HADISLAR TOPLAMI

Tajvid darslari 0 dan

➡️Қуръонни ёзиб ёдлаймиз ❤️
➡️Қуръонни ёзиб ёдлаймиз 📖☄️

#Ҳадис_1207📘

Убода ибн Сомит розияллоҳу анҳудан ривоят қилинади:
«Набий соллаллоҳу алайҳи васаллам:
«Ер юзида қайси бир мусулмон гуноҳ аралаштирмасдан, қариндошлик алоқасини узмасдан туриб дуо қилса, албатта, Аллоҳ таоло унга ѐ сўраганини тезда беради, ѐки ўшанинг мислича ѐмонликни ундан буриб қўяди», дедилар. Шунда одамлардан бири:
«Ундоқ бўлса, (дуони) кўпайтирамиз», деди.
«Аллоҳ кўпайтирувчироқдир», дедилар».

✍(Имом Термизий ривояти)

Шарҳ

Бу ҳадиси шарифда дуонинг қабул бўлиши шартларидан иккитаси ва дуонинг фазлларидан иккитаси зикр қилинмоқда.

Дуонинг қабул бўлиши учун зарур шартлардан иккиси:

1. Мусулмон кишининг гуноҳ аралаштирмасдан дуо қилишидир.
Гуноҳ қилиб туриб дуо қилинса, қабул бўлмас экан.
2. Мусулмон кишининг қариндошлик алоқаларини узмасдан дуо қилишидир. Қариндошлик алоқасини узган ҳолда қилинган дуо ҳам қабул бўлмас экан.

Дуонинг фазлларидан иккитаси:

1. Аллоҳ таоло томонидан дуода сўралган нарсанинг тез берилиши.
2. Дуо қилувчидан сўралган нарса мислича ѐмонликнинг буриб қўйилиши. Бас, шундоқ экан, банда Аллоҳ таолога кўпроқ дуо қилиши лозим.
Демак, банда дуоларим қабул бўлмади, демаслиги керак экан.
Аллоҳ таоло унга шу дуоси туфайли охиратда катта ажрни тайѐрлаб қўйган бўлиши ѐки катта бир балони даф қилиб қўйган бўлиши мумкин экан.
Шунинг учун дуо қилишда иккиланмаслиқ гумонда, шубҳада юрмаслик керак экан.
Дуо қилавериш ва ижобат бўлишидан умидвор бўлиш керак.
Дуони қандай ижобат қилиш эса, Аллоҳ таолонинг иродасидир. Ўзи билади.
Аллоҳ таоло сўралган нарсани бермаса, ажрини охиратга олиб қўяди ѐки ўрнига бошқа бир ѐмонликни даф қилади.

Ҳофиз ибн Ҳажар айтади:
«Дуонинг ижобати турли навда бўлади.
Гоҳида сўраган нарсасининг айни ўзи берилади.
Гоҳида унинг ўрнига эвази берилади».

Яна Ибн Жавзий айтади:
«Билки, мўминларнинг дуоси рад қилинмас.
Фақат унинг учун ортга суриш яхши бўлганда ижобати ортга сурилади.
Ёки тездами, секинми унинг ўрнига ундан кўра яхшироқ эваз берилади.
Эҳтимол, арзимаган нарсани сўраган бўлади.
Аммо унга афзал ва ўта арзигулик нарсани беради.
Бас, мўмин киши Роббисига дуо қилишни, Ундан талаб ва сўрашни тарк қилиши жоиз эмас.
У таслим бўлиш ва тавфиз қилиш — Аллоҳга солиб қўйиш ила қанчалик ибодат қиладиган бўлса, дуо билан ҳам шунча ибодат қилади».

@HADISLAR_TOPLAMIII📚

#Ҳадис_1206📘

Абдуллоҳ ибн Ғанном ал-Баёзий розияллоху анҳудан ривоят қилинади:
«Расулуллоҳ соллаллоҳу алайҳи васаллам: «Ким субҳ кирганда «Аллоҳумма маа асбаҳа бии мин неъматин фа минка фаҳдака лаа шарийка лака. Фалакал ҳамду ва лакаш шукр» деса, батаҳқиқ ўша куннинг шукрини адо қилибди. Ким худди ўшани кеч кирганда айтса, батаҳқиқ, ўша кечанинг шукрини адо қилибди», дедилар».

