HUQUQ INFO || HUQUQIY BLOG

❗️Kontrakt mablagʻlarini toʻlash muddati 31-dekabrga qadar uzaytirildi

Davlat qabul komissiyasining tegishli bayoni bilan 2024/2025-o‘quv yilida oliy ta’lim muassasalarining quyidagi bakalavriat hamda magistratura talabalari uchun bаzаviу va tabaqalashtirilgan to‘lov-kontraktning bir yillik o‘qitish qiуmatidan 50 foizi miqdoridagi to‘lovlarni amalga oshirish va talabalar safiga qabul qilishni rasmiylashtirishning so‘nggi muddati 2024-yil 31-dekabri (shu kuni hаm) etib belgilandi:

➖ to‘lov-kontrakt jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar (1-kurslar);

➖ o‘qishi ko‘chirilgan (ko‘chirib tiklangan) va qayta tiklagan talabalar;

➖Qoraqalpog‘iston Respublikasida doimiy yashaydigan hamda umumiу o‘rta, o‘rta-maxsus va professional ta'lim muassasalarini tаmomlаgаn yoshlar uchun ajratilgan qo‘shimcha qabul kvotalariga talabalikka tavsiya etilgan abituriyentlar.

❗️Eslatma: Bu 2024/2025-o‘quv yilida qabul qilingan abituriyentlar uchungina amal qiladi. Amaldagi tartibga koʻra, ikkinchi va undan yuqori bosqich talabalar kontraktini toʻlash muddati OTM rahbari tomonidan uzaytirilishi mumkin.


Kanalga ulanish 👇
https://t.me/huquqiy_info

❗️PIROTEXNIKA VOSITALARIDAN FOYDALANGANLIK UCHUN JAVOBGARLIK BOR!

📄 Ma’muriy javobgarlik to‘g‘risidagi kodeksning 185-1-moddasiga asosan,

➖ pirotexnika buyumlarini qonunga xilof ravishda ishlab chiqarish, tayyorlash, saqlash, tashish, jo‘natish, ulardan foydalanish, xuddi shuningdek ularni qonunga xilof ravishda O‘zbekiston Respublikasiga olib kirish yoki olib chiqish xamda o‘tkazish — huquqbuzarlik ashyolarini musodara qilib, bazaviy hisoblash miqdorining besh baravari(1 875 000 so‘m)dan yigirma baravari (7 500 000 so‘m) gacha miqdorda jarima solishga sabab bo‘ladi.


Kanalga ulanish 👇
https://t.me/huquqiy_info

❗️ISHGA QABUL QILISHNI NOQONUNIY RAD ETISH TAQIQLANADI !!!

📄 Mehnat kodeksining 119-moddasiga asosan, ishga qabul qilishni qonunga xilof ravishda rad etishga yo‘l qo‘yilmaydi.

❗️Quyidagilar ishga qabul qilishni qonunga xilof ravishda rad etish xisoblanadi:

➖ mehnat va mashg‘ulotlar sohasida kamsitishni taqiqlash to‘g‘risidagi talablarni buzish;

➖ ish beruvchi tomonidan ishga taklif etilgan shaxslarni ishga qabul qilmaslik;

➖ ish beruvchi qonunga muvofiq mehnat shartnomasini tuzishi shart bo‘lgan shaxslarni (ish o‘rinlarining belgilangan eng kam soni hisobiga ishga yuborilgan shaxslarni, ish beruvchi alohida asoslar bo‘yicha mehnat shartnomasini bekor qilgan shaxslarni, ular qayta ishga qabul qilingan taqdirda va boshqalarni) ishga qabul qilmaslik;

➖ homiladorlik yoki farzandlar borligi bilan bog‘liq sabablarga ko‘ra ishga qabul qilmaslik;

➖ sudlanganligi, shu jumladan tugallangan va olib tashlangan sudlanganligi sababli shaxslarni ishga qabul qilmaslik, bundan qonunchilikda nazarda tutilgan hollar mustasno, yoxud shaxslarni ularning yaqin qarindoshlari sudlanganligi, shu jumladan tugallangan sudlanganligi munosabati bilan ishga qabul qilmaslik;

❗️Ishga qabul qilish rad etilgan taqdirda, ish beruvchi ishga qabul qilish huquqiga ega bo‘lgan mansabdor shaxs tomonidan imzolangan ishga qabul qilishni rad etish sabablarining yozma asosini ishga qabul qilinishi rad etilgan shaxsning talabiga ko‘ra uch kunlik muddatda taqdim etishi shart.


