Yosh huquqshunos protsessualistlar

TDYUda “Yuridik sohada sun’iy intellektni qo‘llash istiqbollari” mavzusida respublika talabalar ilmiy-amaliy konferensiyasi o‘tkaziladi.

2025-yil 26-fevral

https://t.me/fuqarolikvaiqtisodiyprotsess

Кимлар давлат ҳисобидан бепул юридик ёрдам олишлари мумкин?


Ҳар бир фуқаро профессионал юридик ёр­дам олишга ҳақли. Ўзбекистон Республикасининг 2023 йил 18 сентябрдаги “Давлат ҳисобидан юридик ёрдам кўрсатиш тўғрисида”ги Қонунига биноан, фуқароларга давлат ҳисо­бидан бепул юридик хизмат кўрсатиш учун ад­вокатлар жалб этилади.

Фуқаролар давлат ҳисобидан юридик ёрдам олиши учун:

▪️ тўғридан-тўғри адлия органларига оғзаки мурожаат қилиши;

▪️ ёзма равишда адлия органларига мурожаат қилиши;

▪️ e-advokat.uz сайти орқали электрон мурожаат қилиши мумкин.

Мурожаатда қайси турдаги иш бўйича юридик ёрдам сўра­лаётганлиги ҳақида ахборот (ишнинг мазмуни) ва шахснинг паспортга оид маълумотлари (берилган санаси, рақами, ЖШШИР) кўрсатилиши керак.

Қуйидагилар давлат ҳисобидан бепул юридик ёрдам олиши мумкин:

▪️ кам таъминланган шахслар, агар улар:

▪️ фуқаролик ишлари бўйича даъвогарлар ёки жавобгарлар;

▪️ маъмурий ишлар бўйича аризачилар;

▪️маъмурий қамоқ тарзидаги маъмурий жазо назарда тутил­ган маъмурий ҳуқуқбузарликни содир этган шахслар;

▪️жиноят ишлари бўйича гумон қилинувчилар, айбланувчилар, судланувчилар, шунингдек маҳкумлар бўлса;

▪️ руҳий ҳолати бузилган жисмоний шахслар, уларга психиатрия ёрдами кўрсатилаётганда;

▪️ўз ҳуқуқлари бузилган, хотин-қизлар ва эркакларнинг тенг ҳуқуқлилиги бузилганлиги муносабати билан судга мурожаат қилган фуқаролар;

▪️Жиноят-процессуал кодексига мувофиқ жиноят иши бўйича адвокат иштирок этиши шарт бўлган тақдирда, гумон қили­нувчи, айбланувчи ёки судланувчи.


https://t.me/fuqarolikvaiqtisodiyprotsess

Меҳнат низоларини кўриб чиқиш учун судга қанча муддатда мурожаат қилиш лозим?

Меҳнат қонунчилигида якка тартибдаги меҳнат низосининг кўриб чиқилиши учун судга мурожаат қилишнинг қуйидаги муддатлари белгиланган:

ишга тиклаш тўғрисидаги низолар бўйича — ходимга у билан меҳнат шартномаси бекор қилинганлиги ҳақидаги иш берувчи буйруғининг кўчирма нусхаси топширилган кундан эътиборан уч ой;

ходим томонидан иш берувчига етказилган моддий зарарнинг ўрнини қоплаш тўғрисидаги низолар бўйича — иш берувчи зарар етказилганлигини аниқлаган кундан эътиборан бир йил;

бошқа меҳнат низолари бўйича — ходим ўзининг ҳуқуқи бузилганлиги тўғрисида билган ёки билиши керак бўлган кундан эътиборан олти ой.

Бироқ, ходимнинг ҳаётига ва соғлиғига етказилган зиённинг ўрнини қоплаш тўғрисидаги низолар бўйича, шунингдек ходимга етказилган маънавий зиённи компенсация қилиш ҳақидаги низолар бўйича судга мурожаат этишда муддат белгиланмайди.

Якка тартибдаги меҳнат низоларини кўриб чиқиш бўйича судга мурожаат этиш муддатининг ўтиши якка тартибдаги меҳнат низосини медиация тартибида кўриб чиқиш даврида тўхтатиб турилади.

Эслатиб ўтамиз, ходимлар якка тартибдаги меҳнат муносабатларидан келиб чиқадиган талаблар бўйича судга мурожаат этганда суд харажатлари (давлат божи ва почта харажати) дан озод қилинади.


https://t.me/fuqarolikvaiqtisodiyprotsess

Дунёнинг нуфузли “топ-100” олийгоҳларида илмий даража олган 35 ёшгача бўлган ёш олимларга уй-жой учун 10 йил муддатга 800 миллион сўмгача фоизсиз ссуда ажратилади. Нуфузли халқаро фан олимпиадаларида ғолиб ва совриндор бўлганлар учун бир марталик пул мукофоти миқдори 5 карра оширилади.


https://t.me/fuqarolikvaiqtisodiyprotsess

Тадқиқотларни қўллаб-қувватлаш жамғармаси ташкил этилади

Ўзбекистон Республикаси Президенти “Таҳлилий ва тадқиқотчилик фаолиятини ташкил қилиш бўйича қўшимча чора-тадбирлар тўғрисида” қарор қабул қилди.