✍(Абу Довуд ривояти)

Шарҳ

Маъноси:

«Аллоҳим! Мен билан бирга тонгга кирган ҳар бир неъмат Сенинг ѐлғиз Ўзингдандир. Сенинг шеригинг йўқ.
Бас, ҳамд ҳам, шукр ҳам Сенгадир».

@HADISLAR_TOPLAMIII📚

#Ҳадис_1205📘

Абдуллоҳ розияллоҳу анҳудан ривоят қилинади:
«Набий соллаллоҳу алайҳи васаллам: «Аллоҳ мендан олдин юборган набийлардан ҳар бирининг, албатта, унинг уммати ичидан ҳаворийлари ва унинг суннатини тутадиган ҳамда ишига эргашадиган асҳоблари бўлган. Сўнгра улардан кейин қилмайдиганини гапирадиган ва ўзларига амр қилинганга амал қилмайдиганлар қолдилар.
Ким ўшаларга қарши қўли ила уринса, у мўминдир.
Ким ўшаларга қарши тили ила уринса, у мўминдир.
Ким ўшаларга қарши дили ила уринса, у мўминдир.
Унинг ортида иймондан ачитқи уру ғича ҳам йўқдир», дедилар».

✍(Имом Муслим ривоят қилган).

Шарҳ

✅Бу ҳадиси шарифдан мунофикдикдан ҳазар қилиш ва мунофиқликка қарши жамият аъзолари қўлларидан келганича курашишлари лозимлиги ҳамда бу ишга бепарво бўлмаслик кераклиги чиқади.

@HADISLAR_TOPLAMIII📚

#Ҳадис_1204📘

Суфѐн ибн Усайд розияллоҳу анҳудан ривоят қилинади:
«Набий соллаллоҳу алайҳи васаллам: «Энг катта хиѐнат сенга ростгўйлик қилаѐтган биродарингга ѐлғон гапиришингдир», дедилар».

✍(Абу Довуд ва Аҳмад ривоят қилишган).

Шарҳ

📌Ўзига нисбатан ростгўйлик қилаѐттан одамга ѐлғон гапириш ҳақиқатан ҳам катта хиѐнатдир.
📌Шундоқ ҳам ѐлғон гапиришнинг ўзи катта гуноҳ.
📌Аммо ўзига рост гапириб турган одамга билиб туриб ѐлғон гапириш ўша одамни менсимаслиқ уни истеҳзо қилиш ва алдаш каби гуноҳларни ҳам ўз ичига олади.
📌Афсуски, кўпчилик худди шу тарзда ѐлғончилик қилади.
📌Ёлғончи нобакор ўзига садоқат кўрсатаѐтган кишини алдайди, ѐлғон гапириб уни ҳақорат қилади.
📌Эҳтимол, ѐлғончи шу иши билан унга ишонган соддадил кишидан кулар, аммо охиратда, албатта, катта хиѐнатчи сифатида жавобини беради ва жазосини тортади.

@HADISLAR_TOPLAMIII📚

#Ҳадис_1203📘

Абу Зарр розияллоҳу анҳудан ривоят қилинади:
«Расулуллоҳ соллаллоҳу алайҳи васаллам менга: «Қачон шўрва пиширсанг, сувини кўпроқ қилгин-да, қўшниларингга ҳам бергин», дедилар».

✍(Имом Муслим ривоят қилган).

Шарҳ

📌Ушбу ҳадиси шарифга амал қилароқ, қўшниларга ўз уйида пиширилган таомлардан чиқариб туришни йўлга қўйиш яхши иш бўлади.
✅Бу ҳам қўшничилик алоқаларини мустаҳкамлашга ѐрдам беради.