Kanalga ulanish 👇
https://t.me/huquqiy_info

❗️"AYOLLAR DAFTARI"GA KIRITILGANLARGA QANDAY YORDAM TURLARI KO‘RSATILADI ?

📃 Hukumatning 145-son qarori bilan tasdiqlangan nizomga asosan,

➖ «Ayollar daftari»ga kiritilgan xotin-qizlarni qo‘llab-quvvatlash quyidagi yo‘nalishlarda amalga oshiriladi:

🟢 1) ijtimoiy himoyaga muhtoj ishsiz xotin-qizlar uchun: — bandligini ta’minlash,
zarur hollarda bir martalik moddiy yordam berish;

🟢 2) tadbirkorlik qilish istagida bo‘lgan ehtiyojmand xotin-qizlar uchun —- tadbirkorlikni yo‘lga qo‘yishga ko‘maklashish;

🟢 3) boquvchisi bo‘lmagan ehtiyojmand xotin-qizlar uchun — bir martalik moddiy yordam berish, zarur hollarda og‘ir turmush sharoitidagi (uy-joyi ta’mirlashga muhtoj, biroq oilasining moddiy imkoniyati yetmaydigan) xotin-qizlarning uy-joyini ta’mirlash;

🟢 4) ijtimoiy yordamga muhtoj I va II guruh nogironligi bo‘lgan, shuningdek, tezkor tibbiy muolajaga muhtoj ehtiyojmand xotin-qizlar uchun — bir martalik moddiy yordam berish, zarur hollarda ularning uy-joyini ta’mirlash xamda ularga tibbiy yordamlar ko‘rsatish;

🟢 5) uy-joyga muhtoj ehtiyojmand xotin-qizlar uchun — ijara kompensatsiyasini to‘lash, ijtimoiy uylarga joylashtirish, uy-joy bilan ta’minlash, zarur holatlarda bir martalik moddiy yordam berish;

🟢 6) qaramog‘ida nogironligi bo‘lgan farzandi mavjud ehtiyojmand xotin-qizlar uchun — bir martalik moddiy yordam berish, zarur hollarda tomorqadan va dehqonchilikdan daromad manbai sifatida foydalanish uchun ko‘maklashish.


Kanalga ulanish 👇
https://t.me/Fuqarolik_sud

⚡️Bugundan qishki o‘qishni ko‘chirish uchun arizalar qabuli boshlandi

Bugun, 20-dekabrdan uzrli sababga ko‘ra o‘qishni ko‘chirish bo‘yicha arizalar hududiy ishchi guruhlar tomonidan qabul qilinadi

Belgilangan tartibga muvofiq 2 ta uzrli sababga koʻra davlat oliy taʼlim muassasalariaro o‘qishni koʻchirish haqidagi arizalarni qabul qilish uchun 13 ta oliy taʼlim muassasasida hududiy ishchi guruhlar tashkil etildi (rasm).

Ishchi guruhlar 2025-yilning 20-yanvar kuniga qadar har kuni soat 9:00dan 17:00 gacha (yakshanba – dam olish kuni; shanba – soat 9:00 dan 15:00 gacha) faoliyat koʻrsatadi.

Hududiy ishchi guruhlarga arizachi quyidagi hujjatlarni (oflayn) taqdim etadi:

➖ o‘qishni ko‘chirish bo‘yicha ariza (ariza blankasi hududiy ishchi guruh tomonidan beriladi va talaba uni joyida to‘ldiradi);
➖ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➖ pasport nusxasi;
➖ uzrli sabablarni asoslovchi tegishli hujjatlar.

Ma’lumot uchun, 2 ta uzrli sabab quyidagilar:
➡️talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish uchun murojaat qilganda;
➡️davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirish uchun murojaat qilganda, tegishli vazirlik (idora) rahbarining tavsiyasi asosida.


