Hikmatlar

Tarbiya biz uchun
yo hayot - yo mamot,
yo najot - yo halokat,
yo saodat - yo falokat masalasidir.

Abdulla Avloniy

@hikmatlarimiz

“Albatta, Alloh va Uning farishtalari Nabiyga salavot ayturlar. Ey, iymon keltirganlar! Siz ham unga salavot ayting va salom yuboring”

Ahzob surasi, 56-oyat

Juma ayyomi barchamizga muborak bo'lsin!

@hikmatlarimiz

Sabr

Sabr — ichingda shuncha dardni saqlaysan, ammo insonlar oldida tabassum qilasan..
Sabr — ko‘zlaring ichi to‘la yosh, sizib tushay deydi, ammo buni hech kim payqamaydi. Chunki sen ko‘z yoshlaringni hech kimga sezdirmay darrov artib, yana tabassum qilasan..
Sabr — kimdir senga tosh otsada, sen uni ko‘rmagandek e’tibor bermay yo‘lda davom etaverasan..
Sabr — gulzorni orzu qilish, ammo tikonzorni bosib o‘tishdir..
Sabr — nasibangda boriga va yo‘g‘iga rozi bo‘lishingdir..
Sabr — Alloh sen bilan birga ekanligini ich ichingdan his qilishingdir.

Jaloliddin Rumiy

@hikmatlarimiz

Gumonimiz go‘zal bo'lsin!

Bir gunohim sababli 5 oy kechasi qoim turishdan mahrum bo‘ldim.

U qanday gunoh ekan deb so‘rashdi.

Bir kishi Robbisiga yig‘lab duo qilayotganini ko‘rdim va ichimda riyo qilyapti dedim.

"Odamlar niyatiga aralashmang, uni Robbisiga qo‘yib bering!"

Sufyon as-Savriy rohimahulloh.
"Hulyatul avliyo" kitobidan

@hikmatlarimiz

— Ustoz qaysi oyda ayollar kam gapiradi?
— Fevral oyida.
— Nega?
— Chunki fevral oyi, 28 kundan iborat-da... 😅

Internetdan olindi

@hikmatlarimiz

“Mijozlar nima xohlashini bilishmaydi. Soha mutaxasisi sifatida ularga to'g'ri yo'lni siz ko'rsatishingiz kerak”.

Raimbaev Elmurod

@hikmatlarimiz

Sufyon Savriy aytadi:

Uch narsada Allohning g'azabidan hazir bo'l:

1. Allohning buyruqlarini bajarishda qosirlik qilma!
2. Allohning taqsimotidan norizo bo'lma!
3. Dunyo talabida so'ragan narsang berilmasa, Robbingdan gina qilma!

"Solihlar suhbati" kitobidan

@hikmatlarimiz

Maymun effekti

Olimlar 1966-yili maymunlarda ustida tadqiqot o‘tkazishadi. 5 ta maymunni bir qafasda saqlashadi. Qafas o‘rtasiga narvon qo‘yib uning ustiga banan bog‘lab qo‘yishadi. Maymunlar banan olish uchun narvon orqali yuqorilashi bilan qafas yuqorisidan sovuq suv quyishadi. Maymunlar narvondan pastga tushishi bilan sovuq suv to‘xtaydi. Bu holat bir necha marta takrorlanavergandan so‘ng endi maymunlar o‘zlari bir birlarini narvonga chiqishga qarshilik ko‘rsatishni boshlashadi. Tadqiqotchilar endi qafasdagi bir maymunni olib, o‘rniga yangi maymunni qafas kiritishadi. Yangi maymun bananni olish uchun narvonga tirmashishi bilan boshqa maymunlar unga banan olishga qo‘yishmaydi. Tadqiqotchilar shu asnosda birin-ketin eski maymunlarni qafasdan olib o‘rniga yangi maymunlarni kiritishadi. Qafasdagi barcha yangi maymunlar agar narvonga banan olish uchun chiqishsa sovuq suv ustlarida quyilishi mumkinligini ko‘rishmagan bo‘lishsada hech biri banan olish uchun narvonga chiqishga harakat qilishmaydigan holatga kelishadi.

Sababi banan olish uchun narvonga chiqish, qafasdoshlar tomonidan qarshilik ko‘rsatish refleksi shakllanib bo‘lgan edi.

Akmal Qurbon

@hikmatlarimiz

🕌 Anas roziyallohu anhudan rivoyat qilinadi.

