Aндижон вилояти Санитария эпидемиологик осойишталик ва жамоат саломатлиги қўмитаси|Расмий канали

Maktablarda profilaktik targ‘ibot ishlari davom etmoqda.

📢 Sanitariya-epidemiologik osoyishtalik va jamoat salomatligi qo‘mitasi Andijon viloyati boshqarmasi Baliqchi tuman bo‘limi mutaxassislari tomonidan tuman hududidagi 20 ta maktabda yuqumli kasalliklarning oldini olish maqsadida Virusli Gepatit, Gripp va Quturish kasalliklari bo‘yicha targ‘ibot ishlari olib borildi.

🦠 Virusli Gepatit – jigarni zararlovchi kasallik bo‘lib, u iflos suv, oziq-ovqat yoki virus tashuvchilar orqali yuqishi mumkin. Profilaktika uchun gigiyena qoidalariga rioya qilish va emlanish tavsiya etiladi.
🤧 Gripp – havodagi tomchilar orqali yuqadigan virusli kasallik bo‘lib, u nafas yo‘llarini shikastlaydi. Oldini olish uchun immunitetni mustahkamlash va emlash muhim.
🐕 Quturish – hayvonlar orqali yuqadigan o‘ta xavfli infeksiya bo‘lib, odamga chaqish yoki tirnash natijasida yuqadi. Hayvonlarni nazorat qilish va emlash choralari kasallikni oldini olishda muhim ahamiyatga ega.
📌 Mazkur targ‘ibot ishlari o‘quvchilar orasida gigiyena qoidalariga rioya qilish madaniyatini oshirish, infeksion kasalliklarning tarqalishining oldini olish maqsadida olib borildi.

🩺 Bolalar salomatligi muhim!
🏫 13-sonli bog‘chada tibbiy tekshiruvlar o‘tkazildi!

🔰Jalaquduq tumanida joylashgan 13-sonli maktabgacha ta’lim tashkilotida ichak gelmintozlari bilan bog‘liq kasalliklarni aniqlash maqsadida Sanepidqo‘mita mutaxassislari tomonidan tekshiruvlar olib borildi.
🔬 Natijalar nimani ko‘rsatdi?
285 nafar boladan 44 tasida enterobioz gijjalari borligi aniqlandi!
🚨 Buning xavfi nimada?
Ichak parazitlari bolalarning sog‘lig‘iga jiddiy zarar yetkazishi, immunitetni pasaytirishi va rivojlanishiga salbiy ta’sir ko‘rsatishi mumkin.
🛡 Bolalarni himoya qilish uchun qanday choralar ko‘rildi?
✅ Kasallik aniqlangan bolalar va ular bilan muloqatda bo‘lgan shaxslar qo‘shimcha tekshiruvlardan o‘tkaziladi.
✅ Bog‘chada sanitariya-gigiyena qoidalariga qat’iy rioya qilish bo‘yicha talabnoma berildi.
✅ Hududiy poliklinika shifokorlari bilan hamkorlikda davolash choralari ishlab chiqildi.
✅ Xodimlar uchun enterobioz profilaktikasi bo‘yicha tushuntirish ishlari o‘tkazildi.
👶 Farzandlarimizning sog‘lig‘i – kelajagimiz! Shuning uchun shaxsiy gigiyena qoidalariga rioya qilaylik, bolalarni vaqtida tibbiy ko‘rikdan o‘tkazaylik va sog‘lom hayot tarzini targ‘ib qilaylik!