Kanalga ulanish 👇
https://t.me/Fuqarolik_sud

XUSUSIY SEKTORLARDA "DEKRET PULINI" TO‘LAB BERILADI

Mehnat kodeksining 404-moddasiga asosan ayolga tug‘ruqqacha yetmish kalendar kun hamda tug‘ruqdan keyin ellik olti kalendar kun (tug‘ish qiyin kechgan yoxud ikki yoki undan ortiq bola tug‘ilgan taqdirda yetmish kalendar kun) homiladorlik va tug‘ish ta’tili berilib, qonunchilikda belgilangan, lekin o‘rtacha oylik ish haqining yetmish besh foizidan kam bo‘lmagan miqdorda nafaqa to‘lanadi. Homiladorlik va tug‘ish ta’tili ayolga jamlangan holda hisoblab chiqarilib, tug‘ruqqacha haqiqatda foydalanilgan kunlar sonidan qat’i nazar, to‘liq beriladi.

Ya’ni, sizga to‘liq 126 kunlik homiladorlik va tug‘ish ta’tilining nafaqasi to‘lab berilishi kerak.

Shuningdek, 08.05.2002 yildagi O‘zbekiston Respublikasi mehnat va aholini ijtimoiy muhofaza qilish vazirining buyrug‘i bilan tasdiqlangan "Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida"gi Nizomga ko‘ra, homiladorlik va tug‘ish ta’tilining nafaqasini hisoblash quyidagicha belgilanadi:

- nafaqalarni hisoblashda asos qilib olinadigan haqiqiy ish haqiga ish joyidan, sug‘urta badallari undirilib to‘lanadigan jami ish haqi to‘lovlari kiradi;

- homiladorlik ta’tili boshlangan oydan oldingi 12 oy davrida olgan va sug‘urta badallari chegirilgan barcha mukofotlarning 1/12 qismi nafaqa hisoblab chiqariladigan oylik ish haqiga qo‘shilib, o‘rtacha oylik ish haqi miqdori aniqlanadi.

Ya’ni, qizingiz dekret ta’tiliga chiqquningizga qadar bo‘lgan oxirgi 12 oyda olgan oylik va mukofotlarining hammasi qo‘shilib 12 ga bo‘linadi va o‘rtacha oylik ish haqi miqdori aniqlanadi.

25.07.2022 yildagi 175-sonli Prezident Farmoniga muvofiq 2022 yil 1 sentyabrdan xususiy sektorda band ayollarning homiladorlik va tug‘ish nafaqasining bir qismi – 1 mln 992 ming so‘mi byudjetdan kompensatsiya qilina boshlandi.

Buning uchun ma’lum talablar bor:

• Nafaqaga talabgor ayol kamida uzluksiz 6 oy davomida o‘sha korxonada ishlagan bo‘lishi kerak;
• Yagona milliy mehnat tizimida rasman band bo‘lgani, korxona tomonidan mehnat daftarchasi ochilgani hamda uning buyruqlari korxona tomonidan kiritilgani hisobga olinadi;
• 6 oy davomida ayolning Davlat soliq qo‘mitasi ma’lumotlar bazasida daromadlari va soliq to‘lovlari aks ettirilgan bo‘lishi kerak;
• Nafaqa faqatgina 2022 yilning 1 sentyabridan boshlab “dekret”ga chiqqan ayollarga to‘lab beriladi.

❗️ Ya’ni, yuqoridagi 2 mlnga yaqin summa byudjet hisobidan to‘lab beriladi, nafaqaning qolgan qismi esa ish beruvchi tomonidan to‘lab berilishi shart. Ish joyining xususiy sektor ekanligi nafaqaning to‘lanishini cheklamaydi.

Ma’muriy javobgarlik to‘g‘risidagi kodeksning 49-3-moddasiga ko‘ra, vaqtincha mehnatga qobiliyatsizlik, homiladorlik va tug‘ish nafaqalarini qonunchilikda belgilangan miqdorlarda to‘lash bo‘yicha majburiyatdan bo‘yin tovlash, bazaviy hisoblash miqdorining o‘n baravaridan o‘n besh baravarigacha miqdorda jarima solishga sabab bo‘ladi.


Kanalga ulanish 👇
https://t.me/Fuqarolik_sud

⚡️ YANGI QAROR

🔳 Endilikda temiryo‘l transportida yo‘lovchilarga choy, suv va shakar bepul beriladi

📃 18.12.2024 yil kungi 851-son Hukumat qarori qabul qilindi

⚡️ Unga ko‘ra, quyidagilar tasdiqlandi:

✅ Temir yo‘l transporti sohasida davlat tomonidan tartibga solinadigan xizmatlar ro‘yxati;

✅ Temir yo‘l transporti sohasida bozor tamoyillari asosida ko‘rsatiladigan xizmatlar ro‘yxati;

✅ Temir yo‘l transporti sohasida iste’molchilarga bepul ko‘rsatiladigan xizmatlar ro‘yxati.

