Imtiyoz.uz

#Bilasizmi

⚡️"Ayollar daftari"ga kiritilgan xotin-qizlarning uy-joyini ta'mirlash uchun pul beriladi.

✅ Qonunchilikka ko'ra, sektorlar ishchi guruhlari tomonidan "Ayollar daftari"ga kiritilgan xotin-qizlarning uy-joyi holati o'rganiladi.

🏢 Har bir uy-joyni ta'mirlash ishlariga "Ayollar daftari" jamg'armasi hisobidan BHMning 30 baravarigacha (11 mln 250 ming so'm) miqdorda mablag' ajratilishi belgilangan.

Asos: Vazirlar Mahkamasining 31.03.2022 yildagi 145-son qarori.
---------------------------------------------------------
❓Ayollar daftariga kimlar kiritiladi? Javob...

⚡️Xotin-qizlar quyidagi hollarda «Ayollar daftari»dan chiqariladi. Batafsil...

⚡️Xotin-qizlarga tadbirkorlikni yo'lga qo'yish uchun 33 million so'mgacha kreditlar ajratiladi. Batafsil...

🇺🇿 @imtiyozuz

🇷🇺 Rossiyada ishlamoqchi bo‘lganlar uchun 27-yanvardan boshlab bepul rus tili kurslari ochiladi — Migratsiya agentligi

🇺🇿 @imtiyozuz

⚡️Ayollarni homiladorlik yoki farzandlari borligi sabab ishga olmaslik, ishdan bo‘shatish yoki ularning ish haqini kamaytirish taqiqlanadi.

✅Qonun senatorlar tomonidan ma’qullandi.

🇺🇿 @imtiyozuz

⚡️Mast haydovchilarga jarima miqdori oshirilib, takroriy holatda 3 yilgacha ozodlikdan mahrum qilish jazosi belgilanmoqda

🏛 Senatorlar bu haqdagi qonunni ma'qulladi.

Qonunga ko‘ra, transport vositasini mast holda boshqarganlik uchun belgilangan jarima bazaviy hisoblash miqdori 40 baravar (15 mln so’m) etib belgilandi. Bunga qadar 25 baravar edi.

Ushbu holat takroran sodir etilganda, haydovchi jinoiy javobgarlikka tortilib, unga nisbatan 3 yilgacha haydovchilik huquqidan mahrum qilish, 2 yildan 3 yilgacha axloq tuzatish ishlari yoki 2 yildan 3 yilgacha ozodlikdan mahrum qilish jazosi tayinlanadi.

✅Qonun imzolash uchun Prezidentga yuborildi.

🇺🇿 @imtiyozuz

#Bilasizmi

⚡️Xodimlarga ish kuni davomida dam olish uchun tanaffuslar berilishi kerak

⏰ Qonunchilikka ko'ra, ish kuni davomida xodimga dam olish va ovqatlanish uchun davomiyligi kamida 30 daqiqa va ko'pi bilan 2 soat bo'lgan, ish vaqtiga kiritilmaydigan tanaffus berilishi kerak.

📋 Dam olish va ovqatlanish uchun tanaffus berish vaqti va uning aniq davomiyligi ichki mehnat tartibi qoidalarida yoki xodim va ish beruvchi o'rtasidagi kelishuvga ko'ra belgilanadi.

❗️Xodimlar dam olish va ovqatlanish uchun tanaffusdan o'z ixtiyoriga ko'ra foydalanadi. Bu vaqtda ular ish joyidan chiqib ketishi mumkin.

🇺🇿 @imtiyozuz

❓Qanday hollarda xodimning ruxsatisiz ish haqidan ushlab qolinadi?

