Бухоро. Ёзувчилар уюшмаси

@ijod_bustoni

Channel's geo and language: Uzbekistan, Uzbek

Category: not specified

Similar channels

Channel's geo and language

Uzbekistan, Uzbek

Бухоро. Ёзувчилар уюшмаси

25 Sep, 11:46

* Мулоҳаза

Исмингиз ҳеч нарсани англатмайди. Ҳаммасини севгингиз англатади...

Шуҳрат ОРИФ

Уланиш учун: https://t.me/ijod_bustoni

75 0 1

Бухоро. Ёзувчилар уюшмаси

25 Sep, 11:46

* Кун ҳикмати

Олам аҳли, билингизким, иш эмас душманлиғ,
Ёр ўлунг бир-бирингизгаким, эрур ёрлиғ иш.

Алишер НАВОИЙ

Уланиш учун: https://t.me/ijod_bustoni

52 0 1

Бухоро. Ёзувчилар уюшмаси

24 Sep, 21:25

Куз — Ф.Шопен

04:09

Уланиш учун: https://t.me/ijod_bustoni

134 0 9

* Сиз сўраган сатрлар

Куз хаёли

Биз жуфт дарахт эдик аслида –
Қорда қолган беғубор қалби.
Ажралишдик хазон фаслида
Асир тушган япроқлар каби.

Ердан олис, осмондан нари
Мунғаяди юпун хотирот,
Хаёлингсиз ўтган кунларим
Саҳро каби тўзғидим, ҳайҳот.

Йўқлаб келди қадрдон қайғу
Деразамга бош ургач ёмғир.
Хаёлингдан кечмоқлик – мангу
Унутилиш дардидек оғир.

Унутдимми, бешафқат йиллар
Тўзонида бўлинди сасим.
Мен уйғондим, боряпман, йиғлар
Қаршимизда булутли мавсум.

Хазонрез тун, сочаркан ёғду,
Соҳибасин чорлар деразанг.
Кўзларингда ноаён туйғу –
Танидингми мени, азизам?!

Шодмон СУЛАЙМОН

Уланиш учун: https://t.me/ijod_bustoni

147 0 4

Бухоро. Ёзувчилар уюшмаси

24 Sep, 21:24

Кутаман (янги) — Улмас Оллоберганов

04:54

Уланиш учун: https://t.me/ijod_bustoni

106 0 3

Бухоро. Ёзувчилар уюшмаси

24 Sep, 21:24

* Сиз сўраган сатрлар

Эй жуфти ҳалолим...

Бизнинг бировлардан не камимиз бор,
Эй жуфти ҳалолим, не ғамимиз бор.
Гарчи боғлар кезиб юрмадик бирга,
Эсласак арзирли хуш дамимиз бор...

Гарчи мен билан ҳеч йўқдай ишларинг,
Мен ҳақдадир ҳатто кўрган тушларинг.
Севдим демасанг ҳам, севгинг изҳори –
Кўзинг тўла меҳр жилмайишларинг.

Меҳри садоқати сийму зар санам,
Мунглиғим, мунисим, муштипаргинам.
Парвонам сенсану бошимда мудом,
Қадрингга етмайин келганим алам.

Бир бор қош уймаган қалам қошлигим,
Сочингдаги оқлар – бағри тошлигим.
Бир ширин сўз айтмай, битта гул тутмай,
Сен гулни сўлдирди менинг ёшлигим.

Дардинг олай, ёрим, айтгил дардингни,
Тоғлар кўтаролмас сенинг дардингни.
Севдим демасам ҳам севгим изҳори –
Умр ўртасида билдим қадрингни!..

Бизнинг бошқалардан не камимиз бор,
Эй жуфти ҳалолим, не ғамимиз бор.
Гарчи боғлар кезиб юрмадик бирга,
Эсласак арзирли хуш дамимиз бор...