➖ Bunda iste’molchilarga aravacha, ona va bola xonasidan foydalanish, kutish zalida Wi-Fi, nogironlar uchun aravachalar, yo‘l davomida choy, ichimlik suvi, shakar bepul taqdim etiladi.


Kanalga ulanish 👇
https://t.me/Fuqarolik_sud

❗️Haftaning har payshanba kuni jismoniy tarbiya va sport kuni sifatida belgilandi

“Yoshlarning sport bilan muntazam shug‘ullanishi uchun qo‘shimcha shart-sharoitlar yaratish to‘g‘risida”gi Prezident qarori (PQ-443-son, 18.12.2024 y.) qabul qilindi

🔰 Qarorga ko‘ra, haftaning har payshanba kuni jismoniy tarbiya va sport kuni sifatida belgilandi.

🗓 2025/2026 o‘quv yilidan:

🔹sport maktablarini sport turlariga ixtisoslashtirish amaliyoti joriy etiladi;

🔹sport maktablarida ommaviy sport bo‘yicha trener-seleksioner lavozimi joriy etiladi;

🔹har bir ommaviy sport bo‘yicha trener-seleksionerga 5 tagacha mahalla va uning hududidagi davlat ta’lim muassasalari biriktiriladi;

🔹ommaviy sport bo‘yicha trener-seleksioner o‘ziga biriktirilgan hududda “Besh tashabbus olimpiadasi”, “Jismoniy tayyorgarlik darajasi” sport sinovlarini o‘tkazib borishga mas’ul hisoblanadi.

✅ 2025/2026 o‘quv yilidan hududlardagi olimpiya va milliy sport turlari bo‘yicha davlat ixtisoslashtirilgan maktab-internatlar faoliyati quyidagi yangicha tartibda tashkil qilinadi:

➖sport turlari bo‘yicha mahorat maktablari tashkil qilinadi;

➖mahorat maktablari faoliyati sport turlari bo‘yicha iqtidorli yosh sportchilarni saralab olish va ularni terma jamoalarga asosiy nomzod sifatida tayyorlashga yo‘naltiriladi hamda alohida sport turlariga ixtisoslashtiriladi;

➖mahorat maktablari o‘quvchi-sportchilarining umumiy kontingenti jami 150 nafardan ko‘p bo‘lmagan miqdorda 7–11-sinf o‘quvchilaridan iborat bo‘ladi;

➖mahorat maktablari o‘quv dasturini o‘zlashtirgan va yakuniy davlat attestatsiyasidan o‘tgan 11-sinf bitiruvchilariga davlat namunasidagi umumiy o‘rta ta’lim to‘g‘risidagi shahodatnoma beriladi;

➖mahorat maktablarida oziq-ovqat bilan ta’minlash xarajatlarini qisman qoplash uchun ota-onalar to‘lovi undirilmaydi.


Kanalga ulanish 👇
https://t.me/Fuqarolik_sud

⚡️HAYDOVCHILIK GUVOHNOMASINING QAYSI TOIFASIDA QANDAY AVTOTRANSPORT VOSITALARINI BOSHQARISH MUMKIN ?

❗️Qonunchilikka ko‘ra, haydovchi tegishli toifadagi transport vositasini boshqarish huquqini beruvchi haydovchilik guvohnomasiga ega bo‘lishi shart:

✅ «A» — moped, motosikl va ularga tenglashtirilgan mototransport vositalari;

✅ «B» — ruxsat etilgan to‘liq vazni 3 500 kilogrammdan oshmaydigan yoki haydovchining o‘rindig‘idan tashqari o‘rindiqlar soni sakkiztadan ortiq bo‘lmagan, shuningdek, ular bazasida ishlab chiqarilgan qo‘l bilan boshqariladigan avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lmagan «B» toifadagi avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lgan lekin «B» toifadagi avtotransport vositasining aslahalangan vaznidan ortiq bo‘lmagan va avtotransport vositalari tarkibining ruxsat etilgan to‘liq vazni 3 500 kilogrammdan ortiq bo‘lmagan tirkamali «B» toifadagi avtotransport vositalari;