Nabiy sollallohu alayhi vasallam:

“Menga juma kunida va juma kechasida ko‘p salavot aytinglar, bas kim shunday qilsa, men unga qiyomat kuni guvoh va shafoatchi bo‘laman”, dedilar. (Imom Bayhaqiy rivoyati)

Juma ayyomi barchamizga muborak bo'lsin!

@hikmatlarimiz

Ta'lim

Ta'lim - xalqlarning, davlatlarning kuchini, salohiyatini ko'rsatib beradigan asosiy ko'rsatkichdir.

Ilm olish, ta'limdagi xatoliklar katta yo'qotishlarga olib keladi. Shuning uchun Ta'lim tizimini tog'ri, tizimli va milliy qadriyatlarimizga asoslangan chuqur zamonaviy bilimlar bilan takomillashtirib borish zarur. Ayniqsa, tarbiyali, vidjonli, kasbiy professional ustozlarni tayyorlash tizimini yo'lga qo'yish shart. Afsuski, buning uchun juda ko'p vaqt, mablag‘ va haqiqiy islohotlar kerak.

Oʻzimizni tog'irlasak, barchasi tog'irlanadi.

Har kishi tog'ridir, sen tog'ri bo'lsang,
Topilmas tog'rilik sen egri bo'lsang.

"...Albatta, to bir qavm oʻzlarini oʻzgartirmagunlaricha, Alloh ularning holini oʻzgartirmas..."
Rad surasi, 11-oyat.

@hikmatlarimiz

MEHRU OQIBAT HAQIDA BALLADA

Dema ko‘tarildi mehru oqibat,
Birgina chora bor bunday chog‘ faqat.

Toki tanangda jon, og‘zingda so‘zing,
Endi xabar olgin o‘zingdan o‘zing.

Xotin nonushtaga olib kirsa choy,
O‘zingni taklif qil: — Ich, falonchiboy!

Tongda ishxonangga qo‘ysang gar qadam,
Jumladan, salom ber o‘z-o‘zingga ham.

Ilgakka paltongni hurmat bilan os,
Ko‘rsat o‘zingga ham sadoqat, ixlos.

Odatda bir kimsa ishga bo‘lar g‘ov,
Hayfsan e’lon qilgin o‘zingga darrov.

Balki yo‘l olarsan uzoq safarga,
Yiroq qishloqqami, olis shaharga,

Hol so‘rab dadangdan, tuqqan onangdan,
O‘zingga maktub yoz borgan joyingdan.

Dema, ko‘tarildi mehru oqibat,
Buning chorasi bor, izla, top faqat.

Tug‘ilgan kuningni balki bilarsan,
O‘zingga nimadir sovg‘a qilarsan.

Nogoh tushib qolsang kasalxonaga,
Ko‘z tikkil na do‘stu na begonaga.

Yaxshisi, o‘g‘lingga tezlikda sim qoq,
Degil: Kelmasang gar, oq qilaman, oq!

Magar shoir bo‘lsang g‘azal yoz, yoz fard,
Lekin topilmaydi o‘qiydigan mard.

Ijro et she’ringni o‘zing baralla,
Degil: qotiribman, uh, barakalla!

Nabirang ko‘ngliga izlasang kalit,
Bir juft chaqich beru o‘zingni tanit.

Ulfat izlamagin ko‘cha yuzidan,
Hozir hamma ketgan pulning izidan.

Nihoyat qartayib, horib tolgaysan,
Barcha tashabbusni qo‘lga olgaysan.

Bir kun tramvayga chiqsang hoynahoy,
Senga biror kimsa bo‘shatmagay joy.

Xoli o‘rindiqqa tushsa gar ko‘zing,
O‘tiring, domla! — de o‘zingga o‘zing.

Kimlardir tortmasin, tashvish, jabringni,
Albatta, qazdirib qo‘ygin qabringni.

Bir juft so‘z o‘ydirgin marmar toshga ham:
"Bu yerda yotibdi Eng Yaxshi Odam!"

Axir tirigingda yo‘qlashmadi, bas,
O‘lganingdan so‘ng ham hech kim eslamas.

Xullas, yo‘qolmagay mehru oqibat,
Buning chorasini izla, top faqat.

Abdulla Oripov, 1994.

@hikmatlarimiz

Anas ibn Molik roziyallohu anhudan rivoyat qilinadi:

«Alloh taolo juma kunida hech bir musulmonning gunohini kechirmay qo‘ymaydi».(Tabaroniy rivoyat qilgan)

🌙 ALLOHUMMA SOLLI VA SALLIM ’ALA MUHAMMADIN VA ’ALA OLI MUHAMMAD

Salavot aytish Rasululloh sollallohu alayhi vasallamning shafoatlariga noil etadi.

@hikmatlarimiz