Республика жисмоний тарбия ўқитувчилари

#stol_tennisi

Stol tennisi — kichik koptok va raketkalar bilan stolda o‘ynaladigan sport o‘yini. Sharqiy Osiyoda paydo bo‘lgan. 20-asrning 20-yillaridan ko‘p mamlakatlarga tarqalgan. Dastlab «ping-pong» (frantsuzcha pingpong -koptokning raketka va stolga urilishida chiqadigan ovoz) deb atalgan. Stol tennisi uchun, odatda, stol o‘lchami 152,5x274,3 sm; balandligi 76 sm; turi 183x 15,25 sm bo‘ladi. Yog‘och raketkaning yuziga rezina plastina qoplanadi. Koptok oq plastikadan yasaladi, diametri 37,2—38,2 mm, og‘irligi 2,4 - 2,53 g. O‘yin maydonchasining o‘lchami 6-7x12-14 m. Rasmiy musobaqalar sport zallarida o‘tkaziladi: erkaklar va ayollar - jamoa bo‘lib, yakka holda va juftlikda hamda aralash juftlikda musobaqalashadilar. O‘yin 3 yoki 5 partiyadan o‘ynaladi. O‘yinchilardan biri 21 ochko to‘plasa, u g‘olib hisoblanadi. Agar hisob 20:20 bo‘lib qolsa, unda o‘yinchilardan biri 2 ochko ortiq to‘plaguncha o‘yin davom ettiriladi.

Stol tennisi Xalqaro federatsiyasi (ITTF, 1926 yil tashkil etilgan) 130 dan ortiq milliy federatsiyani birlashtiradi. 1926 yildan har 2 yilda jahon birinchiligi o‘tkaziladi, 1988 yildan Olimpiada o‘yinlari dasturiga kiritilgan. O‘zbekistonda Stol tennisi keng ommalashgan. O‘zbekiston chempionati va kubogi musobaqalari muntazam o‘tkazib turiladi. O‘zbekiston Stol tennisi federatsiyasi 1993 yil ITTFga a’zo bo‘lib kirgan.

O‘zbekistonlik Manzura Inoyatova, Saida Burhonxo‘jayeva, Svetlana Geta jahon chempionatida (Doxa shahri, Qatar, 2004 yil mart) 1 o‘rinni olib, oltin medallar bilan taqdirlanishdi. Ular bilan birga Nodira Burhonxo‘jayeva, Madina Ayupova ham bir qancha xalqaro turnirlarda g‘olib bo‘lishgan.


https://t.me/mutaxassis_jismoniytarbiya

https://t.me/jismoniytarbiya_mutaxassis

#kuch

Kuch – bu, inson mushaklarining zoʻriqishi xisobidan tashqi qarshilikni yenga olish yoki unga qarshi harakat qila olish qobiliyatidir
Asli kuch qobiliyatlari – statik rejim va sekin harakatlar sharoitida namoyon boʻladi (masalan, oʻta ogʻir ogʻirliklarni mushaklarning maksimal zoʻriqishi orqali ushlab turish yoki katta vazndagi jismlarni koʻchirish).
Tezkor-kuch qobiliyatlari – sezilarli mushaklar kuchi bilan birgalikda katta harakat tezkorligi talab etiladigan harakat amallarida namoyon boʻladi (uzunlikka va balandlikka yugurib kelib yoki joyidan sakrash, snaryadlarni uloqtirish va h.k.)
Mutlaq kuch – bu, inson tana vazni hisobga olinmagan holatdagi, mushaklar maksimal zoʻriqishining namoyon boʻlishidir.
Nisbiy kuch – bu, mutlaq kuch kattaligining oʻz tana vazniga nisbatidir.
Portlovchi kuch – bu, qisqa vaqt ichida katta miqdordagi kuchni namoyon qila olish qobiliyatidir.
Kuch chidamliligi – bu, nisbatan uzoq muddat davom etadigan, sezilarli kattalikdagi mushaklar zoʻriqishi natijasida vujudga keladigan charchashga qarshi tura olish qobiliyatidir.
Kuch chaqqonligi – bu, kutilmagan vaziyatlar va mushaklarning turli rejimida ishlash sharoitida mushaklarning turli kattalikdagi zoʻriqishlarini aniq differensiatsiyalay olish qobiliyatidir.


https://t.me/mutaxassis_jismoniytarbiya

#​​badiiy_gimnastika
#gimnastika

Badiiy gimnastika - sport turi, buyum (tasma, koptok, halqa, arg‘amchi) bilan va usiz turli nafis gimnastika va raqs mashqlarini musiqa ostida bajarish bo‘yicha ayollar sport turidir.

Xalqaro sport musobaqalarining hozirgi zamon dasturida ko‘p kurash (bitta majburiy va buyumlar bilan uchta erkin mashqlar) hamda buyum bilan guruh bo‘lib erkin mashqlar bajarish bor. G‘oliblar ko‘p kurashda, alohida va guruh bo‘lib bajariladigan mashqlarda aniqlanadi. Sportchilarning mashqlari 10 balli tartib bo‘yicha baholanadi. 40- yillardan Badiiy gimnastika musobaqalari o‘tkazila boshlandi. 50-yillar oxirida Xalqaro gimnastika federatsiyasi (FIJ) Badiiy gimnastikani sport turi sifatida tan oldi. 1963 yildan toq yillari jahon chempionatlari o‘tkazilmoqda, 70-yillar boshidan Intervideniye Kubogi uchun yirik xalqaro musobaqalar tashkil qilinmoqda. 1984 yildan Olimpiya o‘yinlari dasturiga kiritilgan.
O‘zbekiston Badiiy gimnastikachilari terma jamoasi 1991 yil Simferopolda o‘tgan ittifoq chempionatida 1-o‘rinni oldi. 1996 yil Osiyo chempionati (Xitoy)da, 1997 yil jahon chempionati (Germaniya)da ishtirok etdi (terma jamoa bosh ustozi A. Malkina, xoreograf V. Vasilev, jamoa a’zolari I. Zamyatina, T. Budarina, F. Sharipova, L. Meshcheryakova).


https://t.me/mutaxassis_jismoniytarbiya

#yengil_atletika
#marafon
#yugurish

Marafon yugurishTarixi
42 km 195 m ga yugurish "Marafon yugurish" deb ataladi. Bu nom Qadimgi Yunonistonda Marafon degan joy nomidan kelib chiqqan e.a 490 yilda bu yerda yunonlar va forslar o‘rtasida jang bo‘lib o‘tgan. Afsonaga ko‘ra yunon jangchisi jang to‘g‘risidagi habar bilan Marafondan Afinaga bo‘lgan yo‘lni yugurib bosib o‘tgan, g‘alabani ma‘lum qilib, yiqilib vafot etgan. Biroq jangchi bosib o‘tgan masofa 37,5 km ga teng bo‘lgan. Zamonaviy marafon yugurish masofasi 1908 yil Londonda o‘tkazilgan IV Olimpiya o‘yinlarida tasdiqlangan.


https://t.me/mutaxassis_jismoniytarbiya