Муҳаммад ЮСУФ

Уланиш учун: https://t.me/ijod_bustoni

107 0 4

Бухоро. Ёзувчилар уюшмаси

24 Sep, 17:32

Forward from: Бухоро. Ёзувчилар уюшмаси

* Боқий сатрлар

* * *
Мовий дунёлардан бир насим келур,
Маним бул насимга ҳавасим келур.
Жисмим бунда менинг, рухим ундадир –
Мовий дунёлардан нафасим келур.

Менинг хотиротим – заминдек қадим,
Ёшим баробардир Қуёш ёшига.
Лекин ҳеч бепарво қарай билмадим
Хилқатнинг ҳар битта гулу тошига.

Гуллар ўзлигини англадими, бас,
Тош ҳам тошлигига иқрорми бугун?..
Чап кўкракда санчиқ ҳамон босилмас,
Икки қош ўртаси тугундир, тугун.

Тошлар чатнай бошлар, гулларда титроқ,
Сегоҳ оҳангида эсади насим…
Ҳали бу дунёда яшайман узоқ,
Ҳали бу дунёдан қайтмас нафасим.

Усмон ҚЎЧҚОР

Уланиш учун: https://t.me/ijod_bustoni

121 0 8

Бухоро. Ёзувчилар уюшмаси

24 Sep, 12:49

* Шеърий лаҳза

* * *
Шабнам юзларини ювмаган пайтда,
Дарахтлар гуллашни қилганида рад,
Исмингни пичирлаб қайта ва қайта –
Ибодат қиляпман, ибодат.

Сен ҳали уйқудан уйғонганинг йўқ,
Жоним, тушларингда асрасин Худо.
Шунчалар, шунчалар
бахтиёрманки,
Исмингни пичирлаб қилдим илтижо.

Беаёв мудроқда уйғонади тонг,
Уйқули кўзини кундузга тикиб.
Мен эса руҳимни янгилаяпман –
Бўм-бўш юрак билан пойингга чўкиб.

Ҳали айтилмаган қўшиқдай нафис,
Ҳали ёзилмаган шеърдай бетоқат.
Исмингни чақириб-чақириб ҳаргиз –
Ибодат қиляпман, ибодат.

Хосият РУСТАМОВА

Уланиш учун: https://t.me/ijod_bustoni

240 0 6

Бухоро. Ёзувчилар уюшмаси

24 Sep, 12:49

* Жараён

Ўзбекистон Ёзувчилар уюшмаси вилоят бўлими бош мутахассиси Суҳроб Ҳамроев Когон туманидаги 4-умумий ўрта таълим мактабида бўлиб, бошланғич синфларда таҳсил олаётган ёш қаламкашлар билан мулоқот қилди, уларга бадиий китоблар улашди.

Уланиш учун: https://t.me/ijod_bustoni

230 0 5

Бухоро. Ёзувчилар уюшмаси

24 Sep, 12:49

* Кун ҳикмати

Қуруқ дуони қўй, дарахт истаган уруғ экади.

Жалолиддин РУМИЙ

Уланиш учун: https://t.me/ijod_bustoni

249 0 3

Бухоро. Ёзувчилар уюшмаси

23 Sep, 20:22

Ибрат учун

Эр вафот этди. Унинг шкафда осиғлиқ турган кийимининг чўнтагига аёли саккиз йилгача пул солиб қўярди. Фарзандлари ҳар гал ундан пул сўрашганида уларга: "Отангнинг чўнтагидан олақол!" дер эди.

Аёл буни уйдан отанинг хотираси кўтарилиб кетмаслиги учун қиларди.

Уланиш учун: https://t.me/ijod_bustoni

344 0 13

Бухоро. Ёзувчилар уюшмаси

23 Sep, 19:59

Шарқ юлдузи №9_2023.pdf

2.8Mb

"Шарқ юлдузи" журналининг 2023 йилги 9-сони мутолаа учун ҳавола қилинади.

