Forish tumani hokimligi

AHOLI TOMORQASI SUV BILAN TA’MINLANADI

✅Forish tumani, 2-sektor hududidagi “Qoraabdol ota” mahallasi og‘ir hududli mahalla bo‘lib, mahallada “Obod xonadon”, “Obod ko‘cha”, “Obod mahalla” mezonlari asosida mahalla infratuzilmasini yaxshilash, mahallani obod maskanga aylantirish va aholiga munosib turmush sharoiti yaratish borasida ishlar amalga oshirilmoqda.

🔰Ushbu mezonlar asosida aholi tomorqasidan samarali foydalanishi uchun oqin suv bilan ta’minlash ham belgilangan.

🔶O‘zbekiston Respublikasi Prezidentining 2024-yil 24-sentyabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risidagi PQ-330-sonli qarori ijrosini ta’minlash maqsadida “Qoraabdol ota” mahallasida aholi tomorqasini suv bilan ta’minlash maqsadida mahallada 4 dona artezan qudug‘i qazish, 3 km uzunlikdagi polietilen quvur orqali suv tarmog‘i tortish, 3 km. ariq betonlashtiriladi hamda mahallada mavjud 2 km. ariqlar betonlashtiriladi.

🔹Ayni kunda “Qoraabdol ota” mahallasida aholi tomorqasini sug‘orish uchun artezan qudug‘i qazish ishlari amalga oshirilmoqda.

Forish tuman hokimligi axborot xizmati.

"KAMBAGʻALLIKDAN FAROVONLIK SARI"

▶️ Forish tuman "Oqtom" mahallasida Muhtaram Prezidentimiz tashabbusi bilan boshlangan Obod xonadon - obod kõcha - obod mahalla mezonlari asosida mahallani obod va koʻrkam mahallaga aylantirish, aholi turmush farovonligini yuksaltirish, mahalla infratuzilmasini yaxshilash borasida ishlar davom ettirilmoqda.

▶️ Ushbu mezonlar asosida vaqtincha ish bilan band boʻlmagan xotin-qizlar bandligini taʼminlash, ularni tadbirkorlikka yoʻnaltirish borasida "Kambagʻallikdan farovonlik sari" dasturi asosida ishlar olib borilmoqda.

▶️ Jumladan, Forish tuman hokimining oʻrinbosari, oila va xotin-qizlar boʻlimi boshligʻi Raʼno Daulanova "Oqtom" mahallasida xonadonma-xonadon yurish orqali sanoat qurilish bank xodimlari bilan xotin-qizlar bandligini taʼminlash, ularni tadbirkorlikka yoʻnaltirish, bu borada tadbirkorlik qilish istagida boʻlgan xotin-qizlarga yaratilgan shart-sharoitlar haqida suhbatlar oʻtkazdi.

▶️ Shuningdek, hovli-joylarni saranjom-sarishta tutish, hovli-joylarni taʼmirlash, tomorqalardan samarali foydalanib, yanada koʻproq daromad olish yuzasidan ham suhbatlashildi.

Forish tuman hokimligi axborot xizmati.

MENTAL ARIFMETIKA AQL-IDROKNI RIVOJLANTIRUVCHI DASTUR

✅ Fan sifatida mental arifmetika bundan ikki ming yil ilgari Yaponiyada paydo bo‘lgan. Bu usul miyaning har ikkala yarim sharini rivojlantirish maqsadida o‘ylab topilgan. Bir qarashda xayolotga yaqindek tuyulishi mumkin, ammo ushbu ta’limning rivojlanishi fantastika emasligi isbotlandi.

✅ Bolalarning aniq bir metodika bilan shug‘ullanishlari natijasida ularning xotirasi mustahkamlanib, diqqatini oshgani, ongdagi turli xil metodik hisob-kitoblarni ishlab chiqarish qobiliyatining tez sur’atlarda amalga oshirilishi, hatto, olimlarni ham hayratiga sabab bo‘ldi.

✅ Joriy yilning 1-2-mart kunlari qo‘shni Qozog‘iston Respublikasida mental arifmetika yo‘nalishida xalqaro olimpiada bo‘lib o‘tdi.

✅ Unda Forish tumani “Bog‘don” mahallasida joylashgan Amir Temur nomli 1-umumta’lim maktabi 1-sinf o‘quvchisi, tumandagi “Garasha” o‘quv markazi mental arifmetika yo‘nalishi o‘quvchisi Ulug‘bek Shukrullayev ham ishtirok etib, o‘z tengdoshlari o‘rtasida super chempionlikni qo‘lga kiritdi.

Forish tuman hokimligi axborot xizmati.