GENERALISSIMUS

🇺🇸 Трампга яна бир бор суиқасд уюштирилди — конгрессмен Тейлор-Грин

"АҚШ Махфий хизмати Доналд Трамп Уест-Палм-Бичдаги гольф клубидан чиқиб кетаётган пайтда унинг ёнида содир бўлган отишмага жавоб қайтарди", деб ёзади New York Post.

Трампнинг сайловолди штаби унинг яқинида ўқ узилганини, сиёсатчининг ўзи ҳозирда хавфсизликда эканлигини маълум қилди.

𝗚𝗲𝗻𝗲𝗿𝗮𝗹𝗶𝘀𝘀𝗶𝗺𝘂𝘀

Сўнгги вақтларда ҲМҚО ходимларининг, айниқса прокуратура ва ИИО ходимларининг ишни ташлаб, адвокатурага ўтиб кетаётганлиги кишини жиддий ўйга толдиради.

Хизматни ташлаб, адвокатурага ўтиб кетаётганларнинг кўпчилик қисмини соҳада етарлича билим ва кўникмага, тажрибага эга бўлган, аксарияти тизимда 5 йилдан 10 йилгача ишлаган  юристлар ташкил этаётгани эса ачинарли ҳолдир.

Энди бунинг сабабларига тўхталамиз.
Биринчи ва энг муҳим сабаб прокуратура ва ИИОда ойлик маошнинг сезиларли даражада камлиги, хусусий сектор ўртасида жиддий номутаносиблик мавжудлиги. Тўғри, айримлар 6-10 млн сўм ойлик кам эмаску деб ўйлаши мумкин. Лекин билимли, маълум тажрибага эга, ўзини ҳурмат қилган ҳуқуқшунос учун бу сумма кўп эмас.

Иккинчи сабаб эса иш вақтининг тартибга солинмаганлиги, меҳнат қонунчилигига деярли амал қилинмаслиги, шунингдек, юкламанинг ҳаддан зиёд кўплиги, эрталаб соат 8:30 дан кеч соат 23:00-24:00 гача хизматда бўлиш, бошқа соҳаларнинг хизмат вазифалари ҳам юклатилганлиги, арзимаган сабаблар билан интизомий жазога тортилиш, оиласига вақт ажрата олмаслик, тизимдаги ноҳақликлар ва ҳоказолар.

Бу каби ҲМҚОдан ишини ташлаб, адвокатурага ўтиб кетиш тизимли рўй бермоқда ва бу келгуси 3-4 йилда ҲМҚОда жиддий кадрлар етишмовчилигини келтириб чиқаради.

Шунингдек, тизимдан малакали, тажрибали ҳуқуқшунослар чиқиб кетиши фуқароларнинг ҳақ-ҳуқуқлари лозим даражада ҳимоя қилинмаслигига, бу эса фуқароларда ҲМҚО тизимига ўзи шундоқ ҳам камайиб бораётган ишончсизлик кайфиятини янада ортишига сабаб бўлади.

Бу каби ҳолатларни олдини олиш учун ҳамда тизим жозибадорлигини сақлаб қолиш учун Прокуратура ва ИИВ раҳбариятидан тез орада ходимларнинг ойлик маошини ошириш ва иш вақтини тартибга солиш бўйича чора-тадбирлар амалга оширилишини кутиб қоламиз.

Зеро, айни пайтда прокуратура ва ИИОда хизмат олиб бораётган кўпчилик юристлар яқин орада тизимда ижобий  ўзгаришлар рўй бермаса, ишдан бўшаб, адвокатурага ўтиб кетишни мўлжаллаб юрибди. Бу эса ҲМҚО тизимига жиддий зарба бўлади ва буни ўнглаш учун йиллар керак бўлади.

𝗚𝗲𝗻𝗲𝗿𝗮𝗹𝗶𝘀𝘀𝗶𝗺𝘂𝘀

❗️Ер фондининг барча тоифалари ва ер турлари учун ер участкаларидан рухсат этилган фойдаланиш турлари жорий этилади

🗓 Фармонга мувофиқ, 2025 йил 1 январдан:

➖ер фондининг барча тоифалари ва ер турлари, шу жумладан, олдиндан мавжуд ва янгидан ажратиладиган ер участкалари учун ер участкаларидан рухсат этилган фойдаланиш турлари жорий этилади;

➖ер участкасидан рухсат этилган фойдаланиш тури Ҳукумат томонидан тасдиқланадиган Ер участкаларидан рухсат этилган фойдаланиш турлари ва капитал қурилиш объектларининг ягона классификаторига мувофиқ асосий, шартли равишда рухсат берилган ва ёрдамчи турларда белгиланади;

➖шартли рухсат этилган фойдаланиш тури учун рухсатнома олишга Ҳукумат томонидан белгиланадиган тартибда ижтимоий ва инфратузилма объектларига қўшимча юкламани компенсация қилиш шарти билан йўл қўйилади;

❕ бунда ушбу тўловлар Тошкент шаҳрида 2027 йил 1 январгача ҳуқуқий эксперимент доирасида киритилган қурилиш ҳажмининг ҳар бир куб метри учун ундириладиган тўловлар шаклида олинади;

➖ Қурилиш ва уй-жой коммунал хўжалиги вазирлиги (қишлоқ хўжалигига мўлжалланмаган ерлар бўйича) ҳамда Қишлоқ хўжалиги вазирлиги (қишлоқ хўжалигига мўлжалланган ерлар бўйича) рухсат этилган фойдаланиш турини белгилаш ва ўзгартириш масалаларида ваколатли органлар ҳисобланади.