Уланиш учун: https://t.me/ijod_bustoni

222 0 2

Бухоро. Ёзувчилар уюшмаси

23 Sep, 19:58

КЎРИШ ВА ҚАРАШ

ХХ асрда кино дунёни забт эта бошлаганида Ғарб файласуфларидан бири “Кино бизни кўришга ўргатди, лекин қарашдан жудо қилди”, деган эди (ҳолбуки, ўша пайтдаги фильмлар ҳозиргидан кўра анча тузук бўлган). Дарҳақиқат, кўриш ва қараш бошқа-бошқа тушунча. Бир кунда минг-минглаб нарсаларни кўрамиз, лекин шундан бор-йўғи уч-тўрттасига қараймиз. Қарашда дунёқараш, фикр, ички муносабат, ҳатто туйғу иштирок этади, кўришда эса ундай эмас. Дунёнинг машҳур кинокомпаниялари Габриэль Гарсиа Маркесга “Юз йил ёлғизликда” романи асосида бадиий фильм ишланиши учун рухсат маъносидаги биттагина “хўп” сўзи учун миллионлаб доллар ваъда қилишганда адиб, эҳтимол, айни кўриш ва қараш орасидаги тафовутни ҳисобга олиб, “Йўқ!” дегандир.
Қуёшнинг чиқиши ва ботишини, далаларни оппоқ қор қоплаганини, осмонда порлаган юлдузларни одам кўрса-ю, ҳеч нарсани ҳис қилмаса, бу навбатдаги кўрликнинг бир тури эмасми? Аввалги замонда одамларни қарашга эмас, кўришга мослаштирадиган восита битта кино бўлган бўлса, бугун уларнинг ҳисоби йўқ. Ахборот очкўзлиги даврида қараш бутунлай инқироз гирдобига кирди. Бугун қалбий сезги емирилиб боряпти.

✍️ Эшқобил ШУКУР, "Эркинлик бошқа, бошбошдоқлик бошқа; фикр бошқа, маҳмаданагарчилик бошқа" номли суҳбатдан.

Уланиш учун: https://t.me/ijod_bustoni

366 0 9

Бухоро. Ёзувчилар уюшмаси

23 Sep, 16:31

01:30

Video is unavailable for watching

Show in Telegram

Muhammad Yusuf tavalludining 70-yilligi

O‘ZBEKISTON

Muhammad Yusuf she'ri
Shoirning o‘zi o‘qigan

O‘zbekiston Yozuvchilar uyushmasi Axborot xizmati

879 0 10

Бухоро. Ёзувчилар уюшмаси

23 Sep, 07:44

Yangi kitob

XOJA ABDUXOLIQ G‘IJDUVONIY

Vatanimiz tarixida yuksak taʼlimot – tasavvufni rivojlantirgan allomalaru valiylar ko‘p o‘tgan. Jumladan, hozirgi davrda Buxoro shahri atroflarida yashab, “Xojagon” tariqatining yetti piri majmua ziyoratgohlari maʼlumu mashhur. Ushbu islomiy va falsafiy yo‘nalish insonning Yaratgan Zotga yaqinlashishi va natijada mazmunli, foydali hayot kechirishi qoidalarini bayon etadi. Ilk holatdagi tasavvufni yurtimizga alloma Xoja Yusuf Hamadoniy olib kelgan va targ‘ib qilgan. Uning o‘quvchilari orasida Xojai jahon deb sharaflangan Abduholiq G‘ijduvoniy bu yo‘lda yangi izlanishlar olib borib, “Xojagon” tariqatini yaratgan. Bu zot darajasi bo‘yicha avliyolar qutbi, yaʼni eng yuqori darajali hisoblanadi. U ilmu maʼrifatga, taʼlim-tarbiyaga katta ahamiyat bergan, insonlarni hamisha mehnat qilishga, dunyo va oxirat ishlarini barobar olib borishga undagan. “Dil ba yoru, dast ba kor”, yaʼni, “Qalbda Olloh bo‘lsin, qo‘l ishda bo‘lsin”, g‘oyasini ilgari surgan.
Xoja Abduholiq G‘ijduvoniyning hayoti va faoliyati juda qiziqarli kechgan. Shu sabab, O‘zbekiston Yozuvchilar uyushmasi aʼzosi Ozod Moʻmin Xo‘janing bu ulug‘ alloma haqidagi asari bilan tanishish va unda keltirilgan g‘oyalarni o‘rganish har bir inson harakatlariga kuch-quvvat, to‘g‘ri yo‘llar tanlashga yordamu madadlar beradi, degan umiddamiz.

