darak beradi.

🫥Kaleidoscope uz