HIDOYA.UZ || rasmiy sahifa

🔹O‘tkazilgan yig‘ilishda diniy soha xodimlarining jamiyat rivojidagi muhim o‘rni va mas’uliyatlari muhokama qilindi. Yig‘ilishda asosiy e’tibor quyidagi masalalarga qaratildi: Diniy ta’limotlarni keng ommaga yetkazish: Imom-xatiblar va diniy soha xodimlari aholiga islom ta’limotlarini to‘g‘ri va tushunarli tarzda yetkazishlari lozimligi ta’kidlandi. Buning uchun ular zamonaviy usullardan foydalanib, ma’ruzalar va darslar orqali diniy bilimlarni tarqatishlari keraklishi, jaholatga qarshi ma’rifat bilan kurashish: Ilm-ma’rifat orqali jamiyatdagi turli bid’at va xurofotlarga qarshi kurashish, aholining diniy savodxonligini  oshirish orqali ularni turli zararli ta’sirlardan himoya qilish muhimligi, noto‘g‘ri fatvolardan saqlanish: Imom-xatiblar va fatvo beruvchi shaxslar masalalarni chuqur o‘rganib, shariat qoidalariga muvofiq fatvo berishlari kerakligi, shoshma-shosharlik bilan noto‘g‘ri fatvolar berish jamiyatda tushunmovchiliklarga olib kelishi mumkinligi, bid’at va xurofotlarning oldini olish va diniy soha xodimlari aholi orasida tarqalgan bid’at va xurofotlarni aniqlab, ularning zararlari haqida tushuntirish ishlarini olib borishlari, sof islom ta’limotlarini targ‘ib qilishlari lozimligi qayd etildi.

🔺Jamshed Xatamov Muxtorovich ham jamiyatda diniy bag‘rikenglikni ta’minlash va ma’naviy qadriyatlarni rivojlantirish yo‘lida bajariladigan ishlar haqida ham to‘xtalib o‘tdi.

❗Ushbu yig‘ilishda berilgan tavsiyalar va ko‘rsatmalar Namangan viloyatida diniy soha faoliyatini yanada takomillashtirishga, jamiyatda ma’naviy-ma’rifiy ishlarni kuchaytirishga xizmat qiladi.

🖥 Shuningdek tadbir soʻngida Namangan viloyati vakilligi tomonidan ta’lim muassasasiga ikkita zamonaviy smart doska hadya qilindi.