@HADISLAR_TOPLAMIII📚

#Ҳадис_1202📘

Абу Саъид Худрий розияллоҳу анҳудан ривоят қилинади: «Набий соллаллоҳу алайҳи васаллам:
«Кимнинг учта қизи бўлса ѐки учта синглиси бўлса, ѐхуд икки қизи, ѐки икки синглиси бўлса, у уларнинг суҳбатини яхши қилган бўлса ва уларнинг ҳаққида Аллоҳга тақво қилган бўлса, унга жаннат берилур», дедилар».

✍(Термизий ва Абу Довуд ривоят қилишган).

Шарҳ

✅Бу ҳадиси шарифдан киши ўз қиз фарзандлари тарбиясига қанчалик савоб олган бўлса, сингиллари тарбияси учун ҳам шунчалик савоб олишини билиб оламиз.

@HADISLAR_TOPLAMIII📚

#Ҳадис_1201📘

Оиша розияллоҳу анҳодан ривоят килинади
«Ҳузуримга бир аѐл ўзининг икки қизи билан тиланчилик қилиб келди. У менда бир дона хурмодан бошқа нарса топмади. Бас, мен ўшани унга бердим. У эса уни икки қизига тақсимлаб берди. Сўнгра туриб чиқиб кетди. Кейин Набий соллаллоҳу алайҳи васаллам кирдилар. Мен у зотга сўзлаб бердим. Шунда у зот:
«Ким ушбу қизлардан бирор нарса ила синалса, у уларга яхшилик қилса, улар унга дўзахдан парда бўлурлар», дедилар».

✍( Бухорий ва Термизий ривоят қилишган).

Шарҳ

📌 Бу ҳадиси шарифда ўша вақтда Пайғамбар соллаллоҳу алайҳи васаллам ва у зотнинг оилалари қанчалар содда, оддий ва камтарона ҳаѐт кечирганлари билан танишмокламиз.
📌Қаранг, шундай улуғ зотнинг уйларида тиламчига бериш учун бир дона хурмодан бошқа нарса топилмаса!
📌Аммо ўша бир дона ҳам ҳакдорга берилди. Ўша тиламчи аѐл ҳам ночорлигидан бу ишни қилаѐтган экан. Дарҳол ўша бир дона хурмони икки қизига бўлиб берди.
📌У ўша қизлари учун яхшилик қилди ва Пайғамбар соллаллоҳу алайҳи васалламдан у дунѐда дўзах ўтидан пардаланиш ваъдасини олди.

Ушбу ҳадиси шарифдан олинадиган фойдалар.

1. Пайғамбар соллаллоҳу алайҳи васаллам ва Оиша онамиз розияллоҳу анҳо ўта камтар ва камбағал ҳаѐт кечирганлари.
2. Ўша пайтда ночорликдан қизларини эргаштириб тиламчилик қилиб юрган аѐллар бўлганлиги.
3. Ҳақдор тиламчи келганида бир дона хурмо бўлса ҳам бериш кераклиги.
4. Оналар қизларга меҳрибон бўлишлари зарурлиги.
5. Қиз фарзандга яхшилик қилиш алоҳида тақдирга сазовор иш эканлиги.
6. Қиз фарзандга кўрсатилган яхшилик ўша яхшиликни қилган шахс учун қиѐматда дўзахдан парда бўлиши.
✅Демак, қиз фарзанди бор кишилар уларга кўпроқ яхшилик қилмоклари керак экан.

@HADISLAR_TOPLAMIII📚

#Ҳадис_1200📘

Убай ибн Каъб розияллоҳу анҳудан ривоят килинади.
Набий соллаллоҳу алайҳи васаллам:
«Эй Абу Мунзир, Аллоҳнинг китобидаги энг улуғ оят қайси эканини биласанми?» дедилар.
«Аллоҳ ва Унинг Расули аълам» дедим.
«Эй Абу Мунзир, Аллоҳнинг китобидаги энг улуғ оят қайси эканини биласанми?» дедилар.
«Аллоҳу лаа илаҳа иллаа ҳуу ал-Ҳайюл Қой-йум», дедим.
Шунда у зот кўксимга уриб: «Аллоҳга қасамки, сенга илм муборак бўлсин, эй Абу Мунзир», дедилар».

✍( Муслим ва Абу Довуд ривоят қилишган).