✅ «C» — ruxsat etilgan to‘liq vazni 3 500 kilogrammdan ortiq bo‘lgan avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lmagan «C» toifadagi avtotransport vositalari;

✅ «D» — yo‘lovchi tashishga mo‘ljallangan, haydovchi o‘rindig‘idan tashqari o‘rindiqlar soni sakkiztadan ortiq bo‘lgan avtotransport vositalari, tirkamasining ruxsat etilgan to‘liq vazni 750 kilogrammdan ortiq bo‘lmagan «D» toifadagi avtotransport vositalari;

✅ «BYe» — tirkamasining ruxsat etilgan to‘liq vazni 750 kilogrammdan ortiq yoki tirkamasining ruxsat etilgan to‘liq vazni jihozlangan avtotransport vositasining vaznidan ortiq bo‘lgan «B» toifadagi avtotransport vositalari, tirkamasining ruxsat etilgan to‘liq vazni 750 kilogrammdan ortiq lekin transport vositalari tarkibining ruxsat etilgan to‘liq vazni 3 500 kilogrammdan ortiq bo‘lmagan «B» toifadagi avtotransport vositalari;

✅ «CYe» — tirkamasining ruxsat etilgan to‘liq vazni 750 kilogrammdan ortiq bo‘lgan «C» toifadagi avtotransport vositalari;

✅ «DYe» — tirkamasining ruxsat etilgan to‘liq vazni 750 kilogrammdan ortiq bo‘lgan «D» toifadagi avtotransport vositalari hamda bo‘g‘imli avtobuslar.


Kanalga ulanish 👇
https://t.me/Fuqarolik_sud

❗️1 VA 2 GURUH NOGIRONLIGI BO‘LGAN HODIMLAR UCHUN ISH VAQTI HAFTASIGA 36 SOATDAN OSHMASLIGI KERAK

📄 Mehnat kodeksining 427-moddasiga asosan,

➖ I va II guruh nogironligi bo‘lgan xodimlar uchun ish vaqtining davomiyligi haftasiga 36 soatdan oshmaydigan qilib

✅ Shuningdek, ular uchun kunlik ishning (smenaning) davomiyligi tibbiy-ijtimoiy ekspert komissiyasining tavsiyalariga muvofiq belgilanadi, lekin 6 kunlik ish haftasida — 6 soatdan, 5 kunlik ish haftasida — 7 soatu 30 daqiqadan ortib ketmasligi kerak.


Kanalga ulanish 👇
https://t.me/Fuqarolik_sud

#loyiha

Otalik ta’tili: farzand tug‘ilganda erkaklarga ham 5 kunlik dam ta’til nazarda tutilmoqda.

Qonun loyihasi sharhida quyidagilar bayon etilgan:

Parlament quyi palatasiga kiritilgan “O‘zbekiston Respublikasining Mehnat kodeksiga o‘zgartirish va qo‘shimchalar kiritish to‘g‘risida”gi qonun loyihasiga ko‘ra, mehnat huquqlarining tengligi, mehnat va mashg‘ulotlar sohasida kamsitish, tazyiq va zo‘ravonlikni taqiqlash prinsiplari takomillashtirilmoqda. Jumladan:

➖mehnat jarayonida boshqa xodimga nisbatan tazyiq va zo‘ravonlik sodir etgan yoki tahdid qilgan xodimni ish beruvchi tashabbusi bilan boshqa ishga o‘tkazish yoki ishdan bo‘shatish amaliyoti qo‘llanilishi belgilanmoqda.

➖oilaviy (maishiy) zo‘ravonlikdan jabrlangan shaxslar aholining ijtimoiy ehtiyojmand toifalari ro‘yxatiga kiritilib, davlat tomonidan ularni ishga joylashtirish bo‘yicha qo‘shimcha kafolatlar ta’minlanishi belgilanmoqda.

➖ishlayotgan erkaklar farzandli bo‘lganda, turmush o‘rtog‘iga yordam berish va boshqa farzandlariga qarab turishi uchun qisqa muddatli (5 kunlik) ta’tilga chiqishi bilan bog‘liq me’yorlar taklif etilmoqda.