👉 soliqlar va yig‘imlarni undirish uchun;

👉 sud qarorlarini va boshqa ijro hujjatlarini ijro etish, shuningdek vakolatli organlarning qonuniy talablarini bajarish uchun;

👉 ish haqi hisobiga berilgan bo‘nakni ushlab qolish, boshqa joydagi ishga ko‘chib o‘tganligi munosabati bilan xo‘jalik ehtiyojlariga, xizmat safarlariga berilgan, sarflanmagan va o‘z vaqtida qaytarilmagan bo‘nakni ushlab qolish uchun;

👉 xodim tomonidan ish beruvchiga yetkazilgan zararning o‘rnini qoplash uchun, agar yetkazilgan zararning miqdori xodimning o‘rtacha oylik ish haqidan oshmasa;

👉 ish beruvchi tomonidan xodimga qo‘llangan jarimani undirish uchun;

👉 xodim qaysi ish yili hisobiga ta’til olib bo‘lgan bo‘lsa, o‘sha yil tugaguniga qadar mehnat shartnomasi bekor qilinganda ta’tilning ishlab berilmagan kunlari uchun.

❗️Har bir to‘lov chog‘ida ish haqidan ushlab qolingan mablag‘larning umumiy summasi xodimga haqiqatda hisoblangan ish haqining 50 foizidan oshishi mumkin

🇺🇿 @imtiyozuz

❓14-yanvar – Vatan himoyachilari kuni dam olinadimi?

❌ Yo‘q. Ushbu sana ishlanmaydigan bayram kuni sifatida belgilanmagan. Shunday ekan, 14-yanvar barcha uchun odatiy ish kuni hisoblanadi.

📆 2025-yilda ishlanmaydigan bayram kunlari quyidagicha:

👉 1-yanvar – Yangi yil;   
👉 8-mart – Xotin-qizlar kuni;
👉 21-mart – Navro‘z bayrami;
👉 9-may – Xotira va qadrlash kuni;
👉 1-sentabr – Mustaqillik kuni;
👉 1-oktabr – O‘qituvchi va murabbiylar kuni;
👉 8-dekabr – Konstitutsiya kuni;
👉 Ro‘za hayit (Iyd al-Fitr);
👉 Qurbon hayit (Iyd al-Adha).

🇺🇿 @imtiyozuz

#Bilasizmi | #imtiyoz

⚡️Kontrakt uchun to'lov soliqqa tortilmaydi.

🎓 Ta'lim uchun to‘lov qilinganida soliq imtiyozidan quyidagi hollarda foydalanish mumkin:
➖o'zingiz uchun;
➖farzandlaringiz uchun;
➖26 yoshgacha bo'lgan turmush o'rtog'ingiz uchun.

1️⃣ To'lovni to'g'ridan-to'g'ri ish joyingizdagi ish haqidan o'quv yurtiga o'tkazishingiz mumkin, bunda ushbu daromadga soliq hisoblanmaydi.

2️⃣ Mustaqil ravishda elektron, naqd yoki naqdsiz ko‘rinishda to'langanda yil yakuni bo'yicha soliq organlariga deklaratsiya topshirib, avval to'langan soliq summasini qaytarib olish mumkin.

⚡️To‘langan kontrakt pulidan 12 foizini qaytarib olish uchun soliq organlariga borishingiz shart emas. Batafsil...

🇺🇿 @imtiyozuz

⚡️"10 ming qadam" loyihasi yana qaytmoqda.

Bu bo'yicha Prezident farmoni loyihasi jamoatchilik muhokamasiga qo'yildi.

Farmonga ko'ra, 2025-yil 1-iyundan boshlab “Bir million yashil oila” umummilliy harakati doirasida maxsus platforma ishga tushirilib, u orqali bir sutka davomida kamida 10 ming qadam yurganlarga “Ekofaol fuqaro” maqomi beriladi hamda ularga quyidagi imtiyozlar taqdim etiladi:

➖davlat xizmatlaridan foydalanishda 10 foiz chegirma;
➖davlat ulushi 50 foizdan yuqori boʼlgan banklarda isteʼmol kreditini olishda chegirma;
➖oilaning barcha voyaga yetgan aʼzolari “Ekofaol fuqaro” maqomini olganda, ushbu oilaga “yashil oila” maqomini berish hamda ularga har yili lotereya orqali 14 ta elektromobildan birini yutish imkoniyatini taqdim etish.

