Bugun 14 fevral – shoh va shoir, buyuk davlat arbobi Zahiriddin Muhammad Bobur tug‘ilgan kun
Ko‘nglingni dinlarning muhokama maydoniga aylantirma.
Adolat o‘rnatishda insonlarning e’tiqodiga chuqur hurmatda bo‘l.
— Zahiriddin Muhammad Bobur
Bobur turli fazilatlar bilan bezangan va maqtovli xislatlarga ega bo‘lgan bir podshoh edi. Ushbu barcha fazilatlaridan shijoat va muruvvati ustun turardi. Turkiy she’rni Navoiydan keyin hech kim Bobur yozgan darajada yozgan emas.
✍Mirzo Muhammad Haydar, “Tarixi Rashidiy”dan;
Bobur dilbar shaxs edi. Uyg‘onish davrining ajoyib sultoni, kuchli, tadbirkor kishisi bo‘lib, san’at, adabiyotni go‘zallikni sevardi.
✍Javoharla’l Neru, “Hindistonning kashf etilishi” kitobidan;
Bobur fe’li-sajiyasiga ko‘ra Syezarga qaraganda sevishga arzigulikdir. Uning manglayiga yuksak fazilatli inson deb bitib qo‘yilgan.
✍Eduard Xolden;
Saxovati va mardligi, iste’dodi, ilm-fan, san’atga muhabbati va ular bilan muvaffaqiyatli shug‘ullanishi jihatidan Osiyodagi podshohlar orasida Boburga teng keladigan birorta podshoh topilmaydi.
✍Uilyam Erskin.