Ta’kidlash joizki, shu kunga qadar milliy qonunchiligimizda bunday ta’til nazarda tutilmagan edi. Shu sababli erkaklar kasbiy va oilaviy majburiyatlarini uyg‘un tarzda amalga oshirishga qiynalgan yoki o‘z hisobidan ta’til olishga majbur bo‘lgan.

manba


Kanalga ulanish 👇
https://t.me/Fuqarolik_sud

Xodim 2022 yilda qolib ketgan ta’tilini 2024 yilda olishi mumkinmi? Qolib ketgan ta’tildan foydalanish tartibi.

Mehnat kodeksida xodimni o‘tgan yillar davomida foydalanilmagan ta’tilini olishi bilan bog‘liq hech qanday cheklovlar mavjud emas. Xodim istagan vaqtida ish beruvchi bilan kelishgan holda o‘tgan yillar davomida foydalanmagan ta’tilini yaxlit va yoki qismlarga bo‘lgan holda olishga haqli.

Shunday bo‘lsada mazkur holatda bizning e’tiborimizni tortadigan ish beruvchilar tomonidan sodir qilinadigan huquqbuzarlik holatlari mavjud. Agar ish beruvchi tomonidan xodimga 2022 yilda ta’til berilmagan bo‘lsa, bu huquqbuzarlik hisoblanadi. Bu holat uchun ma’muriy javobgarlik to‘g‘risidagi kodeksda javobgarlik bor (MJtK-49-modda). Mehnat kodeksining 230-moddasi 1-qismiga asosan Har yilgi mehnat ta’tili har yili, ushbu ta’til berilayotgan ish yili tugaguniga qadar berilishi kerak.

Ya’ni ish beruvchi xodimga ish yili tugagunga qadar mehnat ta’tili berishi shart. Agar buning imkoni bo‘lmagan taqdirda ham kamida 14 kalendar kun ta’til berilishi kerak. Chunki, Ishlab chiqarish xususiyatiga ega sabablarga ko‘ra joriy yilda har yilgi mehnat ta’tilini to‘liq berish imkoni bo‘lmagan alohida hollarda xodimning roziligi bilan ta’tilning o‘n to‘rt kalendar kundan ortiq bo‘lgan qismi keyingi ish yiliga ko‘chirilishi mumkin bo‘lib, ushbu yil davomida undan foydalanilishi shart deb belgilangan. (MK 230-modda 2-qism)

Shu o‘rinda tabiiy savol tug‘iladi xodim bu qolib ketgan ta’tilini pullik kompensatsiyaga almashtirsa bo‘ladimi? Mehnat shartnomasi bekor qilinganda xodimga barcha foydalanilmagan har yilgi asosiy va qo‘shimcha mehnat ta’tillari uchun pulli kompensatsiya to‘lanadi. (MK-234-modda) Ya’ni qolib ketgan ta’tillar uchun pullik kompensatsiya faqat mehnat shartnomasi bekor qilinayotganda to‘lanadi.

Qolib ketgan ta’tilni olish tartibi qanday rasmiylashtiriladi? Avvalo xodim tomonidan mazkur qolib ketgan ta’tildan foydalanish to‘g‘risida ish beruvchiga ariza yoziladi. Shundan so‘ng mazkur ariza asosida ish beruvchining buyrug‘i chiqarilib xodim ta’tilga chiqariladi.


Kanalga ulanish 👇
https://t.me/Fuqarolik_sud

⚡️Pedagoglarga 70 foizlik ustama berish yo‘lga qo‘yilmoqda

✅ Attestatsiyada 86 va undan yuqori ball to‘plagan o‘qituvchilarga 70 foizlik ustama berilishi mumkin.

Maktabgacha va maktab ta’limi vazirligi Pedagog kadrlarga malaka toifalarini berish jarayonini tashkil etish boshqarmasi boshlig‘i Sardor Raximboyev ma’lum qilishicha, xalqaro standartlar asosida malaka sertifikatiga ega bo‘lgan pedagoglarga 70 foizlik ustama berilishi mumkin.

Xalqaro standartlar asosida malaka sertifikatiga ega bo‘lgan pedagoglarga 70 foizlik ustama berish yo‘lga qo‘yilmoqda. Hozirda xalqaro tashkilotlar bilan hamkorlik boshlangan. Tizim xalqaro akkreditatsiyadan o‘tganidan keyin ushbu talablar asosida 86 ballik natija bilan malaka sertifikatini olgan pedagoglar 70 foizlik ustama olishlari mumkin bo‘ladi.


