Мавлоно Яъқуб Нонутавийнинг ҳакимона сўзлари.Ҳазрат Мавлоно Муҳаммад Яъқуб Нонутавий раҳматуллоҳи алайҳ айтар эдилар: «Инглиздарда иккита айб борлиги Ҳақ таолонинг улуғ эҳсони бўлдики, шу икки айб
сабабли ҳиндистонликларнинг иймони сақланиб қолди: бири - бахиллик, иккинчиси - кибр. Уларда мусумон подшоҳларга ўхшаб ўз ҳалқига нарса тарқатиш, эҳсон қилиш деган нарса йуқ. Мутакаббирлиги шу даражадаки, ҳиндистонликлардан бутунлай алоҳида туради, уларнинг орасига киришни ўзи учун таҳқир деб билади».
Бу - мусулмонларда исломий ва миллий ҳамият ғолиб бўлган вақтдаги галлар. У вақтларда мусулмонлар ейиш-ичиш, туриш-ўтириш, умумий ижтимоий ишларда инглизларга тақлид қилишни айб деб билар эдилар. Афсуски,
мустамлакачи инглизларнинг суст ҳаракат қилувчи заҳари ҳиндистонликларга таъсир қилиб, бора-бора исломий ва миллий хамият тугаб битди. Мусулмонлар ҳар нарсада ўзини-ўзи инглиз қилиб кўрсатишни камол деб ҳисоблай бошлагач, улар билан ўзаро аралашиш, алоқалар, дўстликлар ортди. Бунинг натижаси бугун кўзлар кўриб турган ҳолат бўлди. Дин усулига (диннинг асосий амалларига) ғафлат ва бепарволик билан қараш одатга айланади.
Энди эса (оталари мусулмон бўлган авлод томонидан) дин усулига очиқ-ойдин эътироз қилишлар бошланди.
Иннаа лиллааҳ.
”
Мажолиси Ҳакимул Умма” китоби 6-бет. Ёрқинжон Фозил таржимаси. Дин ишлари бўйича қўмитанинг 09.11.2021йилдаги 03-07/6865- сонли хулосаси асосида нашрга тайёрланди.
@muttaqiyuz
