#maʼlumot
«Hilol Nashr»ning Chorsuda yangi kitob doʻkoni ochildi
Bugun, 2024 yil 17-aprel kuni «Hilol Nashr» matbaa-nashriyotining 20-filiali – Chorsu Xadra kitob doʻkonining ochilish marosimi boʻlib oʻtdi.
Marosimga uzoq yillar moʻmin-musulmonlarga dinimizni yetkazishda sabot bilan xizmat qilib kelayotgan taniqli ustoz ulamolar, ijtimoiy tarmoqdagi maʼrifat faollari hamda kitobsevar muxlislar tashrif buyurishdi.
Marosim Qurʼoni Karim tilovati bilan boshlanib, ustozlar tomonidan duolar qilindi.
Soʻngra
«Hilol Nashr» matbaa-nashriyotining rahbari,
ustoz Ismoil domla Muhammad Sodiq soʻzga chiqib, tashrif buyurgan barchaga tashakkur izhor etdilar. Keyin ustozlar
«Hilol Nashr» matbaa-nashriyotining 20 filiali – Chorsu Xadra yangi kitob doʻkoniga tashrif buyurishdi.
Tadbir davomida tashrif buyurgan kitobxonlar uchun fazilatli
shayx Muhammad Sodiq Muhammad Yusuf hazratlarining ilmiy meroslari asosida viktorina savol-javob musobaqasi oʻtkazildi. Viktorina savollarini aziz mehmonlar
Shavkat Hasan,
Gʻiyosiddin Yusuf, Temur Aʼzam hamda
Javohir Rasulov oʻqib berishdi. Musobaqada gʻolib boʻlgan ishtirokchilarga shayx hazratlarining asarlari topshirildi.
Yangi kitob doʻkonining ochilish marosimini
islom.uz portali xodimlari
Yorqin Xalil va
Qamariddin Bekmuhammad olib borishdi.
Shu munosabat bilan faqat 17 aprel kuni
«Hilol Nashr» matbaa-nashriyotining 20 filiali – Chorsu Xadra yangi kitob doʻkonida barcha mahsulotlarga 10% chegirma eʼlon qilingan.
📍
Manzil: Alisher Navoiy koʻchasi, 40-uy
Moʻljal: Chorsu, eski GUM roʻparasi
📍
Xarita (lokatsiya)Alloh taolo yangi kitob doʻkonining faoliyatini moʻmin-musulmonlar uchun manfaatli, xayrli qilsin, uzoq yillar xalqimizga xolis xizmat qilish barchamizga nasib etsin.
@hilolnashr &
@islomuz