Kanalga ulanish 👇
https://t.me/Fuqarolik_sud

❗️"YOSHLAR DAFTARI"GA KIRITILGANLARNING KONTRAKT TO‘LOVINI 18 750 000 SO‘MGACHA BO‘LGAN QISMI TO‘LAB BERILADI

📃 Hukumatning 312-sonli qarori bilan tasdiqlangan Nizomga asosan;

➖ "Yoshlar daftari"ga kiritilgan, Respublikamizdagi professional ta’lim tashkilotlarida ta’lim olayotgan, shuningdek, O‘zbekiston Respublikasida faoliyat ko‘rsatayotgan barcha oliy ta’lim tashkilotlarida (davlat, nodavlat oliy ta’lim tashkilotlari, O‘zbekiston Respublikasi hududidagi xorijiy oliy ta’lim tashkilotlari va xorijiy oliy ta’lim tashkilotlarining filiallarida) bakalavriatning kunduzgi, sirtqi va kechki shaklida, magistraturaning kunduzgi yo‘nalishida ta’lim olayotgan o‘quvchi-talabalarga to‘lov-kontrakt asosida o‘qish bo‘yicha yillik xarajatlarining bir qismi qoplab beriladi.

✅ Bunda yoshlar yetakchisining ijobiy tavsiyasi bilan kontraktning 50 foizigacha, biroq BHMning 50 baravari (18 750 000 so‘m)dan oshmagan qismi to‘lab beriladi.


Kanalga ulanish 👇
https://t.me/Fuqarolik_sud

⚡️DIQQAT

❗️MIGRANTLARNING OILA A’ZOLARIGA 750 000 SO‘MDAN BIR MARTALIK MODDIY YORDAM PULI BERILADI . 

📃 01.03.2022 yildagi PQ-149-son Prezident qaroriga ko‘ra,

❗️har yili hokim yordamchilarining yozma tavsiyanomasiga asosan:

➖ boquvchisi xorijga mehnat migratsiyasiga chiqib ketgan va “Ijtimoiy himoya yagona reyestri” axborot tizimida ro‘yxatda bo‘lgan oilalarga BHMning 2 baravari (750 000 so‘m) miqdorida bir martalik moddiy yordam puli berilishi belgilangan.


Kanalga ulanish 👇
https://t.me/Fuqarolik_sud

❗️BOQUVCHISI BO‘LMAGAN KO‘P BOLALI OILALAR YeR SOLIGʻI TO‘LAMAYDI.

✅ Ota va onadan biri yoki ota-onaning xar ikkisi vafot etgan ko‘p bolali oilalar soliq solishda boquvchisini yo‘qotgan ko‘p bolali oilalar xisoblanadi.

📄 Manashunday oilalar Soliq kodeksining 436-moddasiga asosan yer solig‘i to‘lashi shart bo‘lmagan oilalar toifasiga kiradi.

✅ Bu imtiyozdan foydalanish uchun manfaatdor shaxs Byudjetdan tashqari Pensiya jamg‘armasi tuman (shahar) bo‘limiga murojaat qilib, ular tomonidan boquvchisini yo‘qotganlik bo‘yicha beriladigan tegishli ma’lumotnomasini talab qilib olishi kerak bo‘ladi va olingan ma’lumotnoma asosida ular yuqoridagi imtiyozdan foydalanishi mumkin.


Kanalga ulanish 👇
https://t.me/Fuqarolik_sud

⚡️DIQQAT

❗️KELAYOTGAN SHANBA BARCHA UCHUN RASMAN ISH KUNI HISOBLANADI

▪️ Haftada 5 kun ishlaydigan barcha hodimlar Konstitutsiya qabul qilingan kun bu yil yakshanbaga to‘g‘ri kelganligi uchun dushanba kuni qo‘shimcha dam olishdi va ayrimlar kelayotgan shanba kuni ish kuni bo‘lishini shu bilan bog‘lashmoqda, lekin yo‘q, Kelayotgan shanba kuni ish kuni bo‘lishi Konstitutsiya kunidagi dam olishni dushanbaga ko‘chirilganiga aloqasi yo‘q.

