G'oyib Yoronlar.uz|Rasmiy kanal

МАСОФА

    Бир устоз ўз шогирдларидан сўради:
    - Одамлар ўзаро жанжаллашганида нима учун бақириб гапирадилар?
    - Чунки улар ўз тинчларини йўқотадилар, безовта бўладилар, - деди шогирдлардан бири.
    - Лекин ёнгинасида турган одамга бақириб гапириш нима учун керак?  Ахир шивирлаб гапирса ҳам эшитадику? - сўради яна устоз.
    Шогирдлар турли хилдаги жавобларни бердилар. Шунда устоз деди:
    - Одамлар ўзаро жанжаллашганида уларнинг қалблари бир-биридан узоқлашиб кетади.
    Бир қалбдан айтилаётган сўзлар шу масофани босиб ўтиб нариги қалбга етиб борсин учун одамлар бақириб гапира бошлайдилар.
   Улар қанчалик қаттиқ уришсалар, бир-биридан шунчалик қаттиқ хафа бўладилар  ва шунчалик қаттиқ гапирадилар.
   Одамлар ўзаро дўст бўлсалар-чи? Улар бақирмайдилар, балки сокин гаплашадилар. Чунки уларнинг қалблари бир-бирига яқин, орасидаги масофа қисқа бўлади.
    Одамлар бир-бирини қанчалик яхши кўриб боргани сайин улар орасидаги мулоқот овози шунчалик пасайиб боради.
    Ўзаро муносабат чин мухаббатга айланганида ҳатто шивирлаб гапиришнинг ҳам зарурати қолмайди.
    Чин муҳаббат эгалари бир-бирини сўзсиз ҳам тушунадилар. Шунинг учун, ўзаро бахслашар экансиз қалбларингизнинг бир-биридан узоқлашувига йўл қўйманг.
     Орадаги масофани узоқлаштиришга сабаб бўладиган сўзлардан тийилинг.
     Акс ҳолда, қалблар бир-биридан шунчалик узоқлашиб кетиши мумкин-ки, кейин ортга қайтишнинг имкони қолмайди...

👉 https://t.me/goyibyoronlar

​🤲 УЙҚУДАН ТУРИШДА БАЖАРИЛАДИГАН СУННАТЛАР

1. Юздаги уйқу асарини қўл билан аритиш.
“Расулуллоҳ соллаллоҳу алайҳи васаллам уйғониб, ўтирдилар ва юзларини ишқалаб, уйқуни аритдилар” (Имом Муслим ривояти).

2.Қуйидаги дуоларни ўқиш:
اَلْحَمْدُ لِلَّهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ.

“Алҳамду лиллаҳиллазий аҳйаана баъда ма амаатана ва илайҳин нушур”.

“Бизни вафот эттиргандан кейин қайта тирилтирган Аллоҳга ҳамд бўлсин. Қайта тирилиш Унинг Ўзигадир”.

الحمدُ لله الذي رَدَّ عليَّ رُوحي وعافاني في جسدي و أَذِنَ لي بذِكره.

“Алҳамду лиллаҳиллазий родда ъалаййа руҳий ва ъафааний фий жасадий ва азина лий бизикриҳи”.

“Менга руҳимни қайтарган, жисмимга офият берган ва зикрини қилишимга изн берган Аллоҳга ҳамд бўлсин”.

3.Оғизни мисвок ёки бошқа воситалар билан тозалаш.
“Расулуллоҳ соллаллоҳу алайҳи васаллам тунда уйқудан турганларида оғизларини мисвок билан тозалар эдилар” (Имом Бухорий, Имом Муслим ривояти).

4. Қўлни ювиш.
Расулуллоҳ соллаллоҳу алайҳи васаллам: “Сизлардан бирортангиз уйқудан турса, кафт қўлларини идишга солмасдан, уч марта ювсин”, деганлар (Имом Бухорий, Имом Муслим ривояти).

5.Бурунни қоқиш.
Расулуллоҳ соллаллоҳу алайҳи васаллам: “Сизлардан бирортангиз уйқудан турса, бурнини уч марта қоқиб ташласин. Чунки шайтон унинг димоғида тунаган бўлади” (Имом Бухорий, Имом Муслим ривояти).

☝️ДЎСТЛАРИНГИЗГА ҲАМ УЛАШИНГ!!!
👉 https://t.me/goyibyoronlar

Қуръон ажойиботлари

📖 “...Хоҳлаган кишингга мулк берурсан ва хоҳлаган кишингдан мулкни тортиб олурсан, хоҳлаган кишингни азиз қилурсан, хоҳлаган кишингни хор қилурсан. Барча яхшилик Сенинг қўлингда...”, Оли Имрон сураси, 26-оят.

Сен, барча айбу нуқсонлардан пок Зот, халқингдан хоҳлаганингга мулк, салтанат ва ер юзида тамкин, мустаҳкамлик ато этасан.

Шунингдек, хоҳлаган бандангдан мулк салтанатни тортиб оласан ҳамда дунё ва охиратда хоҳлаган бандангга иззат, азизликни ато этасан. Хоҳлаган бандангни эса зиллат, хорликка соласан. Барча яхшилик Сенинг қўлингда. Албатта якка Ўзинггина барча ишга қодирсан.

  Аллоҳ субҳанаҳу ва таолодан ўзгага боғланиш ҳаёлотини, ёлғон тасаввурни қалбингдан суғуриш учун бир оятда хоҳиш  тўрт маротаба такрор келади. Аллоҳ жалла жалалуҳу азизлик Аллоҳ таолонинг тоатида эканини билдириши учун мулк, подшоҳлик ва азизлик, иззатни бир-биридан ажратиб зикр қилди. Албатта кимки маъсият йўлига тушар экан гарчи у амалда, мансабда бўлсада, Аллоҳ уни хор қилади.

   🔖Изоҳ: «Хоҳлаган кишингга мулк берурсан ва хоҳлаган кишингдан мулкни тортиб олурсан».
Агар дунёда Аллоҳдан бошқа бирор кимса бирор мулкка молик бўлса, унинг моликлиги қарзга олган одамнинг моликлигига ўхшайди. Ҳақиқий молик бўлган Аллоҳ таоло унга Ўзи ирода қилган ҳикмат бўйича вақтинчалик, арзимаган мулкни бериб қўйган бўлади.
   Бинобарин, хоҳлаган пайтида ундан мулкни тортиб олаверади Мулкни вақтинчалик қарзга олган одам ҳақиқий моликнинг шартига мувофиқ тасарруф қилса, бахт-саодатга эришади. Агар ҳақиқий моликнинг шартига мувофиқ иш тутмаса, ўзидан кўраверсин.
«Хоҳлаган кишингни азиз қилурсан, хоҳлаган кишингни хор қилурсан».
Барча мулкнинг эгаси бўлгандан кейин Ўзи билади-да. Чиқарган ҳукмини суриштирадиган зот йўқ. Нима ҳукмни ирода қилса, ўша ҳукмни чиқаради.”  “Тафсири Ҳилол”дан.

👉 https://t.me/goyibyoronlar