Hasanboy Rasulov's Blog

⚡️ Chet tili imtihoni natijalari e’lon qilindi

✅ 2023-yil 4-5-, 9-11- va 13-17-mart kunlari o‘tkazilgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

🖥 Bunda test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

🔰 Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (28-30-fevral) my.gov.uz sayti orqali apellatsiya shikoyati berishlari mumkin.

Kanalga ulanish👇
https://t.me/uztdi

Stresslarga to'la mamlakat

Chet eldagi sokin hayotga o'rgangan odamlar yurtimizga qaytishsa juda ham qiynalishadi. Bu yerdagi kunlik hayoti stresslarga to'la o'tadi. Shu sababdan ham yana chet davlatga qaytib ketgisi kelib qoladi. Nafaqat chet eldan kelgan, balkim hech ham chetga chiqmagan, o'z fikriga ega, o'zining haq-huquqlarini poymol bo'lishiga indamay qarab tura olmaydigan har qanday odam uchun ham shunday deb bilaman. Fikrimni bir misol bilan dalillamoqchiman.
Bugun tuman markazidagi shifoxonadan dorixonaga borib kelishimga to'g'ri keldi. Dorixona ham uncha uzoq emas. 200-300 metr chiqadi. Faqat u dorixonaga svetoforli chorahhadan "г" shaklida o'tib boriladi. O'sha birinchi peshexoddan o'tayotsam bir Cobalt mashinasi telefon kavlab kelib, qizil yonganini ko'rib qoldi shekilli peshexodning yo'lini to'sib to'xtadi. Mashinasini aylanib o'tishimga to'g'ri keldi. Keyin dorixonadan dorilarni olib qaytishimda yashil chiroqda peshexoddan o'tyapman, Kaptiva mashina juda tez kelib yaqinimda tormoz berdi. Peshexodning qolgan yarmida Neksiya 1 avtomashinasi ham peshexod yo'lini to'liq to'sib qo'ygan holda turardi. Uni aylanib o'tish davomida oynasini taqillatib tanbeh bersam, zarda qilib mashinasini chiyillatib oldidagi Damasni urib olishiga sal qoldi. 5 daqiqa piyoda sifatida ko'chada bo'ldim shuncha madaniyatsizlikka guvoh bo'ldim. Mashinaga haydasangiz boshqa mashinalarning manyovrlari, befarosatligi, noto'g'ri parkovka qilishlari, mashinangizni chiqib ketolmaydigan qilib yo'lini to'sib qo'yishlari, burilish chiroqlarini yoqmay burilishi, tinmay orqadan "margat" qilishi asabingizni buzsa peshexodlarning ham ularga qizil chiroqda o'tib kelishi, o'tish mumkin bo'lmagan joylarda yo'ldan chiqib kelishlari sizni stressga soladi.
Piyoda rolida bo'lsangiz ham huddi shunday stresslarga to'la bo'ladi.
Ehh qachon shu oddiygina 2-3tagina rangdan iborat svetoforni ranglarni ajratishni boshlar ekanmiz... Qachon do'konlarda navbat turishni o'rganar ekan... Qachon madaniyatimiz ustida ishlab, bir-birimizga hurmatda bo'lishni o'rganar ekanmiz?
Svetoforda yashil yonishini kutib turgan, shuncha joy tursa ham uzoqdan kelib peshexoddan o'tib ketayotgan itlarni (bunisini hayotda ham ko'rganman) videolarini ko'rsam, hayvonlarga mehrim oshadi. Shu xayvonlar bizdan aqlli.
Bu narsalarni bilmaymizmi? O'rgatilmaganmi? Unday emas, bog'cha paytida svetoforni o'rgatadi. Bizda "nigilizm" juda kuchli. Ya'ni nagliy mensimaslik.
Bilamiz, amal qilmaymiz, qilishni xohlamaymiz! Xudbinmiz! O'zimizdan ozganing hayoti - hayot emas. Shu yomon illatlarni yo'qotishimiz kerak.
Shu oddiy qoidalarni xalqimizga o'rgata olmayapmiz, renesans-penesans degan narsalarni biror 50 yilga surib tursak ham bo'laveradi.

