Xalqaro press klub

Biz 8 yoshga to‘ldik! 2016-yilda o‘zbek media makoniga yangicha uslub, yangi qarash va yangi kuch bilan kirib keldik! Yangi tashkilot uchun birinchi qadamlar, kunlar, oylar va ishlar, hatto g‘oyalarni ilgari surish oson bo‘ldi desam aldagan bo‘laman Sizlarni. 2016-yil kuz fasli edi, hamon yodimda: tabu, senzura, ta’qiqlar rosa kuchli edi. Bamisoli jurnalistikamiz sovuq muzlar qurshovida edi, qo‘rquv hukmron paytlar. Sal so‘zi va fikri borlaram boshqa sohalarda tirikchilik qilishga majbur edilar, qatag‘onga tushganlar bo‘lgan, badarg‘a qilingan boshqalar.

Jonli efir o‘lgandi TV olamida. Biz “muzyorar” texnologiyasi, jonli efirlarni xorijdagidek tok shou kabi gurunglar bilan egalladik, barcha viloyatlarga chiqdik, XPKning Surxondaryodan jonli sessiyasi rekordni urdi: salkam 5 soat efirda bo‘ldik! So‘ng viloyat xokimlari bilan Tet-a-Tet ya’ni Birga bir shaklida soatlab jonli efirda suhbatlar quridik. 2020-butun Insoniyat va O‘zbekiston uchun og‘ir keldi, Shohsimon virus pandemiyasida qo‘rqmay yana yurtimiz uzra yo‘lga otlandik. Shunda “XPK masofada” loyihasi dunyoga keldi, gonzo jurnalistikasini kashf etdik.. so‘ng yana tabiat sinovlari, ammo bizga mutlaqo qiyin bo‘lmadi. Chunki, chunki endi biz ozodlik, so‘z erkinligi, xurriyat, xur fikr sharoitida ishlardik.

Biror odam yo rahbar bunday qil demasdi menga! Allohga shukur shu yillar ichinda O‘zbekiston o‘zgardi, muhit o‘zgardi, biz erkinlik davrini ko‘rganimiz bahtidan sarmast bo‘lib ishlayverdik. Bir katta majlisda, manimcha 30-iyun kuni edi shekilli hurmatli Prezidentimiz mana Press klub yaxshi ishlayapti, menga yoqyapti, shunday davom ettiringlar deb meni o‘tirgan joyimdan turg‘azdilar, barcha o‘tirganlar qarsak chalib olqishlashdi. Bizga bu judayam katta rag‘bat berdi, bilan bunday yuksak e’tirofni Rahbardan eshitish yoqimli, lekin kuchli ma’suyat ham yuklaydi butun ahil jamoamizga!