📘 GRANT CHANNEL 📗

Nega davlat o'zi bergan diplomga ishonmaydi? Diplomning ahamiyati bir tiyinmi?

#kengroq_fikrlaylik ruknining navbatdagi dolzarb mavzusi diplom haqida. Juda ko'pchilikdan shu fikrlarni eshitib qolamiz. Nega davlat o'zi bergan diplomga ishonmaydi? Nega 4 yil o'qitdi agar o'zi ishonmasa? Shunaqa sertifikat so'rar ekan, diplomning nima keragi bor?

Bir qarashda savollar o'rinlidek. Lekin chuqurroq mulohaza qilinsa, OTM bergan diplomga ishonmaslik hamma davlatda ham bor. Rivojlangan davlatlarda ham falon nomdor universitetni bitirdim desa, mana ish ishlayver demaydi. Obdon suhbatdan o'tkizadi, imtihon qiladi, ming chig'iriqdan o'tkazib keyin ish beradi. Chunki ishga olishda diplomdan boshqa muhimroq omillarga ham qarashadi.
Bizda ham davlat diplomga ishonmasdan to'g'ri ham qiladi. Chunki bizda diplomni har qanday odam, har qanday bilim daraja bilan olishi mumkin. Diplomli degani bilimli degani emas.
Davlat o'zi bergan diplomni so'zsiz, hech qanday shartsiz tan olishi shart deydigan bo'lsak, unda oliy ta'limga imtihonni ham bekor qilish kerak. Chunki davlat maktab bitiruvchilarga ham o'zi shahodatnoma beryapti. O'sha shahodatnomaga biz ham o'zimizning fanimizdan bilmaydigan o'quvchiga ham 3-4-5 bahogacha qo'yib beryapmiz. 11 yil o'qib ingliz tili fanini 55 foiz, 70-90 foiz o'zlashtirdi deb berishimizga to'g'ri kelyapti. Bizning baholar o'yinchoq bo'lgani kabi universitetda ham ko'p joyda huddi shunday. Biz berayotgan shahodatnoma ham ishonchsiz bo'lganday, OTM beradigan diplom ham shunday. Shu sabab davlat diplomning o'ziga ishonmasdan to'g'ri qiladi.

Diplomning qadri bir tiyin, sertifikat diplomdan ustun bo'lib qoldi degan gaplarni ham ko'p eshitamiz. Bir narsani biling, diplom kerak emas, sertifikat bo'lsa bo'ldi deyilmayapti. O'sha diplomning yonida sertifikat ham bo'lishi kerak deyilyapti. Diplom o'sha-o'sha qadrli, diplomingiz bo'lmasa, mingta sertifikatni ko'tarib borsangiz ham sizni ishga olmaydi. Diplomingiz yonida aynan chet tili bo'yicha bilimingizni isbotlaydigan sertifikatingiz bo'lsagina sizga ishlashga ruxsat beriladi, ustama va imtiyozlar beriladi.
Sertifikat so'ralishi ham aslida ideal yechim bo'lmasligi mumkin, lekin bizda boshqa alternativ yo'q. Sertifikat bilan til bilishni tekshirish osonroq. To'g'ri, sertifikat nomzodning to'liq pedagogik qobiliyatini ifodalamaydi, faqat til bilishini tekshirib bera oladi xolos. Haqiqiy pedagogda topilishi kerak bo'lgan 10ta sifat bo'lsa, sertifikat o'sha sifatlardan eng kerakli bittasini yuzaga chiqarib beradi xolos. Lekin har holda, o'z fani bo'yicha qanchalik bilimi borligini ko'rsatib bera oladi.
Qaytarib aytaman bu postdan maqsad davlatni yonini olib, o'qituvchilarni ayblash emas. Shunchaki to'g'ri tushunchani targ'ib qilish. Kengroq fikrlashga undash...

🇬🇧 uzteachers 🇺🇿

Tog'lar some' bo'lib o'tirar jim
Takbir aytgan chog'i guldurab samo
Bu yanglig' munojot qila olar kim
Yomg'ir bu - pichirlab qilingan duo

✍️✍️✍️ Noma'lum

@GRANT_CHANNEL

Asl aybim tekis yo'lda qoqilmoqdir
Asl baxtim seni ko'rmay sog'inmoqdir
Yer-u ko'kdan mudom izlab xato qildim
Seni topmoq yo'li doim topilmoqdir

✍️✍️✍️ Noma'lum

@GRANT_CHANNEL

Men seni sevmayman, bu sevgi emas,
Muhabbatdan kuchli qandaydir tuyg'u.
Hatto, yurak buning neligin bilmas,
Bu - nomsiz hissiyot, o'ngdagi uyqu.