Shaxnoza Joldasova

🔥🔥🔥🔥🔥🔥

2024-yil ham o'z nihoyasiga yetti. Uyda yotib yil haqida o’yladim. Yilda ko'p qiyinchiliklar bo'ldi. Lekin muhimi doim natija. Natija esa har yilgidan zo'r bo'ldi va kamina juda baxtli ❤️

Sizlar bilan esa doimgidek, eng yaxshilari bilan bo'lishaman:

1. Yilning eng muhim yangiligi: oilamiz bitta kishiga ko'paydi. Shoxislom va Ziyoda farzandli bo'lib, kamina jiyanli bo'ldi.

2. Oliy Majlis Qonunchilik palatasi deputati va o'zim istagan qo'mita a'zosi etib saylandim. Prezidentimiz ishtirokidagi birinchi yig'ilishda so'zga chiqdim.

3. Mamlakatimizda ilk bor tashkil etilgan saylovoldi debatlarida jonli efirda spiker sifatida ishtirok etdim.

4. Ilmiy faoliyatimni davom ettirib, doktorlik dissertatsiyamni tugattim. Va nihoyat, 3 yil deganda dotsentlik diplomini oldim.

5. Xalqaro yoshlar forumi doirasida jamoamiz bilan birinchi marta "MDH mamlakatlaridagi Yoshlar parlamenti a'zolarining forumi"ni o'tkazdik.

6. Dono bilan anchadan beri orzu qilib yurgan Gruziyaga sayohat qildik. Go'zal Tbilisi, betakror Gudauri, Ananuri, Kazbegi va Botumi bo'ylab sayr qildik.

7. Qozog’istonda o'tgan yili borlomagan Shymbulaqga borib, tog'larida mazza qilib vaqt o'tkazdim.

8. Xalqaro forum sabab Ozarbayjonning Lankaran shahriga bordim. U yerda o'zbek tilida ma'ruza qildim 💪 Va bahonada Bakuda sayr qilib, uning betakror dengizida cho'mildim ))

9. 2021-yil Dubayga borganimizda Abu Dhabi yopiqligi sabab borolmagandim. Forum sabab Abu Dhabi va undagi mo'jizaviy masjid Shayx Zayidda bo'ldim. Albatta u yerda ham cho'milib ulgurdim ))

10. Nexiyamni sotib, Kia Sonet oldim va bu yilning eng zo'r xaridini qildim.

11. Hech qilmagan ishim, yugurishni o'rgandim va yugurishni boshladim. Bir nechta marafonlarda qatnashib, medallar oldim. Bolalikdagi orzuimni amalga oshirib, pianino chalishni o'rgandim. "Gabi" ismli Hatiko kuchugini sovg'a qilishdi va yana bitta orzuim ushaldi. Bu katta baxt edi...

12. Yil yakunida barcha yoshlar siyosatidagilarning orzusi bo'lgan "O'zbekiston belgisi" ko'krak nishoni bilan jamoamiz ishtirokida taqdirlandik.

Va yana bitta katta yangilik bo'ldi. U bilan yanvarda bo'lishaman )))

2025-yilda ham Allohim eng hayrlisini bersin. Axir unda qancha yangiliklar bor 🤗

@joldasova_shaxnoza