Hodiy_uz | Расмий канал

Навоий вақти билан

18:38


Ифторлик (оғиз очиш) дуоси

اَللَّهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَّلْتُ وَ عَلَى رِزْقِكَ أَفْتَرْتُ، فَغْفِرْلِى مَا قَدَّمْتُ وَ مَا أَخَّرْتُ بِرَحْمَتِكَ يَا أَرْحَمَ الرَّاحِمِينَ

Аллоҳумма лака сумту ва бика ааманту ва аълайка таваккалту ва аълаа ризқика афтарту, фағфирлий ма қоддамту ва маа аххорту бироҳматика йаа арҳамар рооҳимийн.

Маъноси: Эй Аллоҳ, ушбу Рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Эй меҳрибонларнинг энг меҳрибони, менинг аввалги ва кейинги гуноҳларимни мағфират қилгин.

@hodiy_uz

ОТА - ОНА

Ҳасан Басрий роҳимаҳуллоҳдан сўрадилар: ота-онага яхшилик қилиш нима? Жавоб бердилар: қўлингдаги молингни уларга сарф қилмоқлигинг ва барча буйруқларига итоат этмоқлигинг, модомики маъсият бўлмаса.
Ота-онага оқ бўлиш нима?-деб сўрадилар. Жавоб бердилар: уларни ташлаб қўйишлигинг, уларни маҳрум қилишлигинг. Сўнгра яна дедилар: билмасмидинг, ота-онанинг юзларига боқишинг ўзи ибодатдир. Шундай экан, уларга яхшилик қилишликнинг савоби қандай бўлади?

Аллоҳим ота-оналаримизнинг ҳаётда юрганларига ҳам, вафот этганларига ҳам яхшилик қилиб савоб топиш бахтини бизларга ато этгин.

@hodiy_uz

Таровиҳ намози

— Таровиҳ намози қандай амал?
— Эркакларга ҳам, хотинларга ҳам ўқилиши лозим бўлган суннат амалдир.

— Таровиҳ намози қайси ойда ва қайси вақтда ўқилади?
— Рамазон ойида ҳар куни хуфтон намозидан сўнг витрдан илгари ўқилади.

— Имом жамоат билан бирга таровиҳни ўқиб турган замонда масжидга кириб қолган киши нима қилади?
— Аввал хуфтон намозининг фарзини ўзи танҳо ўқийди, ундан сўнгра таровиҳ учун имомга эргашади. Хуфтоннинг икки ракат суннати ўқилмаган ҳолича қолади. Таровиҳнинг қолган ракатларини сўнгра ўқийди.

— Таровиҳ ҳаммаси неча ракатдир?
— Ҳаммаси йигирма ракатдир.

— Неча ракатдан ўқилади?
— Икки ракатдан ўқиб, ҳар икки ракатда қаъдага ўтириб салом беради, ҳаммаси бўлиб ўн салом билан тамом бўлади. Тўрт ракатли қилиб ўқилса ҳам бўлади, лекин икки ракатни бир салом билан ўқиш афзалдир.

— Таровиҳ жамоат билан ўқиладими ёки танҳо ўқиладими?
— Танҳо ўқилса ҳам бўлади, аммо жамоат билан ўқиш савоблидир.

— Таровиҳ намозида иқомат такбири айтиладими?
— Айтилмайди.

— Таровиҳ намозини ўқиш учун қай тариқа ният қилинади?
— «Икки ракат таровиҳ намозини ўқиш учун ният қилиб, олдда турган имомга эргашдим. Холис Аллоҳ таоло учун», деб ният қилинади.

— Таровиҳ намози орасида ҳар тўрт ракат ўқилгандан сўнгра қилинадиган суннат амал нима?
— Тўрт ракат ўқиш миқдорича дам олиб ўтириб туриш суннатдир.

— Ўтирган пайт қилинадиган мустаҳаб амал нима?
— Тасбеҳ ёки таҳлил айтиб ўтириш мустаҳабдир.

"Ибодати Исломия" китобидан.

@hodiy_uz

Ибн Умар розияллоҳу анҳумодан ривоят қилинади: «Расулуллоҳ соллаллоҳу алайҳи васаллам шундай дедилар:

«Рузадорнинг сукути тасбеҳ, уйқуси ибодат, дуоси эса мустажобдир. Амали купайтириб берилади»

(Имом Дайламий ривояти).

Дўстларингизга ҳам улашинг!!!

@hodiy_uz

Эй Одам фарзанди! Тақво қил, Мени танийсан. Оч юр, Мени кўрасан. Ибодатимга берил, Менга етасан. Амалингни риёдан халос эт, муҳаббатим сенга либос бўлажак. Зикримга вақт ажрат, фаришталар ҳузурида сени эслайман.

Имом Ғаззолий "Қирқ ҳадиси қудсий"дан.
Каналимизга аъзо бўлинг!

@hodiy_uz

РАМАЗОНИЙ ТАВСИЯЛАР

• Рамазон ойида ҳар кеча икки ракаат таҳажжуд намози ўқиб қўйинг!
- Шунда Қадр кечасини топсангиз минг ой таҳажжуд ўқиганликдан кўра ҳам афзал савобга эришасиз.
• Рамазон ойида ҳар кеча алоҳида уч бора «Ихлос» сурасини ўқиб қўйинг!
- Шунда Қадр кечасини топсангиз минг ой Қуръон хатм қилганликдан кўра ҳам афзал савобга эришасиз.
• Рамазон ойида ҳар кеча имкон топиб, маълум маблағни садақа қилиб қўйинг!
- Шунда Қадр кечасини топсангиз минг ой садақа қилганликдан кўра ҳам афзал савобга эришасиз.
- Қадр кечаси минг ойдан кўра яхшидир!
(Қадр сураси 3-оят).
• Бу тавсияни имкон қадар тарқатинг-ки, унга ким амал қилса савобига сиз ҳам шерик бўласиз!
• Зотан Расулуллоҳ соллаллоҳу алайҳи васалламдан ривоят қилинган саҳиҳ ҳадисда:
«Ким яхшиликка далолат қилса унга ҳам амал қилганнинг ажридек бўлади»-, деганлар.
• Ибн Ҳиббон ва Термизийлар ривоят қилишган.
• Рамазон кирганидан бошлаб фитна-фасод билан машғул бўлаётган ғийбатчи майдагапларни ўз аянчли ҳолида тарк қилинг!
• Ахир улар рамазоний файздан бебаҳра бўлишса сизу-бизнинг қўлимиздан нима ҳам келарди?!
• Унутманг!
• Нажот Аллоҳ таолога қочишдадир:
«Бас, Аллоҳга қочинглар...»
(Зариат сураси 50-оят).

@hodiy_uz