👉 @hrasulov - Hasanboy Rasulov blogi

Tasavvur qiling... Yo'q qilmay qo'yavering baribir eplolmaysiz... 😂

👉 @hrasulov - Hasanboy Rasulov blogi

Toshkent shahridagi ingliz tili ustozlari agar shahar hududi deb DTM bergan ma'lumotnomangiz uchun sizga 15 foiz to'layotgan bo'lsa endi 30 foiz ustama talab qilsangiz ham bo'ladi. Baribir qishloqdan farqi qolmadiku 🤣
#joke_time

👉 @hrasulov - Hasanboy Rasulov blogi

Ingliz tili alifbosiga besh ketamanda

26tagina harf bor. Hamma tovush ham alifboda aks etmagan. Ko'p narsani qoidalar orqali o'rganadi.
Masalan birgina a harfi 9 xil talaffuzda kelar ekan. Ular buni osongina qoida bilan berib ketishaveradi. Masalan a harfi "table" so'zida 'ei' o'qiladi. Ikkita l harfi bilan kelsa o' o'qiladi. (ball) Ikkita oo kelsa u o'qiladi. Masalan book lekin o' o'qilishi ham mumkin door, floor.
Xullas shunaqa. Xattoki Sh va Ch degan harflar alfavitda mavjud ham emas. Qoida: S + h kelsa sh o'qiladi
C + h kelsa ch yoki k o'qiladi. Bunaqa qoidalar juda ko'p.
Bizdachi? X bilan H ni farqlashimiz kerak. Bittasi bog'iz undoshi, bittasi sirg'aluvchi. Bular alifboda aks etishi shart. Ng bu bitta tovush uni n + g qilib berib bo'lmaydi. O', G', Sh, Ch ni kompyuterda yozish qiyinchilik tug'diryapti. Shuni bitta belgiga sig'dirishimiz kerak.
"O'rmon" bilan "o'lka" so'zida o' harfi ikki xil talaffuz qilinadi bularni ham alifboga kirgizishimiz shart. 4-5ta harf biroz noqulay bo'lib qolgani uchun milliardlab pul sarflab uni o'zgartirishimiz SHART!
Boshqa bir davlatdan oxirgi 30 yilda nima qildingiz deb so'rashsa, biz tabiiy boyliklarimizni to'g'ri yo'lda sarflab, ilm-fanga pul tikib dunyoning qashshoq mamlakatidan eng boy davlatlariga aylandik deb javob bersa, biz nima deb javob beramiz?
Alifboda katta islohotlar qildik, oldin lotinga o'tdik, keyin kirilga qaytdik, keyin yana lotinga o'tib keyin qarasak oldinroq o'tgan lotinimiz biroz noqulay ekan shuni o'zimizga mosladik va moslashda davom etyapmiz. Katta mablag'lar sarflab vazirliklar, davlat tashkilotlari nomlarini, alifbolarni almashtiryapmiz deb javob beramizmi?

👉 @hrasulov - Hasanboy Rasulov blogi

Baxtimizga tig'izlashtirish degan narsa bor. Havo isib ketsayam, sovub ketsayam, bayram bo'lsa ham, sammit bo'lsa ham o'qishni taqa-taq to'xtamizda, darslarni tig'izlashtirib yuboramiz, olam guliston! Hech qaysi chorakni o'z o'rnida, tig'izlamasdan o'tilganini ko'rmadim. Har chorakda nimadir sabab topilib turilaveradi. 2 soatga o'tilishga ajratilgan darsni qanday 1 soatda o'tish mumkin? Va bu narsani har chorakda bir necha martadan qilish kerak. Bu qanday dars bo'ladi? Har yili shu muammo bo'laveradigan bo'lsa yoki maktab davrini uzaytiraylik, qo'shimcha ta'til bersak o'rnini yoz kunlari bilan to'ldiraylik yoki dars soatlarni qisqartirib, darsliklarni ham shunga moslaylik! Lekin bu tig'izlashtirishlardan ta'limimiz g'izillab orqaga ketib qolyapti!

👉 @hrasulov - Hasanboy Rasulov blogi

Qulni ozod qilishdan ko'ra, uni ozod bo'lganiga ishontirish qiyinroq kechadi deb aytgan ekan bir donishmand. Ba'zi pedagoglarni rahbarlarning shaxsiy trolli, xizmatkori emasligiga, uni ham qadr-qimmati, haq-huquqlari borligiga, birovni quli emasligiga ishontirish hammasidan ham qiyin kechyapti. Faoliyati davomida faqat buyruq, topshiriqlarni so'zsiz bajarishga o'rgangan bunday pedagoglarni hech qanday qonun-hujjatlar qutqara olmasa kerak deb o'ylayman.

👉 @hrasulov - Hasanboy Rasulov blogi

Shunday holga keldikki, bir musulmon odam boshqa bir dindoshiga "chekish yaxshi emas, bu yomon odat, bu odatni tashlang birodar" deb qo'ygani uchun malomat toshlari ostida qolib ketyapti. Birovni yomonlikdan qaytarish, nasihat qilish qachondan jamiyat tomonidan qoralanadigan amal bo'lib qoldi? Domlani vazifasi nasihat qilish, buni to'g'ri qabul qilish kerak!

@hrasulov - Hasanboy Rasulov blogi