Shuningdek, aholisining yarmi “yashil oila” maqomini olgan mahallalarda “Eng toza mahalla” va “Eng yashil mahalla” tanlovlarini oʼtkazilib, g'olib mahallalar jamg'armasiga quyidagi maqsadlar uchun 500 million so'm ajratiladi:

➖bolalar maydonchasini qurish;
➖yashil bogʼ yaratish;
➖chiqindi yigʼish maydonchalarini qurish va chiqindi konteynerlarini oʼrnatish.

🇺🇿 @imyiyozuz

#Bilasizmi

⚡️O‘qituvchilar faoliyatiga aralashganlik uchun javobgarlik bor.

❗️Ma'muriy javobgarlik toʻgʻrisdagi kodeksning 197-5-moddasiga muvofiq ta’lim tashkiloti pedagog xodimining kasbiy faoliyatiga qonunga xilof ravishda aralashish yoki o‘z xizmat vazifalarini bajarishiga to‘sqinlik qilish ma'muriy javobgarlikga sabab bo'ladi.

Ta’lim tashkiloti pedagog xodimining kasbiy faoliyatiga ta’lim oluvchilarning bilimini to‘g‘ri va xolis baholashiga ta’sir ko‘rsatish bilan ifodalangan tarzda qonunga xilof ravishda aralashish yoki ta’lim tashkiloti pedagog xodimining xizmat vazifalarini bajarishiga to‘sqinlik qilish, — fuqarolarga bazaviy hisoblash miqdorining yetti baravaridan o‘n baravarigacha, mansabdor shaxslarga esa — o‘n baravaridan o‘n besh baravarigacha miqdorda jarima solishga sabab bo‘ladi;

Xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, — fuqarolarga bazaviy hisoblash miqdorining o‘n baravaridan o‘n besh baravarigacha, mansabdor shaxslarga esa — o‘n besh baravaridan yigirma baravarigacha miqdorda jarima solishga yoki o‘n besh sutkagacha ma’muriy qamoqqa olishga sabab bo‘ladi.

🇺🇿 @imtiyozuz

#Bilasizmi

⚡️O‘qituvchi bo‘lib ishlayotgan xalqaro olimpiadalar g‘oliblariga har oy 150 foiz ustama to‘lanadi

✅ Ta'lim muassasalarida o'qituvchi bo'lib faoliyat yuritayotgan nufuzli xalqaro olimpiadalar g'oliblari lavozim maoshiga har oy 150 foiz, asosiy olimpiadalar respublika bosqichi g'oliblari lavozim maoshiga har oy 100 foiz miqdorida ustama haqi to'lanadi.

🔰Bunda:

✅ ustamalar nufuzli xalqaro olimpiadalar va asosiy olimpiadalar o'tkaziladigan fanlar bo'yicha aynan g'oliblikni qo'lga kiritgan fanidan dars berayotgan olimpiada g'olibiga beriladi;

✅ ta'lim muassasalarida o'qituvchi bo'lib faoliyat yuritayotgan nufuzli xalqaro olimpiadalar va asosiy olimpiadalar respublika bosqichi g'oliblari tomonidan g'oliblikni tasdiqlovchi hujjat yoki sertifikat taqdim qilinadi.

Asos: Vazirlar Mahkamasining 09.09.2021 yildagi 562-sonli qarori.

🇺🇿 @imtiyozuz

⚡️Quyosh paneli uchun kredit olinganda kredit foizi uchun kompensatsiya beriladi.

Banklar tomonidan “yashil” iste'mol krediti quyosh fotoelektr stansiyasi, quyosh suv isitkichlari va shamol elektr stansiyalarini o'rnatish maqsadlari uchun ajratiladi.

