𝐿𝑜𝑙𝑎 𝐼𝑙ℎ𝑜𝑚𝑖𝑑𝑑𝑖𝑛𝑜𝑣𝑛𝑎

Расулуллоҳ саллаллоҳу алайҳи васаллам менга: “Болажоним, уйингизга кирганингизда салом беринг! Шунда ўзингиз учун ҳам, аҳли оилангиз учун ҳам барака бўлади"-дедилар;

“Ризқ талабида барвақт ҳаракат қилинглар! Зеро эрталабдан ҳаракат қилиш барака, муваффаққият келтиради”

Имом Табароний ривояти;

“Ким ҳаётда тежамли бўлса, қашшоқлик кўрмайди”

Имом Термизий ривоятлари;

“Одамлардан бўлган яхшиликка миннатдорчилик изҳор қилаолмаган одам – Худога ҳам шукр қилаолмайди”;

“Расулуллоҳ саллаллоҳу алайҳи васаллам таом тановул қилсалар, учта бармоқларини ялардилар ва: “Қачон, бирортангиздан луқма тушса, уни олсин ва ундаги нопок нарсани кетказиб, уни есин. Уни шайтонга ташламасин!” – дедилар. Шунингдек, лаганни бармоқлар билан сидириб ялашга амр қилдилар. “Албатта, сизлар таомингизнинг қаерида барака бўлишини билмайсиз”, – дедилар”

Имом Муслим ривоятлари;

"Эй Аллоҳнинг Расули, бу кеча бир нарса чақиб олиб, тонг отгунча ухлай олмадим", деди.

Шунда у зот:
"Нима чақди?"-дедилар.
"Чаён", деди.
"Кеч кирганда:

"Аъузу би калиматиллаҳит-тааммаати мин шарри маа холақ",

деганингда эди, иншааллоҳ, сенга зарар қилмас эди"-дедилар.

Маъноси:
"Аллоҳнинг тугал калималари ила У зот халқ қилган нарсаларнинг ёмонлигидан паноҳ тилайман".

"Бисмиллаҳил кабири, аъузу биллаҳил азийми, мин шарри кулли ирқин наъарин ва мин шарри ҳаррин-наари"-ни ўқишни ўргатар эдилар.
Термизий ривоят қилган. Аллоҳ олий ва билгувчироқдир.

Маъноси:
"Азийм Аллоҳдан ҳар бир наъра солувчи томирнинг ёмонлигидан ва оловнинг иссиғи ёмонлигидан паноҳ тилайман».
"Ҳадис ва Ҳаёт" китобидан. Валлоҳу аълам!

"Аллоҳ хоҳлаган кишиларга беҳисоб ризқ берур"
(Бақара сураси 2/212 оят);

"Қасамки, агар берган неъматларимга шукр қилсангиз, албатта, уларни янада зиёда қилурман. Борди-ю, ношукрчилик қилсангиз, албатта, азобим ҳам жуда қаттиқдир"
(Иброҳим сураси 14/7 оят)

"Исроф қилмангиз! Албатта, Аллоҳ исроф қилувчиларни севмайди"
(Анъом сураси 6/141 оят)

“Ким ўзига тиланчилик эшигини очса, Аллоҳ унга қашшоқликнинг 70 та эшигини очиб қўяди”

“Ота-онага дуо қилишни тарк этиш ризқни кесади”

“Уч тоифа кишининг қўлга киритган нарсасида барака бўлмайди ва қаерда бўлса ҳам хорланади

- Менинг номимни эшитганда салавоти шариф айтмаган

- Рамазон ойига ҳурмат кўрсатмаган

- Ота-онаси тирик бўла туриб, уларни хурсанд қилмаган”

"Аллоҳумма ағниний бил ъилми ва заййинний бил ҳилми ва акримний биттақво ва жаммилний бил ъофия".

Маъноси:

"Ё Аллоҳ, мени илм билан бадавлат қил, ҳилм билан зийнатлантиргин. Тақво билан азиз қил. Офият билан мени гўзал қил".

Биринчи – илм, иккинчи – ҳилм, учинчи – тақво, тўртинчи – офият.