Шарҳ

📌Машҳур қори саҳобий Убай ибн Каъб розияллоҳу анҳунинг кунялари Абу Мунзир бўлган.
📌 Бу ҳадиси шарифдан Қуръони Каримдаги энг улуғ оят «Оятул Курсий» эканини билиб оламиз.
📌 Чунки бу ояти карима Аллоҳ таолонинг Ўзига хос бўлиб, унда У зотнинг гўзал исмлари, олий сифатлари зикр қилингандир.

Ушбу ҳадисдан олинадиган фойдалар:

1. Аллоҳнинг китобида энг улуғ оят борлиги.
2. Убай ибн Каъб розияллоҳу анҳу Аллоҳнинг китобида энг улуғ оят «Оятул Курсий» эканини билишлари.
3. Убай ибн Каъб розияллоҳу анҳунинг фазллари улуғлиги.

@HADISLAR_TOPLAMIII📚

#Ҳадис_1199📘

Ибн Аббос розияллоҳу анҳудан ривоят қилинади:
«Расулуллоҳ соллаллоҳу алайҳи васаллам Жаброил билан ўтирган эдилар. Юқоридан бир овоз эшитилди. Жаброил осмонга бурилиб қаради-да: «Бу осмоннинг эшикларидан бири, ҳеч очилмаган эди, бугун очилди. Ундан бир фаришта тушди. У бугундан бошқа ҳеч тушмаган эди. У салом берди ва:
«Суюнчи, сендан аввалги Пайғамбарларга берилмаган икки нур сенга берилди, Фотиҳа сураси ва Бақара сурасининг охири. Улардан ўқиган ҳар бир ҳарфингга, албатта, (савоб ва жавоб) бериласан», деди».

✍(Имом Муслим ривоят қилган).

Шарҳ

📌Бу ҳадиси шарифдан Фотиҳа ва Бақара сураларининг улуғ фазллари билан бирга, Расулуллоҳ соллаллоҳу алайҳи васалламнинг ҳузурларига Жаброил алайҳиссаломдан бошқа фаришта ҳам келиб туришини билиб олдик.
📌Осмоннинг ҳеч очилмаган эшиги очилиб, ундан осмондан ҳеч тушмаган фаришта тушиб, Набий соллаллоҳу алайҳи васалламга Фотиҳа ва Бақара суралари фазли ҳақида хабар бериши бу сураларнинг улуғлигини, алоҳида илоҳий эҳтимомга сазовор бўлганини яққол кўрсатиб турибди.

✅Имом Аҳмад ибн Ҳанбал ривоят қилган ҳадиси шарифда қуйидагилар айтилади:
«Убай ибн Каъб Пайғамбар алайҳиссалом ҳузурларида Фотиҳа сурасини ўқиди. Шунда у зот: «Менинг жоним тасарруфида бўлган Зот билан қасамки, Тавротда ҳам, Инжилда ҳам, Забурда ҳам, Фурқонда (Қуръонда) ҳам бунга ўхшаши туширилмаган», дедилар».

✅ Имом Ибн Ҳиббон Саҳл ибн Саъд розияллоҳу анҳудан ривоят қиладилар, Пайғамбар алайҳиссалом:
«Ҳар нарсанинг саноми–кўзга кўринган жойи бўлади. Бақара сураси Қуръоннинг саномидир. Ким уни ўз уйида кечаси ўқиса, уч кеча шайтон кирмайди. Ким уни кундузи ўқиса, уч кун шайтон кирмайди», деганлар.

@HADISLAR_TOPLAMIII📚

#Ҳадис_1198📘

Абу Дардо розияллоҳу анҳудан ривоят қилинади:
«Набий соллаллоҳу алайҳи васаллам: «Қиѐмат куни лаънатловчилар гувоҳ ҳам, шафоатчи ҳам бўлмайдилар», дедилар».

✍(Имом Муслим ва Абу Довуд ривоят қилишган).

Шарҳ

📌Бу дунѐда одамларни лаънатлаб юрадиган одамлар у дунѐда юқори мартабаларга эриша олмас эканлар.
📌 Ким у дунѐда гувоҳлик ѐки шафоатчилик каби олий мақомларга эришиш ниятида бўлса, зинҳор бировни лаънатламасин.