𝗚𝗲𝗻𝗲𝗿𝗮𝗹𝗶𝘀𝘀𝗶𝗺𝘂𝘀

🇫🇷🇺🇿 Париж—2024 Паралимпия баҳслари чемпион ва совриндорлари тақдирланди

🥇Олтин медал соҳибларига:

— 200 минг АҚШ доллари;
— Tahoe автомобили;
— 2 қаватли коттеж.

🥈Кумуш медал соҳибларига:

— 100 минг АҚШ доллари;
— BYD Song Plus EV Champion автомобили;
— Уй.

🥉Бронза медали соҳибларига:

— 50 минг АҚШ доллари;
— BYD Song Plus DM-i Champion автомобили;
— Уй.

𝗚𝗲𝗻𝗲𝗿𝗮𝗹𝗶𝘀𝘀𝗶𝗺𝘂𝘀

Қуёш панелларига мажбурлаш яна авжига чиқмоқда

Охирги кунларда бутун Ўзбекистон ҳудудлари бўйлаб бизнес субъектларни қуёш панеллари ўрнатишга мажбурлаш яна авж олган. Худди шундай кампаниябозлик ўтган йили эрта баҳордан кеч кузгача давом этган ва октябрдаги тариф оширишларидан кейин тўхтатилган эди.

Тадбиркорларни мажбурлашнинг асосий усули светни узиш, кундузги иш вақти давомида ўчириб қўйиш, шартнома бўйича лимитни камайтириш билан қўрқитиш бўлиб қолмоқда. Энг кулгулиси, айрим туманларда тадбиркорлардан қуёш панелларини ўрнатиш орқали генерацияни ошириш эмас, шунчаки панелларни сотиб олиш талаб қилинмоқда. Яъни, энергозўравонларнинг мақсади ҳеч қандай энергосамарадорлик эмас, балки қайсидир муттаҳам корчалоннинг навбатдаги партиядаги қуёш панелларини қимматлаштириб ўтказишга айланиб кетган. Маълумот учун, Ўзбекистонда қуёш панеллари ва унинг бутловчи қисмларини божсиз олиб кириш ҳуқуқи ёпиқ қарор билан иккита корхонага берилган.

Энг ёмони, бундай энергобузғунчилик тарифлар оширилгач ва келаси баҳорда яна ошишини ҳисобга олган ҳолда ўз ихтиёри билан ишлаб чиқариш ёки офис биноларига қуёш панелларини ўрнатмоқчи бўлган тадбиркорларнинг ҳафсаласини ҳам совутмоқда. Чунки мажбурлаш кампаниябозлиги, "ура-ура, бос" шовқини билан панеллар ва уларнинг эҳтиёт қисмлари нархлари ҳам ошиб кетмоқда. Балки қуёш панелларини кампаниябозликка айлантираётганларнинг яна бир мақсади шудир?

Шонли энергетиклар ва ҳеч ким сайламаган ҳокимлар балки ўзлари ташрифлар ва кўзкўрдига муляж сифатида қўйдирилган, тармоққа ҳеч қандай электр энергияси узатмаётган ёки КПДси 10%дан тушиб кетган, свет ўчганда ўчадиган аккумуляторларсиз панелларни ўрганиб чиқиши керакдир?

Панелларни ўрнатиш ёки ўрнатмасликни балки бозорнинг ўзига ва тадбиркорларнинг ихтиёрига қўйиб берармиз?

Тушуниб етиш керакки, ёппасига, ҳамма жойда ҳаммага панел ўрнатириш иқтисодий маънога эга эмас. Қайси бизнесга қанақа қувватдаги панел кераклигини унинг фаолият мундарижаси, энергия сарфи ва нисбий афзаллиги белгилайди, қанақадир саводсиз ҳоким ёки ўпкаси йўқ замзамвазирнинг хоҳишлари эмас. Уй хўжаликларида ҳам худди шундай. Айниқса, кам электр истеъмол қиладиган камбағал оилаларга аккумуляторсиз панел ўрнаттириш ғирт тентакликнинг ўзи (шу орқали бир тўп муттаҳамлар пул ишлаб қолишни ҳисобга олмаса).

Қайси лойиҳага қўли тегса, фойдасидан зиёни кўп чиқадиган шонли энергетикларнинг панелбозлик кампаниясини Хитойда 1958-62 йилларда ўтказилган, ҳамма жойда пўлат ишлаб чиқариш кампаниясига ўхшатиш мумкин. Ўшанда бир тўп тентакнинг ташаббуси билан пўлат тайёрлашни кўпайтириш ва Буюк Британияга етиб олиш учун, ҳатто қишлоқ ҳовлиларидаям, шолипоялардаям, мактаблардаям пўлат эритиладиган печлар қурилган. Бундай печларда тайёрланган пўлатнинг сифати ва таннархи ҳеч кимни қизиқтирмаган. Ҳар бир уйда пўлат печи сиёсати Хитойни буюк пўлат мамлакатига айлантириш ўрнига, тескари натижалар берган, бир неча йил ичида унинг оғир саноатини бутунлай барбод қилган.

𝗚𝗲𝗻𝗲𝗿𝗮𝗹𝗶𝘀𝘀𝗶𝗺𝘂𝘀