"Gulobod tongi" gazetasi

❗️ DIQQAT TANLOV!

9-fevral kuni g‘azal mulkining sultoni Hazrat Mir Alisher Navoiy tavallud topganligining 584 yilligi mamlakatimizda keng nishonlanadi. Mazkur sana munosabati bilan “Gulobod tongi” gazetasi tahririyati hamda Respublika Ma’naviyat va ma’rifat markazi Samarqand tuman bo‘limi tumandagi umumta’lim maktablari o‘quvchilari o‘rtasida joriy yilning 4-fevral kuni “Navoiyni anglash - o‘zlikni anglash” mavzusida tanlov o‘tkazmoqda.
Tanlovda adabiyotga, xususan Navoiy ijodiga qiziqishi baland tumandagi barcha umumta’lim maktablarining 8-11-sinf o‘quvchilari ishtirok etib, o‘z bilim darajasini sinab ko‘rishlari mumkin.
📌 Tanlov 3-shart asosida o‘tkaziladi:
1-shartda ishtirokchilar Navoiy hayoti va ijodiy faoliyati yuzasidan tuzilgan savollarga javob berishadi.
2-shartda ishtirokchilar Navoiy g‘azallaridan birini ifodali o‘qib, uning mazmun-mohiyati va bugungi kundagi ahamiyati xususida tushuncha beradi.
3-shartda Navoiyning “Xamsa”sidan joy olgan dostonlar bo‘yicha tuzilgan savollarga beriladigan javoblarga qarab ishtirokchilarning bilimi aniqlanadi.
Tanlov ishtirokchilarining bilimi navoiyshunos olimlardan iborat nufuzli hakamlar hay’ati tomonidan adolatli, xolis baholab boriladi.
Tashkilotchilar tomonidan tanlovda faxrli
I-o’rinni egallagan jamoa «Gulobod tongi» gazetasiga 10 (o’n) ta 1 yillik obuna va kitoblar jamlamasi,
II -o’rinni egallagan jamoa «Gulobod tongi» gazetasiga 6 (olti) ta 1 yillik obuna va kitoblar jamlamasi,
III -o’rinni egallagan jamoa «Gulobod tongi» gazetasiga 3 (uch) ta 1 yillik obuna va kitoblar jamlamasi bilan taqdirlanadi.
Tanlovda ishtirok etishni istagan o‘quvchilarni 4-fevral kuni soat 10:00 da 12-musiqa maktabida kutamiz.
Tanlovda ishtirok eting va g‘olib bo‘ling!

@gulobod_tongi_gazetasi