Uchqo‘rg‘on tuman hokimligi | Rasmiy kanal

Учқурғон туманидаги "Порлок юлдузи" ММТП ҳудудида жойлашган "Янгиланиш давр талаби" фермер хўжалигида қишлоқ хўжалиги ишлари жадаллик билан давом этмоқда. Хусусан, мазкур хўжаликда ер текислаш ишлари тўлиқ якунланиб, ҳосилдорликни ошириш мақсадида пушта олиш жараёнлари олиб борилмоқда.

Замонавий агротехник усуллардан фойдаланган ҳолда амалга оширилаётган бу ишлар тупроқнинг унумдорлигини яхшилашга ва экиладиган маҳсулотнинг сифатини оширишга хизмат қилади. Шу билан бирга, суғориш тизимлари ҳам яхшиланиб, сув тежамкорлигини таъминлаш чоралари кўрилмоқда.

Фермер хўжалиги ходимлари ва агрономлар мазкур жараёнларни пухта режалаштириб, техник воситалардан самарали фойдаланиш орқали тез ва сифатли натижага эришишга интилишмоқда. Келгуси мавсумда мўл-кўл ҳосил олиш мақсадида ишларнинг барчаси белгиланган муддатда амалга оширилмоқда.

Учқўрғон туманида PQ-330-сонли қарор ижроси доирасида Учёғоч МФЙда “Мева сабзавот саноат сервис” МЧЖ томонидан 1 км ички ариқлар бетонлаштирилмоқда.

💰 Лойиҳа қиймати – 306 млн сўм. Бу сув ресурсларидан самарали фойдаланиш ва суғориш тизимини яхшилаш имконини беради.

🌱 Бетонлаштирилган ариқлар сув йўқотилишини камайтириб, деҳқончиликка қулай шароит яратади.

✅ Лойиҳа якунида маҳаллий аҳоли учун сув таъминоти ва экологик ҳолат яхшиланади.

Учқўрғонда 2025 йил пахта ҳосили учун ер тайёрлаш ишлари давом этмоқда

Учқўрғон туманида 2025 йил пахта ҳосили учун ер тайёрлаш ишлари жадал давом этмоқда. Айни пайтда далаларда суғориш, юмшатиш ва текислаш ишлари амалга оширилмоқда.

Агротехник талабларга мувофиқ тарзда тайёрланаётган ер майдонлари фермерларга юқори ҳосилдорликка эришиш имконини беради. Замонавий техника ва илғор усуллар қўлланган ҳолда олиб борилаётган тайёргарлик ишлари самарали натижа беради.

Фермерларимиз мўл ҳосил етиштириш мақсадида фаол иш олиб боришмоқда.

#Тайинлов

Муродуллаев Абдулло Убайдулло ўғли Давлат кадастрлари палатасининг Наманган вилояти Учқўрғон тумани филиали бошлиғи лавозимига тайинланди.

А.У.Муродуллаев  1991 йилда Учқўрғон туманида туғилган. Маълумоти олий,  2016-йилда Наманган Мухандислик педагогика институтини  тамомлаган. Мутахассислиги — қурувчи мухандис.

Тайинловга қадар Давлат кадастрлари палатасининг Наманган вилояти Учқўрғон туман филиали Давлат кадастрлари ягона тизими (ДКЯТ) мутахассиси лавозимида ишлаган.

Ўзбекистон Республикаси иқтисодиёт ва молия вазирлиги ҳузуридаги Кадастр агентлиги Давлат кадастрлари палатасининг тегишли буйруғига асосан амалга оширилди.

“Зулфия” мукофоти совриндори Ақида Олимжанова Учқўрғонда тантанали кутиб олинди

Куни кеча юртбошимиз қўлидан “Зулфия” номидаги Давлат мукофотини олган Учқўрғон тумани фахри Ақида Олимжанова туман ҳокимлигида туман фаоллари томонидан тантанали кутиб олинди.

Тадбирда сўзга чиққанлар Ақида Олимжанованинг ютуқлари, меҳнатсеварлиги ва иқтидори тўғрисида фикр билдириб, унинг бу мукофотга муносиб эканини таъкидлашди. Шунингдек, у ёшлар учун намуна бўлиши, ўз устидан ишлаш ва илм олишда давом этишига ишонч билдирилди.

Бу ғалаба нафақат Ақида Олимжанова, балки бутун Учқўрғонликлар учун фахр-ифтихордир!