G'azna

Termiz aeroportida g'alati ishlar bo'layotganiga o'xshaydi

Botga yuborilgan ma'lumotlarga ko'ra, aeroport direktori va uning o'rinbosari bir necha maxinatsiya harakatlarini qilishgan.

Termizda yangi aeroport binosi qurilishi sababidan, 2019-yilgacha ishlab turgan aeroport demontaj qilinishi kerak bo'lgan.

Demontaj davomida qayta ishlatish mumkin bo'lgan qurilish va boshqa materiallar davlat hisobiga qaytarilishi kerak edi.

Ammo, aytilishicha, direktor va uning o'rinbosari bu materiallar demontaj jarayonida yaroqsiz ahvolga keldi deb soxta hujjat tayyorlab, boshqalarga sotib yuborishgan. Aslida esa materiallar yaroqli holda bo'lgan deyilmoqda.

Bundan tashqari, ma'lumotda aeroport hududida 1 milliard so'm evaziga gazon qilish bo'yicha tender o'tkazilgani haqida ham yozilgan. Aytilishicha, tenderda tanish firma g'alaba qozongan, bu firma oldin umuman bu ish bilan shug'ullanmagan. Ish aytarli tekshiruvlarsiz qabul qilib olingan.

Natijada gazon bir yil davomida qancha parvarish qilinmasin ajiriq bosib, sifatsiz holatga kelib qolgan. Ammo bu ishga aeroport rahbariyati ko'z yumgan.

Rastrata bilan bog'liq yana ba'zi holatlar haqida ham yozilgan. Misol uchun, aytilishicha, 2022-yilda Aeroport 62 mln so'mga bryuschatkani restavratsiya qilish bo'yicha shartnnoma qiladi, pul o'tkaziladi, lekin amalda hech qanday ish qilinmagan.

Uzbekistan Airaportsdan biror komissiya kelsa, direktor kompaniya rahbari Javlonbek Umarxodjayevni topshirig'i deb ularni og'zini yumgan deyilyapdi. Umarxodjayev rastrata qil deganiga shubham bor, bu vaziyatdan balki umuman xabari ham yo'qdir.

Hozirda huquq tartibot idoralari vaziyatni o'rganayotgan ekan.

Umid qilamanki, o'rganish davomida barcha holatlarga aniqlik kiritiladi va yuqorida keltirilgan ma'lumotlar rostligi aniqlansa - aybdorlar jazolanadi.

Uzbekistan Airoports vaziyatga oydinlik kiritsa yaxshi bo'lardi.

Shahar bedarvoza emas, jinoyat aniqlansa - aybdorlar jazolanishi kerak.

@gazna1

Auksiondan olib tashlashibdi. 20-dekabrda tugashi kerak edi.

@gazna1

Toshkent tekstil va yengil sanoat institutidan soqqa qilish bo'yicha master-klass.

Institut auksiondan tovar sotib olishga e'lon bergan, e'lon tasnifi xuddi shu tovarni sotish bo'yicha OLXdagi e'londan "Copy past".

Xattoki: "sotuvda 70x70dan 300x300gacha linzalar bor" degan gaplarigacha. Institutda sotuvda bormikan bular?😂😂😂

Rasm ham o'sha, faqat narx farqli. Olxda narx 1200 dollar, auksionda esa boshlang'ich narx 80 million so'm.

Dollar shunchalik ko'tarilib kettimi?🤔

@gazna1

2024-yil 1 oktyabr holatida OTMlarning daromadi, harajati, ko'rgan foyda va zararlari

Toshkent davlat iqtisodiyot universiteti daromad bo'yicha birinchi o'rinda turibdi (623 milliard so'm), harajat bo'yicha ham (471 mlrd so'm).

Lekin foyda chiqarish masalasida Moliya instituti undan bir pog'ona ustinlik qildi (165 milliard so'm). Daromad masalasida 14-o'rinda bo'lgan Moliya instituti foyda ko'rishda birinchi o'rinda ekan.

SamDU va Jahon tillari universiteti eng ko'p zarar ko'rgan OTMlardan biri bo'lib turishibdi.

Bu yerda bir narsani ta'kidlab o'tish zarur, natijalar faqatgina 1-oktyabr holati uchun.

Qaysidir universitet 1-oktyabrgacha kontraktlar to'lovini katta qismini hali qabul qilib olmagan yoki hali ma'lum harajatlarni amalga oshirmagan bo'lishi mumkin. Xulosa qilishga shoshilmaslik kerak. 2025-yanvarida yillik natijani ko'ramiz, bu ro'yxat o'zgararmikan?

Kutamiz, ungacha esa bor ma'lumotni o'rganib chiqishingiz mumkin.

Manba: Oliy ta'lim vazirligi

UPD: ro'yxatda 72ta OTM haqida ma'lumot bor. Lekin ba'zi OTMlarni moliyaviy holati haqida raqamlar yo'q, misol uchun Toshkent transport instituti haqida ma'lumot topa olmadim.

@gazna1

E'tibor uchun rahmat!

G'aznani aktiv olib borishga yana bir motivatsiya va mas'uliyat.

Ko'p ishlar hali oldinda✊

@gazna1

Bizda o'tkaziladigan tenderlardagi ba'zi talablarga logikadan uzoq ko'rinishda ballar qo'yiladi.

Talabni qarang: Ofshor xududda bo'lmaslik, agar bo'lsa chetlatiladi.

Xo'sh, nega ba'zilarga 9 ball, ba'zilarga esa 8? Qaysi logikaga asosan?

Agar offshorda bo'lmasa 10. Ofshor zonada bo'lsa yoki hujat taqdim qilmagan bo'lsa 0 - tamom.

Eng qizig'i texhujjatda shunday baxolanishini tashkilotni o'zi yozib turibdi. Lekin baholashda bunga amal qilmagan. Protokol tasdiqlangan, shartnoma tuzilgan, pul o'tadi - tender maynavozchilik qilib o'tkazib yuborilgan.

Tenderni o'tkazgan tashkilot IIV akademiyasi, transformator podstansiyasini sotib olish, shartnoma narxi - 448 million so'm.

Arzonroq narx taklif qilganlar ham bor, lekin mana bunaqa ballash tizimi sabab yetarli bal to'play olishmagan ehtimol

@gazna1