Жамғарма маблағлари қуйидагиларга йўналтирилади:

— Таҳлилий материалларни тайёрлаш ва тадқиқотларни ўтказиш учун грантлар ажратиш;
— экспертлик, тадқиқотга оид ва бошқа хизматларни кўрсатувчи маҳаллий ва хорижий жисмоний ва юридик шахслар хизмат ҳақи учун тўловларни амалга ошириш;
— ижтимоий сўровлар ва жамоатчилик фикрини ўрганиш бўйича тадқиқотларни амалга ошириш;
— таҳлилчилар ва мутахассисларни ўқитиш ва уларнинг малакасини ошириш;
— илмий-тадқиқот соҳасидаги конференциялар ва бошқа тадбирларни ташкил қилиш ҳамда уларнинг ишида иштирок этиш харажатлариниш.

https://t.me/fuqarolikvaiqtisodiyprotsess

“Яшил оила” мақомини олган оилаларга ҳар йили очиқ танлов орқали 14 та электромобиль берилади

Экология, атроф-муҳитни муҳофаза қилиш ва иқлим ўзгариши вазирлиги (А.Абдухакимов) ва Рақамли технологиялар вазирлиги (Ш.Шерматов) 2025 йил 1 июнга қадар “Бир миллион яшил оила” умуммиллий ҳаракати доирасида қуйидагиларни назарда тутувчи платформани ишга туширсин:

экологик тамойилларни ўзининг кундалик ҳаётига жорий этишда юқори кўрсаткичларга эришганларга “Экофаол фуқаро” мақомини бериш ҳамда улар учун давлат хизматларидан фойдаланишда 10 фоиз чегирма тақдим этиш;
оиланинг барча вояга етган аъзолари “Экофаол фуқаро” мақомини олганда, ушбу оилага “яшил оила” мақомини бериш ҳамда уларга ҳар йили очиқ танлов орқали 14 та электромобиль берилади.

https://t.me/fuqarolikvaiqtisodiyprotsess

20-yilda shaxsi aniqlangan murda, tilxatdagi ortiqcha nol va yosh oilani yarashtirgan rasm: ekspertizalar qanday oʻtkaziladi? Yuridik lokatsiya bu gal X.Sulaymonova nomidagi sud-ekspertiza markazida.

Videoni koʻrish 👉 https://youtu.be/Y31St1OfyZQ

https://t.me/fuqarolikvaiqtisodiyprotsess

⚡️Россия туғилиш даражасини ошириш учун тўрт кунлик иш ҳафтасини жорий қилишни режалаштирмоқда.

Давлат Думаси депутатлари иш ҳафтасини қисқартириш иш ва шахсий ҳаёт ўртасидаги мувозанатни яхшилаш йўли сифатида қаралаётган Япония тажрибасига таяниб, бу ташаббусни илгари сурмоқда.


https://t.me/fuqarolikvaiqtisodiyprotsess

Fuqarolik protsessual va iqtisodiy protsessual huquqi kafedrasi oʻqituvchisi X.Qurbonovaning qonunchilikka takliflari inobatga olingan.


Takliflari asosli deb topilgan fuqarolar bilan uchrashuvlar tashkil etilib, takliflari ularning bevosita ishtirokida muhokama qilingan. Masalan, fuqarolar Iskandar Rasulov va Xurshida Qurbonovaning “O‘zboshimchalik bilan egallangan yer uchastkalari hamda ularda qurilgan bino va inshootlarga bo‘lgan huquqlarni e’tirof etish to‘g‘risida”gi qonun loyihasiga bergan takliflari inobatga olingan va qonun loyihasining 12, 16 va 28-moddalarida aks ettirilgan.


https://t.me/fuqarolikvaiqtisodiyprotsess

Ulushdorlar quruvchini maxsus platforma orqali tekshirishi mumkin bo‘ladi

O‘zbekistonda 1 iyuldan uy-joy qurilishi bo‘yicha elektron platforma ishga tushirilishi rejalashtirilmoqda. Unda quruvchilar loyihasi haqidagi ma’lumotlarni e’lon qilishi kerak.
O‘zbekistonda uy-joylar qurilishi bo‘yicha elektron platforma ishga tushirilishi rejalashtirilmoqda. Bu prezident farmonida nazarda tutilgan.

Qurilish va uy-joy kommunal xo‘jaligi vazirligiga Raqamli texnologiyalar vazirligi bilan birgalikda uch oy muddatda «Shaffof qurilish» tizimi doirasida platforma yaratish topshirildi.

Hujjatda aytilishicha, platforma 2025 yil 1 iyulda to‘liq ishga tushishi rejalashtirilgan.

Ulushdorlarning mablag‘larini jalb qiladigan quruvchilar quyidagilarni platformaga joylashtirishi kerak:

qurilayotgan binoning aniq manzili;
qavatlar, kirish yo‘laklari, xonadonlari va noturar joylar soni;
maydon va unga tutash hudud;
moliyalashtiruvchi tijorat banki to‘g‘risidagi ma’lumotlar;
sotilgan turar va noturar joylar;
loyiha-smeta hujjatlari va ijobiy ekspertiza xulosasi;
qurilishni boshlash sanasi va foydalanishga topshirish muddati;
qurilish holati va boshqa ma’lumotlar.
Elektron platformaga ma’lumotlari joylashtirilmagan obektlar bo‘yicha tuzilgan ulushli shartnomalarga notarial harakatlar amalga oshirilmaydi hamda bunday shartnomalar davlat ro‘yxatidan o‘tkazilmaydi.

Ma’lumotni platformaga joylashtirmagan quruvchilar qonun hujjatlarida belgilangan tartibda javobgarlikka tortiladi.

https://t.me/fuqarolikvaiqtisodiyprotsess