MENINGIT NIMANI ANGLATADI?
Meningitis — lotincha meninx (miyaning yumshoq pardasi) va -itis (yallig‘lanish) qo‘shimchalaridan olingan bo‘lib, bosh miya va orqa miya pardalarining yallig‘lanishi bilan kechuvchi og‘ir infeksion kasallikdir.
🧠 MENINGIT: XAVFLI KASALLIK VA UNING ASORATLARI
Meningit yuqori o‘lim darajasiga ega bo‘lgan o‘ta xavfli infeksiyadir. Kasallik bakterial, virusli va zamburug‘li turlarga bo‘linadi. Eng og‘ir shakli – bakterial meningit bo‘lib, u zudlik bilan tibbiy yordamni talab qiladi.
⚠️ Meningitning asosiy belgilariga quyidagilar kiradi:
🔹 O‘tkir bosh og‘rig‘i
🔹 Yuqori isitma (39–40°C)
🔹 Bo‘yin mushaklarining tortishishi (bo‘yin qattiqligi)
🔹 Ko‘ngil aynishi va qayt qilish
🔹 Yorug‘likka sezgirlik oshishi
🔹 Terida toshmalar (bakterial meningitda)
🦠 KASALLIK QANDAY YUQADI?
Meningitning ayrim shakllari havo-tomchi yo‘li bilan, shuningdek, kasallangan odam bilan bevosita aloqa orqali yuqishi mumkin. Shu sababli, sanitariya-gigiyena qoidalariga rioya qilish va immunitetni mustahkamlash juda muhim.
🏥 OLDINI OLISH CHORALARI
✅ Emlanish (B, C, va A guruhli meningokokk infeksiyalariga qarshi)
✅ Qo‘llarni muntazam yuvish
✅ Imkon qadar kasallangan bemorlar bilan aloqani cheklash
✅ Immunitetni mustahkamlash
Sog‘lig‘ingizga befarq bo‘lmang! Meningit alomatlari paydo bo‘lsa, darhol shifokorga murojaat qiling!

Sanepidqo‘mitaAndijon – rasmiy manbasi orqali yangiliklardan xabardor bo‘ling!

⚠️ Konserva mahsulotlaridan zaharlanishning oldini olish uchun muhim tavsiyalar! 🥫🚫

Konserva mahsulotlari uzoq muddat saqlansa ham, noto‘g‘ri iste’mol qilinganda jiddiy zaharlanish xavfini tug‘dirishi mumkin. Ayniqsa, uy sharoitida tayyorlangan konservalardan voz kechish lozim, chunki ularga maxsus termik ishlov berilmagani sababli botulizm kasalligiga olib kelishi mumkin! 🦠❌

🛑 Botulizm – o‘ta xavfli infeksiya bo‘lib, asab tizimini zararlaydi va hatto o‘limga olib kelishi mumkin!

✅ Xavfsizlik uchun quyidagi tavsiyalarga amal qiling:
1️⃣ Bankaning shikastlanmaganligiga qarang! Ezilgan, pufak hosil bo‘lgan yoki qopqog‘i bo‘shagan bankalarni iste’mol qilmang. ❌
2️⃣ Mahsulotning hidini tekshiring! Agar konservaning hidi o‘zgargan yoki yoqimsiz bo‘lsa, uni iste’mol qilmang. 👃🚫
3️⃣ Saqlash qoidalariga rioya qiling! Konservalarni quyosh nuri tushmaydigan, salqin joyda saqlash lozim. 🌡️
4️⃣ Yaroqlilik muddatini tekshiring! Muddati o‘tgan mahsulotlarni iste’mol qilish xavfli! 📅⛔
5️⃣ Shubhali konservalarni iste’mol qilmang! Agar mahsulot sifati bo‘yicha shubhangiz bo‘lsa, uni iste’mol qilishdan tiyiling. ✅
6️⃣ Uy sharoitida tayyorlangan konservalarni iste’mol qilmang! Sanoat konservalariga ustunlik bering, chunki ularga maxsus termik ishlov beriladi. 🏭🥫

⚕️ Zaharlanish belgilari (ko‘ngil aynishi, bosh aylanishi, ko‘z oldi xiralashishi) sezilsa, darhol shifokorga murojaat qiling! 🚑

Sog‘lig‘ingiz – o‘z qo‘lingizda! ❗