Дунё ва болалар
🔰12 июн - Халқаро болалар меҳнатига қарши кураш куни
World Day Against Child Labour
#xalqarotadbir
📑 Маълумки, 1997 йил Халқаро Меҳнат Ташкилоти томонидан 12 июнь “Бутунжаҳон болалар меҳнатига қарши кураш куни” деб эълон қилинган. Илк маротаба 2002 йилда нишонланган. Асосий мақсади- ушбу муаммога жаҳон ҳамжамиятининг эътиборини қаратиш ва унинг бартараф этиш чораларини кўришдан иборатдир. Ҳар йили 12 июнда турли хукуматлар, идора ва ташкилотлар шунингдек миллионлаб инсонлар болалар меҳнатини олдини олиш муаммосига ўз диққатларини қаратиб, ушбу мақсад асосида бирлашадилар. Халқаро ташкилотларнинг маълумотларига кўра, дунё бўйича, ўтган йилларда
5 ёшдан 17 ёшгача бўлган 218 миллион бола меҳнатга жалб қилинган, шундан
152 миллиони замонавий қулликнинг қурбонлари ҳисобланади, шундан
73 миллион бола хавфли меҳнат турида ишлашади. Уларнинг кўпчилиги мактабга қатнаш, ўйнаш, етарли даражада тўйиб овқатланиш имкониятларидан маҳрумлар.
Шу сабабдан айнан бугун дунёнинг кўплаб бурчакларида ушбу санага бағишланган турли тадбирлар: кўргазмалар, болалар байрамлари, театрлаштирилган саҳналар ва ахборот кампаниялари ташкил этилади.
Бобур АҳмадFacebook |
Instagram |
Telegram |
Youtube |
Веб сайт