O‘zbekiston Yozuvchilar uyushmasi Axborot xizmati

238 0 5

Бухоро. Ёзувчилар уюшмаси

23 Sep, 07:41

* Кун ҳикмати

Одамлар сени танимаса, ташвиш чекма. Аксинча, сен одамларни танимаслигингдан ташвиш чек.

КОНФУЦИЙ

Уланиш учун: https://t.me/ijod_bustoni

271 0 8

Бухоро. Ёзувчилар уюшмаси

23 Sep, 07:36

* Мужда

“Ёшлик” журналининг навбатдаги сони нашрдан чиқди.

Уланиш учун: https://t.me/ijod_bustoni

232 0 1

Бухоро. Ёзувчилар уюшмаси

23 Sep, 07:34

* Дурдона

* * *
Қошингға текузмағил қаламни,
Бу хат била бузмағил рақамни.

Бутхоналар ичра ҳеч тарсо,
Бир кўрмади сен киби санамни.

Ошиқларингга тараҳҳум этгил,
Кўп айлама жавр ила ситамни.

Нақши қадаминг муяссар ўлса,
Найлай бу жаҳонда жоми Жамни.

Кўнглум қуши тойири ҳариминг,
Сайд этма кабутари ҳарамни.

То беватан ўлмасун кўнгуллар,
Зулфунгдин аюрма печу хамни.

Лаълинг ғамидин кўзум тўкар қон,
Беҳуда кечурмагил бу дамни.

Йўлунгда ғубори роҳ бўлдум,
Бошимға етурмадим қадамни.

Сен ёрдин ўзга кимга дермен,
Кўнглумдаги дард ила аламни.

Бир коса шароби арғувоний,
Помол қилур ҳужуми ғамни.
Иқлими вафо Амиридурсен,
Эй шоҳ, бу гадоға қил карамни.

Амирий (1787–1822)

Уланиш учун: https://t.me/ijod_bustoni

234 0 4

Бухоро. Ёзувчилар уюшмаси

23 Sep, 07:25

Бир ғариб кўнгилни қила олсанг шод,
Яхшидир Ер юзин қилгандан обод.
Лутфинг-ла бир дилни қул қила олсанг,
Афзалдир юз қулни қилгандан озод.

Умар ХАЙЁМ

Уланиш учун: https://t.me/ijod_bustoni

580 0 14

Бухоро. Ёзувчилар уюшмаси

22 Sep, 18:40

00:05

Video is unavailable for watching

Show in Telegram

* * *
Баҳор деворларнинг офтобрўя этакларидан бошланмайди. Баҳор ариқларнинг кунгай соҳилларидан бошланмайди. Баҳор қабристондан бошланади. Илк майсалар мунгли дўппайган қабрлар ёнбошидан униб чиқади. Тўнғич чучмомалар энг аввал сукутга чўмган қабристон устида маъюс қўнғироғини чалади. Бағри қон қизғалдоқлар биринчи бўлиб мана шу ерда очилади.

✍️Ўткир Ҳошимов

📖 "Дунёнинг ишлари"

Уланиш учун: https://t.me/ijod_bustoni

329 0 7

20 last posts shown.