✔️ BHMning 500 baravarigacha bo'lgan “yashil” iste'mol kreditlari bo'yicha foiz stavkasining Markaziy bank asosiy stavkasidan oshgan, biroq 5 foizli banddan ko'p bo'lmagan qismi uchun 3 yil kompensasiya beriladi.

❕Ya'ni bugungi kunda MB asosiy stavkasi 13,5 foiz, agar kredit foizi 18 foiz bo'lsa uning 5 foizi davlat tomonidan qoplab beriladi.

📝 Mazkur kompensasiya uchun alohida murojaat qilish talab etilmaydi, “yashil” kredit ajratadigan banklar avtomat tarzda arizani o'zlari yuboradi.

Asos: Vazirlar Mahkamasining 29.09.2023 yildagi 517-son qarori.

🇺🇿 @imtiyozuz

⚡️Nogironligi bo'lgan shaxslarga beriladigan ayrim imtiyozlar.

➖Nogironligi bo'lgan shaxslar uchun OTMda davlat granti asosida qo'shimcha qabul kvotasi ajratiladi. 

➖Nogironligi bo'lgan shaxslarning avtotransport vositalari uchun ajratilgan to'xtab turish joylaridan foydalanganlik uchun haq olinmaydi.

➖I va II guruh nogironligi bo'lgan shaxslarga DXM va (yoki) YAIDXP orqali xizmat ko'rsatishda 50 foiz miqdorida chegirma qo'llaniladi.

➖Nogironligi bo'lgan shaxslar jamoat birlashmalari ramzlarini davlat ro'yxatidan (qayta ro'yxatdan) o'tkazish uchun davlat boji undirilmaydi.

➖Nogironligi bo'lgan 18 yoshgacha bolalarga hamda I yoki II guruh nogironligi bo'lgan shaxslarga nogironlik nafaqasini tayinlashda davlat xizmatlari bepul ko'rsatiladi.

➖I va II guruh nogironligi bo'lgan shaxslar bolalarini davlat maktabgacha ta'lim muassasalariga qabul qilishda imtiyozli ro'yxatga kiritilgan.

➖Tegishli tibbiy xulosa asosida muhtoj shaxslarga protez-ortopediya moslamalari va reabilitasiya qilishning texnik vositalari beriladi.

➖Nogironligi bo'lgan shaxslar sanatoriy-kurortda bepul sog'lomlashtirish huquqiga ega.

➖I va II guruh nogironligi bo'lgan shaxslarning mulkida bo'lgan mol-mulk 60 kvadrat metr doirasida soliq solishdan ozod qilinadi.

➖Mehmonxonalarda nogironligi bo'lgan shaxslar uchun alohida sharoitga ega xona tashkil etiladi.

➖Xizmat turar joylarida yashayotgan  I va II guruh nogironlari xizmat uyidan boshqa turar joy bergan holda ko'chiriladi. 

➖Nogironligi bo'lgan yoshlarga BHMning 50 baravarigacha (18 mln 750 ming so'mgacha) subsidiya ajratiladi. 

➖I va II guruh nogironligi bo'lgan shaxslar yer solig'idan ozod qilinadi.

➖Byudjet mablag'lari hisobiga moliyalashtiriladigan basseynlarda shug'ullanish va ulardan foydalanish uchun nogironligi bo'lgan bolalar to'lovdan ozod etiladi. 

➖Bolalikdan nogiron bo'lganlar, shuningdek I va II guruh nogironlarining MHTEKMning 3 baravari (3 mln 465 ming so'm) miqdoridagi mablag'lari daromad solig'iga tortilmaydi.

❗️Batafsil keyingi postlarda barcha mavzularni yoritib boramiz.

☝️Yuqoridagi ma'lumotlar sizga yoqgan bo‘lsa ryaksiya (👍❤️🔥👌💯) qoldirib yaqinlaringizga tarqatishni unutmang✅.

🇺🇿 @imtiyozuz