"HUQUQ" legal education and consulting center

⚡️Ichki ishlar Akademiyasiga qabul boshlandi

Nomzodlar O‘zbekiston Respublikasi fuqarosi bo‘lishi, 17 yoshdan kichik (qabul yilida 17 yoshga to‘ladiganlar) va 25 yoshdan katta bo‘lmasligi (shu jumladan, 25 yoshdagilar), umumiy o‘rta, o‘rta maxsus va professional ma‘lumotga ega bo‘lishi kerak.

Erkaklarning bo‘yi 165 santimetrdan, ayollar bo‘yi 160 santimetrdan past bo‘lmasligi lozim.

Maxsus kasbiy tanlovdan muvaffaqiyatli o‘tgan nomzod yakka tartibdagi yakuniy suhbatga qo‘yiladi. Yakka tartibdagi yakuniy suhbat huquqshunoslik, O‘zbekiston tarixi, tarbiya fanlari bo‘yicha o‘tkaziladi. O‘z navbatida, yuqoridagi bosqichlardan muvaffaqiyatli o‘tgan nomzodlargina o‘qishga qabul qilinadi.

❗️Qabul 15-fevralga qadar davom etadi

@huquq_lecc

#Foydali 1️⃣2️⃣3️⃣4️⃣5️⃣

📊 Votum (lot. votum — xohish, iroda) — saylov yoki vakolatli muassasada saylovchilar koʻpchiligi tomonidan ifodalangan yoxud qabul qilingan fikr yoxud qaror. Votumning bir necha turlari mavjud:

📊 Ishonch votumi— parlament boshqaruv tizimi amalda boʻlgan davlatlar parlament amaliyotida qoida tariqasida hukumat yoki ayrim vazirning siyosiy yoʻli, muayyan tadbiri yoki qonun loyihasining quyi palata tomonidan maʼqullanishi.

📊 Ishonchsizlik votumi— parlament boshqaruv tizimi amalda boʻlgan davlatlar parlament amaliyotida qoida tariqasida hukumat yoki ayrim vazirning siyosiy yoʻli, muayyan tadbiri yoki qonun loyihasining quyi palata tomonidan nomaʼqul deb topilishi. Hukumatga ishonchsizlik votumi  bildirilishi amalda hukumatning isteʼfoga chiqishiga va yangi hukumat tuzilishiga (yaʼii siyosiy tanglikka) yoxud parlament (quyi palata) tarqatib yuborilishiga hamda muddatidan avval parlament saylovlari oʻtkazilishiga sabab boʻladi.

📊 Majburiy votum— ayrim mamlakatlarda muomalaga layoqatli barcha fuqarolarning davlat hokimiyati organlariga saylovlarda, albatta, qatnashishini talab etuvchi yuridik majburiyat.

📊 Plyural votum— ayrim mamlakatlarda saylovchilarning muayyan toifalari saylovlarda 2 yoki undan ortiq ovozga ega boʻlishini taqozo etadigan tartib.

📊 Saylov votumi— parlament, prezident, munitsipalitetga saylovlar boʻyicha yakuniy natijalar.