@HADISLAR_TOPLAMIII📚

#Ҳадис_1197📙

МУСУЛМОНГА ЁРДАМ БЕРИШ, УНИНГ АЙБИНИ  БЕРКИТИШ ВА УНИ ҲИМОЯ ҚИЛИШ.

Муоз  ибн  Анас  ал-Жуҳаний  розияллоҳу  анҳудан ривоят қилинади:
«Расулуллоҳ соллаллоҳу алайҳи  васаллам: «Ким  бир  мўминни  мунофиқдан  ҳимоя  қилса, Аллоҳ  қиёмат  куни  бир  фариштани  юбориб,  унинг гўштини  жаҳаннам ўтидан  ҳимоя қилади.
Ким  бир  мусулмонни  бир  нарса  ила  уни  шарманда қилиш  учун  айбласа,  Аллоҳ  уни  жаҳаннам  кўприги устида  то  у  гапидан  қайтгунча  ушлаб  туради», дедилар».

✍(Имом Абу Довуд ривояти)

📝Шарҳ

📌Бир  одам  мўмин  кишини  ғийбат  қилиб обрўсини  тўкаётган  бўлса,  уни  эшитиб  турган  кишилар ичидан  мазкур  мўминни  ҳимоя  қилган  одам  катта  ажрга эга  бўлади. 
📌Унинг  мўмин  кишининг  обрўсини  ҳимоя қилгани  қиёматда  ўзига  катта  бахт  бўлиб  қайтади.
📌 Аллоҳ таоло  уни  дўзахдан  ҳимоя  қилади. 
📌Бас,  шундоқ  экан, мўминлар  бир-бирларини  мунофиқларнинг  ғийбат  ва бўҳтонларидан  ҳимоя қилишлари  зарур.
📌Аксинча,  бу  дунёда  мўмин-мусулмоннинг  айблаш билан  машғул  бўлган  одам  қиѐматда  хижолатда  қолар экан.
📌Маҳшарга  тўпланганлар  ҳузурида  қилган нобакорлиги  жазоси  ўлароқ,  жаҳаннам  кўпригидан  ўта олмай  тўхтаб  қолар  экан. 
✅Бас,  шундоқ  экан,  мўмин  банда зинҳор ўз  биродарини  айблашга  ўтмасин.

@HADISLAR_TOPLAMIII📚

#Ҳадис_1196📘

Абу Хурайра розияллоҳу анҳудан ривоят килинади.
«Набий соллаллоҳу алайҳи васаллам:
«Одамлар ичида икки нарса бор. Ана ўша икки нарсада куфр бор. Насабга таъна қилиш ва ўликка айтиб йиғлаш», дедилар».

✍(Имом Муслим ривоят қилган)

Шарҳ

📌Одамларни насабига таъна қилиш, уларни ҳаромдан бўлган деган маънода гап тарқатиш сўкишнинг энг даҳшатли кўринишларидан биридир.
📌Бу иш куфрдир.
✅ Бу нарсадан сақланмоқ керак.

@HADISLAR_TOPLAMIII📚

#Ҳадис_1195📘

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Икки сўкишганнинг гуноҳи улардан аввал бошлагангадир. Модомики, мазлум ошириб юбормаган бўлса», дедилар».

✍(Абу Довуд, Муслим ва Термизий ривоят қилган).

Шарҳ

📌Шунинг учун ҳеч ким сўкишни аввал бошламаслиги лозим.
📌Акс ҳолда, у ишни қилган одам икки томоннинг ҳам гуноҳини ўзига олган бўлади

@HADISLAR_TOPLAMIII📚

#Ҳадис_1194📘

Абу Зарр розияллоҳу анҳудан ривоят қилинади:
«У киши Набий соллаллоҳу алайҳи васалламнинг:
«Бир киши бошқа кишини фосиқликда ѐки кофирликда айблаган бўлсаю, соҳиби ундоқ бўлмаса, албатта, ўша нарса ўзига қайтади», дедилар».