✏️ Gap shundaki, Prezidentning 22.12.2023 yildagi PF-213-son Farmoniga ko‘ra, haftada besh kun ishlovchi hodimlar uchun 2024 yildagi ayrim dam olish kunlari boshqa sanalarga ko‘chirilgan. Jumladan, 2024 yil 14 dekabr (shanba) kungi dam olish 2024 yilning 30 dekabr sanasiga ko‘chirilgan.

✏️ Aslida kelayotgan shanba dam olish kuni, faqat biz bu dam olish kunidan 30 dekabr kuni foydalanishimiz mumkin xolos.


Kanalga ulanish 👇
https://t.me/Fuqarolik_sud

❗️Rasman: maktablarda 3- chorak darslari 13 yanvardan boshlanadi

Maktablarda o‘quvchilar uchun qishki ta’til kunlari 2024 yil 29 dekabrdan boshlanib, 2025 yil 11 yanvarga qadar davom etadi.

Bunda maktablarda 2025 yil 11 yanvar (shanba) kuniga belgilangan darslar 2024 yil 28 dekabr (shanba) kuniga o‘tkaziladi hamda o‘quv yilining 3-choragi 2025 yil 13 yanvar (dushanba)dan boshlanadi.


Kanalga ulanish 👇
https://t.me/Fuqarolik_sud

❗️SENATNING VAKOLAT MUDDATI QANCHA ?

➖ O‘zbekiston Respublikasining Oliy Majlisi oliy davlat vakillik organi bo‘lib, qonun chiqaruvchi hokimiyatni amalga oshiradi.

✔️ O‘zbekiston Respublikasi Oliy Majlisi ikki palatadan — Qonunchilik palatasi (quyi palata) va Senatdan (yuqori palata) iborat.

❗️ O‘zbekiston Respublikasi Oliy Majlisining Qonunchilik palatasi va Senati vakolat muddati — besh yil.

📄 O‘zbekiston Respublikasi Konstitutsiyasi 91-modda


Kanalga ulanish 👇
https://t.me/Fuqarolik_sud

#bilasizmi

Qisqarishga tushib mehnat shartnomasini bekor qilish muddati kelgan xodimlarga eslatma!

Ko‘plab hududlarda qisqarishga tushgan xodimlarning mehnat shartnomalari bekor qilinish vaqti kelgan. Shu sababli ish beruvchilar ular bilan mehnat shartnomalarini bekor qilishni boshlab yuborishgan. Shunday bo‘lsa-da, sizlarga mehnat kodeksida belgilangan huquqlaringizni eslatib o‘tmoqchiman.

Mehnat kodeksining 173-moddasida 2-qismi 1-bandga asosan ish beruvchining tashabbusiga ko‘ra, bekor qilinganda ishdan bo‘shatish nafaqasi to‘lanishi belgilangan.

Ishdan bo‘shatish nafaqasining miqdori mazkur ish beruvchidagi ish stajiga bog‘liq bo‘ladi va u:
👉 uch yilgacha ish stajiga ega bo‘lgan xodimlar uchun — o‘rtacha oylik ish haqining ellik foizidan;
👉 uch yildan besh yilgacha ish stajiga ega bo‘lgan xodimlar uchun — o‘rtacha oylik ish haqining yetmish besh foizidan;
👉 besh yildan o‘n yilgacha ish stajiga ega bo‘lgan xodimlar uchun — o‘rtacha oylik ish haqining yuz foizidan;
👉o‘n yildan o‘n besh yilgacha ish stajiga ega bo‘lgan xodimlar uchun — o‘rtacha oylik ish haqining bir yuz ellik foizidan;
👉 o‘n besh yildan ortiq ish stajiga ega bo‘lgan xodimlar uchun — o‘rtacha oylik ish haqining ikki yuz foizidan kam bo‘lishi mumkin emas.

Yana bir muhim qoida agar siz mehnat shartnomasi bekor qilinganidan keyin o‘ttiz kalendar kun ichida mahalliy mehnat organida ish qidirayotgan shaxslar sifatida ro‘yxatdan o‘tsangiz mahalliy mehnat organi tomonidan berilgan ma’lumotnoma bo‘yicha uchinchi oy uchun ham avvalgi ish joyidan o‘rtacha oylik ish haqini olish huquqiga ega bo‘lasiz. (MK 100-modda 4-qism)


Kanalga ulanish 👇
https://t.me/Fuqarolik_sud