Huquqshunoslik fanlarining mavzulariga oid qonunchilik hujjatlari
1. O‘zbеkiston Rеspublikasi Konstitutsiyasi.
2. “O‘zbekiston Respublikasining Davlat bayrog‘i to‘g‘risida”gi qonun.
3. “O‘zbekiston Respublikasining Davlat gerbi to‘g‘risida”gi qonun.
4. “O‘zbekiston Respublikasining Davlat madhiyasi to‘g‘risida”gi qonun.
5. “Vijdon erkinligi va diniy tashkilotlar to‘g‘risida”gi qonun.
6. “Siyosiy partiyalar to‘g‘risida”gi qonun.
7. “O‘zbekiston Respublikasi Vazirlar Mahkamasi to‘g‘risida”gi qonun.
8. “Advokatura to‘g‘risida”gi qonun.
9. O‘zbekiston Respublikasining Budjet kodeksi.
10. O‘zbekiston Respublikasining Fuqarolik kodeksi. I, II, qismlar
11. “O‘zbekiston Respublikasining Fuqaroligi to‘g‘risida”gi qonun.
12. “Iste’molchilarning huquqlarini himoya qilish to‘g‘risida”gi qonun.
13. O‘zbekiston Respublikasining Jinoyat kodeksi.
14. O‘zbekiston Respublikasining Jinoyat-protsessual kodeksi.
15. O‘zbekiston Respublikasining Ma’muriy javobgarlik to‘g‘risidagi kodeksi.
16. O‘zbekiston Respublikasining Mehnat kodeksi.
17. Inson huquqlari bo‘yicha O‘zbekiston Respublikasi Milliy markazi to‘g‘risida NIZOM.
18. “Mualliflik huquqi va turdosh huquqlar to‘g‘risida”gi qonun.
19. “Normativ-huquqiy hujjatlar to‘g‘risida”gi qonun.
20. “Notariat to‘g‘risida”gi qonun.
21. O‘zbekiston Respublikasining Oila kodeksi.
22. “Oliy Majlisning inson huquqlari bo‘yicha vakili (Ombudsman) to‘g‘risida”gi qonun.
23. “Prokuratura to‘g‘risida”gi qonun.
24. “O‘zbekiston Respublikasining referendumi to‘g‘risida”gi qonun.
25. O‘zbekiston Respublikasining Saylov kodeksi.
26. O‘zbekiston Respublikasining Soliq kodeksi.
27. “Sudlar to‘g‘risida”gi qonun.
28. O‘zbekiston Respublikasi Adliya vazirligi to‘g‘risida NIZOM.
29. “O‘zbekiston Respublikasining Xalqaro shartnomalari to‘g‘risida”gi qonun.
30. “Tabiatni muhofaza qilishi to‘g‘risida”gi qonun.
31. “Jamiyatda huquqiy ong va huquqiy madaniyatni yuksaltirish tizimini tubdan takomillashtirish to‘g‘risida”gi Prezident farmoni.
32. “Jismoniy va yuridik shaxslarning murojaatlari to‘g‘risida”gi qonun.
33. “O‘zbekiston Respublikasida jamoat birlashmalari to‘g‘risida”gi qonun.
34. “Fuqarolarning o‘zini o‘zi boshqarish organlari to‘g‘risida”gi qonun.
35. “Mahalliy davlat hokimiyati to‘g‘risida”gi qonun.

⚡️Mukofoti bir million so'm bo'lgan tanlov

«Yurisprudensiya» kanali tomonidan huquqshunoslik fanlariga qiziquvchi yoshlar uchun kichik tanlov o'tkaziladi. Bu tanlovda faqatgina maktab va kasb-hunar kollej o'quvchilari qatnashishlari mumkin (g'olib bo'lgan shaxsning ma'lumotlari tekshiriladi)

Tanlov haqida: davlat va huquq asoslari fanidan bo'lib o'tadi (30 ta test)

G'oliblarni aniqlash tartibi: eng ko'p to'g'ri javob topgan ishtirokchi g'olib deb topiladi ( tanlov qatnashchilari orasida bir xil ball to'plagan ishtirokchilar bir nechta bo'lgan taqdirda, u holda birinchi javob bergan ishtirokchiga ustuvorlik beriladi)

Tanlov vaqti: tanlov 2024-yil 15-oktyabr kuni soat 20:00 da bo'lib o'tadi, test yechish uchun 25 minut vaqt ajratiladi.

G'oliblar quyidagicha mukofotlanadi:

1-o'rin — 500 ming so'm;
2-o'rin — 300 ming so'm;
3-o'rin — 200 ming so'm.

❗️Tanlov uchun hech qayerdan ro'yxatdan o'tish shart emas, tanlov o'tkaziladigan kunda «Yurisprudensiya» kanaliga test savollari joylanadi va manashu savollarning izoh qismiga (commentga) javoblaringizni jo'natishingiz mumkin ( javoblar foto yoki word shaklda bo'lishi lozim, tahrirlangan javoblar qabul qilinmaydi)

Yurisprudensiya

@huquq_lecc