✍(Икки шайх ривоят қилишган)

Шарҳ

✅Шунинг учун тилга эрк бериб, бошқаларни фосиқликда ѐки кофирликда айблайвериш керак эмас.

@HADISLAR_TOPLAMIII📚

#ал_Азкор_142

44-боб. Ташаҳҳуд

عن ابن مسعود رضي اللّه عنه، عن رسول اللّه صلى اللّه عليه وسلم‏:‏ ‏» ‏التَّحِيَّاتُ لِلَّهِ، وَالصَّلَوَاتُ وَالطَّيِّباتُ، السَّلامُ عَلَيْكَ أيُّهَا النَّبيُّ وَرَحْمَةُ اللَّهِ وَبَرَكَاتُهُ، السَّلام عَلَيْنا وعلى عِبادِ اللَّهِ الصَّالِحين، أشْهَدُ أن لا إلهَ إِلاَّ اللَّهُ، وأشْهَدُ أنَّ مُحَمَّداً عَبْدُهُ وَرَسُولُهُ‏» ‏ ‏.‏

Ибн Масъуд розияллоҳу анҳу Расулуллоҳ соллаллоҳу алайҳи васалламдан ривоят қиладилар:


‏التَّحِيَّاتُ لِلَّهِ، وَالصَّلَوَاتُ وَالطَّيِّباتُ، السَّلامُ عَلَيْكَ أيُّهَا النَّبيُّ وَرَحْمَةُ اللَّهِ وَبَرَكَاتُهُ، السَّلام عَلَيْنا وعلى عِبادِ اللَّهِ الصَّالِحين، أشْهَدُ أن لا إلهَ إِلاَّ اللَّهُ، وأشْهَدُ أنَّ مُحَمَّداً عَبْدُهُ وَرَسُولُهُ‏
«Аттаҳиййату лиллаҳи вассолавату ваттоййибат ассаламу ъалайка аййуҳан набиййу ва роҳматуллоҳи ва барокатуҳ. Ассаламу ъалайна ва ъала ъибадиллаҳис солиҳийн. Ашҳаду алла илаҳа иллаллоҳу ва ашҳаду анна Муҳаммадан ъабдуҳу ва росулуҳ». (Маъноси: «Саломлар, дуолар ва яхшиликларнинг барчаси Аллоҳ учундир. Эй Пайғамбар, сизга салом ва Аллоҳнинг раҳматию баракоти бўлсин. Бизларга ва Аллоҳнинг солиҳ бандаларига ҳам салом бўлсин. Аллоҳдан бошқа илоҳ йўқ деб гувоҳлик бераман. Ва яна Муҳаммад Аллоҳнинг бандаси ва расули деб гувоҳлик бераман.) (Бизнинг Имом Аъзам мазҳабларида шу ҳадисдаги лафз ихтиёр қилинган. -- Таржимон.) Бухорий ва Муслим ривоятлари

@HADISLAR_TOPLAMIII

#Ҳадис_1193📘

Бир киши келиб Усмон розияллоҳу анҳуни юзларига мақтади. Миқдод ибн Асвад тупроқ олиб, унинг юзига сочди ва: «Расулуллоҳ соллаллоҳу алайҳи васаллам қачон маддоҳларни кўрсангиз уларнинг юзига тупроқ сочинг, деган эдилар», деди».

✍(Абу Довуд, Муслим ва Термизий ривоят қилишган.

Шарҳ

📌Бундан маддоҳларни маддоҳликдан қайтариб туриш ҳам зурурлиги чиқади.
📌Бўлмаса, улар ўз маддоҳликларида ҳаддан ошиб, бир-бирлари билан мусобақалашиб бораверадилар.
📌 Бир киши ҳазрати Али розияллоҳу анҳуни юзларига қараб туриб, маддоҳлик қилди.
📌 Али розияллоҳу анҳу аввал шу одам ўзларини ѐмонлаб юрганини билар эдилар ва унга:

✅«Мен сен айтганчалик эмасман. Аммо ичингда сақлаб турганингдан устунман», дедилар.

@HADISLAR_TOPLAMIII📚