Jurnalistuz

Яна бир ҳоким ёрдамчиси пора билан қўлга тушди

30 минг АҚШ доллари олган ёрдамчи аввал ҳам 3 маротаба судланган

Ҳуқуқни муҳофаза қилувчи органлар томонидан Тошкент шаҳрида ўтказилган тезкор тадбирда, Учтепа туманидаги маҳалла фуқаролар йиғинларидан бирининг “Тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича” ҳоким ёрдамчиси тадбиркорлик билан шуғулланмоқчи бўлган фуқарога туман ҳудудида 4 та савдо дўкони қуриши учун юқори лавозимларда ишловчи танишлари орқали жами 210 м2 ер майдонини аукцион савдолари орқали ютиб, унинг номига расмийлаштириб бериш эвазига 30 минг АҚШ доллари олган вақтида ашёвий далиллар билан ушланди.

Маълумотга қараганда, ҳоким ёрдамчиси олдин Жиноят Кодексининг 167, 168, 205 ва бошқа моддалари билан 3 маротаба судланган.

Унга нисбатан Жиноят Кодексининг 168-моддаси 4-қисми “а” банди ва 28,211-моддасининг 3-қисми “а” банди билан жиноят иши қўзғатилиб, қамоқ эҳтиёт чораси қўлланилди.

——-
Бу ҳоким ёрдамчилари сусамбил раҳбарлар элитаси учун "предохрнитель" — сақлагич вазифасини ўтайдиган мурувват бўлиб хизмат қилмоқда. Иш боши(тўда боши) қўзғалмай ҳаракат қилишда ва собит туришда давом этаверади. Предохранитель алмаштириб турилади, бўлди.

Ҳоким ёрдамчисининг ваколати "бешеный” экан ўттиз мингни ямламай ютиш учун хўрак вазифасини ўташга чиққан бўлса.

Инсоният коинотни забт этаётган бир вақтда биз асрлар давомида порахўрлик ва коррупция деган илатни узил-кесил бартараф эта олмай халакмиз. УЯТ ва ШАРМАНДАЛИК.

@jurnalistuz

Дунё шиддат билан ўзгараяпти

Жамиятимизда анча аввалдан ўртага чиққан ҳижобда юриш каби низоли бу вазиятнинг амалий ечимларини излаб, ҳамон баҳслашишда давом этаяпмиз. Енг шимариб ходимлар кийимига осилишда давом этаётган фикрати ва дунёқараши торлигича қолиб кетаётган раҳбарлар Умр ниҳоятда қисқалигини, бир кун келиб бу дунёнинг ўйин-кулгулари тугаши ва остимизда турган ер қаърига киришимизни биздан кўра сиз яхши биласиз.

Сипо кийингансиз, лекин қалб фитратингиз ҳамон ялонғоч эканлигини ўз тақиқларингиз билан амалда кўрсатаяпсиз. Мамлакатимиз қонунларига кўра, хотин-қизларнинг рўмол ўрашлари, кийинишларига бир тарафлама қатъиян тақиқ қўйиши мақсадга мувофиқ эмаслиги белгиланган.

Иқлимий шароитлар, кунларнинг совуши, ўқув даргоҳларидаги иситиш шароитларидаги муаммолар, ходимларнинг соғлиғи билан боғлиқ ҳолатлар жамиятни рўмолли, рўмолсизга ажратмай, рўмолсиз юрганлар шаънига турли тахқирловчи гаплар, хақоратлар изҳор қилмасликни тақозо этади, тамом–вассалом.

Соғлиқни сақлаш вазирининг "Одоб-ахлоқ кодексини тасдиқлаш тўғрисида"ги буйруғи қабул қилинган ва бунинг устига Ўзбекистоннинг амалдаги қонунларида фуқароларга ҳижоб ва бошқа диний кийимларда юриш бўйича чекловлар мавжуд эмас.

Шунингдек, диний бағрикенглик, тинчлик ва саломатлик, инсон қадрини давлат сиёсатининг бош тамойили қилиб белгилаб олганмиз. Хўш, сизга яна нима керак?

Ўзингиз ишлаб чиққан одоб-ахлоқ кодексингизда Вазирлик тизимидаги барча корхона – ташкилотлар, олий ва ўрта махсус таълим муассасаларида фаолият юритаётган ходимлар ва талабаларнинг одоб-ахлоқ қоидаларининг 2-боби “Муассаса ходимлари ва талабаларнинг муомаласи ва кийинишга қўйиладиган талаблар”ини диққат билан ўқиб чиқинг.

Унга кўра, диққатни тортадиган, яъни ҳаддан зиёд тор ёки очиқ кийимларда, ғайриоддий соч турмаклари билан ортиқча бўянган ҳолда, спорт кийимларида келиши тақиқланади. Бошқа ва сиз хаспўшлаётган талаблар йўқ у ерда. Бас, шундай экан сифатли тиббий хизмат кўрсатишнинг янги усуллари устида ишланг. Вақтингизни бекорчи, мантиқсиз чекловларга сарфламанг!

@jurnalistuz

Қорақалпоғистон ва Тошкент вилоятида қўлбола алкоголь маҳсулотлари муомалага киритилишининг олди олинди

Хусусан, Янгийўл туманида яширин цех ташкил этган фуқаронинг уйидан «Ўзбегим» номли қўлбола алкоголь маҳсулотлари ва 120 литр спирт ашёвий далил сифатида олинди, дейилади Бош прокуратура ҳузуридаги Иқтисодий жиноятларга қарши курашиш департаменти хабарида.

——-
Андижон ва самарқандга қирон келмасидан ва ўнлаб инсонлар заҳарланмасидан олдин қаерда эдингиз. После пожара на қуй насос дейишармиди, ўрислар.

@jurnalistuz